للي يحب الخير ووده بالأجر من الله عز و جل يدخل

[ام روتا]

الله يساعدكم على الي في الخير ويفقكم باذن الله

 

[كويتيه @]

جزاك الله خير اخوي

 

[مشاري بو ناصر]

جزاكم الله خير ...

في ميزان أعمالكم ...

 

[ام روتا]

up
لزيادة الاجر

 

[م_منصور]

الله يجزاك خير يا اخ وقاص و يشفي بنتك و يرحم اخوك و جميع موتى المسلمين

 

[وقاص]

ارجع وارفع الموضوع

لأن والله مهم ومهم جدا

ابيكم اخواني واخواتي تاخذوني على قد عقلي

وتتخيلون هالموقف معاي

بيوم الحساب وانت واقف امام الرب جل وعلى

وكل امر بدنيته سويته وتتحاسب عليه

والامور ضيقة بعينك

ماعاد ينفع لا رجعه ولا تعديل وضع كان خطأ

بوقت تطلب الرحمة والشفاعه من الله عز و جل

تتمنى بكل مافيك ربي يرحمك ولافي ارحم منه الكريم الرحيم

فجأه تجيك حسنات من وين ما تدري

حسنات ترفع ميزانك قدام ربك

حسنات تشع بالنور وتطمن قلبك

حسنات شايلتها لك الملائكة

وتطلب لك الغفران

وتكون هالحسنات من امر انت ناسيه

صدقة ولا كفالة يتيم ولا ساعدت لك محتاج

وحتى ابسط الامور

ثق بالله وقتها بتقدر ان الامر كان اعظم واكبر ولكن حنا نبخص حقه ونقلل قدره

والله يا اخوان لو تشوفون الوجوه الطيبة

وشلون تنرسم عليها الفرحة وراحة البال يوم توصل انت وبوقت مالهم غير الله

ويرسلك رب العالمين لهم رحمه بالدنيا

وتفرج كربة

والله لو تشوف ردة الفعل ولا الدعاء الخالص ومن قلب راضي وشاكر

تهون الله وتكره الحياة ان ما كان فيها خير

انا فكرتي لو راتبي 100 وكل شهر صار 99 هل بتفرق عندي ؟

لا والله ما تفرق ولكن بتفرق بالاخرة

الفرق البسيط يشفع لي عند ربي

والله والله والله اني احبكم بالله

وابي لكم الخير ولا اطلب اكثر

وانا طماع وما اشبع كثر ما تجيني حسنات اطمع بغيرها

والطمع فيها اكبر غنيمة

اقعد مع نفسك وقول لو فرحت طفل بلبس مدرسه

ولو 10 دنانير جبت فيها كوبون مشتريات جمعيه

وعطيته لاسرة شنو الي يصير

شنو الي يصير ؟؟؟

شكرا لكم جميعا

شكرا لكل من ساهم ومن اتصل ومن ساند

فيكم الخير وهذا العشم فيكم يا الاجواد

​

 

[وقاص]

حبيت أنوه أخواني

بالفترة الي فاتت ومن كتابه الموضوع فقط

ماراح اذكر الفترة من قبل كتابته

والله تمت مساعده عوايل كثيييير

وعوايل بأشد الحاجه لابسط الأمور الي تقوم عليها الحياة الكريمة

وايضا مساعدات مادية فرجت كرب ناس ترتجي الخير

والله في اخوان واخوات فرحوا قلبي

تواصلوا وطقوا درب وشافوا بعينهم

وساعدوا على قدر استطاعتهم

مو شرط اخواني عن طريقي

تقدر تدور الاسر المحتاجه انت بنفسك وتكسب اجر مضاعف بعون الله

لانك بذلت ايضا من وقتك وتعبك

ولكن ان ما لقيت انا مستعد اتواصل معاك

واوصلك لاكثر من اسرة وانت اختار و روح وشوف

وتالي كلي ثقة بالله انك ماراح توقف مكتوف لان

الرحمة بقلوبنا انغرست ولا زالت

ولنفرض انك ما تبي تطق طريق انا امرك بسيارتي واخذك

تامر امر واردك بيتكم لا واعشيك على حسابي بعد

ولو عندك ماجله وما تبيها لو كيلو عيش امرك واخذه واوصله

للي يحتاجه


ملاحظة اخواني : تبرعات الفلوس اعتذر عن استلامها

انت توصلها بنفسك بعد ما تشوف بعينك مدى حاجته او تتواصل بالتلفون مع صاحب الاسرة وهو يمرك براحتك

واعتذر عن هذا الامر

اما تبرعات الاكل استلمها و اوصلها وفوقها بوسة خشم


لو كيس خبز او كيلو عيش والله لو باخر الكويت

بس انت توكل على الله وانا حاضر

​

 

[ام روتا]

جزاك الله خير
وبميزان حسناتك
مالقيت مثل هلكرم والاخلاق الي فيك وحب الخير يجزاك ربي كل الخير
ويوفقك بحياتك ويعافيك ويعافي اهلك اجمعين وجميع المسلمين

 

[خليها على الله]

الله يجزااااك كل الخير ويجعلو في ميزان حسناتك
والله موضوع فوق الممتاز والله يوفقك ويوفقنا ويوفق جميع المسلمين ويرزقنا قولو امين

 

[العازمي32]

الله يبارك فيك

 

[هنـــد]

جزاك الله خير

 

[souod]

وفقك الله لما يحبه ويرضاه

 

[الاشعث2]

بارك الله فيك انت قاعد تدفع اخوانك على فعل الخير انت جندي من جنود الله

 

[MFCO]

السلام عليكم و رحمة الله و بركاته.







( جزاك الله من خير الدنيا و الآخره , تالله سنسئل عما كنا نعمل ).




لك الثواب و الاجر ان شاءالله.

 

[القراشي]

الله يبارك فيك وماقصرت ويجعلها في ميزان حسناتك و يشفي بنتك و يرحم اخوك و جميع موتى المسلمين

 

[القراشي]

متى الوقت اللي يناسبك للاتصال

 

[kw_29]

الله ييرحم جميع موتى المسلمين
ويشفي جميع المررضى يااارب
اللهم امسح عن خطايانا
وسامحنا في نسياننا وخطأنا
خنقتني العبره وانا اقرى بس كله بيزان حسناتك وفوق هذا تدري حتى الي ما دق عليك
وذكرته او حسسته بغيره من المسلمين اخذت اجر وانت قاعد يالله يارب بالتوفيق وانشالله الاجر
والله كلنا عايشين بنعمه ورفاهيه ونحتاج من يذكرنا لا تبخلون ولو تاخذ التموين وتعطيه هالرجال
لو بس العيش او الحليب
اللهم وفق هذا الرجل واجعله يستمر واجعلنا مثله او افضل منه يااارب

 

[MaSMoO7]

يزاك الله خير وبميزانك إن شاءالله

 

[هامور 2000]

الله يجزاك خير ويرحم والدينا ووالديك وجميع المسلمين
ويغفر لموتانا وموتاكم وموتا المسلمين ويشفي مرضانا ومرضاكم ومرضا المسلمين

 

[اماني الكويتيه]

معقوله في بزمنا ناس مثل
سبحان الله يغير ومايتغير
الله يشافي بنتك ويرحم اخوك ويرزقنا وياك باخير والاجر والرضى
ويستر علي ام عيالك دنيا واخره ويحفظ لك الصحه اللي مثل ماشالت المساكين تشيلك ولا تشتكي من هم او من دين يااااااااارب