دورة المؤشرنت للتحليل الفني
50 دينار كويتي
المشكله مو بالبيع , المشكله ان ماكو شراء , حتى لو ما تبيع محد راح يشتري. السوق قاعد ينزل لان محد قاعد يشتري فكل الاسهم تلقاهم بالحد الادنى . وتدري ليش محد يشتري ؟ لان ماكو سبب ايجابي يخلي السوق يصعد فليش الواحد يشتري ؟ عشان يخسر ؟؟؟ ماكو شي اسمه لا للبيع لان هذا الشي الوحيد اللي موجود في سوقنا ( البيع وبس ) واذا ماكو بيع ماكو تداولاهم شي بالتداول ايقاف الخساره اما تنطر على امل يصعد السوق ! قول حق راس مالك السلام . والله الموفق
يا أخوي إسمح لي على هالمداخلة
* مبدأ لاأحد يبيع في سوق الأوراق المالية مبدأ خاطيء
يعني إذا حنا ما بعنا ما راح ينزلون الأسهم .....؟
* لازم تخلي لك ستوب لوز وأهداف للربح هذا سوق مرة فوق ومرة تحت
* هناك أسهم بانت خباياها وسيئة للغاية هل ستحتفظ فيها وتنتظر الأماني
والأوهام ؟
* إذا راح راس مالك وإنت قاعد تعاند نفسك محد راح يتحسف إلا أنت
وستقول يا ليت ويا ليت ....
* الشطارة إنك تحافظ على رأس مالك وتخلي الخسارة بأقل ما يمكن ..
* قرار البيع والشراء أنت مسئول عنه لا أحد سواك ... راجع نفسك
قبل الندم ......
* عندما تبيع سهمك بخسارة إبحث عن السهم البديل الذي يعوضك خسارتك
* بعد التوكل على الله التأني مطلوب في إتخاذ القرار المناسب وأستعن بإخوانك الثقاة
في هذا المنتدى الطيب وهم كثر ......
نصوح ينصحك لوجه الله
كلام من ذهب
قواك الله يا نصوح انا دخلت عالموضوع كنت بكتب نفس الي تقصده لقيت مقالتك بصراحة ماخليتلي شي أقوله
وانا أول البياعين انا سيلت يوم الأربعاء والآن في وضع الانتظار والمراقبة
الله يقويك يا سبورتي
وعسى الله يوفق الجميع
المشكله مو بالبيع , المشكله ان ماكو شراء , حتى لو ما تبيع محد راح يشتري. السوق قاعد ينزل لان محد قاعد يشتري فكل الاسهم تلقاهم بالحد الادنى . وتدري ليش محد يشتري ؟ لان ماكو سبب ايجابي يخلي السوق يصعد فليش الواحد يشتري ؟ عشان يخسر ؟؟؟ ماكو شي اسمه لا للبيع لان هذا الشي الوحيد اللي موجود في سوقنا ( البيع وبس ) واذا ماكو بيع ماكو تداولاهم شي بالتداول ايقاف الخساره اما تنطر على امل يصعد السوق ! قول حق راس مالك السلام . والله الموفق
السلام عليكم.... ولله احي الأخ الفارس على روحه الوطنية و خوفه على حلاله و حلال الناس... انا اايدك 2000% و ارد على الأخ صاحب المشاركة بأنه ياخوي انته تقول مافي أحد يشتري و هذا مو صحيح و الدليل لو الأغلبية العظمى تشجعة و ما باعت التجار راح يتوهقون و يشتري بسعر اعلى لأنه اللي قاعد يصير منهم فرصة للضغط على الأسهم و خصوصا في عدة عوامل مساعدتهم:
1. صفقة زين و عدم اتمامها لحد الحين و مصيرها المجهول مع كثرة الإشاعات
2. عدم اقرار قانون الاستقرار المالي و تقديم المساعدة من الحكومة للإقتصاد
3. عدم وضوح الخسارات الفعلية للشركات العقارية و الإستثمارية خصوصا بالإضافة للبنوك و مصير المخصصات
اذا كل هذي عوامل تشجع الهوامير على الضغظ على السوق للتجميع من تحت و من خلال تخويف الناس راح يحصلون على اسعار اخر مرة كانت عليها بسنة 2000 و قبل.
التاجر من حقه يسوي التكتيك اللي يحبه بس احنا صغار المستثمرين من حقنا نسوي تكتيك يحمي فلوسنا و انا عندي دليل انا تكتيك اخوي الذهبي صحيح لأنه انا صارت معاي نفس الحركة ببداية النزول القوي شهر 9 الماضي و كنت شاري أجيليتي ب 1.2 و مابعت و ظلت تنزل لحد ما وصلت بال 400 فلس و كسور و ما بعت فتخيلو يا جماعت راس مالي كان 15000 و مع النزول وصل 5000 فإذا بعت انا خسرت حلالي و مستحيل اعوض لأنه المبلغ صغير بس اللي سويته نطرت و صدقوني ما طاف 4 شهور ولا انا ارد المبلغ و بربح 2000 دينار....
الراي لكم الحين تبون تبيعون و تخسرون ولا تصبرون و تردون اقلها براس مالكم
انا عن نفسي الحين خسران 70% من راس مالي و ماني بايع حتى لو خسارتي 90% لأنها فلوس عيالنا
ادري انه في ناس وايد بالمنتدى بردون علي و يقولون هذي مو طريقة للاستثمار و انا ارد عليهم و قول اكيد ما تكون عاجبتكم لأنه انتو شغالين بالشركات الغستثمارية و محافظ عمامكم بس خافو الله و تذكرو انه الناس هذوله اهلكم
موقفكم امانة جدام الله و يعالكم
نصيحة
اذا كنت مضارب يومي والاسهم تنزل فالافضل لك البيع
واذا كنت شريت السهم ابو 100 فلس وصار 90 فلس الافضل لك البيع
أما اذا كنت شاري السهم 900 فلس او 400 فلس (مثال) وسعر السهم الان 70 فلس أو حتى 100 فلس ....فالافضل والله اعلم (طبعاً انت المسؤول عن قرارك) من وجهت نظري الشخصية بعدم البيع لأنه يعني شنوا فائدة ربع راس المال والقليل منه.... هذا رأي والرأي الفني للخبراء
دورة المؤشرنت للتحليل الفني
50 دينار كويتي