شركة أبيار للتطوير العقاري ( أبيار ) ... 2

[خالد ك]

ننتظر الرد ^^^

 

[Navigator]

بو سلممان خربت علينا الويك اند

يقولون ان سهم سنام راح يكون بين 1.5 الى 1.9 سهم ابيار

يعني اللي عنده سهم سنام راح ياخذ النسبة المذكورة من ابيار

شرايكم هالشئ زين لمساهمين ابيار .. والا ما تفرق ؟؟
والا في تأثير سلبي ؟؟

هلا وغلا بو نواف

فنيا السهم مهيأ لصعود طيب بشرط عدم كسر 48 واختراق 54 بسيوله قوية

من اكره الشركات بالنسبه لي بسبب حركة سعر السهم وطريقة تداولاته

لكنه وصل لاسعار تستحق المغامره والصبر عليه

نتكلم بالمهم

الاندماج من صالح ابيار 100% وليس من صالح مساهمي سنام !!!

لو نحسبها حسبه تقديرية لرأس المال بعد الدمج راح يكون قريب من 120 مليون دينار

موجودات سنام مقدره بسعر 27 مليون وهي اسعار ازمه
بينما اجمالي مطلوباتها 383 الف دينار فقط والشركه ربحانه 865 الف دينار اثناء الازمه وقامت بتسديد ما نسبته 90%من مستحقاتها المالية خلال سنه
كانت مطلوبه اكثر من 3 ملايين دينار

نرجع لابيار

وانجازها اثناء الازمه

في بداية الازمه خلال النصف الثاني من عام 2008 والشركه مثقله بالديون

ولا يخفى على احد بان الازمه عندنا هي قلة سيوله وديون شركات فقط

كانت مطلوباتها المتداوله في ذاك الوقت 107 مليون دينار واجمالي المطلوبات 123 مليون ركزوا في الاجمالي واجمالي الموجودات 190 مليون

ماذا حدث ؟

خلال النصف الاول من السنه الماضية اي ما يقارب مرور سنه على الازمه
والانهيار الكبير اعلنت الشركه عن ارباح تقارب 5 مليون دينار وسعر سهمها فوق 100 فلس وكانت عملية الاكتتاب ماشية في مراحلها على اكمل وجه

نلقي نظره على مطلوبات الشركه وموجوداتها

المطلوبات المتداوله قلت بمبلغ 8 مليون واصبحت 99 مليون

لكن اجمالي الموجودات قفز بشكل رهيب من 123 مليون الى 195 مليون
واعتقد انهم اخذوا قرض من بنك الشرق الاوسط خلال هذه الفتره

لكن المشجع موجودات الشركه قفزت هي الاخرى من 190 مليون الى 313 مليون وحقوق المساهمين قفزت من 66 مليون الى 118 مليون دينار

بما معناه ديون عالية جدا بالنسبه لشركه حديثة العهد في السوق واغلب مشاريعها في دبي التي انشلت بها المشاريع خلال هذه الفتره

نذهب للمهم الربع الثالث

وبعد دفع مستحقات وديون وعمل تسوية مع شركه نسيت اسمها يمكن اسيا

اصبحت المطلوبات المتداوله 70 مليون دينار يعني تم سداد 29 مليون في الربع الثالث وحده
واجمالي المطلوبات اصبح 163 مليون دينار

حقوق المساهمين 146 مليون دينار

المشكله هنا

الربحية المحققه هي 55 الف دينار فقط

الموجودات المتداوله 54 مليون وهي اقل من المطلوبات المتداوله ب 16 مليون

اجمالي الموجودات انخفض واصبح 309 مليون دينار

متى تعرف ان السهم تحرر من ازمته ووجب عليه تغيير سعره للاعلى ؟

انتظروا اعلانه لارباحه السنوية وركزوا على مطلوباته المتداوله واللي اتمنى انها تكون اقل من موجوداته المتداوله

عندهم مشروع فلل اكاسيا في دبي وهو اقرب مشاريعهم اللي ستدر عليهم سيوله تعدل من وضعهم

اذا شفت هالشيء بو نواف برد على سهمك

غيره نتمنى ما نشوف تداول تحت 43.5 لانه سيزيد من سلبية السهم

بالتوفيق

آه يامشرفنا navigator ليت الزمان يعود لما فتحت هذا الموضوع لهذه الشركه وياليت يشطب الموضوع وننسى الشركه والله يعوض على المسلمين فهي مضيعه للمال والوقت والصحه

 

[الطير القطامي]

شكرآ يامشرفنا وكلامك مضبوط ومتكتك,,لكني اخالفك

ان الاسعار هذي تستحق المغامره ,,السهم على

مفترق طرق كسره للدعم الحالي معناه راح تشوفه بالثلاثينيات::verymad::

 

[المشورة]

مساء الخير ياجماعةهل لاحظتم شيء بتداول أبيار يوم الخميس ؟! أم أن عيوني سوربت من كثر الخساير ؟!
ولكني تأكدت بأن هناك 7 صفقات تمت على كمية 40,000 بسعر 48 و 49 .

 

[pop71]

مساء الخير ياجماعةهل لاحظتم شيء بتداول أبيار يوم الخميس ؟! أم أن عيوني سوربت من كثر الخساير ؟!
ولكني تأكدت بأن هناك 7 صفقات تمت على كمية 40,000 بسعر 48 و 49 .

لا يا اخوي عيونك سليمة 100%، كلامك صحيح ، صفقة منهم انا اللى مسويها ، تدري بالواسطة اي شئ يصير

 

[الهامرز]

شنو سالفة التداول القوي علي السهم شنوتوقعون يكمل صعود ويبلش علي وحدات 40 الف

 

[ابوعبدالله لابتوب]

شنو سالفة التداول القوي علي السهم شنوتوقعون يكمل صعود ويبلش علي وحدات 40 الف

الله يعين ملاك السهم على التصحيح القاسي اللي مر فيه السهم من 700 الى 45 فلس الحقيقه انها مصيبة المصايب ونتمنى انه يعود لو سعر الاكتتاب على الاقل 100 فلس

 

[هاربر2]

يا جماعه اعتبروها اشاعه ولا احد ياخذ بكلامي لوسمحتوا قلت اشاعه ان السهم سوف ينطلق انشاء الله الاسبوع القادم لا احد يشتري مجرد اشاعه

 

[الفهد667]

بو عبدالله لابتوب أثلجت صدرى بهالتحليل الرائع الله يوفقك ويرزقك من حيث لا تحتسب .

 

[mishal-wu]

السلام عليكم بما ان اكثرت الاشاعات على السهم الفاشل حبيت اذكرلكم توصية جتني من اسبوعين على السهم من نفس الشخص الي وصاني اني مااخذ السهم يوم كان سعره 100 وانا ماخذت بكلامة وشريت ودبست الحاصل اني بعد مادبست وصار سعر السهم بالخمسينات سالته ابرد على السهم قالي لا انطر بينزل بعد وهم تميت فترة وسالته يوم وصل السهم 45 فلس وقالي نفس الكلام وبعد فترة هو الي اتصل فيني وقالي اذا تبي تبرد على سهمك الحين سالته ليش طبعاً بالاول قالي مالك شغل بعد الالحاح عليه قالي السهم رايح لغاية 65 في شهر فبراير ومنها راح يشلع لل 85
يجماعة الكلام هذا من اسبوعين وماحبيت اذكرة الصراحة كنت خايف ان يطلعلي واحد ويتفلسف علي وعلى فكره انا ذكرت السالفة موحق الشراء او البيع بس عشان ابرد على قلب الي مدبسين مثلي فقط

 

[الفهد667]

مشكور يا مشعل ما قصرت وان شاء الله تبرد على السهم وتبرد قلوبنا معاك .

 

[الهامرز]

يعطيك العافيه بوعبدالله جزاك الله الف خير علي التحليل والشارتات شكرا لك

 

[بو ضاري 2005]

الله وعلم فى توزيع ارباح ننتضر ونشوم مدا مصداقية الرجل

 

[Buy]

الله كريم انشاء الله يعوضنا خير هالبير ... عفوا اقصد ابيار

 

[fahad2006]

الله يوفقنا.........................مع السهم

 

[@@فتح عيونك@@]

توزيع ارباح

السلام عليكم

تتوقعون يااخوان في توزيع ارباح ولا لأ.

ياريت اللي عنده خبر يفيدنا. مشكورين

 

[Navigator]

انا ما ادري فيه توزيع او لا

لكن اشوف توزيع ارباح مو من صالح الشركه

 

[el-paso]

أبيار: شراء قطعة أرض بدبي بقيمة 250 مليون درهم



علمت «القبس» من مصادر مطلعة ان شركة ابيار للتطوير العقاري نجحت في توقيع عقد ملكية ارض لها في دبي قيمتها تقارب 250 مليون درهم اماراتي بما يعادل 20 مليون دينار كويتي.
واوضحت المصادر ان امتلاك هذه الارض جاء بناء على مفاوضات تمت خلال الفترة الماضية بين شركة ابيار وجهات اماراتية بشأن تبديل قطعة ارض لها بمساحة تعادل ما قيمته 250 مليون درهم اماراتي، بعد ان كانت الشركة قد اشترت في وقت سابق قطعة ارض اخرى بلغت قيمتها 650 مليون درهم اماراتي، دفعت منها 250 مليون درهم اماراتي، وكان من المفترض ان تسدد الشركة قيمة المبلغ المتبقي البالغ 400 مليون درهم اماراتي.
ولفتت المصادر الى ان تلك الخطوة ستخفف من حمل الديون من على كاهل ميزانية الشركة، حيث كانت الشركة مطالبة بدفع ما تبقى من مبلغ الصفقة، الا ان مفاوضاتها نجحت في اقناع الطرف الآخر في التنازل عن الالتزام بدفع المبلغ المتبقي وتوفير قطعة ارض تعادل قيمة المبلغ المدفوع

 

[مضارب بورصوي]

ذبحنى صانع سوق السهم مو راضي يرفعه بس ماقول الا قصب عليك راح يرتفع عشان الاخبار الطيبه لوضع السوق

 

[الفهد667]

قام يحذف بالملايين حسبى الله ونعم الوكيل عليه ما يبيه يكسر ال52