شركة كي جي أل لوجستيك 658 ((لوجستيك)) ....... 1

[3lgm]

الأماية الرابطة اليوم وضعها سيء , وأنا من دشيت على لوجستك عيني على الرابطة , في تصوري أي هزة لازم تتخلص من لوجستك , لأنها ما راح تتحمل جني أرباح قوي .

 

[3lgm]

هذا وفي رأيي مازال في الفلم بقية الأسبوع الجاي ما قبل قفال السنة .

 

[علي يحيي]

كويتي اشفيك شايل علي
السهم عنده عقود مستقبلية
وامس انا بعت وذكرت هذا
واليوم حاولت ادخل لكن ما قدرت بسبب
صعود السهم الى 228
ملاحظه: تداول اللى حصل اليوم يبين خروج جميع المضاربين
والله يوفق ملاكه منهم الصناعات يعني راح يدخل في ارباحها الربع الرابع

 

[كويتي2006]

بو حسين انت كلامك غريب عجيب

اليوم السهم نزل ليش ما شريت ما دام ضامن صعوده وعقوده


بعدين سالفة العقود المستقبلية

تره انا قبل اشوي امكلم شخص يعرف احد الملمين بشاط الرابطة ولوجستيك وتنظيف ، وقالي ان لا اكو عقود ولا بطيخ

حتى قال ما ادري منو يصعد السهم الحين

انا شخصيا اخف السالفة من مضاربين

واما الملاك فمالهم شغل الحين

او ممكن في شي صاير وصاحبي مو يدري عنه

شي سري يعني ما يعرفه الا الملاك فقط

ويمكن شي سري حيل حيل ما يعرفه الا شخص واحد

عموما الوضع يخوف

وانا سألت واستفسر وايد وما حصلت طمئنينة حتى 1% على سالفة وجود عقود

فحجي بوحسين انت عضو جديد وبديت تعلق بوقت الصعود
لا وبايع اسهمك بعد

يعني شلون باقتنع بكلامك

لا والمشلكة سهم الراطبة وتظيف حد ادنى اليوم

ولوجستيك نقذ الموقف بالصفقة الأخير الي اهي تعتبر تسكيرة وهمية


وتقول طلعوا المضاربين

ليش ما يكون اليوم يوم التصريف العالمي واتنهى الفيلم

لوجستيك الي يوميا اذا بيعرض حدخ 10 الاف سهم ، اما اليوم فوق المليوم باعوا

يعي شنو نفهم منه


عموما

وهم عاش بوعادل

لا تسوون نفس سالفة منا قابضة من 300 فلس لي 1980 فلس

 

[علي يحيي]

كويتي حاط علي حطه
يبه البيع والشراء امر شخصى
وانا ما قلت لك بيع او اشتري

لحظه شفت اعلان قبل سنه راح احطه لك من بورصة الكويت لحظه ادوره واعرضه لك

 

[علي يحيي]

حصلته شوفه :

تاريخ الاعلان 5-1-2009
11:3:10] ِ.شركة زميلة ل(الرابطة) فازت بعقد مع الجيش الامريكي ‏
يعلن سوق الكويت للاوراق المالية انه قد ورد الية الان من شركة رابطة الكويت
والخليج للنقل (الرابطة) بان شركة كي جي إل لوجيستيك (شركة زميلة بنسبة
ِ45,9%) قد فازت بعقد مع الجيش الامريكي لمدة 5 سنوات بمبلغ 6,000,000 دولار
امريكي سنويا .‏
http://www.kuwaitse.com/PORTAL/A/History/ShowNews.aspx?MODE=DISPLAY&TM=;3:&DT=2009.01.05

 

[علي يحيي]

5 سنوات على 6 مليون يعني جم يطلع يا كويتي ممكن تحسبها

 

[كويتي2006]

اممممممممممممممممممم

 

[طنش تعش]

هذا وفي رأيي مازال في الفلم بقية الأسبوع الجاي ما قبل قفال السنة .

كفو والله .... يا صايدهم يا علقم .

 

[Q8 Stock]

شمعة اليوم خطيرة

اللي يبي يدخل على السهم
يحط لك سعر ايقاف الخساره دون تردد

لكن كمية التداول مليون و800 الف سهم
من اصل 200 مليون سهم (كم الكمية الممسوكه او كبار الملاك)
كميتها تعتبر قليل مع الاسهم المصدره
اما مقارنتها مع الفترات الماضية تعتبر مرتفعه

منو هذا اللي قاعد يطلع من السهم..!!!

مع الارتفاعات التي يشهدها سهم شركة كي جي ال لوجستيك « لوجستيك» منذ إدراجه في السوق في 8 الجاري. ونمو سعره السوقي بنسبة 100 % من 118 فلسا إلى 228 فلس. تبين خروج شركة الصناعات الوطنية القابضة من كبار ملاك السهم بعد ان كانت تستحوذ على 5.1 %.

http://www.indexsignal.com/vb/showthread.php?p=2601290&posted=1#post2601290

 

[3lgm]

مع الارتفاعات التي يشهدها سهم شركة كي جي ال لوجستيك « لوجستيك» منذ إدراجه في السوق في 8 الجاري. ونمو سعره السوقي بنسبة 100 % من 118 فلسا إلى 228 فلس. تبين خروج شركة الصناعات الوطنية القابضة من كبار ملاك السهم بعد ان كانت تستحوذ على 5.1 %.

http://www.indexsignal.com/vb/showthread.php?p=2601290&posted=1#post2601290

لا إله الا الله ما شاء الله لا قوة الا بالله , لا بعدين تقول صكوني عين ربع لوجستك.

 

[Q8 Stock]

هههههههههههه

واضح اخوي علقم
السهم توه مدرج
وفي طلب عليه
اكيد اللي يصرف الملايين واحد من اربع الملاك اللرئيسين (في شركة تملك 4.1% حسب تقرير الجمان)

 

[كويتي2006]

استاذنا شنو تقصد يعني راح يصير باجر

هل نزووووووووووول خلاص

يعني هل الصناعات اهي الي كانت اتصعد السهم علشان تبيع ولا شنو

 

[علي يحيي]

استاذنا شنو تقصد يعني راح يصير باجر

هل نزووووووووووول خلاص

يعني هل الصناعات اهي الي كانت اتصعد السهم علشان تبيع ولا شنو

امس كنت راح اكتب لك يا كويتي عن اللى كان قاعد يصرف لكن انت عرفت ههههههههههههه
بالنسبه الى الصناعات محتاجه الكاش السبب هو اطفاء بعض الخساير

 

[Q8 Stock]

اخوي كويتي
الكمية اللي انباعة منذ ادراج السهم 7.420.000 مليون سهم
اي ما يعادل 3.71% من كمية الاسهم المصدره المقدره بـ 200 مليون سهم

الصناعات قللت نسبتها تحت 5%
ولكن لم تخرج منها

 

[كويتي2006]

وحسين تره المشرف سبقك بالخبر هههههههههههه

لا تسويلنا سوالف كنت بقول وكنت ناوي اكتب

بس بوحسين تتوقع بعد خروج الصناعاتهل السهم انمسك اكثر وراح يكمل او شنو تحليلك

وهم تتوقع منو شرا هل 7 مليون

لا يكون انا وانت

 

[3lgm]

وخلص فلم لوجستك , الحمدلله على السلامة.

 

[كويتي2006]

بس تره السهم عدل اخر لحظة


اقول يا اهل الخبرة

انا بعت اليوم بسعر 118 والحمد لله طلعت بربح

هل قراري سليم ولا كان المفروض امسك السهم

بعني برايكم السهم في صعود اكثر واليوم تخريعة ولا خلاص انتهى فيلم الصعود

يعن البيع أأمن بمثل هذه الحالات ولا لا

 

[3lgm]

والله يا كويتي 2006 المفروض ما تبيع إلا ليمن يكسر السهم ترنده الصاعد أو عند مقاومة قوية , لكن هذا السهم ماله ترند ولا مقاومة , ترنده صاعد لي فوق تقول أيرل تلفزيون مال قبل , أنا كانت عيني على الرابطة ناطرها تكسر لي تحت علشان أبيع , السلامة غنيمة الحمدلله على السلامة .

 

[marvel]

السهم يخرع .. والدخول فيه بعد كل هالصعود فيه مخاطرة عالية

لكن من وجهة نظري الملاك الرئيسيين يبونه يستمر في الصعود الى آخر يوم في تداولات السنة .. لتجميل البيانات المالية