دورة المؤشرنت للتحليل الفني
50 دينار كويتي
بعد السلام عليكم ورحمة الله
انا ما شاهدة جرئه لشباب متسكع كما اشاهدها بالكويت
تخيل وانت في مكان سياحي بالكويت تجيك ام ومعها بناتها تستنجد فيك تقول فكني من هالشباب وتحرشاتهم والمشكله ان الام خليجيه جايه للكويت سياحه تقول هذي ماهي الكويت اللي اعرفها من صعوبة الموقف اللي كانت فيه
واانا اقولها بكل مراره هناك جرئه غير طبيعيه عند الشباب في التحرش بالعوائل
والسبب واضح عدم وجود رادع
يعني نقدر انقول انا وصلنا لمرحله نقول لشباب تحرشو بس بأصول
اذكر واحد كان يغازل في مستشفى ولما صارت المشكله علق عليه احد الموظفين قال يا اخي عند شارع الخليج شجايبك المستشفى
للعلم فقط لا يوجد قانون واضح يردع هذه الظاهره
قبل جم يوم كنت في سنتر بوينت ومعاي ولدي الكبير ( ناصر ) الله يخليه لي ويطول بعمره ...
لقيت ولد عمره تقريباَ 16 سنه يدور سلاسل والخيوط إللي تنربط على معصم اليد ...
والمشكله شكله بدوي ...
هذا وين أهله عن لبسه وين أخوانه عنه ... قاموا يقلدون الأجانب تقليد أعمى ...
موضوعك مهم اخوي يــاسر و جدا مأسف و وصل مرحله ما بعد الخطوط الحمرا ،
يا أخي انا واحد من سكان المناطق الداخليه ( احد المناطق المعروفه التي تطلع على الدائري الثاني ) ، قمت العن اليوم إلي الشخص سمى فيه هالشارع شارع الحب ..!!
يا جماعه والله تعبنا من الامور ، قسما بالله اني لا طلعت مشوار و خصوصا ايام الاجازه على ما اوصل البيت بالفيحا ، والله اني اخذ وقت كأني رايح الدوحه ، بسبب الزحمه و السرعه من هالشباب و الحوادث إلي تصير بهالشارع و اخذ يا التأخير ، غير تأخير الزحمه يصادفك تأخير الحوادث ،
للأسف ما يسمى بشارع الحب و شارع الخليج صار شارع ( جناقل ) للأسف يتوافدون للهشارعين جميع شباب محافظات الكويت إلي يسوى و إلي ما يسوى ،،
لي درجه وصل الامر إلي حد الانفجار ، الكل يبي يتحرش في بنات خلق الله ، الكل يبي يرقم ، الكل يبي بنت ، الكل صار ما يستحي ، الامر تعدى الجرأه و بقوه ،
و المشكله سكان هالمناطق كلهم عيال ناس معروفه و ناس مناصب ، و إلي يتحشرون في بناتهم جناقل بكامري ولا هوندا و البنت راكبه اقل شي بورش كاريرا ، و غصب طيب يتحرش ....!! و أخذ السرعات و المناورات بالشارع على بنت بالسياره ابوها صاحب شركه على اقل تقدير ،
للأسف اصبحت سمعة الشارعين ليس بالكويت بل خارج الكويت ، شباب من دول خليجيه يتوافدون لهلشارعين للمغازل و التحرش في بنات خلق الله ..!! و كأنك بنات عيال شوارع ،،
والله برأي الشخصي اعتبر هذا بلاء و مرض من الله على بعض شبابنا إلي ما يستحي و للأسف اغلبيه الشباب ،
والله لي جار رجل منصب بالدوله و من عائله معروفه يسولف لي و حسرات الندم و الألم اشوفها على وجهه ،
سالفته ، قمت اتخيل أني بداله و احط نفسي بموقفه ، جارنا مسكين بنته ما صارلها 3 ولا4 اشهر مطلع لها ليسن توها صغيره وهي بنت ناس و محترمه و ابوها شخصيه نعرفه و معروف من عائله كبيره ، يوم من الايام يتصادف معاها وهو طالع من البيت هو طلع بسيارته وهي بسيارتها مع اختها الصغيره ،
و طبعا خروجهم من الفيحا طبيعي على شارع الدائري الثاني ( شارع الحب) المسكين صادفته بنته بسيارتها جدامه و هو وراها و يمشي ، و يشوف سيارتين يلاحقون بنته وهو على نياته مستغرب ، لين وقف عند بنته بالشارع عند الاشاره و صار يلكمها من الدريشه و يسألها شفيج عسى ماشر بنتي شصاير ،
تخيل بكل وقاحه ، ييلك واحد من هالكلاب اعزك الله يقول للابو ( انت يا الشايب روح بعيد انا لاحق البنت قبلك ) ..!! والله وهو يسولف لي اشوف نظرات الألم و الحسره بوجهه ..!! للأسف والله ..
و بنته تقوله يبا هذا شي عادي يوميا يحصل معاي بكل وقت ، الله يرضه بهالكلام ؟؟!!
والله شي مخزي ، يااخي هني بالكويت جرأه اكثر من الرهيبه بهذا الموضوع ،
انت شدخلك بينهم ، و اخص بالذكر ابناء المناطق الداخليه ( المنصوريه - الدعيه - القادسيه - الفيحا - الضاحيه - العديليه - كيفان - النزهه - الشاميه )
ليش ملاحق بنات خلق الله ، وخصوصا إلي ساكنات بهالمناطق بحكم الروحه و الطلعه و الدخله و مرورهم بهالشارع ..!!
ياخي بنات عوايل محترمه و عيال جخ انت شكو ملاحق فيهم ..!! هي كل يوم تكشخ بسياره اخر موديل وانت طرق الهوندا ولا التيوتا ليش مأذيها وحاشر نفسك غصب ..!! تعبت و انا اشوف هالمناظر كل يوم جدامي ، عيب والله عيب ،
ولا يعني كل بنت تشوفها مو متحجبه خلاص تصير عندك عاهره و العياذ بالله .. المشكله خلاص صارت عاده عند اغلبيه الشباب تقريبا مثل الادمان ، اذا ما يروح يتحرش في بنات خلق الله ما يرتاح ،
الحين اخوي حلها مالها حل ، إلى تاخذ حقك بيدك ، ولا هني خلاص سايبه بالكويت ، هذاك اليوم يطلعلي احد المذيعين بقناة مرينا اف ام من غير ذكر اسم المذيع ( المايع ) ، على بنه اجازه الاسبوع يقول ( يله شباب روحو طلعو استانسو الجو حلو طلعو قزو ) ...!! هذا يبين لك ان الموضوع خلاص اصبح عادي جدا ،
والله اخوي ياسر الكلام وايد ما يخلص بهالموضوع ، باستثناء ملابس البنات و حركاتهم ،
السلام عليكم الموضوع جدا ما ينسكت عليه كلش ونبي وقفه جاده مع الاعضاء المجلس
و المشكله سكان هالمناطق كلهم عيال ناس معروفه و ناس مناصب ، و إلي يتحشرون في بناتهم جناقل بكامري ولا هوندا و البنت راكبه اقل شي بورش كاريرا ، و غصب طيب يتحرش ....!! و أخذ السرعات و المناورات بالشارع على بنت بالسياره ابوها صاحب شركه على اقل تقدير ،
اخوي لا تجمع كامري ولا هوندا تقول جناقل احترم اللي اقل منك مستوى المعيشه [/size]
والله برأي الشخصي اعتبر هذا بلاء و مرض من الله على بعض شبابنا إلي ما يستحي و للأسف اغلبيه الشباب ،[/SIZE]
اممممممممممممممم اغلبيه امممممممممممم شلون اخوي يعني كل من مره علا عالشارعين المذكورين سلفا بكامري ولا هوندا ( عاد احسن سيارتين سياراتنا كلها تيوتا) يطلعون بنظرك جناقل [COLOR="SandyBrown"]
تكشخ بسياره اخر موديل[size="5"] وانت طرق الهوندا ولا التيوتا ليش مأذيها وحاشر نفسك غصب ..!! تعبت و انا اشوف هالمناظر كل يوم جدامي ، عيب والله عيب ،[/COLOR]
ما ادري اخوي شفيك
على اللي يركب الكامري الكامري والهوندا . الشباب يضبطون حتى عزكم الله علا حنطور يمعود خل عنك اعيال الجخ والداخليه اجمع الكل من غير استثناء اخوي ولد الفيحاء[/SIZE]
قواك الله، قلت كل اللي ابي اقوله، فعلا هذا بالضبط اللي حاصل
الله يهداك، النخوة موجودة ان شاء الله لكن موجودة عند النخبة فقط لان اللي عنده ذرة نخوة ما ينزل من كرامته وكرامة اسرته ويقل ادبه على المجتمع، ممارسات هالاشكال بالنهاية تطلعهم من فئة النخبة وتنقلهم الى اسفل فئة في المجتمع، واللي منهم من استشهدت فيهم في مقطع السيل.
والغلط برايي انك تقارن بالاسوأ وتقيس على مثل هالمقارنة، يعني اذا بنمشى على طريقتك، راح نقول ان اللي يغازل ويضايق العوايل في الشارع
ارحم من اللي يبيع مخدرات؟؟!
بالنسبة لمعاناة الدائري الثاني فعلا مثل ما تفضلت هذا هو الحاصل، والاكيد ان في مناطق ثانية ومحافظات ثانية بعد تشتكتي لكن اكثرها في شارع الحب وعلى البحر، الحين عادي تشوف سيكل يطل على السيايير بكل وقاحة ولا يحشم اسمه واسم اسرته .. وعادي تشوف تعديات على حرمات الناس ولا في احد للاسف يحط اعتبار للدين ولا القيم الاجتماعية اللي ربينا عليها لعدة اسباب، منها البيوت نفسها ما عادت البيوت الاولية اللي تربي صح، ولا يعرفون شلون يربون، وما عندنا "ضمائر" تطبق القانون بأمانة، ولا القانون موجود لكن مهمل محد ملتفت صوبه
على قولة الأولين: قال من آمرك؟ قال من نهاني؟
عن نفسي كرهت اكرر كلمة "الشق عود" الا انه فعلا الشق عود ولكن ان ما صحت الضمائر وعرفت تربي وعرفت تحاسب
ولا الامور راح تزيد سوء
اخوي انا ادري انه وياك حق بحكم انك تمر عليك هالشغلات كل يوم
وما الومك الصرااحه
اللي قاعد يصير غلط كبير
بس عتبي عليك
انك بس متعنصر للمناطق الداخليه
وتتحجى بس عنهم
وانهم عيال ناس كبار وجخ ومهمين بالدوله
اذا انت ما تبي الناس تتحرش فيهم عشان هالسبب
وتبي الناس يتحرشون ببنات الناس الفقارا المساكين
اللي على وظايفهم وناس على قد حالهم مو جخ على قولتك ولا مهمين بالدوله
اسمحلي اقولك انك جانبت الصواب
اتمنى تتقبل كلامي بصدر رحب
وتعمم الغلط على الكل
ولا تفرق بين عيال جخ وعيال ناس مهمين
وعيال الناس العاديين
ترى هم بنات الناس العاديين ناس اهل حمايل وناس محترمين
الله لا يدخل الشيطان بيننا
تحياتي
يا الطيب ،
القصد مو معناه ان اي شخص عنده سياره تويوتا ولا هوندا يعني هو ( جنقلي) ،
ياخي القصد واضح ، المغزى أنك لا تروح غصب حق إلي ارفع منك و تحاول غصب طيب تتحرش بهالبنات ، ولا تنسى انا خصيت بالذكر الدائري الثاني ، و انت عارف هالشي ، وانا يوميا بدون استثناء اشوف هالاشياء جدامي ،
لاهي ترفع على خلق الله و لا شوفه نفس، لكن هذا الحق ينقال ، انا ما قلت والله بنات الحمايل إلي على قد حالهم خل يتحشرون فيهم و العياذ بالله ،
لكن انا انا تكلمت عن عيال ( الجخ ) لأني خصيت بالذكر ما يسمى شارع (الحب) ، و انت عارف ما يحتاج اقولك المناطق إلي حاولين هالشارع ،
ثانيا ، كلامي عالاغلبيه ،
لا تشط بعيد الله يهاك ، انا قلت ان هالعاده صارت عند الاغلبيه ، و هذي هي الحقيقه عند اغلبيه الشباب إلا ما رحم ربي ،
يا الغالي ،
لاني متعنصر للمناطق الداخليه ولاشي ، انا تكلم ت عن الدائري الثاني ( شارع الحب) ، وين صاير هالشارع ؟؟؟ بالعارضيه ؟؟ ولا بالصبيه ؟
اكيد عند المناطق الداخليه ياخوي ، وبالضبط من عند جسر الضاحيه و انت طالع ،
ثانيا ، انا تكلمت عن هالشارع و المناطق إلي حاولينه ، انت عارف المناطق و اصحابها...!! ما يحتاج اتكلم اكثر ،
ولاني قلت ان بنات الحمايل إلي على قد حالهم خل يروحون الشباب يتحرشون فيهم ،
لا تنسى انا تكلمت بالاخص عن الدائري الثاني ،
و العاده كلها منبوذه ، و انا تكلمت عن إلي اشوفه يوميا جدام عيوني ،
وقد قيل
من أمن العقوبة أساء الأدب...
رحم الله من كان يتجرأ يعاقب
واذا وسد الامر لغير اهله انتظر الساعة
الموضوع هذا خطير جدا لعده اسباب
لانه مو بس بالشباب ولا البنات ولا الاب ولا الأم
الموضوع يخص البلد بكل أطيافها
غني و ميسور وفقير وبدوي وحضري وسني وشيعي
كلهم داشين بهالموضوع
عشان ما نخص منطقه معينه او فئه معينه او طبقه معينه
لأن هذه الحقيقه المره
احنا خلقناها ومحد راح يحلها غيرنا
لازم نعترف
الوازع الديني و التربيه أهم شيئين للوعي ناقصين عند الكثير من الناس
وهم سببوا مشاكل كثيره بالبلد مو بس الشباب
تختلف الاراء بالكثير من الناس عند البدو والحضر والسنه والشيعه والغني والفقير بأكثر من مجال وأكثر من موضوع
لكنهم متفقين على العرض والشرف والستر للأهل ولغير الأهل
طيب
انت يا محترم يا من تخلي بنتك تطلع من الصبح ليلليل ولابسه لبس مرصرص مطلع كل مفاتنها وكاشخه بالمكياج وذاك العطر والكعب اللي يسمعه الأصمخ والضحكات العاليه والتلفت اللي ماله والي
تلوم الشباب اذا داخوا وتحرشوا فيها؟
والله انا ماألومهم
انت يا محترم ياللي اسمك بوفلان وفلان هذا مو مجابله مخليه يهيت بالشارع من الصبح ليلليل يشوف وينحرف ويسوي مشكله وانت ماتدري عنه
واخر شي تقول ولدي اخترب!!
وينك عنه يا أثول من البدايه ليش ما ربيته على علوم الرجال ؟؟؟
انتي يا محترمه يا ام فلانه ياللي تعطينها ومو مقصره معاها بالعطاء بس ناسيتها بالمراقبه والحرص والنصيحه
وينج عنها لاطاح الفاس بالراس؟؟
وينج يا مدمغه؟؟
انت يا المراهق والشاب والرجل
ما تستحي ؟ تفشل شيبات ابوك وتربيته وسهره على راحتك وتقصيره على نفسه عشانك اخر شي تبهذله وتسود وجهه وتنزل اسمه بالارض؟؟
انتي يالمراهقه والشابه والمرأه
ما تستحين؟ طالعه بمفاتنج وتتكسرين جدام الكل واخر شي تقولين وااااااااااااي هيلق مو مصدقين شايفين بنيااااا !!
لاحظوا اني ما جبت طاري الوازع الديني الا أول شي
لأني لو بجيبه الحين بتقوم القيامه علي من البعض
لأنهم مو متفهين عدل او مو نفس مذهبي السني او يختلفون معاي او او
فــ قلت بأن ابين أن الموضوع لا يخص فقط الشباب
انما يخص الكل
تذكير لي أولا ثم للبنت والشاب والأب والأم
مع إني واثق بأن القراء هم ليسوا فقط شباب وبنات
انما كل المراحل العمريه بهالمنتدى فيه من المراهقين والشباب والمتزوجين والأجداد
اقرأو القرآن والأحاديث وشدة العقاب لكي تتعظوا وتعتبرون
أيها الأب
صادق ابنائك وجابلهم تره والله زينه لك ولهم وخذ ابنائك للمقبره لزيارة قبر او جنازه كتبت بالجريده وكلمهم بطريقه حلوه وذكرهم بالأخره وأن عليهم الاستعداد لها
ايتها الأم
خذي بناتج للعزاء لأي عزاء بالجريده وذكريها وصادقيها
يا الأب والأم انا ما شددت على المقابر والعزاء الا عشان اصحيكم ان كنتم غافلين
ايها الشاب والشابه
حفظوا نفسكم وخافوا على نفسكم واتقوا ربكم
موفقين خير
ومن عجبه طرحي او لم يعجبه اتمنى ان يدعوا لي بالهدايه
بالختام
الله يهدي الكل إن شاء الله
قبل جم يوم كنت في سنتر بوينت ومعاي ولدي الكبير ( ناصر ) الله يخليه لي ويطول بعمره ...
لقيت ولد عمره تقريباَ 16 سنه يدور سلاسل والخيوط إللي تنربط على معصم اليد ...
والمشكله شكله بدوي ...
هذا وين أهله عن لبسه وين أخوانه عنه ... قاموا يقلدون الأجانب تقليد أعمى ...
مشكلة ....
الوضع هذا منتشر ( بالشارع , الدوام , السوق , المطاعم , حتى المستشفيات )
وضع علني جدا ... رمضان و اشهر حرم ... ما في رادع
المساجد فاضية و الشوارع مليانة ... ناس هياته ما كو شغل
لا ذاك اليوم طالعلي جم من واحد يشمتون بدبي - خل يشوفون المسخرة اهني اول ...
طالما القانون يحطونه جماعة ازيك يا باشا لا اضمن الديرة بتتعدل عدل و راح نكون افضل مركز مالي
معليش شباب خارج الموضوع " جنقل" و " جنقلي" يعني شنو اخاف لا قدر الله تجنقلت وانا مادري
ياسر الروقي
قرأت المشاركه وقرأت الردوود واتضح لي شي الكل يبي يفرض
رايه سواء ان كان صح ام غلط وكلن له وجهه نظر اذا في المنتدى
الكل متخالف ومايبي يحد من هالتصرفات وتدخل العنصريه والحريه
اللي افهموها غلط فما بالك اللي يقوم بهـ التصرفات
انا اتوقع كل شاب جرئي وطايش ما يمثل الا نفسه لان
اعرف نااس كثاار ربوا عيالهم تربيه صالحه لكن الشباب تستهويهم هالتصرفات
واغلبهم يشوفون انها تكمل رجولتهم !
اما السبب في جرئه الشباب ما الومهم صراحه تجي البنت لابسه
انا يالبنت استحي اني اشووف لبسها لانه يخدش النظر
حتى لو هي محترمه عطت الشخص اللي قدامها انطباع غلط وعادهً
ما تكون لحالها لامحرم ولا غيره فا شي طبيعي انه يحصل التحرش
الغلط وارد فــ لو كل بنت احتشمت في لبسها وتصرفاتها
مستحييييل مستحيييل انها تعرض للتحرش حتى وان حصل في
بعض الالفاظ مجرد نظره بطرف العين وغض النظر عن هالشخص
من نفسه بيمشي .....
والشباب ينقسمون لانواع وقت فراغ - بطاله - اغلبهم شباب تافه
توافر لهم اغلب وسائل الاتصال والراحه دوون تعب او الاجتهاد فيها
بالرغم ووجود كل الووسائل لتقضيه الوقت الا اننا نشوفوهم
مو لاقيين انفسهم فما علينا الا اننا ندعي لهم بالهدايه والصلااح
والفلااح والله يستر على شبابنا وبناتنا
يصبحك بالخير أبن العم
بكل اختصار اقولها
.
.
.
ماعاااااااااد به أرجال
من الصوبين من ناحية الولد والبنت
ولا رجال يهد ولده مايدرى وين رايح ولا ويش يسوى والتليفون بأيدة اربع وعشرين ساعة يخوض فى اعراض الناس مايدرى ان وراه عرض لازم يستره
والثانى يفك بنتة والحبل على الغارب مايدرى وين رايحه
والمكياج واللبس يفضح تقول رايحه للسوق وحاطة مكياج جنها رايحه عرس
نسى انها عرضة والكل متكشف عليها ولا الى حاطه لها قوطى روب تحت
الشيلة تقول راس كائن فضائى نسى حديث الرسول صلى الله علية وسلم
عن رؤس اسنمت البخت
.
خلها على الله والله يسترنا بستره
المشكله باختصار لها سببين
اولا الفراااااااغ
ثانيا غياب الوازع الديني
والله يهدي شبابنا وبناتنا يا رب
دورة المؤشرنت للتحليل الفني
50 دينار كويتي