شركة المزايا القابضه ش.م.ك (( مزايا ))

[الراقي]

هههههههههههههههههههههههههههه
انت تسأل وماطبق بس ازعاج
ياأخي ابيع الحين قبل المقاومة واخذ ارباحي واذا طافها ادخل على السهم من جديد ويكون ٨٢ دعم لي واذا نزل اكون ربحان واخذه عند الدعم اذا ارتد منه
بس انا اعرفك تخاف تبيع وطير السهم
كل شيئ يصير لكن الاتجاه العرضي اقرب في هذي الفترة والله اعلم

 

[نواخذة الكويت]

مبروووك تسلم إيد اللي نقل الخبر ​

​

افصاح بشأن الدعاوى والاحكام​

مزايا

20 أكتوبر, 2021 / 20 : 08

 

[نواخذة الكويت]

اليوم بشوف ميزانيتها و بعض المعطيات

واحتمال أتبنى الشركة

في شي غلط

خافت چان تعدل ههههههه

شركات ما تجي إلا بالعين الحمره

 

[نواخذة الكويت]

مزايا شفييچ عسى ماشر

ليش مسويه بنفسچ چذي معذبه حالچ انتي قابضة يعني أم عيال

ربحية الربع الثاني حلوه مُقارنه بالفترة السابقة خسارة 5 مليون

مسويه خفض رأس المال يعني شيء طيب

راس مال مزايا اعيالها ههههههه قصدي 69 مليون تقريباً

ما شاء الله ،، عدد الشركات الزميلة و التابعة

بس ما لقيت أحد يملك فيچ محد يبيچ إنتي تتسبحين شكلچ امعفنه

الحيييييين ( المهم عندي ) شارت 3 أشهر

والأهم عندي القاع من كسر قمة ال 100 فلس

امممممممممم نزول من القمه بشهر و استقرار حول ال 80 شهرين

أتوقع بأن الشركة خذت حاصلها من النزول ،، ومعطيات الشركة حلوه مع خبر اليوم الإيجابي

في حالة إعلان الشركة عن نتائج طيبه بالربع الثالث سوف ترتد من هذه الأسعار

77 - 78 << أرقام حلوه للشراء ( رأي خاص لي )

والله أعلى و أعلم

سلام ✋

 

[الراقي]

اليوم اشتريت فيها وين عبدالموجود

 

[الراقي]

ابي اطبل لسهمي بس مافي شيئ

 

[ms.saod]

باجر يوم أجمل ويجيب الله الرزق والخير

 

[العفريت]

اليوم اشتريت فيها وين عبدالموجود

منو ملاك مزايا، سؤال بسيط يخليك تعرف معدن السهم

 

[الراقي]

منو ملاك مزايا، سؤال بسيط يخليك تعرف معدن السهم

مايهمني من يملك السهم
السوق مايساعد تعب من الصعود
اغلب الاسهم عند قمم ماتقدر تعديها
مزايا مشتري ان شاء الله اول ربح بايعه حتى لو نص فلس

 

[الراقي]

وقف الخسارة المفروض كسر ٧٨ ولكن بعطيه فرصة حتى اخر السوق اذا مارتد لازم افعل وقف الخسارة واطلع
هذا السوق لازم تقبل الخسارة نفس ماتقبل الربح

 

[سناعيس]

وقف الخسارة المفروض كسر ٧٨ ولكن بعطيه فرصة حتى اخر السوق اذا مارتد لازم افعل وقف الخسارة واطلع
هذا السوق لازم تقبل الخسارة نفس ماتقبل الربح

شغلك مضبوط

 

[العفريت]

وقف الخسارة المفروض كسر ٧٨ ولكن بعطيه فرصة حتى اخر السوق اذا مارتد لازم افعل وقف الخسارة واطلع
هذا السوق لازم تقبل الخسارة نفس ماتقبل الربح

في رقم في بالي ان شاء الله ما تشوفونه ، يعدي ٨١ اجابي

 

[السعد محمد]

هذا السهم ممتاز
بس مشكلته سهم ثقيل

 

[المفتاح]

في رقم في بالي ان شاء الله ما تشوفونه ، يعدي ٨١ اجابي

٦٨/٦٩

 

[الراقي]

في رقم في بالي ان شاء الله ما تشوفونه ، يعدي ٨١ اجابي

خلاص بعته اليوم بخسارة واذا رجع مرة ثانية رجعت ان شاء الله

 

[NesCafe]

شكرا للي قاعد يقط كملت الكمية

 

[بو راشد القرش]

السهم حاليا بلش يسخن ان شاء الله
اغلاق فوق 82 ابشرو بالخير
اغلاق يومين تحت 75 يكمل مشوار الاتجاه الهابط
لكن باذن الله هالمره انا متفائل بالصعود
بالتوفيق ان شاء الله

مشاهدة المرفق 349312

شي غريب السهم بالصفحه الثالثه
السهم اليوم اعطي دخووول
بس محتاجين اغلاق غدا فوق 82
الاهداف واضحه ع الفيبو
بالتوفيق للجميع ان شاء الله

 

[الراقي]

ربح بتسع اشهر ربع فلس كنا راضين برح نص السنة ثلث فلس

 

[حديث النفس]

مزايا - نتائج اجتماع مجلس الادارة

 

[العفريت]

ربح بتسع اشهر ربع فلس كنا راضين برح نص السنة ثلث فلس

يعني نخش ؟

اذا جمعت القضية + ارباح الربع الاخير + ارباح دبي

ممكن توصل ٥ مليون

بس السهم فنيا تحت يد صانع السوق، من ٨٨ الى ٨٢ ما يخاف الله .


الحمد لله مو مندبس ، و كيفه انا ناطره ، يروح ٧٧ اهلا و سهلا يروح ٨٨ اهلا و سهلا

غصبا عليه يحدد اتجاهه