ابوعامر
عضو نشط
حسبي الله ع من غش مسلم
دورة المؤشرنت للتحليل الفني
50 دينار كويتي
شريت سياره ب2250
استعملتها اقل من سنه ربيع موسم كامل وجيت ابيعهاا ع شهر 3
المهم نزلتهاا الحراج فتحو بابهاا 300 دينار
وصلوهاا 700 يمكن دقيت سلف قلت بمشي
ولا واحد شريطي حاكهاا ويانا يدق دق تلفونات ويعني اسلوب وراعي طيب ومواجيب عايش الدور المهم ويلتمون الشريطيه 3 فرق كل فريق مايقل عن 4 او5 اشخاص
وانا توني بطلع ويمسكوني ويوصلونهااا 1600 تقريباا قلت انا 1800 بياع
جان يجي صاحبناا قالي السياره لاتطلع خلهاا بيناا وانا اخذهاا 1800 وفوقهاا حبه خشم المهم قلت له ابشر
واصرف الشباب الشريطيه واطلع من الحراج وقلت للدلال اذا انباعت لك عشاك ومو مصدق جان يقول يالله انحرج
المهم ولا يدق علي صاحبناا قال انا امرك اخذ السياره قلت له حياج جان يقول اخذها حديد سكراب والسياره نظيفه واشتريها كومه حديد وقعد يألف المهم قلت له حياك وع راحتك
جان يقول انا اخذهاا 1400
قلت له قدامك انسامت 1600
طبعن اصدمت والله صعقه قلت شلون في ناس وجيهاا عريضه لهدرجه جان يقول ميتين دينار ابيهم للوالد مدري شنو قلت له مع السلامه واسكر التلفون وبعت الموتر ع واحد ثاني سبحان الله بركه بدون لا يناقش فحص وشراا لاكن الشريطيه مشكله ورديت للدلال قلت له تذكرني انا الي قلت لك لك عشا جان يقول لاوالله ما اذكرك قلت له المهم هذا ععشاك جان يقول بيض الله وجهك وانتهت السالفه
وسامحونا ع الازعاج
شهر 1 هالسنه كان عندي جيب لكزس الساير ابيض صدفي موديل 2004 مافي دعمات صبغ مدقر تجميلي امامي بس ماشي 66 الف كنت طالع من الجهرا ولا امر الحراج قلت خل اضيع وقت واشوف سوالفهم المهم اول مادشيت تيمعو اليهال وركب وياي واحد ويدقدق انا قاعد امشي فيه طبعا ولا يقولي 8000 تبيع ولا اقوله انزل انت مو كفو احترام وواحد يرزك بلكزس ( بو الشباب كل مايشوف واحد يسلم ويأشر عباله راكب طياره ) وانزله اخر الحراج واخليه يرد زحف والحمدله بعته بعدها بفتره على واحد ب11 الف
النصب مو بس بالحراج ..... النصب وصل للوكالات .... وهذا الدليل ...
لما كنت طالب بالجامعة قررت اشتري سيارة مستعملة اطقطق عليها حق الطريج ... قلت ما ابي الحراج لأنهم نصابين (الاغلبية وليس الكل) .... اخذت سيارة من شركة الغانم (المضمونة) ... سافطينها بالمعرض بالتكييف داخل وحاطين عليها كشافات والسيارة تلق لق ....... وبعد ما شريتها ... وقال لي انها مضمونه واستعمال مدير..وصبغ الوكالة و(ماباس تمها غير امها)... ومافيها شي وماشية 64 الف .... المهم اشتريت و استخدمت السيارة فترة طويلة وبعدين قلت خل اثمنها عندهم واشتري سيارة جديدة اصفار ... يوم كشف عليها بالكمبيوتر ... جان يقول لي السيارة مدعومة من جدام ومدعومة من ورى ومصلحينها بالوكالة ... انا بققت عيوني .... وقلت له انت متأكد ؟؟ انا السيارة ماخذها منكم ... جان اروح حق اللي باعني السيارة ... وسحبته من وردانه وقلت له تعال شوف شنو مكتوب بالكمبيوتر مالكم .... الاردني اللي على الكمبيوتر انسان نظيف ولا خاف من البياع ... قال نعم السيارة مدعومة ومصلحة البياع يقول له ليش تقول حق الزبون جذي ؟ الظاهر انك غلطان ... قال لا ....مو غلطان .... اذا رقم الشاصي ينطبق على سيارتين اصير غلطان ... البياع صار كبر الفار وصغر بعيني حيل .... وللأمانه .... السيارة ما نقدت عليها بشي بس معروف عنها بسرعه يطق الجير. (لومينا). وهذا ماله شغل بالحادث ..... بعد البحث والتحري .... تبين ان البياعين اللي في الغانم عبارة عن شريطية سيارات حالهم حال الحراج ... يحلف براس عياله ... وتقوله استغفر ربك حرام تحلف بغير الله .... يعطيك من الحلفان اللي تخليك تصدق ان الشمس طلعت من الجنوب ....... ومشكلتنا اننا ناس صادقين مع نفسنا ومع ربنا ونصدق الحلف.
السلام عليكم ورحمة الله وبركاته
اخوي بو فيصل إن شاء الله هكذا تكتب بارك الله فيك ووفقك لما فيه الخير والسداد إن شاء الله
يبا انا صارلي موقف مع دلال شريت فورد فكتوريا مديل 2003 قبل سنتين تقريبا ب 3000 المهم كنت بسافر دراسة قلت ابيعها ابرك المهم رحت الحراج ويقعدون يرفعوون للسيارة لين وصلوها 3100 انا بالسعر هذا بكون ربحان المهم ركب معاي الي بيشتريها قالي ما اخذها لين افحص قال اوكي المهم رحنا فحصنه والفحص عليه هو المهم طلعت السيارة مافي اي شئ قام الرجال بعطيني جان يعطيني 3050 قلت له احنى متفقين على 3100 قالي والله خمسين ماعندي ومن الكلام هذا قلت لا تسلمني فلوسي كاملة ولا مو للبيع المهم قال خلاص مابي السيارة
طبعا انا قلت الجمعه الجاي انزلها الحراج ويوم وديتها وانصدم السيارة وصلت ل 2200 ولا راضية تزيييد وخليتها عندي
والله لعبو علي الشريطية يقولي ماتجيب لك اكثر وانا اقولة الاسبوع الي طاف وصلت عندك 3100 قالي السيارات مثل البورصة يوم نازل ويوم صاعد
الله يعين
جزاك الله خير خوووش معلومه مفيدةيا جماعه اذا شفتو سيارة بالحراج عاجبتكم وقاللك شرط الفحص قوله فلوس الدلاله على البايع لي بعد الفحص والموتر اذا نظيف على حسب الاتفاق فحص قير مكينة هني عطه دلالته
كليتها مرتين ان شاء اسردهم لكم
السلام عليكم ورحمه الله وبركاته ..
مشكور ياراعي الموضوع الشيق وهم مشكورين ياشباب على الردود الطيبة ... بصراحه ضحكت على موضوع اخونا اللي شاف ممشى السيارة 98 وطلع عداد الدهن لووول شر البليه ما يضحك ومعوض ان شاء الله ..
بسم الله ... بخصوص الحراج والشريطية .. البعض منهم يدخل سيارته للبيع مع هندي ويرفع فيها لين توصل للسعر الي اهو يبيه والبعض الاخر يقول لرفيجه عطني بطاقتك عطني بطاقتك والله رخيصه عشان انت وانا نسمع ونجي ونشوف السيارة ونزيد فوقهم والبعض الاخر تقوله جم وصل هالموتر يقولك 2800 واهي ماتسوا 2200 والبعض الاخر يطق على دبه السيارة حيل ويقول لراعي السيارة بيع بيع بالله لو انها سيارتك واهو يطق فيها جنها ولده الصغير شسوي فيه ؟؟ اكيد السالفه مدروسه راعي السيارة منهم وفيهم والبعض الاخر ينكت ويسوي حركات عشان الناس تتجمع عنده واللي يبط جبدك اكثر واكثر انهم كلهم بو عرقه ويقولك والله الموتر على ايدي من الوكاله والموتر موديل 90 يمعود رووووووووووووووووووووووح سنه 1990 وينك فيه يالمخنز اخس وعقب
الشي الثاني مكاتب السيارات اسعار خياليه نصب وحتيال تعامل مع كراجات فحص السيارات مره من المرات شريت سياره من مكاتب ميدان حولي جاكور اكس كي ايت ورحت انا وراعي المكتب بنفحص السيارة اخذني للنجم الثلاثي اللي بالشويخ فحصنا الموتر طلع ميه ميه المهم استعملت السيارة تقريبا اقل من ثلاث شهور وفي صوت بالسيارة باط جبدي جان اوديها لكراج باكستاني ورا شركه الزياني جان يقولي هذا صوت بككس عاد هاصوت من شريت السيارة واهو فيه ويقولي راعي الفحص هذا صوت بوبرنقات بشيه بشيه صج انقص علي جان ابدله بالسكراب 300 دينار نصيحه لا يوديك راعي المكتب للفحص اللي اهو يبيه انت اختار وانا اشوف بصراحه الافضل الرمال الذهبيه حتى يعطونك كفاله على الفحص وشكرا ..
وثالث شي انتبهو من السيارات اللي بالشوارع معروضه هذي اتكون العصر بالحراج وبالليل معروضه عالشارع مره من المرات شفت موتر عالشارع رخيص جان ادق عليه وله طلع بو عرقه اصلي هلو هلو قلتله الموتر فحص قالي ياعمي ماتعرفنا على الاسم الكريم جان اشيرله اسم جان يقول من اي قبيله انت قلتله من القبيله الفلانيه جان يقول ونعم وعنم هذول خوالي ياهلا ومرحبا قلتله هلا فيك طبعا انا منثول اول مره يمر على نصاب جذي قالي ياعمي هذي السيارة مالت مريه يعني مو مره لووول قلتله اكيد طبعا سمعني حلف غريب عجيب قلتله يبن الحلال مصدقك بس عندي شرط قالي شنو قلتله اي شي يطلع بالسيارة فلوس الفحص عليك قال ياعمي ابشر المهم نطرته عند السيارة يمكن نص ساعه تاخر علي جان ادق عليه قالي ياعمي انت شفت السيارة شلون نظيفه قلتله اي ماشاء الله نظيفه جان يقولي وانا حلفتلك ان السيارة مافيها شي لويش يعني مو ليش تبي تفحص وتخسر نفسك فلوس الفحص طبعا انا نمل جسمي ولك شنو نصاااااااااااااااااااااب يخرب بيته ... زبده الحجي يوم شافني مصمم بفحص قام يتهرب قالي انا بيت اختي بالسالمية وكل ما ادق عليه مايرد هالخكري ..
والشي الرابع الجذب عند بعض شبابنا اللي يبون يبيعون سياييرهم اتقوله شرط الفحص مافيها اصباغ او مدعومه من قبل يقولك والله مادري انا شاريها من ولد عمي قبل سنتين او من رفيجه او يقولك هذي سيارة السايق واهو اللي داعم فيها عشان يبريء نفسه جدامك اذا طلع فيها شي بالفحص نفس مره لقيت موتر رخيص وقلت لراعيه في شي الموتر مدعوم قالي والله مادري والموتر كان عند ولد عمي قلتله زين اذا فيه شي تدفع الفحص قالي قاعد اقولك مادري عنه المهم استرخصت الموتر وقلت لنفسي يمكن مايدري عنه تواعدت انا وياة عند الفحص ودفعت 45 دينار وطلع الشاصي ملحم كله صاير جنه بايب مظله وراحت فلوسي على غير سنعوانا مايبط جبدي الا بعض الناس اللي ييقولك استعمال مره او طبيب او مدرسه يعني هذول مو بشر محد يخطي ويدعم فيها ؟ انا مره رحت اشوف سيارة دكتور قلت الحين القاها تلق لق والله العظيم يوم فتحت باب السيارة بغيت اتنحنح قلت يمكن في احد يطير الشراب داخل لووول والله كلمه حمام شوي عليها ... وسلامتكم وسلامه الحاظرين وعاش واقف وسمحولنا عالاطاله تحياتي لكم
دورة المؤشرنت للتحليل الفني
50 دينار كويتي