إستشاره قانونيــة فضلاً .. لا امراً

[fayoona74]

اي صج نسيت اقولك اقرا احكام النقض المصرية وقارنها بصياغة احكامنا بالكويت ولا تعليق انت عارف البقية

 

[ابو عبدالله333]

خلوكم باستشاراتكم وماله داعى للجدال الى ما وراه هدف

 

[الـمـحـامـي]

شرايكم مرة وحدة تصيرلي عندها كان قضية احوال شخصية نصحتها تباشرها بنفسها وعطيتها الطريج والحمدلله كسبتها وماخذت منها لا سنة ولا سنتين جم شهر بس بعد موتقولون األف هذي واقعة صارت جدامي وغيرها وغيرها

للأسف ياأستاذه : هذا غير صحيح
الا اذا كان غيابيأ .. واتمنى ان تحددي نوع القضيه
ومعلش حاولي التأكد من المعلومة من صاحبتك
واذا كنت مصره عطيني ارقام القضايا ... انا راح اعتزل من هذه المهنة


عموما حصل خير وكلنا اخوان ولاتصيرلاون حساسين واقرو مشاركاتي عدل
وبعد لاننكر ان اغلب اذا مو بنسبة 99% من مكاتب المحامين فيها وافدين بعد ليش الواحد ينكر

منو اللي نكر هذا الكلام اثبتي ... نعم نسبة 99% وافديين والمحامي الكويتي 1% لانه رب العمل
وش دخل الحساسيه في هذا الموضوع


ياجماعة الغرور مو زين

الحين الثقة بالنفس ... تسمينها غرور
الله يسامحج





واذا انتو غيورين على بلدكم تراني ماني ياية من الشارع
عزيزه وغالية لا أن شاء الله مانتي جايه من الشارع
مهما اختلفنا في الرأي والفكر والنقد فنحن اخوان ابناء بلد واحد ونفتخر بأبنائها حتى لو كان في أخطاء ونلتمس لهم العذر
بس الفرق بينا وبينك في هذا الموضوع
نحن نمتدح المحامي الكويتي وانتي تمتدحين الوافدين بالاخص ( المصري )



fayoona74
اي صج نسيت اقولك اقرا احكام النقض المصرية وقارنها بصياغة احكامنا بالكويت ولا تعليق انت عارف البقية

أختي حتى بالاحكام ... لاحول الله
وليش لاتعليق
والله انا اللي اعرفه احنا الصح والافضل وأكثر عدلأ من غيرنا
لدينا والحمد الله كفائه عاليه جدأ من القضاء وخاصه احكام التميز
ولدينا ثلاث درجات في المحاكم وغيرنا درجتين ... يمكنك التأكد من وافديك ..



كلنا نحب بلدنا وماني عارفة ليش شط الموضوع على كويتي ووافد مع ان مايبت هالسيرة نهائيا خلوكم واثقين من نفسكم

الحمد لله واثقين من نفسنا 100 % وما فيها كلام

واعتقد اسمي واضح في المنتدى
وصورتي وسيرتي الذاتيه واضحه ولا في شي اخفيه
ورقم هاتفي واضعه علني في المنتدى المؤشر ومنتدى المحامي وغيره ايضأ وفي جميع اوراق مكتبي
واغلب اعضاء وزوار المنتدى اتصلو علي ولم ارشدهم على مكتبي نهائيأ
دائمأ اقولهم اذهب الى اقرب محامي كويتي يكون قريب لسكنك وابعد عن ادعياء المهنه اي ادفع زياده لكويتي واترك عنك الرخص
والبعض الاخر يصر على انه يوكلني ولكن ارفض
واعتقد الكل يشاهد هذا الكلام الان .... يمكنه الرد مباشره

مثل يقال
عط الخباز خبزه حتى لو اخذ نصه

 

[fayoona74]

1. أنا متأكدة من المعلومة 100% ونوع القضية أحوال شخصية بس مايحضرني شني بالذات المهم الهدف اللي ابي اوصله ان في قضايا بسيطة ماتاخذ وقت
2. أرجع واقول انا لامدحت وافد ولا كويتي قلت الانسان بشطارته مو بجنسيته واساسا ماكنت فاتحه هالموضوع يالله مانروح بعيد انا عندي قضايا تخصني اخلصها بنفسي واوصل للنتيجة اللي ابيها ولله الحمد وباقصر مدة ممكنه ومانختلف ان في قضايا تاخذ وقت طويل ارد واقول انا اتكلم عن القضايا البسيطة
3. الحمدلله العدل موجود بكل مكان أنا أتكلم عن مستوى صياغة الأحكام
4. محد شكك بسيرتك الذاتية ياأستاذ عوض والنعم فيك وبرحالي والجميع ولكم كل الاحترام ماخصيت أحد بالاسم اتكلم بشكل عام واذا تدليهم على مكتبك ماهي عيب شي عادي وطبيعي انا لو عندي مكتب اكيد ابي موكلين واذا ماتدليهم هم شي راجعلك بالحالتين الموضوع طبيعي وماتطرقت لهالشغلة نهائيا وربي يرزقكم واشوفكم مليونيرية بالعكس اتمنالكم الخير ليش فاهمين العكس

والاختلاف بالرأي لايفسد بالود قضية ولازلت عند رأيي كويتي مو كويتي مايفرق عندي المهم الاخلاص والاخلاق والشطارة بمجال العمل (ان اكرمكم عند الله اتقاكم ) وكل دولة فيها قاضي شاطر وقاضي مو شاطر ومحاكي شاطر وطبيب شاطر والعكس

5. نعطي الخبز خبازه معاك لكن اذا اقدر اخبز بالبيت ليش لا شالمانع


بوعبدالله 333 تعال دش معانا بالمناقشة وابدي رايك بالعكس الموضوع حلو

 

[fayoona74]

واضيف بعد الى أن دولتنا الكويت وايمانا منها بوجود ندرة بالكفاءات القانونية الكويتية استعانت بالقضاة والمستشارين المصريين في كافة محاكمنا باختلاف درجاتها وبالجهات الحكومية الحيوية مثل الفتوى والتشريع وكافة الادارات القانونية بالدولة اضافة للدكاترة في كلية الحقوق ناهيكم على أن الاستعانة بغير ذوي كفائة من الوافدين عيب يرجع للمحامي نفسه اللي ماعرف يميز بين الطيب والغث وفاقد الشيء لايعطيه اكيد واحد مايفهم ماراح يعرف يفرز المستشار الفاهم من الجاهل بالقانون والاعتراف بالحق فضيلة

 

[rahaly]

فيونة ...

اخر كلمة وراح نسكر الموضوع .. نخلي لنا شوية نجرة حق الشهر القادم .. لا نستنفذ كل اللي عندنا

اختي العزيزة ..
بخصوص احكام التمييز ومقارنتها بالنقض اللي تعتبرينها اقوى وافضل و و و و ..

باذكرج بشغله وحده ... زوري محكمة التمييز مرة ..
بتشوفين ان الدائرة (قد) يرأسها كويتي .. والباقي اخواننا المصريين .. واحياانا كلهم مصريين ..

يبقى السؤال ...؟

(الكلام منسوب لج طبعا) .. لماذا يكون نفس المستشار في مصر احكامه اقوى وافضل من احكامه في الكويت (مع ان نفس الشخص والقوانيين تتشابه) ...؟؟؟

اذا انتي ملاحظه شئ من هذا القبيل .. انا لم الاحظه ... لكنك بالتأكيد تتفقين معي على التساؤل


وخلاص عاد لا تجاوبين ... وعزلنا وكل واحد قال اللي عنده ...

ونلتقي معكم في موضوع ثاني ... بس رجاء فيونة
نبي اكشن ... نبي موضوع غير المحامين الكويتيين .. ملينا من التكرار


ونبقى جميعا اخوان واحبه في الله ان شاء الله ...
وهذه وجهات نظر .. قد نقولها في اي مكان .. كافيه .. ديوانية .. غيرها

وطبعا بما ان فيونه ماراح نشوفها في ديوانية ... فتكون نجرتنا هنا في المنتدى ..

 

[fayoona74]

بناء على رغبة رحالي اكتفي بالابتسامة والى اللقاء في نجرة اخرى

 

[الـمـحـامـي]

شي حلو المد والجزر . . اكون جاي على نار ومتحمس اشوف الرد ..::verymad::

أكيد حنا زملاء وأخوان

 

[z-75]

الاخت fayoona74 بسمح حق نفسي واعلق على مجمل الموضوع
ولخبرتي بالقراءة بين السطور احب اقول

"ياجبل مايهزك ريح"

وكلمة الحق تجرح وانتي حطيتي ايدج على الجرح

فتوقعي الردود اللي تلقيتيها من الاعضاء

والحلو فيج انه ماعندك مشكله وتقولين للأعور أعور بعينه وهذه الطريقه غير مححببه بهالزمن

وماشاء الله والله يحفظك ويكثر من امثالك والمرأه محتاجه بعد 100 سنه حتى تتحرر من عبوديتها

فالله يكون بعونك لأنك اخترتي اصعب هواية او مهنة للمرأه على وجه الخصوص بجانب الرجل

وبالله المستعان

 

[fayoona74]

مشكور عزيزي عالاطراء وشهادتك اعتز فيها