شركة الشبكة القابضة - الشبكة - 648 ..... الجزء 4

[حفار قبور]

حجي ديلر عطنا الاخبار تراك ونستنا

ثلاثة أرباع خسايرنا كانت بسبب ناس عندهم أخبار ونستنا

 

[هده خله يتحدي]

ثلاثة أرباع خسايرنا كانت بسبب ناس عندهم أخبار ونستنا

انا اشهدددد

 

[makaveli]

حلم؟ تحلف على حلم؟

 

[الفهلوي]

والله العظيم سهم الشبكة مطلوب 100 مليون حد اعلى بسعر 110 فلس

والله على ما اقول شهيد .

امسي عليكم بالخير جميعا وآسف اذا تاخرت عليكم بالرد ,,,

اول شي عندي خبرين خبر حلو وخبر مو حلو ,,,

الخبر اللي مو حلوو أن اللي قلته كان حلم والله ,, وكان حلم روعه وحبيت تشاركوني بحلمي.

الخبر الحلو ان انا الحمدلله احلامي اغلبها تحقق .

وسلامتكم.

الله المستعان

هذه سقطة لم تكن لأمثالك للأسف

حلف بالله وايهام اخوانك بأمر يهمهم وينتظرون اخباره بفارغ الصبر

ثم يكون اخرتها حلم قد يصدق وقد يكون اضغاث احلام

لم اتمنى ان يكون منك هذا الامر يا اخي الكريم


الله يسامحه فقد جرحت مصداقيتك عندنا






الفهلوي​

 

[عزيز نفس]

افا ياديلر سقطة قوية منك

بس لو كنت مو حالف بالله وتقول علي مااقول شهيد

بس ماالومك يا ديلر الشبكة سوت فينا الهوايل

 

[حفار قبور]

ما عليه بو عبدالمحسن

أحلام وردية بإذن الله

بس لا تاكل باچة بوقت متأخر

 

[رجل المال]

ما الومك يابوعبدالمحسن ومن حقك تحلم وتفرح بعد للإن الحاله صعبه
بس مجلس ادارة الشركة هي الي خدعتكم واوهمتكم بإن كل شيئ بخير والوضع راح يتحسن
والقصص الي سمعتوها من مجلس ادارة الشبكه الجديده المزيفه للواقع والحقائق

الحين عرفتوا ليش بوعبدالمحسن وغيره قاعدين يحلمون ويتخيلون ويهلوسون كل من الوهم والقصص والأخبار المزيفه وابر التخدير من مجلس ادارة الشبكه

وبالأخير ما الومك يابوعبدالمحسن اللوم والعتب على مجلس ادارة الشبكه المخادعون والمزيفون للحقائق زارعون الأحلام الورديه في عقول المستثمرين والمساهمين

حسبي الله ونعم الوكيل

 

[abo noof]

مافي احلام جديدة

 

[مليونير بعد سنه]

يبه حلم حلم حلم

 

[رجل المال]

لاحول ولا قوة الا بالله
حسبي الله ونعم الوكيل
ان لله وان اليه راجعون

 

[مضارب بلا حدود]

الله يصبركم انشاء الله

 

[رجل المال]

اظاهر ما عندك شي تقوله يا بندر العنزي وخلصة الأخبار والقصص الوهميه وحتى المساهمين صار عندهم مناعه من البنج الي كنت تعطيهم بس نبي نعرف شنو آخرتها معاكم

لا حول ولا قوة الا بالله
حسبي الله ونعم الوكيل

 

[حفار قبور]

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

 

[رجل المال]

الأخوان في مجلس ادارة الشبكه يبون يرفعون قضيه على ادارة السوق يعني فوق شينهم قواة عين والله حاله انتوا حلوا قضاياكم بالأول بعدين رفعوا قضيه ههههههههههههههه

ولا تقول مستثمر سعودي هااااااااااااااااا ؟!!!!!!!!!!!!!!!

 

[عزيز نفس]

يااخوان يامشرفنا فهلوي

الحقونا شوفو شنو موضوع الشبكة وشصار عليها

ياريت تكلم بندر الظفيري وتشوف اشصار تري تعبنا وياهم

 

[ziad922]

يااخوان يامشرفنا فهلوي

الحقونا شوفو شنو موضوع الشبكة وشصار عليها

ياريت تكلم بندر الظفيري وتشوف اشصار تري تعبنا وياهم

ليش ما تكلمه انت مو تقول انك اتعرفه وتكلمه دايمن في التلفون وله الحين ما تعرف تلفونه

 

[عزيز نفس]

ليش ما تكلمه انت مو تقول انك اتعرفه وتكلمه دايمن في التلفون وله الحين ما تعرف تلفونه

منو قال اعرفة انا بس كنت ادق علية تلفون بعض مرات يرد وبعض مرات مايرد

والحين خزن رقمي وصار مايرد علي

 

[shamakmak]

ليش ما تكلمه انت مو تقول انك اتعرفه وتكلمه دايمن في التلفون وله الحين ما تعرف تلفونه

ماتنلام يا زياد ادري ان خسارتك في الشبكة ما تشيلها البعارين ، لكن ما تضيق الا وتفرج !!!!!!!!!!!!!

وسع صدرك ياخوي زياد كلنا بمركب واحد ،

 

[SAM7]

وأخرتها يا مجلس الأدارة ........ إذا كنتم أصحاب حق كما تدعون فأبواب المحاكم مفتوحه ، وترا سكوتكم بهذا الشكل يعطي أنطباع آخر عنكم .

 

[مليونير بعد سنه]

ثق تماما ان اغلب الشركات ماتبي تحل مشاكلها في هذا الوقت من الزمن

كلهم يدورون الرخا والامور الطيبة حتى يلمعون ويعدلون اوضاعهم

الكل خايف يدخل في السوق في هالاوضاع

محد راح يربح لا الشراي الجديد

حتى الملاك الرئيسيين خسرانين