شركة جيزان العقارية ش م ك مقفلة ( جيزان )

[N_G]

اخواني ..

نصحية من اخ له خبره بالسوق .. وخصوصا مع مجموعة البحر
اسلوب البحر معروف .. ينزل السهم مع ارتفاع السوق .. لما تزهق منه
ولما السوق نازل تشوفه يجمع السهم .. لانه الكل يتوقع انه السوق نازل وأكيد
اسهم البحر هي اول اسهم تنزل .. ويجمع السهم بأرخص الاسعار ..

ولو ملاحظين انه مع توزيعات المنحة 40% .. بدأ يتحرك اشوي أشوي
لانه قاعد يجمع فيه .. لما يجمع الـ 40%
تشوف السهم يتحرك لفوووووووووووق .. وأذكركم بهذا الشئ ..

على كل حال .. النصيحة .. عندكم طريقتين :
1- تصبر على السهم وتخليه معاك اقل شئ شهر. ( لانه ليش عندهم زيادة رأس مال .. ما ترفع الشركة رأس مالها الا اذا داشة على مشاريع كبيرة .. )
2- تبيع الحين وتدخل على اسهم قاعدة ترتفع بسرعة <---- ( انا طبقت هذا الشئ .. بعته بـ 660 مع التفسخه ) وشريت اسمهم عوضت كل خسايري فيه .. وكنت اقدر ارجع لجيزان يوم كان 395 فلس

والأمر يرجع لكم

تحياتي لكم

 

[rahaly]

يا خوي بنمسك بهالسهم وننام عليه .. ونشوف البحر يوصلنا البر؟!!

 

[rahaly]

وبعدين؟
وين يوصل برايكم جيزان؟؟

والله نصايح الاخوان بالبيع كان مية مية ..
والعناد مع شركات البحر والامل فيها يودي بداهية ..

هل في امل للصعود لاسعار معقولة؟؟

الا التبريد مستحيل نبرد عالسهم ..


تحياتي

 

[الصياد2]

وبعدين؟
وين يوصل برايكم جيزان؟؟

والله نصايح الاخوان بالبيع كان مية مية ..
والعناد مع شركات البحر والامل فيها يودي بداهية ..

هل في امل للصعود لاسعار معقولة؟؟

الا التبريد مستحيل نبرد عالسهم ..


تحياتي

عندي احساس ان السهم راح ينزل الي 200 فلس ان لم يكن اكثر
كان الله بعون من اشترا هذا السهم الدايخ
والله يسامح من نصح بشراء هذا السهم
اعتقد ان هذا السهم ماله رجعة فالافضل بيعة الان واستبداله باي سهم اخر ( غير اسهم البحر )
والله يعوض

ماحصل لسهم جيزان كان متوقع والي عنده خبرة بالبورصة كان يدري ان هذا الي راح يصير مع جيزان
لا وازيدكم من الشعر بيت
السهم بعد راح ينزل اكثر واكثر

 

[الفهلوي]

عندي احساس ان السهم راح ينزل الي 200 فلس ان لم يكن اكثر
كان الله بعون من اشترا هذا السهم الدايخ
والله يسامح من نصح بشراء هذا السهم
اعتقد ان هذا السهم ماله رجعة فالافضل بيعة الان واستبداله باي سهم اخر ( غير اسهم البحر )
والله يعوض

ماحصل لسهم جيزان كان متوقع والي عنده خبرة بالبورصة كان يدري ان هذا الي راح يصير مع جيزان
لا وازيدكم من الشعر بيت
السهم بعد راح ينزل اكثر واكثر

النداء الأخيييييييييييييير


الهروب ثم الهروب


لا تكابر بإمساكه فأنت الوحيد الخاسر​

الفهلوي

 

[Small_Stock]

جيزان وطريق الدينار بعد كسر حاجز النفسي 500 فلس

سهم جيزان عور وايد ناس وخل ناس تكرهه ولو نرجع شويه وره وتذكرنا ان كل الناس عندهم جيزان مثل ماكل الناس اليحين عندهم سهم جناعي
السهم يمر هاليومين بعمليات مضاربة على جم سعر وانعرفت لعبتهم ووصلني حجي من اهل البحر انهم بيصعدونها دينار والي بيصعدها صندوق ايفا علشان مايطلع بالشينه وخاصة وانه صندوق جديد علىالساحة بس علشان يروح دينار لازم يمر بتدوير وتجميع على مراحل وهاليومين تشوفون المضاربات الي عليه وعلى جم سعر انعرفوا وانكشفوا

 

[المعوشرجي79]

انا لا اعتقد

 

[boalons]

اخوي تو ماعرفناك وتوصي على جيزان !

يا اخي طبعتوا العالم خافوا الله فيهم , كلنا يوصلنا حجي لكن مو كل شي اسمعه اقوله
هذا السهم مانبي احد يوصي عليه لانه اثبتت التوصيات الي كانت عليه من سنه كامله انها فاشله واعتقد انك تدري بهذا الشي

 

[الفهلوي]

انا اقص ايدي ان تحركت جيزان
ان شدت حيلها راح توصل 1.260
اكثر من جذي ما اعتقد
بس تصدقون يا اخوان
يراودني شعور وكاني اري جيزان بسعر 750 فلس
مادري ليش
وهلسعر شكلة قريب جدا جدا

وفي شخص صارلة 6 شهور ويمكن اكثر وهو قاعد يتفخ في جيزان
والله هذا مسكين وكاسر خاطري شرايكم يا جماعة نحطلة حطية لان الفقير مل وهو يكتب ويحلل تحاليل فاشلة
علي الاقل نعطية اكرامية
البورصة راحت فوق فوق وسهمة ( جيزان ) باط علي ويهة لا والمسكين مازال مجلب فية
الله يعينة ويصبرة علي بلواه :d

الله يذكر الأخ سبع الآجل بالخير

صدق شعورة واحساسة

السهم نزل تحت 750 فلس ووصل 400 فلس واقل .


الفهلوي

 

[الشورى خالد]

ياخوي تصدق ماسك جيزان 8 شهور وخسارتي فيها اقل من خسارتي باللبنانية والفجيرة صدقني خسارتها على اصول مو كل يوم حد ادنى يعني حبه حبه --------------------------- بس نعم الرجل سبع الاجل كان يوصيني على الوطنيه العقارية كانت 550 فلس ماطعته بس هو وينه ترى والله صج فاقدينه وكم مرة سألنا ومحد عطانا اي خبر

 

[ChuCky]

والله شقنا هالجيزان !!!! شنو توقعاتكم لها للسنة الحالية !!!

 

[المضاربه فن]

سهم جيزان عور وايد ناس وخل ناس تكرهه ولو نرجع شويه وره وتذكرنا ان كل الناس عندهم جيزان مثل ماكل الناس اليحين عندهم سهم جناعي
السهم يمر هاليومين بعمليات مضاربة على جم سعر وانعرفت لعبتهم ووصلني حجي من اهل البحر انهم بيصعدونها دينار والي بيصعدها صندوق ايفا علشان مايطلع بالشينه وخاصة وانه صندوق جديد علىالساحة بس علشان يروح دينار لازم يمر بتدوير وتجميع على مراحل وهاليومين تشوفون المضاربات الي عليه وعلى جم سعر انعرفوا وانكشفوا

اخى الفاضل لحد يقص عليك على هالسهم الغير محترم ولا تصدق كلام اهل السهم الى هم البحر واعضاء مجلس الاداره لانهم نصابين على مستوا .
لانى ما خسرت الا مع البحر وشلليته ,, والدليل انى كنت اخذ معلوماتى من عضو بالادره وهو خالد العتال وللاسف انسان غير صادق ويطبل للسهم وكان يقول بيع بيتك واشتر جيزان تراهو صاعد ولا تخاف واشوه انى ما بعت بيتى كان الحين أنا ( بقصر نايف ) فنصيحه انفذ بجلدك ..
وعلى فكره ترى طلال البحر سواها بكم شيخه وقص عليهم اشتروا جبزان وكويت انفست ترا رايح دينارين بعد شتبون والمساكين صدقوه وطبعوا ..

 

[ChuCky]

اخى الفاضل لحد يقص عليك على هالسهم الغير محترم ولا تصدق كلام اهل السهم الى هم البحر واعضاء مجلس الاداره لانهم نصابين على مستوا .
لانى ما خسرت الا مع البحر وشلليته ,, والدليل انى كنت اخذ معلوماتى من عضو بالادره وهو خالد العتال وللاسف انسان غير صادق ويطبل للسهم وكان يقول بيع بيتك واشتر جيزان تراهو صاعد ولا تخاف واشوه انى ما بعت بيتى كان الحين أنا ( بقصر نايف ) فنصيحه انفذ بجلدك ..
وعلى فكره ترى طلال البحر سواها بكم شيخه وقص عليهم اشتروا جبزان وكويت انفست ترا رايح دينارين بعد شتبون والمساكين صدقوه وطبعوا ..

والله كلامك عدل !! اهل البحر اللي كانوا يقولون عندنا عقد بالامارات اب 18 مليار ! اشتر ونام عليه وكا شرينا وطبعنا !!! حتى مع المنحة ماوصل حق راس المال

 

[ابن الوهاج]

هذي شنو جيزان؟

 

[ChuCky]

نبي انعرف اخر التحاليل والاخبار عن هالسهم التعبان ! ابيوصل 700 فلس ولا لاء

 

[الفهلوي]

هذي شنو جيزان؟

لتعرف جيزان ادخل هنا وعبر في موضوع

ماذا انتي ياجيزان


وستجد تاريخها الطويل .



الفهلوي

 

[kuwaity2]

بعد الخساير سميتها خسران

شلونكم يااخوان من كرهى لهسهم بعتها الثلاثاء الى طاف 440 فلس . وبدلتها بسهم المخازن والله يكتب الى فيه الخير.

 

[rahaly]

يا اخوان .. باركولي
بعت جيزان 455 والتكلفه 700
وخسارة خسارة ..
بس الحمدالله مرتااااااااح ..
والله لا يطوفكم .. بس تبيع تحس رامي ثقل

تحياتي

رحالي

 

[rahaly]

تكلفتي 700
بعت 455
بس والله رااااااحة
اهم شي ارتحت من السهم اللي يرفع الضغط

تحياتي

رحالي

 

[anaconda]

السلام
مانى مكرر الحجى لانى قلت بما يكفى عن جيزان واللى اخذ بالكلام واللى ما أخذ اهو اجتهاد شخصى منى وهى ليست دعوه للشراء او البيع
لكن للاشخاص الذين يواصلونى بالرسائل اقول اشتروا جيزان وانا المسؤول فى حالة الخساره والتعويض

هذا الكلام انكتب بتاريخ 20/8/2004
وكان سعر السهم في ذلك اليوم هو 1.220
واليوم سعر 475 يعني الخسارة 60% تقريبا او اكثر شوي
مادري شلون راح يعوضهم الاخ الكريم الي دق الصدر وقال انا مستعد اعوضكم

هناك اساليب موطبيعية للدعاية والنصب