شباب ابي احد يفيدني
اسعار الأراضي قطعه 5 بالمسيله بطن وظهر على 200 الف دك
كأنه الأسعار انفجرة مره ثانيه
شنو سبب
نبي احد يفيدنا فيه اقبال على هالأسعار
اسمع الكل يقول فيه نزول بس العروض تقول غير
( اللهم ارحمنا برحمتك الواسعه وارحم المؤمنين والمؤمنات الأحياء منهم وجميع الأموات )
السلام عليكم
دينار كو اشلونك
اعرف شباب في فهد الاحمد صارلهم مده يسولفون عن الاسعار عندهم
وشلون طارت مو مصدقين وكانوا بين الحين والاخر يسالون عن اسعار
شرق القرين لان عندي ارض يعتقدون اني اعرف الاسعار صراحه اتحاشى
اعطيهم اسعار فدائما اقولهم روحو للمكاتب العقاريه ومن هالاشخاص
ناس عندهم فكره ولهم علاقات مع اصحاب مكاتب لكن يسالني مثل ما
ذكرتلك بالاول
المهم اليوم بالذات كانت اسالتهم كثيره عن شرق القرين واشوف البعض
صار يذكر عيوب في منطقته فعرفت النيه واذكرو ان فلان عارض قسيمته
ويبي يشتري بالمسيله
طبعا هذي فهد الاحمد وما ذكرتلك اللي باعو في عبدالله المبارك وشرو
بالمسيله واللي باع باشبيليه وشرى بالفنيطيس واللي بشمال غرب
الصليبيخات يقول متى يفتحون مجال البدل وقاعد يسالني عن الفنيطيس
طبعا هذولا ناس اعرفهم
وسامحونا على الاطاله
