شركة المزايا القابضه ش.م.ك (( مزايا ))

[Bursa2016]

اللي مو فاهمه بو فارس
اذا صار سعر التبادل هذا

ملاك مزايا تزيد عدد اسهمهم او لا بس دبي اللي تنقص ؟

دبي تنقص

 

[الراقي]

في ٢٠١٣ حول النفيسي ان يتم التبادل لدرجة ان يقول ياملاك دبي اسمعوا كلامي مزايا افضل لكم
وقتها مزايا تملك ٩٢٪؜ من دبي
ولكن طنشنا ولم يقدر احد على اجبارنا
بعدها ارتفع دبي من ٢٠فلس الى ١٩٤فلس
ماعتقد الزامي انا خسران مالي ابيع

 

[حديث النفس]

مزايا - افصاح معلومات جوهرية عن موافقة هيئة أسواق المال على مشروع عقد الاندماج بطريق الضم بين شركة المزايا القابضة وشركة دبي الأولى للتطوير العقاري..​

سعر الإقفال السابق: 54.3 فلساً

 

[Navigator]

للعلم بعد شهر راح يتم تأجير العيادات في برج صباح السالم الطبي والمكون من 20 دور وسرداب للأشعه
كل دور فيه عيادتين وتأجير الدور ب 4300 دينار

 

[Navigator]

راح يتم زيادة راس المال بقيمة 4 مليون دينار للاستحواذ على اسهم دبي المتبقيه على الحسبه الجديده

 

[Bomesk]

راح يتم زيادة راس المال بقيمة 4 مليون دينار للاستحواذ على اسهم دبي المتبقيه على الحسبه الجديده

على هالحسبه بدال مايدفع كاش 49.7 فلس لكل سهم من دبي الاولي ، راح يأخذ هذه الاسهم مقابل تقريبا 36 فلس حسب اقفال مزايا اليوم بعد تعديل سعر السهم بعد تخفيض رأسمال مزايا بنسبه 23%

 

[Navigator]

خطة مزايا بالوقت الحالي
تخفيض راس المال من 62 مليون الى 48 مليون
زيادة راس المال 4 مليون ليصبح 52 مليون
دمج اسهم دبي
ارباح النصف الاول 3.7 مليون دينار بعد شطب الخساير المرحله وباقي النصف الثاني نشوف كم تحقق واتوقع 400 الف
يبقى عندها صفقة التخارج بالسعوديه واشوفها طولت شوي
راح ترتفع القيمه الدفتريه مع حقوق المساهمين

نركز بالفتره القادمه على ايرادات الايجار ويفترض تزيد النصف الاول تقريباً 6 مليون
المهمه القادمه تخفيض قروض التزامات الشركه وتخفيض المصروفات وهذا اهم شي لنجاح خطتهم الحاليه

خلال هالسنه تخلصت من 3 شركات تابعه لها من ضمنهم دبي بعد الدمج

متى نعرف ان الشركه وقفت على رجولها ومشت صح
مشروع شرق الداون تاون اللي واقف صار له فتره طويله وكانو مخططين يبنون فندق فيه وكنسلوا الفكره اذا شفتوهم بلشوا بالمشروع اي كان نوعه اهنيه نعرف ان الشركه ناويه على رفع ايراداتها وتعظيمها للاستدامه

اجمالي قروض الشركه حتى الربع الثاني 85 مليون دينار

 

[Navigator]

الشركه احترمتها سنة 2009 لما لغت توزيعة 50 فلس بسبب الازمه
عيبها بالسابق تبعيتها لقروب جلوبل وتخلصت منهم بسنة 2015 والفترات اللي بعدها بعد ما كيش البنك التجاري اسهم شركة ميادين
سعر السهم هالايام محصور بين 54 و 57
ارباحها طفيفه بسبب الامور اللي ذكرتها
ايراداتها في نمو خصوصاً بند الايجارات


عندها أراضي فضاء بقيمة 31 مليون دينار

7 أبراج مخصصه للخدمات الطبية
السنه اللي فاتت أسست شركة طبيه كنوع من التغيير ونجحت لحد الان
عندها أرض بشرق إشترتها ب 6 مليون دينار كويتي مساحتها أكثر من 3000 متر قرب برج الحمرا وبنك الوطني وكانت مخططه وأخذت الموافقات لإقامة مشروع الداون تاون وما ادري هل وقفوه او اشتغلوا فيه ؟
3 أبراج بالمرقاب أو بما يسمى بمدينة الاعمال

نروح للسعوديه عندها 3 عمارات بالرياض تأجير مكاتب

نطلع لبنان عندها أرض ومخططه تسويها فلل سياحية

نرد للبحرين عندها مخازن بمنطقه صناعيه

قطر عندها نسبه بسيطه جداً بشركة مزايا قطر 1‎%‎ ما ادري للحين محتفظين فيها او باعوها وعندكم استثمار في شركة قطر الاولى نسبة 17‎%‎
عمان عندها مشروع الموالح
نروح لتركيا عندها مشروع من 6 بنايات ومول تجاري تم بيع وحدات منه وداشين شراكه مع شركه تركيه واعتقد بالميزانية محققين خساره نصف سنويه 200 الف وشوي مو متأكد
نطلع لدبي أكثر نصيب من الارباح للنصف سنه من دبي بقيمة مليون ونص تقريباً
ومشاريعها متعدده بدبي من شقق فندقيه وفلل وأبراج مكاتب واعتقد عندها مشروع بالشارقه او الفجيره او الثنتين نسيت

الشركه توجهت في بداياتها للتطوير العقاري وكدت خير وكانت توزع ارباح بسبب تطوير وبيع المشاريع
لكن كثرة الازمات وضعف اقتصادات الخليج بسبب نزول النفط وهبوط الليره التركية كلها عوامل أثرت على الشركه ودخلتها بمحاكم وقضايا وخساير

للأمانه توجههم للعقارات المخصصه للخدمات الطبيه شي جديد وفكره ممتازه وناجحه

الشركه وقعت اتفاقيه لبيع شركه بالسعوديه مقابل اصول عينية ومبلغ مالي واعتقد من ضمن الاتفاق بيع الاصول العينية خلال سنه مو متأكد من تقييمها 9 أو 6 مليون

بما معناه إن الشركه تنتظر تحسن سعر الاصول وتقدر تحقق مبيعات بقيمة 30 مليون دينار خلال سنة 2023 اذا ما تخارجت السنه هذي

شوية فكر وجرأه حتى لو تحقق خساير من التخارجات بالوقت الحالي أفضل من انك تدفع فوائد لخدمة الدين بيع وقلل من مطلوباتك مقابلها راح تزيد الارباح المحققه

عندهم حكم بمبلغ أقل من مليونين مع فوائده للحين ما تنفذ وماخذين مخصص له أقل من 500 الف

الشركه حققت خساير من الغاء اسهم الخزينه أكثر من 60 مليون سهم تكلفتهم 317 فلس وألغوهم بسعر 100 فلس يعني خساره 217 فلس نسيت كم المبلغ لكن بحدود 12 مليون وخصموه من علاوة الاصدار ( فيس معصب )

حالياً فرصه لا تعوض لهم لشراء اسهم خزينه بالاسعار الرخيصه لتعويض خسارتهم السنه الماضيه بأسهم الخزينه
وأيضاً يفيدهم بالمستقبل لرهنها مقابل قروض

هذا اللي عرفته عن الشركه ويمكن أكون مخطئ في بعض الامور أو ناسي أمور ثانيه سهواً وليس تعمداً

نبي تحليل للسهم

هذي الخطه اللي توقعتها السنه اللي طافت وطبقوها بحذافيرها كانت القروض 99 مليون

 

[Bomesk]

هذي الخطه اللي توقعتها السنه اللي طافت وطبقوها بحذافيرها كانت القروض 99 مليون

اتوقع والله العالم ، راح يكون عندهم خساره دفتريه بحدود ال30 مليون دينار نتيجه لعملية ضم دبي الاولى ،لانهم المالك الاكبر لدبي الاولى نتيجه للتقييم الاخير المعتمد من قبل الشركتين لمشروع الضم

 

[Navigator]

اتوقع والله العالم ، راح يكون عندهم خساره دفتريه بحدود ال30 مليون دينار نتيجه لعملية ضم دبي الاولى ،لانهم المالك الاكبر لدبي الاولى نتيجه للتقييم الاخير المعتمد من قبل الشركتين لمشروع الضم

ما اعتقد بو مسك
الحسبه للضم راح تكون للاسهم الحره من دبي الاولى فقط اللي راح تكون تكلفتهم على الشركه 4 مليون فقط
اللي راح تسويه مزايا تشيل اسهمها في دبي من الكبت وتحطهم بالتجوري وتزيد عليهم الاسهم الحره وتبلع المفتاح

 

[Bomesk]

هلا طال عمرك على طاعته
صحيح انها راح تستحوذ على حصة الاقليه بقيمة 4 ملايين دينار ، مزايا هي المالك الاكبر ودبي الاولى عباره عن شركه تابعه ،ونتيجه لهذا التقييم المعتمد من الشركتين اصبحت القيمه الدفتريه لدبي الاولى تقريبا 40 مليون دينار كويتي وبذلك يكون هناك خساره دفتريه او محققه بحدود 33 مليون دينار و حصة مزايا من هذه الخساره تقريبا 30 مليون دينار

 

[حديث النفس]

مزايا - نتائج اجتماع الجمعية العامة..​

 

[Navigator]

عضو مجلس الأمه مبارك الحجرف قدم سؤال عن سعر التبادل وليش مقيمين دبي الاولى بالسعر هذا مع ان حقوق المساهمين اكثر من مزايا
وليش وافقت ادارة البورصه والهيئه على سعر الدمج

 

[otaibi511]

عضو مجلس الأمه مبارك الحجرف قدم سؤال عن سعر التبادل وليش مقيمين دبي الاولى بالسعر هذا مع ان حقوق المساهمين اكثر من مزايا
وليش وافقت ادارة البورصه والهيئه على سعر الدمج

مامدى صحة هذا الخبر ياشباب

 

[Q8Broker]

مامدى صحة هذا الخبر ياشباب

نعم الخبر الذي نقله مشرفنا العزيز Navigator صحيح
والأسئلة رسمياً قد تم توجيهها قبل يومين لوزير التجارة

 

[Navigator]

مامدى صحة هذا الخبر ياشباب

هذا اللي قريته وحتى طالب العضو بايقاف التداول على الشركتين
ما اعتقد البورصه يردون عليه

 

[العفريت]

اليوم لازم الشركة تفصح، تداول ٢٥ مليون سهم مو شوية

 

[حديث النفس]

مزايا - اجتماع مجلس الإدارة في 18 أكتوبر 2023م..​

سعر الإقفال السابق: 52.9 فلساً

دبي الأولى - مجلس الادارة يجتمع في 2023/10/18م​

 

[Bomesk]

مزايا - اجتماع مجلس الإدارة في 18 أكتوبر 2023م..​

مشاهدة المرفق 394950

سعر الإقفال السابق: 52.9 فلساً

اكل اموال الناس بالباطل ، شلون صاير ، بدال ما يعوضون الناس كاش ، يبون ياخذون الاسهم بأقل من نصف قيمتها

 

[المسهماني]

دبي الاولى الاسهم الحره 10 ‎%‎ ومارحموهم خذوا نص حلالهم بتنزيل السهم الى الثلااثيات وقالوا غصب تدخل الدمج ووبياخذون نص اسهمهم مع الدج والدور على مزايا بيشطبون 23 ‎%‎ من اسهمهم وبدقون السهم ويقولون لهم استريحوا المليفي في مقباله له قابل عبدالله النفسي بالفندق يقول قعدت ساعه ونص ستكانة شاي ماعطوني اسأل عن الملاك قبل ماتشتري السهم والله يكون بالعون