بدون مجامله
عضو نشط
ابشري بالخير فيه قسايم جديدة في شارع فهد السالم 9900 قسيمة 1000 متر و راح يمشون بالمقلوب يعني اول طلب 2010 و ينزلون و الخطة هذي نفذوها اخواننا اليابانيين بطوكيو و ضبطت معاهم
و فيه خبير بلجيكي صارله 6 شهور يدرس الوضع الاسكاني و اقترح ان كل واحد يعطونه على سنة الطلب اللي يخصه تعويضا للانتظار
يعني انتي يعطونج قسيمة 1999 متر و اللي طلبه 2009 ياخذ قسيمة 2009 امتار يعني كل سنة يزيدون متر و احتمال يصادقون عليه قريب
و المقترح الثالث و الاخير مقدمه خبير افغاني بانهم يصرفون لكل رب اسرة خيام صباحية عمود عن كل شخص
يعني الاسرة المكونة من 5 اشخاص يعطونهم خيمة خمس عمدان (خيمة عرس) او من حق رب الاسرة انه يفصل الخيام يعني يقدر ياخذ خيمتين عمودين و خيمة عمود طبعا الديوانية هدية و هي عبارة عن خيمة شراع عمودين و فيها بعد مكان للخادم و خيمة عمود واحد مطبخ طبعا مو محسوبة مع عدد افراد الاسرة يعني اضافية
هذا كله مع درزن سراج و اذا تعرفين احد بالاسكان ممكن يصرفونلج مكينة كهرباء روبن 2500 شمعة و البانزين و الوايرات و الستلايت عليج
و بهالطريقة نكون افتكينا من مشاكل البنية التحتية و الفوقية و الجانبية و يتم التوزيع على طلبات عشر سنوات خلال عشرة ايام و على فكرة الهافلوري اجرته على الدولة يعني ما تدفعين شي
و حسب مصادري يقولون ان الاسكان مرتاحين لخطة الافغاني و احتمال كبير ينفذونها مع انها الاكثر تكلفة لكن يقولج انها راح تحل المشكلة الاسكانية بشكل سريع و بدون عوائق
المشكلة الوحيدة اللي يحاتونها هي الفترة ما بين 1-4 الى 1-11 لان البلدية احتمال تشيل الخيام بعد 1-4 و فيه كلام انه ممكن يستثنون اصحاب الطلبات الاسكانية من القانون هذا و الله كريم
ههههههههههههه السكن بتورا بورا او بالبشمركه خوش خيام تصلح حملة إغاثه