السلام عليكم ورحمة الله وبركاته
اخي الكريم
لو فرضنا إن الأغلبية أيدتك بكلامك اللي انت تطرحه
ليش ماتكون هناك حوافز من قبل الدولة للمواطن للقبول بالسكن في مثل هذه المناطق البعيدة
ومنها :
1- مساحة البيوت أو القسائم في المناطق البعيدة ليش هالبخل بالمساحه (400م او 600م) ليش ماتكون على سبيل المثال (1000م) هل تعتقد إنك لما تقول لمجموعة من المواطنين تعال اسكن بهالمناطق واعطيك مساحة (400م او 600م) راح يكون عدد اللي راح يقبلون فيها مثل لما تقول لهم تعالوا اسكنوا وانه اعطيكم (1000م) اعتقد الإجابة واضحه وما تحتاج تفكير .
2- الدولة تجاه المواطن بطيئة بتنفيذ ماهو لصالحه بخلاف تعاملها مع التجار عند طلبه لأي خدمات وعلى سبيل المثال العمل السريع في توفير خدمات البنيه التحتيه للمناطق التي يحتكر أراضيها التجار ,, وعند النظر في مشاريع الدولة التي تهم المواطن يكون توفير الخدمات فيها من أخر أولويات الحكومة .
صراحه غريبه !!!!
3- بالسابق كنت اسمع إنه مدينة صباح الأحمد مساحة كل قسيمة 750 م وكلها زوايا أي بنظام مشابه لنظام توزيع الجواخير ( كل أربع قسائم بلوك بروحهم وكل وحده زاويه ) قلت والله شغله حلوه ,,, بعدين طلع كلام وقالوا لا صارت 600م ونفس النظام .... والحين لما شفت مخطط المنطقة أنصدمت صراحه !!!!
كل هالفترة انتظر وبعدين اشوف إن فيها مجموعة كبيرة من المنازل ( سد لد ) يعني شارع واحد ,,,, انت من صجك إني بأقبل وأجازف بالقبول فيها .... !!!
4- من وجهة نظري أصبح لدى المواطن الكويتي قناعه بأنه لو قبل في هذه المناطق وهذا من باب المستحيل ,,,, راح يعلم بأنه بيبني بيته ويسكن ويسكنون اهل المنطقة كلهم ولا راح تكون أي من الخدمات اللي تتكلم عنها الدولة متوفره ( جامعات - معاهد - وزارات - ,,,,,,ألخ ) إلا بعد مضي فترة طويلة من توطن الناس فيها .... فشلون تبيهم يجازفون ويسكنون !!!!
وغيرها وغيرها من الملاحظات العديدة ...
لا حوافز ولا خدمات مقنعه ولا غيرها متوفره في مثل هذه المناطق واولها من وجهة نظري مساحة القسائم ..
فكيف تتنظر من المواطن القبول فيها وأكبر دليل على كلامي وصول الطلبات في التخصيص في مثل هذه المناطق بقرب سنة 2000 تقريباً حسب علمي
وأبشرك راح توصولون لطلبات 2005 وانتوا ما غطيتوا العدد ..
وشكراً