مبروك لاهالي الفنيطيس بداية العمل في البنيه التحتيه

[Bo Yousif 81]

صبحكم الله بالخير جميعا ،،،
حاطين تحقيق اليوم بالقبس عن تأخر الكهرباء في جارتنا "المسيلة" لو نتبعها بتقرير بو صالح عن الفنيطيس أظن ممكن شوي يضعط على الوزارة، مرفق لكم رابط التقرير.

http://www.alqabas.com.kw/Article.aspx?id=777342&date=11032012

 

[Bo Yousif 81]

حياوي عسى ما شر غاط صارلك فترة ؟!
المرحلة الثانية فيها تطور واضح في الانجاز تعودنا تقرير مصور منك، ولا زعلان على التأخير وما تبي تكلم أحد ؟!

 

[فنان999]

مريت المشروع ولا الأرض خاويه علي عروشها وسألت الحارس يقول الوزارة تنتظر انتهاء المده والي تنتهي شهر 4 القادم وبعدها يعملون مناقصه ....الخ وقولو ما اطولك ياليل
الله يعين

 

[hayawi13]

حياوي عسى ما شر غاط صارلك فترة ؟!
المرحلة الثانية فيها تطور واضح في الانجاز تعودنا تقرير مصور منك، ولا زعلان على التأخير وما تبي تكلم أحد ؟!

بصراحه زعلان على التسيب اللي واصلينه اشلون تبوني ابشركم ان الكربستون واصل و جاري تركيبه مع البلاط الاحمر في ق٧ ٦ ٨ ٥ التابعين لشركه برهان في نفس الوقت شركه بودي مو خالصين تركيب البايبات فأبشركم والا أحبطكم ماراح يكون في تراخيص بناء الا لما تخلص المنطقه بالكامل و سامحونا علي تسيب الاشغال مع بودي اللي أجل أحلامنا

 

[Bo Yousif 81]

بصراحه زعلان على التسيب اللي واصلينه اشلون تبوني ابشركم ان الكربستون واصل و جاري تركيبه مع البلاط الاحمر في ق٧ ٦ ٨ ٥ التابعين لشركه برهان في نفس الوقت شركه بودي مو خالصين تركيب البايبات فأبشركم والا أحبطكم ماراح يكون في تراخيص بناء الا لما تخلص المنطقه بالكامل و سامحونا علي تسيب الاشغال مع بودي اللي أجل أحلامنا

ما تتوقع يكون في ترخيص بناء لبعض القطع اللي خالصه كجزء من حل المشكله ؟!

 

[بوحسن88]

السلام عليكم
شلونكم يا اخوان
للحين ماكو اخبار عن الفنيطيس
ملينا ياجماعه
شنو صار على الكتاب المقدم الى وزير الاشغال

 

[كابتن كويتي]

صبحكم الله بالخير ... شلخبار عسى الامور طيبه ..؟؟

قلت بمر الفنيطيس بعد شوي واشوف شصار عليها .. وان شاء الله ارد لكم خبر
..

 

[كابتن كويتي]

اليوم الظهر مريت الفنيطيس
وللاسف ماكو حركه ومحد ماكلها الا احنا
يا جماعه لازم نتحرك

 

[bu sale7]

السلام عليكم
للحين ما صار شي الوزاره مو راضيه تعجل الأمور
اللي سمعت إن شرط الممارسه الأول اللي راح تقدمه الوزاره أقل مده يعني الشركه اللي تحط أقل مده هي اللي راح تفوز بالممارسه
لكن متى الممارسه الله أعلم
وبالنسبه للصحافه ما صار شي كلمت الشخص اللي متزهل قال ان شاء الله اشوفه لك وللحين ننطر
اذا تبونا نتحرك نتفق يكون واحد منا منسق يحط موعد يتفق عليه الجميع وانا اولكم
شابت لحانا والعيال كبرت ولا فيه احد مهتم فينا
شدو حيلكم

 

[فنان999]

لمحت كأـن في المنطقه شغل بس علي الخفيف
نبي واحد يأكد او ينفي

 

[q8-speed]

يا اخوان مبروك مقدما يوم الاثنين القادم المفروض انه راح تنتهي البنيه التحتيه للمنطقه ولاكن ما اقول الا حسبي الله ونعم الوكيل علي الي اخر المشروع

 

[bu sale7]

لمحت كأـن في المنطقه شغل بس علي الخفيف
نبي واحد يأكد او ينفي

هذا المركز العربي قاعدين يدفنون الاماكن اللي اشتغلوا فيها

 

[bu sale7]

يا اخوان مبروك مقدما يوم الاثنين القادم المفروض انه راح تنتهي البنيه التحتيه للمنطقه ولاكن ما اقول الا حسبي الله ونعم الوكيل علي الي اخر المشروع

لازم نتحرك حتى نستعجل برخص البناء
المسيله بنو من سنتين وللحين ما في طاري للكهربا

 

[ابوفلجة]

السلام عليكم
مريت المسيلة (المسايل) وبوفطيرة والشغل حامي الناس تحفر وتبني
والفال للاهل الفنيطيس

 

[Al-Hamid]

دفن 18 مليون دينار في الفنيطيس​

http://www.almustagbal.com/?p=71445​

 

[q8-speed]

ليش كل هذي السكوت من قبل ملاك المنطقه والله شئ يخوف ولا واحد قدم شكوه او شئ

 

[Al-Hamid]

الطريجي سأل عن بنية الفنيطيس​

http://www.almustagbal.com/?p=74504​

 

[طارق55]

مو بس انتوا

احنا في جابر الاحمد 4 سنين وماكو ماي .. بس تناكر
مع انها منطقه حكوميه والمفروض ان المناطق الحكوميه تكون مؤهله ومجهزه بالكامل

وبالليل مافي اناره تقول داش فلم رعب .. والعمال يتخطرفون بين البيوت

لكن بالنهايه

حال البلد كله واقف بسبب ان الوزير مايقعد في وزارته شهرين الا وهم مستجوبينه وحالين الحكومه بكبرها

البلد واقفه بسبب الاحوال السياسيه الغلط الي عندنا

 

[كابتن كويتي]

ما اقول غير الله يصبرنا

 

[q8-speed]

يا اخوان رحت وزارة الاشغال اسئل عن البنية التحتية لمنطقة الفنيطيس والمصيبه يقولون ما نعرف عنها شئ