اسقاط الديون هل سيتحقق؟؟ الرجاء عدم دخول الحساد

[نواف الخالدي]

يا اخوان فعلا قروض البنوك حرام و ربا وفي غضب من رب العالمين
لكن مايجوز نقول الي اخذ قرض نسى ان الربا حرام و نسى الله عز وجل , لان يا عالم الناس هذي اخذت قروض تحت ضغوط و ظروف صعبه لايعلمها الا الله وللضروره احكام حتى رب العالمين اجاز للجائع سرقه قوت يومه وبنفس الوقت حكم على السارق قطع اليد والرجل , هل امور يختص فيها الله سبحانه وتعالى وهو رؤوف بالعباد لكن اني اي واقول هذا فلوسه حرام وذاك فلوسه ربا وذلك فلوسه مشكوك فيها لايجوز اطلاقا رمي اخيك المسلم بهل صفات , وبالنسبه لإسقاط القروض بالاول كنت أول واحد اعترض عليها و كنت احمل حقد وحسد ان ليش يسقطون القروض والباقي لم ياخذ قرض لكن صفيت النيه وشفت معاناه اخواني وخواتي (المواطنين) ناس والله العظيم رجال وأرجل مني بأخلاق وشهامه وكرم وكل ماتحمله صفات النبل لكن يمشي بشارع ومعاه 5 عيال ومابجيبه 5 دنانير والله العظيم بلا مبالغه فعلا شي يؤلمني قسما بالله لو يي احد يقولي هذا عنده 5 عيال وخذا قرض وراح سافر نقط الفلوس بالمراقص صدقوني أطيح عليه قرضه من بعد ما اشوف حالته وحاله عياله ياجماعه هذيل عيال الكويت وبكره بيكبرون بيكونون مرفوعين الراس مو يتألم بماضي فقر أبوه وبكره يحرق المجتمع بإلي فيه (لأن محد كان يرأف بالعالم ) فما بالك الي اخذ قرض للبيت واخذ قرض لزواجه واخذ قرض يشبع عياله واخذ قرض يعالج ولده بالخارج (وبنفس الوقت ناس يروحون علاج بالخارج وقاعدين بالبارات على حساب المال العام) واخيرا يا اخوان فعلا في شريحه اخذت قروض وراحت تلعب فيه لكن احنه نتكلم عن الشريحه الاكبر والمصيبه الاكبر , والامارات طيحت قروض مواطنيها وعلى فكره شعب الكويت أجدر شعب وأشجع شعب واكثر شعب مر بالصعوبات (الغزو الغاشم) شعب الكويت شاف الذل ايام الغزو شعب الكويت مايخلوا بيته من أسير و شهيد و فقيد والله يستاهلون كل خير
والسلام

صح السانك على كل ما قلت وفعلاا اهل الكويت لهم موقف من الغزو والكل داافع عن هالارض بس الحين للاسف كل التعب الي اتعبوه ايام الغزوو راح يروح هدر لان راح يطيحون قروض العراق

 

[نواف الخالدي]

يستاهلوون اهل الكويت
قاعد نشووف الى واقفين ضدنا بالغزو ياكلون من خير الديرة وعيالنا حرام عليهم نعم نعم نعم لاسقاط القرووض الشعب اولى عليهم بالعافية اشووفكم ماقلتو عدالة ان الاردن ايخذون فلوسنا و اليمن ياخذون فلوسنا وينكم من العدالة او بس على عيالكم تطبقون مبدأ العدالة لاتوجد عدالة الا بالسماء عليكم بالعافية يا اهل الكويت تستاهلوون من يطيح قرووضكم الحكوومة ماتقصر .

اتمنا من الناس الى يقولون عدالة نبي نشووفهم وينهم عن عدالة اليمن و الاردن والسودان الى حرقوو علم الكويت ايام الغزو وينكم ماتكلمتم ةهم كل سنه يجون لكويت وياخذون من خيرها وينكم عنها ؟؟؟

بيض الله وجهك ياخوي وماتقصر على هالكلام الطيب

 

[نوط بو ربع]

عسى الله يفرجها على المديونين ويسقط عنهم قروضهم بفوائدها
يستاهلون عيال الديرة ما طلبو زود والله مو كاسر خاطري الا الكويتيين اللي بالسجون على ذمة قضايا مالية بسبب قروض مو قادرين يسددونها كان الله بعون أطفالهم ,, أسر تتفكك والسبب مغامرات البنك المركزي ... وانت ياللي تقول ما في عدالة باسقاط القروض أقولك استريح يا حسود ... القروض ان طاحت فهي فرج لكثير من الاسر المتعففه ولكثير من ارباب الاسر المسجونين على ذمة قضايا مالية خلوها في بطون عيالنا ولا في بطون الكلاب اللي تنابح برا .
اسال الله ان يقضي دين كل مسلم وكل كويتي عاجلا غير آجل ويحفظهم من كل سوء ومن كل حاسد .

 

[فهد الرشيدي_28]

اقول والله مافية احد راح يسمعكم الله يعينكم الحكومة والاعضاء الموقرين لاهين يحسبون فلوسهم وجم مناقصة ولا العضو الفلاني اخذ مناقصات اكثر مني والي اخرة



لكن العيب فينا احنا ماطلعنا احد كفووو يمثل الشعب

 

[بحريني1972]

اقول ما اعتقد ان في احد أخذ قرض وهو غير محتاج

الكل عنده ما يكفيه من المشاكل وما اعتقد ان واحد مرتاح ويروح يأخذ قرض !!

ياجماعه الضيقه شينه لما الواحد يكون محتاج شيسوي غير القرض والبنوك ؟؟

وبعدين والاهم الحمد الله ديرة خير والخير واصل لاخر الدنيا

ان شاء الله الحكومه تطيح القروض وخل المواطن يعيش بخير ديرته
وتستاهلون كل خير وطيب يا اهل الكويت عسي ربي يوسع عليكم اكثر واكثر ويفرج عنكم كل ضيق يا شعب الكرم والطيبه

 

[القديم 22]

بسم الله الرحمن الرحيم

حنا
اذا الله فكنا من بعض الحساد ( نبشر بالخير )
بس الرازق في السماء والحاسد في الارض ( طبعا الله فوق كل شئ )

اذا المطاوعه صاروا حساد ,,, وش ترجي من الناس العاديه

انا اقول الحكومه الله يخليها لنا ماهي مقصره بس تشوف شنوا ردة الفعل من المواطنين وممثليهم ( اعضاء الامه ) في المجلس 0

انا اقول اذا دام الحسد بهذه الصوره راح يتأخر ( المطر ) والعلم عند الله

اللى ماعنده قرض يقول مافيه عداله ( بالله عليكم هذا حاسد والا كريم )
انا اقول اللى ماعليه قرض اما تاجر او بخيل ( الله يعين زوجته واولاده عليه )
بخيل ,, بخيل اعوذ بالله من البخل والحسد 0
بس انشالله الشيخ / احمد الفهد
كلامه يبشر بخير ( تفائلوا بالخير تجدوه )
يالله ياكريم بالمطر واسقاط القروض ​

 

[المحيط الهادئ]

ديرة الفساد ولاديرة الحساد

يا أخوان انا انظم معاكم فى المشاركه

وادعى من الله ان تسقط القروض

لانه فيه اسر متعففه اخذت قروض لحاجتها الماسه وبقدرت قادر تغيرت الفائده وتدوبلت عليهم كذا مره ؟مع انه الناس قبل تاخذ قروض وماعندها مشكله وتسدد..وماكانت الفائده نفس اليوم

وفيه دول عديده اسقطت الديون عن شعبها

منها الامارات والبحرين وقطر ..

وحب لاخيك كما تحب لنفسك

 

[السهم المجروح]

الله يجزاكم خير على المشاركه والله يعينا من الحساد
ياجماعة الخير من عمر الكويتي يقترض ومديون من الشركات بس ماوصلت فيهم هالحاله اللي وصلوها لان الكويتي بالسابق الخير كان يوصله من كل مكان وماكان في حسد بين الناس والفوائد ماكانت مثل الحيين وعلى فكره البنك المركزي نزل على شركات التمويل قانون 15 ضعف الراتب فقط لشراء السياره وطبعا الكل عارف اسعار السيارات حاليا تكسر الظهر وفاتحه المجال للبنوك تعطيك 42 ضعف الراتب طبعا والقسط على المدى الطويل والمشكله تبدي من شراء السياره طبعا 15 ضعف الراتب ماتييبلك سياره مستوى من الوكاله مالك الا القرض بعد جم سنه ممكن تصيرلك مشكله ما ويبيلك مبلغ روح وجدد وبعدها تبي تتزوج ويبيلك مهر وفرش وعرس ورووح وجدد وبس صار عليك مبلغ وقدره يعني الحكومه مو قادره على التجار واصحاب الوكالات وتجارنا قالت مالنا الا الفقير وحرق فينا
والكويتي من عمره وهو عايش عيشه محترمه او نقدر نقول معظم الكويتيين عايشين حياة الدخل المتوسط الحين الطبقه المتوسطه بدت تختفي وصار حالنا حال الدول اللي كانت فقيره وكانوا يحسدون الكويتي على سيارته وكشخته طبعا حاليا حالتهم احسن منه والله يزيدهم من متى الكويتي يدور سياره بقيمة 500 او 600 دينار لان مافي شركه راضيه تحوله سياره منو كان يصدق الكويتي بيوصل لي هالمستوى
المهم الله يرزق الكل وابي اذكرلكم موقف صار معاي امس كنت بمركز سلطان ياني شايب معاه ولده صغير مو عارف يسحب من الكي نت قالي ياولدي اسحبلي لاني ماأعرف حق هالجهاز قلت على امرك حطيت البطاقه ودخلت الرقم السري قتله جم تبي والله حسيته يقولي المبلغ وهو منزل راسه بالارض قال شوف اقدر اسحب 10 واذا مايصير شوف 5 جربت ال10 طلع المبلغ اكبر من الرصيد المتوفر وجربت 5 هم مايصير الرصيد بس فيه دينارين وخرده قلت حجي مافي رصيد قالي يعطيك العافيه ويقول حق ولده بعدين اييبك تاخذ الاغراض اللي تبيهم
هالموقف هذا حسسني ان الكويتي خلاص انتهى ولا تستغربون اذا باجر الخليج يشوفونا بعين العطف والله يعينا ويعينكم والله يبعد الحسد عن اهل الكويت
انا ذكرت هالموقف خصوصا للمعارضين اسقاط القروض وعلى فكره ان ارد واعيد واقول انا قرضي بسيط وقادر عليه الحمدالله بس والله ثم والله ابي اسقاط القروض حق اخواني وعيال عمي واهلي اللي اهم اهل الكويت لان نفسيت الشعب الكويتي منهاره وفي السابق الابو كل الاعيال كانوا يعاونونه الحين الولد زين منه شايل نفسه من الالتزامات والاقساط
واسف على الاطاله بس حبيت اطلع اللي بقلبي صج كلامي مامنه فايده بس الواحد يعبر

 

[meyam00]

ترا الامير قال ماراح اسقط القروض ولا تناقشوني فيها
مااعتقد ان الامير راح يغير كلمته وقالها اكثر من مره

 

[meyam00]

ياجماعه الي ماعنده فلوس لا يشتري سياره غاليه اشتر سياره علي قدك المظاهر مو مهمه اهم شي كرامة الانسان
مو اشتري سياره غاليه واقساط واخر شي اقول طيحيو القروض هذا كلام يعقل؟

 

[meyam00]

لو توقف مره وحده ونفكر راح نشوف احنا يبنا هالشي حق روحنا
كل دول الخليج مواطنينها ياخذون قروض
بس روح دول الخلقج شوف تعرف الغني من الفقير لان الفقير مايشتري سياره اغلي من مستواه
بس هني تلقي واحد ساكن بشقه ياخذ سياره اغلي من شقته وبعدين يقول الكويتي صار فقير مو انت الي يبته حق روحك
انت تقول شفت واحد ماعنده 5 دنانير انا اعرف واحد شاري سياره قيمتها 70 الف وهو ساكن بشقه اجاره
قالوها الي قبلنا مد ريولك قد لحافك

 

[ابو علواو]

شباب اخذو الحجي مني ما في اسقاط قروض والحجي من مصدر سري هذا الي حاب اوصلها للجميع وتحياتي للجميع ولا تعبون نفسكم يا شباب لانه ياما تكلموو ما كو فايده بالموضوع يالله كريم خلوها الله سبحانه ان شاء الله الله يصبر شعب الكويت ويبعدهم عن الحساد وحفظ لنا ديرتنا صج ما بعدها ديره هذي الكويت والله والحمدلله شيوخنا الله يطول بعمرهم ما قصروووو معانا شي لا من زيادات وبدل الاجار والله الدول الثانيه ما عندهم هشي والله يرزق الجميع يا رب

 

[general]

لو توقف مره وحده ونفكر راح نشوف احنا يبنا هالشي حق روحنا
كل دول الخليج مواطنينها ياخذون قروض
بس روح دول الخلقج شوف تعرف الغني من الفقير لان الفقير مايشتري سياره اغلي من مستواه
بس هني تلقي واحد ساكن بشقه ياخذ سياره اغلي من شقته وبعدين يقول الكويتي صار فقير مو انت الي يبته حق روحك
انت تقول شفت واحد ماعنده 5 دنانير انا اعرف واحد شاري سياره قيمتها 70 الف وهو ساكن بشقه اجاره
قالوها الي قبلنا مد ريولك قد لحافك

اخوي الي اخذ سياره واشتراها بقرض 70 الف ممكن اعرف عن النسبه المئويه (الي من امثاله) ؟؟
لان احصئياتك مبنيه على قواعد و شريحه شاذه ويرجى منك التوضيح ؟
لان الان قاعدين نفهم منك الشعب الكويتي المديون نتيجته السيارات الفارهه والسفرات الباذخه فقط

 

[general]

شباب اخذو الحجي مني ما في اسقاط قروض والحجي من مصدر سري هذا الي حاب اوصلها للجميع وتحياتي للجميع ولا تعبون نفسكم يا شباب لانه ياما تكلموو ما كو فايده بالموضوع يالله كريم خلوها الله سبحانه ان شاء الله الله يصبر شعب الكويت ويبعدهم عن الحساد وحفظ لنا ديرتنا صج ما بعدها ديره هذي الكويت والله والحمدلله شيوخنا الله يطول بعمرهم ما قصروووو معانا شي لا من زيادات وبدل الاجار والله الدول الثانيه ما عندهم هشي والله يرزق الجميع يا رب

مصدر سري ؟؟ من متى اجهزه الاستخبارات تتدخل في اسقاط القروض من عدمها (لانك ذكرت مصدر سري) .
التصويت 17 نوفمبر يعني ماصار لي الحين ؟ ويرجى تزويدي بالخرزه العجيبه الي عندك وتعلمك الغيب .

 

[ديوان الباشا]

يارب مايطيحون القروض

مافيها عداله بتاتا ...

وانا من الناس اللي علي قروض عشان لاتقولون حسود

 

[السهم المجروح]

لو توقف مره وحده ونفكر راح نشوف احنا يبنا هالشي حق روحنا
كل دول الخليج مواطنينها ياخذون قروض
بس روح دول الخلقج شوف تعرف الغني من الفقير لان الفقير مايشتري سياره اغلي من مستواه
بس هني تلقي واحد ساكن بشقه ياخذ سياره اغلي من شقته وبعدين يقول الكويتي صار فقير مو انت الي يبته حق روحك
انت تقول شفت واحد ماعنده 5 دنانير انا اعرف واحد شاري سياره قيمتها 70 الف وهو ساكن بشقه اجاره
قالوها الي قبلنا مد ريولك قد لحافك

انت اللي باط جبدك ليش ماتفرق بين الغني والفقير بالكويت يالحبيب هذي نعمه كنا محسودين عليها والشعب الكويتي من عمر وهو عايش بمستوى عالي خبري بالتسعينات كنت اسافر مع اخواني بالسياره اخوانا بالخليج كانو يشوفون شباب بعمر 18 و 19 شبحات وبيأم الحين صار العكس الكويتي يتحسر ويالغالي كلمة الامير الله يحفظه على اعين والراس وهو قال لا لأسقاط القروض واحان نقول نبي شراء المديونيات واسقاط الفوائد طال عمرك وصف النيه وحب لأخيك المسلم ماتحبه لنفسك

 

[bo7anon]

ياجماعه خلاص دامكم قاعدين تسددون لشي تبون اسقاط القروض لان هم بعد اسقاطها راح تاخذون وبتقولون نفس السالفه
انا واحد علي قرض بس شسوي بدفع لان بدايتي بس كان عندي قسط سياره وبقيت ابيعها بقساط محد يبيها لان وايد مطلوبه وانا ماخذ جم الف توهقت تعال سكر مديونياتك وخذ قرض من البنك وصرت منهم
يعني جني ماسويت شي

الحمدلله قاعد اسدد وليلحين مرتاح وموقع على 5 سنين نفس الفايده ونفس القسط عاد جان تجاوزوا هالقانون اهني بنروح فيها الله يستر

 

[launk]

انا ما ابي القروض تطيح والله صج مافي عداله

انا ابي اسقاط الفوائد

ومستعد اسدد القرض اللي علي لو اقعد 100 سنة

هذي العداله وهذا الكلام الصحيح لا ربا ولا هم يحزنون

دووووووووووووووووووووس

والله ما ظنتي لا قروض ولا فوائد

الله يعين

 

[@ عاشق الريم @]

مافهمتم لا الحين

خطة القروض متفق عليها من البنوك والحكومه لأشغال الشعب عن أمور وقضايا بين الكبار
وهاذه أحدى الطرق السياسيه أشغلوكم بالحديث عن الأزاله والقروض والضرائب لأهداف سياسيه
المشكله الكبرى أن الصراع على وقف الدستور أو تعديله بين التجار وال الصباح يوجد معارض وموافق وأنتم معلقينكم بأحاديث من صنعهم لألهائكم بها والقادم أكثر
كثرة الأستجاوابات أعمال بطوليه ليذكرهم التاريخ أن أوقف الدستور
الله يصلح البلد وعقول الى بالبلد

 

[نواف الخالدي]

ترا الامير قال ماراح اسقط القروض ولا تناقشوني فيها
مااعتقد ان الامير راح يغير كلمته وقالها اكثر من مره

احنا مع الاميير ما نبي اسقاط القروض نبي اسقاط الفوائد

ياجماعه الي ماعنده فلوس لا يشتري سياره غاليه اشتر سياره علي قدك المظاهر مو مهمه اهم شي كرامة الانسان
مو اشتري سياره غاليه واقساط واخر شي اقول طيحيو القروض هذا كلام يعقل؟

لا ما يعقل هالكلام بس منو قالك الناس كلهاا ماخذه قروض عشان تشتري سيارات ؟ اخوي لو نفرض انا خذيت 10 الاف من البنك بشتري سياره حلو واتفقت انا و البنك ان الفوائد 5 الاف يعني المجموع 15 الف و القسط نقول 250 دينار انا راضي اني ادفع عادي ما عندي مشاكل لاني انا الي رحت برجلي خذيت القرض بس اهني شنو يسوي البنك انت تقعد تدفع الفوائد بالاول واول ما تقرب تدفع الفوائد يرفعون الفايده مره ثانيه هل يعقل هاذا الكلام ؟؟؟؟؟؟؟؟؟

لو توقف مره وحده ونفكر راح نشوف احنا يبنا هالشي حق روحنا
كل دول الخليج مواطنينها ياخذون قروض
بس روح دول الخلقج شوف تعرف الغني من الفقير لان الفقير مايشتري سياره اغلي من مستواه
بس هني تلقي واحد ساكن بشقه ياخذ سياره اغلي من شقته وبعدين يقول الكويتي صار فقير مو انت الي يبته حق روحك
انت تقول شفت واحد ماعنده 5 دنانير انا اعرف واحد شاري سياره قيمتها 70 الف وهو ساكن بشقه اجاره
قالوها الي قبلنا مد ريولك قد لحافك

اوكي انت حاسد الريال لانه شاري سياره قيمتهاا 70 الف
ديون المواطنين 2 ملياار وديون العراق اكثرمن 10 مليارات بالذمه وين العداله انت قولي للناس الي دافعت عن ارضهاا ولا الناس الي غزت هالارض
ابي رايك انت توقف مع منو للي دافعوا عن الارض ( الكويت ) ولا الي غزو الكويت ؟؟