مبروك لاهالي الفنيطيس بداية العمل في البنيه التحتيه

[Bo Yousif 81]

ابرك الساعات اللي نشوفك فيها يا بو صالح انت وباقي الاخوان

 

[barbarian]

الصراحه منطقه استراتيجيه وموقعها وايد حلو

يا بخت اللي شاري فيها

 

[q8-speed]

نتشرف بمعرفتكم يا جيران وعسي الله يسهل الامور ان شاء الله

 

[q8-speed]

بوصالح نبيك تترشح بمجلس الامه وتطرح قضية منطقة الفنيطيس علي وزاره

 

[hayawi13]

بوصالح نبيك تترشح بمجلس الامه وتطرح قضية منطقة الفنيطيس علي وزاره

ان أرشحك لمختار المنطقه مجلس آلامه قويه شوي

 

[كابتن كويتي]

صبحكم الله بالخير
ومشكورين على الاخبار الطيبه

وصراحه لي الشرف اتعرف على جيراني

 

[ابوفلجة]

شكر خاص لجميع الاخوان
ولا تخافون الشغل ماشي واللي ما جهز مخطط للبيت اقولة من اليوم روح شوفلك مكتب هندسي

 

[q8-speed]

كل عام وانتم بخير هل تتوقعون هذي السنه راح نبني او لا ؟؟؟؟؟

 

[Bo Yousif 81]

2012 سنة بنايان ان شاء الله

أمس مريت المنطقة ولقيت المركز العربي ابتدو شغل بالمنطقة ومثل ما قال بو صالح بالكثير 10 شهور ويخلصون بإذن الله

 

[الدينار]

السلام عليكم ؛
اليوم رحت لمهندس المشروع في الشاليهات اللي بقطعة 2
وأفاد بأن الشركة بلشت الشغل ولكن بشكل طفيف الي حين رد وزارة الأشغال
بالموافقة النهائية لاستئناف المشروع
والمتوقع مع بداية شهر يناير يحصلون علي الموافقة
وسألته اذا بلشو بالشغل شهر يناير كم يبيلهم عشان ينتهون
يقولي ان شاء الله سنه ونصف علي ابعد تقدير لان المشروع متأخر وااايد

ليش هالتأخير سنة ونص صراحه واجد السبب ومنو اللى يتحمل غير المواطن اللي يبي يسكن

 

[vette]

ليش هالتأخير سنة ونص صراحه واجد السبب ومنو اللى يتحمل غير المواطن اللي يبي يسكن

كل عام وانتوا بخير
مهندس المشروع يقول علي ابعد تقدير
يعنى من 18 شهر ونازل
يعنى يمكن 12 شهر
وان شاء الله 10 شهور واقل
والحمدلله بدا الشغل في قطعة واحد اليوم الظهر شفت الاليات شغالة

 

[bu sale7]

السلام عليكم

بالفعل بالامس انا مريت المنطقه وشفت الشركه شغاله بقطعه 1

 

[bu sale7]

الصراحه منطقه استراتيجيه وموقعها وايد حلو

يا بخت اللي شاري فيها

مشكور اخوي والله يوفقك

عندك ارض بالمنطقه

 

[bu sale7]

شكر خاص لجميع الاخوان
ولا تخافون الشغل ماشي واللي ما جهز مخطط للبيت اقولة من اليوم روح شوفلك مكتب هندسي

يا هلا بو فلجة من طول الغيبات جاب الغنايم

الحين نبي اخبار الكهربا

 

[bu sale7]

ليش هالتأخير سنة ونص صراحه واجد السبب ومنو اللى يتحمل غير المواطن اللي يبي يسكن

هلا أخوي الدينار

التأخير حصل المهم الحين يكون في جديه بالشغل ويخلصون قبل لا تنتهي السنه

أنا سألت مدير المشروع قال نهاية إكتوبر يسلم المشروع

 

[bu sale7]

المهم يا اخواني بداية الصيف القادم ان شاء الله شنو رايكم نسوي حمله للمطالبه بترخيص البناء

يكون في ذاك الوقت الشركه ركبت الارصفه ان شاء الله

ونطالب بتفعيل قرار مجلس الوزراء باستثناء بعض المناطق بالكويت من اكتمال البنيه التحتيه واللي من

ظمنهم منطقتنا

ابي رايكم ومن يبادر بالموضوع

 

[فنان999]

والله بوصالح انت وايد متفائل
اليوم مريت المشروع لقيت بعض الآليات تشتغل لكن مبين الإنجاز جدا بسيط

واذا مشو على هذا الحال بييلهم سنين على ما يخلصون
سبحان الله هذه الشركه من البدايه شغلها بطيء وإنجازها بسيط
وعندي قناعه ان ما راح يتعدلون
مثل ذيل الكلب الله يعزكم ما يتعدل مهما تسوي
تحياتي

 

[q8-speed]

up up

 

[q8-speed]

السلام عليكم يا اخوان نبي نسمع منكم الاخبار جزاكم الله خيررررر

 

[كابتن كويتي]

صباح الخير .. شلخبار ماكو شي جديد يااخوان ؟؟؟