شركة جيزان العقارية ش م ك مقفلة ( جيزان )

[عنيد]

الله يعطيكم العافية شباب

أما بالنسبة للسهم ومن وجهة نظري البسيطة كمستثمر جديد في السوق

أشوف ان هذه فتره استراحة وان شاء الله يبدأ الانطلاق عن قريب .​

 

[بو حبيب]

ما تعتقدون ان تداول اليوم مؤشر لنزول السهم شوي ؟؟

 

[Cha3bar]

ما تعتقدون ان تداول اليوم مؤشر لنزول السهم شوي ؟؟

مشاركتي قبل يومين

لا تحاتي السهم سليم ولأنه سليم قاعد يصير عليه جني أرباح وكنت أشرت الإسبوع الماضي إلى هذا

ممكن يتم السهم بين 800 و 880 كم يوم قبل مواصلة الصعود، إذا صار هذا الشىء إخذها مني هدف السهم بدون نقاش 1200 على المدى القصير

وإن شاء الله السهم مازال سليم، يبيله بعد كم يوم، أي إقفال أٌقل من 800 إشارة خروج، وإذا صار شى قبلها إن شاء الله راح أعلمكم

 

[Bo jana]

فعلا جيزان يبيله واحد قلبه حديد ...

أمس واحد من الربع اتصل علي الصبح وقال شريت سهم جيزان على سعر 900 قتله تمام لاتفكر تبيع الا لما اقولك بيع ... قال حلو ... وبعدها بساعة تقريبا اتصل علي نفس الشخص وقال ترى بعت السهم على سعر 890 قتله ليش ؟ قال خفت ينزل أكثر وأخسر فيه بصراحة قتله ماعندك سالفة وليش شارية بالاساس سكت وما تكلم ...
اليوم تكرر الموضوع مع سهم جيزان من عمليات الطلب والعرض والغريب ان كميات العرض كبيرة ولاحظت ان في بعض الناس ضعيفة في عمليات البيع وبسرعة يبيع او يعرض اول واحد وبسعر أقل والسبب الخووووووووف والمفروض الواحد يقوي قلبه ويجازف وياحلو التجارة أو الاستثمار في المجازفة وبالأخير اللي الله سبحانه يكتبه لنا وصدقون كل واحد مكتوب رزقة ولاتخافون ...

 

[bo_ahamad]

والله الصراحة السوق يبيلة صبر وقلب قوي واللي ماتتوفر فية هالميزتيين أقولة حط فلوسك تحت المخدة ونام عليهم!

 

[بورصراتي]

ليش خايفين من السهم لحد يخاف حتى اللي شاري في 900 ربحان

 

[Bo jana]

والله الصراحة السوق يبيلة صبر وقلب قوي ... mad:

أكيد .

 

[بورصراتي]

أكيد .

فترة استرخاء للمجموعه

 

[مستثمر من 1996]

طويلة الفترة ولا على اسبوع ؟

 

[بحراوي]

الي حاصل باسهم البحر تبديل مراكز عدل ولا موعدل !

 

[umopdn]

دردشه

مساكم الله بالخير

انا مع الشباب اللي قالوا ان السهم قاعد يريّح حق الانطلاقه الجديده

وال 50 او ال 20 فلس مو فارقه معانه لا تنسون انه ياي من وثبات طويله 50 و 50 و50 يستاهل يريح شوي

والا انا غلطان ؟

 

[Bo jana]

كلك عدل .

 

[متداول اسلامي]

ان شالله منت غلطان وانا اخوك

 

[مستثمر من 1996]

اولاً شكر للجميع واخص بالشكر الاخ بورصراتي لمشاركته بالمعلومات لجميع الاخوان بالمنتدى وهذا ىيعني انه محب للخير وكريم .

بس سامحوني انا رح ابيع جيزان باكر لان هالسهم صار له عندي تقريباً سنه ومخسرني حيل والحين عندي ارباح 100 فلس بعد طوووووووووووووووول انتظار ، ولان المنتجعات خسرتني ( محقق ) 50 % .

بس لولا نصائحكم ونصيحة الاخ بورصراتي لكنت بعت براسمالي بس انتو يلي صبرتوني وحصلت 100 فلس اربا ح اخيراً

الله يوفق ملاك السهم جميعاً

 

[pilot35]

اخوي مستثمر اللى صبرك سنه يصبرك لنهايه الشهر والسهم مثل ماقالوا الاخوان فيه صعده ل1100 على المدي القصير لكن الرائ بالاول والاخير لك
والله يرزقك ويرزق المسلمين

 

[بو حبيب]

اذا كان صحيح ما يقال ان ( ايفا تحقق ربحية 220 قلس ) .
كلنا نعرف ان جيزان تملك 5 % بايفا .
ما هو تاثير هذه الارباح على جيزان ؟

 

[متداول اسلامي]

اخوي مستثمر اللى صبرك سنه يصبرك لنهايه الشهر والسهم مثل ماقالوا الاخوان فيه صعده ل1100 على المدي القصير لكن الرائ بالاول والاخير لك
والله يرزقك ويرزق المسلمين

صدقت الي صبرك سنه يصبرك شهر
وبدل ربح 100
خلها ربح 300
والراي رايك
والحمدلله على صبرك والله يعوضك خير

 

[umopdn]

توقعات باجر

مساكم الله بالخير

ها شباب شتقولون عن باجر
شنو توقعاتكم

شباب انا اقصد التوقعات مو الامنيات

يعني مثلا انا اتوقع زياده السهم 20 فلس على اخر 5 دقايق

منو عنده توقع حق باجر = فقط حق باجر لا غير=

 

[pilot35]

انا اتوقع جيزان بكره حد اعلى وايفا حد اعلي
والله يكتب اللى فيه خيره

 

[umopdn]

انا اتوقع جيزان بكره حد اعلى وايفا حد اعلي
والله يكتب اللى فيه خيره

الله يسمع منك