ابو فطيرة (( الجزء الثاني ))

[بو فراس]

السلام عليكم ورحمة الله وبركاتة

بوفراس من اين ابدء لعمل الخريطة وكيف وشكرا

والله حبيبي الحال زي من بعضه .. انا ماشي وقاعد اتعلم بروحي

بس بعتقادي اول اهم شيئين تفكر فيهم

1- حدد احتياجاتك للبيت .. يعني كم غرفه تبي .. كم صاله .. كم مطبخ .. دورين او ثلاث .. سرداب ولا بدون .. بحيرة اصطناعيه .. مدينة ملاهي .. وهذي النوعيه من الاحتياجات.

2- لازم تدور المكتب الهندسي المناسب .. وهذي الخطوه انا حاليا فيها .. وماني لاقي شي بالسوق يدخل القلب او انك تقول "هذا اللي اللي ابيه!" .. كل شي عادي والأسعار من 850 الى 2100 دينار


حاليا شفت مكانين عطوني الخرايط على 2000 دينار .. بس للأمانه شغلهم يشهد .. واسمهم له مكانته بالسوق

بس اللي ماد ريوله على قد لحافه نفس حالتي .. ال 2000 دينار عزيزة عليه ويقدر يسوي فيها وايد شغلات .. يعني تدرون كم خبزه ايرانيه تقدرون تشترون بال 2000 دينار ؟؟


وياريت نبتدي نشارك بعناوين المكاتب الهندسيه للإستفاده

 

[بو فراس]

للإفاده

هذي بعض المكاتب الهندسية اللي مريت عليهم

والأسعار تتراوح مابين 850 الى 2000 دينار

طبعا ليمن اقول 2000 دينار .. فهذا الشغل يكون شي خيالي .. البيت تصميم جديد ومايكون "كوبي" من مخططات قديمه

هذي كروت المكاتب .. وبصراحه ماودي احط اسعارهم لأن للأمانه اسعارهم على المزاج .. يعني تدخل المحل مره يعطونك سعر وتدخل المره اللي بعدها يعطونك سعر ثاني

مثال صار معاي .. دخلت على احد المكاتب عطاني 1650 دينار .. دخلت عليه بعد شهر عند مهندس ثاني عطاني 1200 دينار

يعني ماكو شي ثابت جربوا حظوظكم


بعض المعلومات الجانبيه تحطونا في بالكم:

1- المخطط العادي يكون معاه واجهات البيت 2D .. الواجهات الـ 3D يحاسبونكم عليها من 100 دينار الى 150 دينار.

2- اغلب المكاتب يقولك سعر خريطتي يتضمن "الإشراف" او "بدون الإشراف"

الإشراف: هو خروج المشرف من المكتب الهندسي ومتابعة قسيمتك اثناء البنيان مع المقاول .. علشان يتأكد ان المقاول ماشي على المخطط ومو خارج او غلطان بالشغل. ((فترة بنيان الأسود فقط))

لازم تتأكدون من فترة الاشراف اللي يعطيك اياها المكتب .. في مكاتب تعطي شهرين وفي مكاتب تعطي 5 شهور وفي اللي يعطي 9 شهور وفوق .. فلازم تعرفون الإشراف شكثر

سعر الإشراف من 125 الى 150 بالشهر .. اذا كان العقد لايتضمن الاشراف .. او عن كل شهر فوق الفتره المحدده من المكتب


واللي يعرف اي معلومه عن اي مكتب تكفون شاركونا فيها .. خل نعرف شنو مشاكل المكاتب .. او التجارب اللي مروا فيها اللي قبلنا .. علشان لانطيح بنفس المشاكل

وسامحونا على القصور

​

 

[yasalam]

حبيب يا بوفراس ..

 

[hassankoc]

شكرا بوفراس بس الصور مو متناسقه

 

[بو فراس]

حبيب يا بوفراس ..

تستاهلون

شكرا بوفراس بس الصور مو متناسقه

العفو .. ويريت تشرح لي اكثر شلون الصور مو متناسقه؟؟
جربت الصفحه على 3 اجهزه وكلهم شغالين اوكي

 

[ودي اربح]

الله يعطيك العافية يا بوفراس

بوفراس اغلب اللى اعرفهم يمدحون مكتب هدية

الغالي عذبي ان شاء الله وما يصير خاطرك الا طيب

يا سلالالالالام اشلووووونك

عزيز ومنور يا حسن كوك

 

[ودي اربح]

عذبي سمعت انك مار بوفطيرة اليوم ؟؟؟؟

 

[بو فراس]

الله يعطيك العافية يا بوفراس

بوفراس اغلب اللى اعرفهم يمدحون مكتب هدية

الغالي عذبي ان شاء الله وما يصير خاطرك الا طيب

يا سلالالالالام اشلووووونك

عزيز ومنور يا حسن كوك

والله نفس الحاله هني .. الكل يمدح لي مكتب هدية .. بس مو معقوله الديره كلها مافيها غير هالمكتب اللي زين

 

[yasalam]

بوفراس العزيز وباقي الشباب الحلوين

حصلت سايت فيه لستة بالمكاتب الهندسية مادري من وين
http://site.q825.com/c35.html

شوف يمكن اعجبك

 

[بو فراس]

بوفراس العزيز وباقي الشباب الحلوين

حصلت سايت فيه لستة بالمكاتب الهندسية مادري من وين
http://site.q825.com/c35.html

شوف يمكن اعجبك

تسلم لي

اللسته شايفها من قبل وتقريبا اتصلت على اغلبهم .. و ثلاثة ارباعهم مايتعاملون بالسكن الخاص

 

[ودي اربح]

كفو والله على الربع اشوف شادين حيلكم
يبييييييييييله اشد حيلي معاكم انا للحين ما بلشت بشي

 

[OVER-THE-TOP]

مساكم الله بالخير يا شباب
احد عنده مخطط ابو فطيره يبين فيها القطع وارقام الاراضي

 

[ودي اربح]

موجود
منزله عذبي دور في مشاركاته او ان شاء الله اذا دش المنتدي وشاف مشاركتك ينزله لك

موفق خير

 

[عذبي 71]

هلا بوعلي اشلونك والله الرطوبه ادوخ واتخلي الواحد ماله خلق شي ..

 

[ودي اربح]

هلا يالغالي
بو عذبي تشلونك طال عمرك

بو عذبي ما رديت على موضوع اقبض نقدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ودي اربح]

للرفع

 

[عذبي 71]

السلام عليكم أخواني الأحباء وجيراني الكرام..

قبل سنة ونص وبالتحديد في فبراير 2009 ..
عندما كنت أبحث عن أرض للسكن في أبوفطيرة..

كنت أحتفظ بنسخة من المخطط مع السعر المعروض من قبل المكاتب العقاريه..

وقد وجدت بين أوراقي القديمة هذه النسخة والتي تشكل ذكرى طوتها الايام..

الاراضي محدوده 75 الف والسوم 72 الف...
ولكن ماشريت بهذا السعر شريت باغلى بكثير .. وبسبب الاخبار التي تعد بالنزول..
بس اليوم أسأل نفسي لو ماشريت... وناطر على أمل النزول بالصيف القادم..
جان اشسويت..
اليكم الصورة.. والتعليق لكم..

 

[yasalam]

382-383-384

قسما كانوا محدودين اب 98 !!!
والدلال اقول يالله قول تممم ..
وأنا كنت امحنج الا ابي اب 95 !!!

طبعا قسايم الشارع واحد ما كنت حتى أطل فيهم .. هيهيهي


آآآخ ياعذبي قلبت المواجع ..

 

[ديناركو لمتد]

عذبي يعطيك العافيه

انت موقلبت المواجع الا حطمتنا ايام راحت

الحين لو يصير نزول اكثر من 50% ما أندم على الشراء مجرد انك تملك ارض تنام قرير العين

وما اعتقد انه فيه نزول كلش سالفة النزول صارت مثل انفلونزاالخنازيرالصيف الى طاف خرعو العالم وبالأخر ماكو الا العافيه ولا فلونزا ولا خرابيط

 

[عذبي 71]

السموحة بوفيصل وبوحسين ..والله ماكان قصدي اضايقكم..لكن الكلام موجه لخبراء المنتدى اللي مواعدين الناس بالنزول وهالايام يقسمون ان في نزول قريب ..
ويحلمون ان الشارع الواحد يصير ب٩٠ الف ..
احب اردد كلام بو علي واقول كانت ب٧٢ الف وقلنا لكم اخذوا..
قلتوا لا انتوا تشتغلون مع التجار انتو تتمصلحون ومطبلجيه ودلالين ..
والحين تتمنونها ب ٩٠الف ..
عقول ما يعلم بها الا اللي خالقها..

اقول يالله اكلوها الحين ..