شركة الأبراج القابضة ش.م.ك.مقفله ((أبراج))

[alkohejy]

صديقي بوفيونة هل هذا الخبر الى كنت تبي تتاكد منه امس؟

أحنا نبي نفهم على الأقل بيان سلبي ولا إيجابي ؟!

 

[bluesoft]

أحنا نبي نفهم على الأقل بيان سلبي ولا إيجابي ؟!

صديقي في كل الاحوال البيان سلبي لكن مجرد اعلانهم عن البيانات الماليه في حد ذاته ايجيبي عشان ما يوقفون السهم عن التداول.

 

[بوفيونة]

شنو الإعلان بارك الله فيك ؟

الكلام اللي وصلني من الشركة إن البيان راح يكون بخصوص تأخر الميزانية عدة أيام على مايخلصها مكتب التدقيق.

 

[troy1]

الكلام اللي وصلني من الشركة إن البيان راح يكون بخصوص تأخر الميزانية عدة أيام على مايخلصها مكتب التدقيق.

وهالشي من صالح السهم ؟

 

[alkohejy]

الكلام اللي وصلني من الشركة إن البيان راح يكون بخصوص تأخر الميزانية عدة أيام على مايخلصها مكتب التدقيق.

مشكور

 

[bluesoft]

الكلام اللي وصلني من الشركة إن البيان راح يكون بخصوص تأخر الميزانية عدة أيام على مايخلصها مكتب التدقيق.

وهل هذا سيعفي السهم من التوقف عن التداول بارك الله فيك؟؟

 

[بوفيونة]

يعتمد على محتوى البيان !

 

[بوفيونة]

وهل هذا سيعفي السهم من التوقف عن التداول بارك الله فيك؟؟

اذا الإعلان فيه البيانات الأولية للنتائج السنوية ماراح يوقف. بس اذا مافيه إلا موضوع التأخير فهذا راجع حق إدارة البورصة. عموما يا جماعة لا تاخذون بكلامي بخصوص الإعلان إلا لما تشوفونه بعينكم على شاشة الإعلانات. والله كريم انشالله.

 

[aboshja3]

انا من ناحيتي بعت صج خسران بس ريحت بالي نشوفكم بسهم ثاني وحظ اوفر

 

[bluesoft]

تصريف واضح يا اخوان 100% على 27.5

 

[اعلامي]

تصريف واضح يا اخوان 100% على 27.5

يا ساتر

 

[اعلامي]

ابراج مثلث متماثل

مقاومة 28.5 فلس

اختراق للاعلى هدف اول 32 فلس .... هدف ثاني 47 فلس

كسر للاسفل هدف 14.5 فلس

 

[$بوجاسم$]

لو في اعلان راح يكون بعد التداول هذا شيء معروف من هالمجلس الي امتابع هالسهم من زمان يعرف انه اي خبر من هالشركه يكون بعد التداول ........

 

[راس مالك]

بارك فيك اذا هناك قنبله فى الطريق يافوق ياتحت الله يرزق الجميع

 

[الوطنيه]

الكلام اللي وصلني من الشركة إن البيان راح يكون بخصوص تأخر الميزانية عدة أيام على مايخلصها مكتب التدقيق.

يعني اليوم راح يكون آخر يوم تداول !!!

 

[bluesoft]

لو في اعلان راح يكون بعد التداول هذا شيء معروف من هالمجلس الي امتابع هالسهم من زمان يعرف انه اي خبر من هالشركه يكون بعد التداول ........

وانا أؤيدك في هذا الرأي

 

[$بوجاسم$]

بس فعلا صانع هالسهم او مادري منو يعني حاطله دعم على 24 فلس اهو من غلاة السهم الي حاط 4 ملايين على ال24 فلس لو بنيتك شي شيل المعروض كله 6 ملايين كله 180 الف دينار شيلهم وصكر على السهم خله يروح فوق اشوي يا البخيل....

 

[$بوجاسم$]

تطلع فيه يا صانع السهم لو اتشيل المعروض كله ..........

 

[Navigator]

حياك الله بين اخوانك وان شاء الله تفيد وتستفيد

القانون يعطي مهلة 90 يوم من بعد نهاية السنه المالية

يعني عندها لغاية 31\1

هذا خبر ايقافها السنه اللي فاتت للتأكيد

بورصة الكويت 01/02/2009
أعلن سوق الكويت للأوراق المالية انه قد تم وقف التداول بأسهم شركة الابراج ‏ القابضة اعتبارا من اليوم الاحد الموافق 01-02-2009، وذلك لعدم تقديم ‏ البيانات المالية السنوية للسنة المالية المنتهية فى 31-10-2008، فى الموعد ‏ المحدد لذلك.‏

للرفع

 

[9hbhb9]

مبروك ياشباب بعت اليوم بخساره 4840دينار
بس والله ارتحت من الهم وتفكير وشريت راحتي والله يعوض علينا وعليكم
وزدتهم شوي وشريت المستثمرون
لان يوم الاحد سوف يكون اخر يوم تداول اذا الشهر 31 والاثنين 1-2-2010 سوف يكون ايقاف السهم لان الشركه تاريخها اسود في الاعلان عن البيانات الماليه كله تتاخر