نواره1
إلغاء نهائي
حيرتيني ماني عارف ارد عليج تقلبين الغشمره جد والجد غشمره
وتقولين انا اشيش الشباب عليج !
هذا مو اسلوبي
ومؤسس علم النفس فرويد ياخذ معلومات من الطلبه اللي يدرسهم
مافي احد يعلم بالنفس غيره سبحانه اما انتي تشوفيني غير ملم
بالحاله اكيد غير ملم بحاله ما شفتها ومؤلفه تأليف خرافي
اذا كان المقصود بها الانتباه لبر الوالدين في الف قصه وقصه وحقيقيه
نقدر نستفيد منها اكثر هذا كان قصدي
اما انج تستعرضين عضلاتج من خلال غوغل حتى جدتي تصير خبيره !
انا اكلمج من واقع خبرتي مع حالات تعاملت معها في مجال عملي
وبسبب الاختلاف بالمسميات مره متخلف ومره متأخر ومره ضعيف عقلي
تم دمجها تحت مسمى الاعاقه الذهنيه ووضع نسب لها
واكون شاكر لج وللاخت نواره بما انكم مطلعين بالمراجع والكتب
وغوغل تذكرون لي حاله وحده تم علاجها !
أخي العزيز قلم ....
مو عيب إن الواحد يبحث في القوقل حتى يلم بموضوع ما و يقدر يناقش فيه .... و هذا بحد ذاته نهج يساعد على زيادة المعلومات و التثقيف في معلومه ما ......
و عن نفسي .. ما إطلعت على قوقل عن هالموضوع ..و يمكن ذكرت إني قريت نوعية من هالكتب .. بالتحديد أنا درستهم مو بس قريتهم ...فتخصص دراستي تربية .. و كنا ندرس مواد تميهيدية ما يتعلق بعلم النفس التربوي و الإحتياجات الخاصة وبعض المواد اللي تأهلك في إكتساب معلومات عن الحالات الخاصة و كيفية التعامل معها ..
فكل ما ذكرته الإخت قطرات الندي من التفريق بين المسميات صحيح ..
و إحنا ما قلنا إن فيه حالات تم علاجها .. لأن الإعاقه الذهنية من المستحيل علاجها .. ممكن يتم تحسين بعض حالاتها ... لكن شفاها تماما مستحيل .....
وفيه حالات من الواقع تم زواج معاق ذهنيا بإنسانه سويه و أنجبا .. والعكس ....ولهم ظروفهم بالزواج ....
و إحنا نشوف و نسمع .. و إنت تشوف وتسمع حالات بعينك ... وكلن منا ينقل ما صادف و نستفيد من بعض ...............
و يمكن إنت تشوف إن القصة غير واقعية .. أنا أشوف إنها أقرب للواقع ... وحتى و إن كانت القصة خيالية تجعل الشخص يتمنى يبر بوالدينه ... وقصص بر الوالدين كثيره ..لكن أحيانا فيه قصص تأثر بالنفس أكثر .. و مستوى التأثير مختلف ... يعني ممكن اللي ما يأثر فيك ..يأثر فيني ... و العكس ...
والله يا قلم سمعت و شفت حالات معدومه فيهم الرحمة بوالدينهم والعكس .. و أحيانا نستغرب و نقول لو ما شفنا هالحالة ما انصدق واقعيتها .....
تحياتي لك يا أحلى قلم ...