حياك الله
أخوي الملياردير
بيض الله وجهك على مساعدتك لأخوانك وعساها في ميزان أعمالك انشالله .
عندي كذا سؤال يمكن يفيدني ويفيد الأخوه
أولا المخطط من مكتب هندسي كم يكلف تقريبا قيمته ؟
ثانيا المدعوم كم يعطون طن حديد وعدد اكياس الاسمنت ؟
اذا كان البيت دورين ونص كم يكلفني طن حديد وكم كيس اسمنت ؟
وأنا سمعت من كذا شخص ان فلوس بنك التسليف لوحدها تكفيك لبناء دورين ونص بدون فخفخه زايده .. هل صحيح الكلام هذا ؟
وهل تنصحني أعطي المقاول مصنعيه أو بالمواد اذا كنت أبي أوفر ؟
وشكرا لك مقدما
==========================================
السلام عليكم
حياك الله ومشكور على دعائك لي .
جميع المكاتب اسعارهم موحدة تقريبا من 700 د.ك الى 850 د.ك .
لك 45 طن حديد مدعوم بسعر 75 د.ك للطن ولك 4500 كيس اسمنت 850 فلس للكيس الواحد ولك 85 متر مكعب طابوق الابيض العازل .
دورين ونص يكفيك 65 الف د.ك ويمكن أقل .
تعطي المقاول مصنعيات افضل وتشرط عليه إي هالك بالمواد يحسب عليه يعني يهدر بالاستهلاك .
والسعر التقريبي 7500 د.ك الى 8500 د.ك فقط وركز على الدفان بثلاث مراحل أو مرحلتين حسب عمق الحفرة .
(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ) [هود-47