الشركة الكويتية الصينية الاستثمارية ( الصينية )

[kaled9977]

انت غلطان ياخالد لازم تصير معاهم علشان لايوقفون عضويتك--- نفس اخوي كـويتي

لانه نطق بالحق وكان بعض الاعضاء يهاجمونه وغلطوو عليه في مواضيع سابقه والرجال ماغلط عليه

والحين لما زهق الرجال سب الشركه واصحاب الشركه -- وفي ناس تنقز علي الحجي ومن الغضب يمكن دعااء عليهم ولكن لم يسبهم

اخوي خالد ماتشوف المطر ماينزل عليناا
والله من الجذب والنفااق والنيه الغير سليمه​

هلا بدون عنوان
والله ياخوى بنقول كلمت الحق لو يوقفون عضويتنا
والف شكر على مداخلتك
والساكت عن الحق شيطان اخرس

 

[Al-Thafeeri]

الحمدلله واخيرا الصينيه 24 الشهر يعني انتهى خلاص مافيه فلان يقول وعلان يقول . يعني الكل يوم الادراج يكون جاهز اذا نزلت بسعر حلو كلنا نبيع واذا انزلت بسعر نازل ماراح نبيع اللي كاتبه الله يبي يصير غصب عننا بالنسبه للسعر لو المؤشر 20000 نقطه او 1000 نقطه. وتفائلوا بالخير تجدوه وبالنهايه حنا اخوان ولحد يزعل احد والسلام عليكم

 

[عليك ياالله]

السلام عليكم ورحمة الله وبركاته

اولا // مبروك لتحديد موعد الادراج

ثانيا // انا يا اخوان عندي اسهم في الصينيه باسمي وبورقة واحده .. شنو احتاج بعد لاكون جاهز للبيع والا انا جذيه اوكي

تقديري

 

[مدير ادارة]

24 الجاري موعداً لإدراج «الكويتية الصينية»


أحمد الفضلي:

أكد مصدر مطلع في الشركة الكويتية الصينية للاستثمار أن إدارة سوق الكويت للأوراق المالية قد حدد يوم 24 من الشهر الجاري كموعد لإدراج أسهم الشركة بالسوق الرسمي ضمن قطاع الاستثمار تحت رمز التداول «الصينية» وذلك بدلا من الموعد الذي كان مقررا في تاريخ 18 من الشهر الحالي
وجدير بالذكر أن مجلس إدارة الشركة حاول جاهدا تأجيل موعد الإدراج بسبب الأوضاع الحالية للسوق وما يمر به من تراجعات مستمرة وتخوفا منه على تأثير ذلك بصفة مباشرة على سهم الشركة بداية الإدراج.



الدار: 04 نوفمبر 2009 ​

هههههههههههههاى مجلس الادارة حاول جاهدا ههههههههههههههه والله بربسه وجمبزه ((عذر اقبح من ذنب))

 

[مدير ادارة]

مرد السهم للادراج والحمدالله الذى انعم علينا بالنعم الكثيرة ويجب الشكر والحمد لله العلى القدير

 

[مضارب عقاري]

يعني ما لقو ينزلونها الا 24/11 كان انطروا عقب العيد لان الوقفة يوم 26/11

 

[مدير ادارة]

يعني ما لقو ينزلونها الا 24/11 كان انطروا عقب العيد لان الوقفة يوم 26/11

هذى يدل على الذكاء الخارق الى يبون يغثون فيه المساهمين

 

[فضولي]

برأيي! الموعد والتوقيت ممتازان للإدراج ... وفعلا حركة ذكية من ادارة الشركة، وبعد العيد راح تشوفون شلون يتم التعامل بالسهم، أود أن أذكر بأن التعامل النفسي مع أي صعود أو نزول للسهم أحد أهم وأبرز الأمور التي يأخذها في الحسبان صانعوا السوق، وان غدا لناظره قريب.

 

[فهد الرشيدي_28]

اي يقولون فية توزيع ارباح وهي كالتالي :
عن كل 1000 سهم طقم قلاصات صيني درجة اولى
واذا عندك كسور يعطونك قلاصات ابو طقة درجة ثالثة

 

[الحبترى]

شنو توقعاتكم حول ادراج الصينيه فى هذا الوقت من نقص سيوله ووضع عام للسوق فيه تذبذب كبير , وهل ستكون الصينيه مرغوبه للمجاميع الكبار فى السوق وصناعه أو ان تكون حالها من حال باقى الشركات المدرجه الاستثماريه اقصد لا جديد .

للرفع

 

[q8_king1]

ههههههههههههههههههههههه

 

[hassanabass]

السيناريو الادراج بسعر مرتفع نقول توقع فوق 200 فلس والاستمرار بهذه الاسعار لفتره لا تقل عن
شهر للتصريف والبيع من قبل كبار الملاك ومن ثم النزول رواسى بالاسعار بعد ذلك ونتمنى لكم
التوفيق جميعا.

 

[yasalam]

نبي انبيع الصينية عن طريق الانترنت اشلوووووووووووووون

انا أتعامل مع الأوسط .. في طريقة أبيع وانا بالشغل بالانترنت

ترى والله العظيم ملينا من التخلف بالتداول

 

[حسين الشطي]

ان شاء راح اتشوفون الخير 24/11 عيد ميلادي
وراح اقول صانع السوق يهتم بالسهم

 

[المهندس حسين]

نبي انبيع الصينية عن طريق الانترنت اشلوووووووووووووون

انا أتعامل مع الأوسط .. في طريقة أبيع وانا بالشغل بالانترنت

ترى والله العظيم ملينا من التخلف بالتداول

تقدر بس طبعا مو أول يوم إدراج!
يعني مطلوب منك تسلم شهادة الأسهم للأوسط بعد إدراج الشركة وهم راح يسوون إجراءات تحويل ملكية الأسهم عند المقاصة لحساب الأوسط عشان تقدر تشوفهم بحسابك

وهذه العملية قد تستغرق عدة أيام وانت وحظك . مرة سألتهم قالوا على الأقل يومين. في حين اني لما سألت الوطني للتداول قالوا أسبوعين

بالتوفيق

 

[yasalam]

مشكور يا بشمهندس

بس ماكوا فايدة .. أبي وقت الادراج ..
يعني لازم اخلون 100 ألف واحد يصفطون سياراتهم الله يعلم وين وادابجون داخل الصالة ..

تخلففففففففففففففففف..
اشلون نصبح مركز مالي

 

[(واحد من الناس)]

الشركة ربحانة 10 مليون في النصف الاول و انتظروا مفاجأة الربع الثاث

 

[المهندس حسين]

مشكور يا بشمهندس

بس ماكوا فايدة .. أبي وقت الادراج ..
يعني لازم اخلون 100 ألف واحد يصفطون سياراتهم الله يعلم وين وادابجون داخل الصالة ..

تخلففففففففففففففففف..
اشلون نصبح مركز مالي

حدددددددددددددده تخلف وتضيييييييع للوقت وعباااااااااالة وتعال استأذن من دوامك وزحمة الشارع والمواقف ..... يامعود الديرة تدار بطريقة العصور الوسطى

 

[aljoker]

24 الجاري موعداً لإدراج «الكويتية الصينية»


أحمد الفضلي:

أكد مصدر مطلع في الشركة الكويتية الصينية للاستثمار أن إدارة سوق الكويت للأوراق المالية قد حدد يوم 24 من الشهر الجاري كموعد لإدراج أسهم الشركة بالسوق الرسمي ضمن قطاع الاستثمار تحت رمز التداول «الصينية» وذلك بدلا من الموعد الذي كان مقررا في تاريخ 18 من الشهر الحالي
وجدير بالذكر أن مجلس إدارة الشركة حاول جاهدا تأجيل موعد الإدراج بسبب الأوضاع الحالية للسوق وما يمر به من تراجعات مستمرة وتخوفا منه على تأثير ذلك بصفة مباشرة على سهم الشركة بداية الإدراج.



الدار: 04 نوفمبر 2009 ​

وين تاريخهم 15\6\2007

حاولت جاهدا يا مجلس الاداره وين ماحاولت بعز السوق ايام 15000 نقطه

 

[bmw740]

مشكور يا بشمهندس

بس ماكوا فايدة .. أبي وقت الادراج ..
يعني لازم اخلون 100 ألف واحد يصفطون سياراتهم الله يعلم وين وادابجون داخل الصالة ..

تخلففففففففففففففففف..
اشلون نصبح مركز مالي

منو قالك ان 100000 راح يبيعون اول يوم ... بنك بوبيان عدد المكتتبين كان 700000 و اول يوم ما حضر حتى 1000 شخص علشان يبيع و الباقى بالتلفون باعوا اسهمهم