ابو فطيرة (( الجزء الثاني ))

[فنان999]

الله يعطيكم العافية يا اخوان ان شاء الله عن قريب نصير جيرانكم لي اني فكرة ابيع ارضي الي بالفنيطيس واشتري في بوفطيرة والسبب الغاء مشروع البنية التحتية لمنطقة الفنيطيس

يا سبيد انت تضرب يمين يسار انا ما قلت الغاء لكن قلت تأخير
والسبب ما في حد يتكلم ومحد يطالب والكل مسكر حلقه يبيلهم واحد يصارخ بوجوهم مثل مسلم البراك

 

[عذبي 71]

تنور ابوفطيرة يا كويت سبيد..
لكن الخبر اللي جبته عن الفنيطيس انت متأكد منه.. ؟!!

 

[ودي اربح]

شنو السالفة يا الربع ومتى الخبر هذا يا سبيد

 

[q8-speed]

الله كريم

 

[bu sale7]

السلام عليكم

شنو سالفة الغاء مشروع الفنيطيس

الكلام غير صحيح والدليل مهندسي المساحه من الشركتين موجودين يوميا في المنطقه يشتغلون

 

[TCR3]

قال تعالى {والكاظمين الغيظ والعافين عن الناس والله يحب المحسنين} وقال{فمن عفا وأصلح فأجره على الله}وقال {وليعفوا وليصفحوا ألا تحبون أن يغفرالله لكم}وقال رسول الله"ماتجرع عبد جرعة أفضل عند الله من جرعة غيظ يكظمها ابتغاء وجه الله"وقال"وما زاد الله عبدا بعفو إلا عزا"

 

[MUSAED77]

27-04-2009, 10:04 AM
musad musad غير متواجد حالياً
موقوف

تاريخ التسجيل: Feb 2009
المشاركات: 393
Exclamation رد: رقم الدلال
شلونك الغالي اليوم في واحد كان عارض قسيمة بوفطيرة اخت الزاوية على 75 الف ولما دقيت علية يقول أنباعت ويقول في غيرها بس على 79 الف دق علية وشوف الموضوع يمكن يفيدك 66019113 اسمه بو مصطفى
__________________
زاهــــــــــــــــــــد بالــــــــــــدنـــــــــــيــــــــــــا


وانا قاعد امسح ايميلاتي جان اشوف هذه الرساله


هذا الايميل قديم وشوفوا الاسعار الله واكبر .

ابي تعليقاتكم

 

[ودي اربح]

السلام عليكم

شنو سالفة الغاء مشروع الفنيطيس

الكلام غير صحيح والدليل مهندسي المساحه من الشركتين موجودين يوميا في المنطقه يشتغلون

الخبر جايبة كويت السبيد والله يستر

 

[q8-speed]

الخبر جايبه فنان999 وليس كويت سبيد

 

[عذبي 71]

مساكم الله بالخير الجميع

انا فاقد المنظور الشامل ....
بوراشد وينك عسى ماشر...؟؟

 

[bu sale7]

مساك الله بالخير عذبي اشلونك كل شي تمام

اشلون الجو الصبح معاك

شوف الصوره لقطتها على الشارع مقابل بو فطيره




من شدة الهوا الصبح

 

[MUSAED77]

الله واكبر

 

[bu sale7]

هلا بمساعد ما حصلت ارض

اشلون الاسعار بالمكاتب

 

[عذبي 71]

هلا بالغالي بوصالح وتسلم ايدك اللي منورة المنتدى وصفحاته وعساك عالقوة يالحبيب ...
والحمد لله ان الله قدر ولطف وهاللوحة المكسورة ما عورت انسان او سيارة
بالحقيقة هالشارع يمر على مناطقنا ابوفطيرة والفنيطيس والمسيلة ومرتادين الشارع يعتبرون بحمانا وما نرضى لهم الا بالسلامة ... ونبي يا بوصالح تنقل لنا مشاهداتك وملاحظاتك لابوفطيرة والعمل فيها ...

 

[bu sale7]

انت تامر امر عذبي

 

[عذبي 71]

مساعد77
آه.... شتبي نعلق على هالرساله ...
كل شي بالنصيب والصالح بالواقع..
لكن مع كل الايمان بقضاء الله وتقسيم رزقه على عباده..
إلا ان الكلام الجد مافيه زعل ... انت فوت الفرصة على نفسك يالحبيب ... وما ادري شنو عذرك؟؟؟

ولو ما كان عندك استعداد مادي جان ما دورت بالاساس.. لكن يبدو ان التردد هو اللي اوقف طموحك..
صدقني كلنا ترددنا وتخيلنا ان الاسعار بتنزل واذا شرينا بنصير مضحكة وسالفة الناس...
وينقال عنا هذوله المخابيل اللي وشروا والعقار بأول انهياره..
كنت اتخيل اني اذا شريت بتنزل الاسعار 10 و15 الف وانا على الله وعلى المعاش واذا بشتري فبالاقساط... يعني قرض وفوايد والفرق بالنسبة لي كل دينار له قيمة..

لكن يالربع الامور توزن بالعقل.. فالمعروض بالسوق كان بحدود 20 قسيمه: (بقطعه 6 اتذكرهم 3 قسايم) و(بقطعه 2 فيها 6قسايم) و(بقطعه 5 فيها 9 قسايم).. والعروض الوهميه فحدث ولا حرج... اتذكر مكتب بعث لي فاكس بأرقام 38 قسيمة بقطعة 4 وكانت مواقعها متفاوته شي زوايا وشي روس وشي بطن وظهر .... طب وتخير .... وطلع كله جمبزه بجمبزه... وهم في وهم ..

بعد شهر من المتابعه والمراقبه انا واخوي وقرة عيني ودي اربح .... كنا متوقعين عروض جديده تنزل بالسوق لكن مانزل شي...
وتوقعنا الاسعار تنزل الى 60 و65 الف... لكن للاسف ما نزلت بالعكس بدأت ترتفع ...
وبدأ العدد المعروض يقل والدلال اما يقولك البايع بطل ما يبي يبيع... او يقولك القسيمه انباعت...
يعني مابقى الا كم ارض اللي مبين ان راعيهم جاد بالبيع وبالتالي يا تلحق وإلا الله يعوض عليك...::verymad::

ومع كثرة الصيحات والتوقعات بالانهيار المهول... كان امامنا خيارين اما نخوض المعركة المجهوله فوز أو خسارة.... أو نبقى ننتظر القطار حتى يقف ..
فإن وقف وركبنا فراح نختار مقاعد الدرجة الأولى نفوز فوز عظيم...
وإن كمل القطار طريجه... فراح نظل نطالعهطول العمر وهو يبتعد عنا لحظه بعد لحظه... وساعته كم اصبع من الندم راح نعضه باسنانه..

بالحقيقة البطل المقدام والفارس الشجاع أسد ابو فطيرة ودي اربح ... حمل راية الحرب وارتدى درعه وتقلد سيفه وقال لي اما النصر واما الشهاده ..
وكان رأيه السديد يشير الى أمر مهم... وهو ان الاسعار لو نزلت فهذا اللي كاتبه الله علينا واحنا مو مضاربين نبحث عن الارتفاع والنزول والربح الخسارة...

لكن اذا ارتفعت فمن وين نقدر نلحق انفسنا ..؟؟ وساعتها مايبقى لنا إلا خيار الاسكان الحكومي المرير هو نهاية المصير...

كنت عن نفسي اكره الحل العسكري والمواجهات الحربية...
فتثاقلت بالبداية...وظليت الف وأدور وابحث عن حلول دبلوماسية...
فقال لي القائد ودي اربح بكل جرأه : ترى انا معزم ....
اذا كان جدامك فارس شجاع بهالقوة والاصرار فما هو الحل .. مالك إلا تسحب سيفك...
وإذا سحبت سيفك فإما تحارب ... او تجلس بالخيمه وتقص بالسيف بصل..

فقلت لنفسي والله انه لاحب إلي ان تسيل دمائي في ميدان ابو فطيره .. من ان تسيل دموعي من رائحة البصل في الخيمه..

وخضنا أهوال المعركة.. وبالحقيقة ما كانت سهله ... ولكن فاز باللذات من كان جسورا...وفزنا بفضل قيادة ودي اربح الحكيمة وجرئته اللي تنشرى الملايين..

قصدي من هالقصة يا مساعد77 ويا اخواني الحاضرين أنه صحيح بالتأني السلامه ...والحذر زين...
لكن تفويت الفرص يسمى بطئ..مو تأني لأن الفرص تمر علينا مرور السحاب...
امر مثل شراء بيت ما يحتمل التردد والخوف... هالامر يبيله جساره وقلب ميت مايخاف من الخساره...

كما يجب على الانسان ان يختار الصديق الذكي والجريئ اللي يعرف متى يقومك ومتى يقعدك ... ويجب أن تحذر الصديق الردي اللي يخوفك ويجبنك بدل لا يشجعك ويساندك... ويضيعك بدال لا يدليك ..

كلمة افلوسي يمكن اخسرها... ويمكن باجر تنزلالاسعار ... وانا سامع فلان وفلنتان يقولون الصيف جاي وبشتري شمسيه...
ترى بهالكلام عمرك ما راح تبني لك ولا لابنائك مستقبل في هالزمن الصعب...

بالنهايه كل واحد عقله براسه وما خاب من استشار الفاهمين والمجربين وقرر لنفسك واختار مصيرك بع اليتوكل على رب العالمين..

والله يوفق الجميع.

 

[ودي اربح]

الغالي بو خليفة يواش يا خوى تراك عطيتني اكثر من حقي ترى كلامك يخليني انغر وما رد عليييييك

الغالي بو خليفة انت الظاهر شفت اللى سويته ونسيت نفسك وهذا ان دل دل على تواضع شخصك الكريم يا بو خليفة

الغالي بو خليفة فعلا انا كلمتك وقلت لك معزم بس اتمنى تذكر كلشي وترد بذاكرتك

الغالي بو خليفة انا ما قلت معزم الا من شخص الله يذكره بالخير كان متكفل بكلشي بجميع المعلومات بكل انواعها سوائا كانت مهمه وكبيره او عادية وصغيرة وهذا الشخص هو اللى من اول ما فكرت دلاني المنطقة وفرني فيها وجاب لى خريطتها وقالى شوفها وسئل عن المناقصة وتتبعها حتى للامانه اذكر دق على بالليل الساعه فوووق الوحده وقالى هذي المناقصه مالت ابو فطيرة في موقع المناقصات وعطانى رقمها افتكر 147 ولا يطلع خطأ ويزعل على وهو اللى شجعنى من البداية الى النهاية وجم مكتب رحت معاااه حتى اهل المكاتب عرفونه وكان حلقة وصل بيني وبين المكاتب اللى كان بحلاوة اللسانه اللى ينقط عسل ولباقتة واسلوبه الحلو كان متواصل معاهم سوائا بالاتصالات او المسجات او الفاكس اللى يجزاه خير وكان في فتره قصيره جدا الم بكل شي مهم وضروري للمقبل على خطوة الشراء وبنفس الوقت كان متابع حتى طرق التمويل لي حتى لمن قلت ابي قرض الرجال سائل البنك وجايب لى الحسبه بالفلس والاوراق المطلوبه يعنى شنو ابي بعد واشلون اقدر ارد له الجميل والمصيبه ::verymad:: انه للحين يتجاهل دوره وزف كل البطولات لى وسجلها بأسمي لالالالالا::verymad:: يا بو خليفة كلمة حق واقولها جدام الشباب لو لاك انته جان انه للحين اكسر عنجكك مع الربع حبيبي بو خليفة احنه بذاك الوقت اله سخرنه حق بعض وكنه اثنينه نكمل بعض يا بو خليفة والايد الوحده ما تصفق انا اشهد انك راقي باخلاقك يا خوى والله يشهد على كلامي انى انك اقرب من اخوى يا بو خليفة

بعد كل هذا اللى مكاني ياخذ او لا اذا معاااه بوخليفة

بس عااااد يا الله تري خنقتنى العبره ههههه

شكرا بو خليفة

 

[q8-speed]

افا نسيتو ربعكم من ايام منتدي النوادي ؟؟؟؟؟؟؟؟؟؟؟؟؟

 

[عذبي 71]

عديل الروح يا بوعلي..

وعلى الراس ما ينسون الربع وخصوصا كويت اسبيد اللي مرات يطلع لنا بسوالف عجيبه غريبه لكن ذهب اصلي مايتغير لونه...و مساعد وبوصالح وبوراشد الاستاذ الكبير وبوفراس الغايب وفنان وبوحمود وكويت كنج اللي اختفى وبريمان وبو عبدالله وفورمان الكبير وبودانه وابوفلجه .. وبونجم وابراهيم اللي شاركوا مرة وحدة واختفوا..وفريق الموقوفين الله يفك عوقهم وكل الشباب المشاهدين دون مشاركه واللي نتمنى بيوم من الايام نتشرف بمشاركاتهم ونستفيد من افكارهم.

 

[MUSAED77]

الله كريم