شركة زين للاتصالات (زين)

[اكسبلورر]

السلام عليك

ممكن احد يفيدني اشتري زين ولا انطر عليها يقوول كسر مادري شسمه وصار سعرها بلاش

ممكن افاده

الصبر والمتابعة لان اللي ابيدخل بالبيعة اللي شاري يوم الاحد
طبعا هذا كلام الجرايد يقال انة منقول من بدر الخرافي

 

[عمتهم]

الصبر والمتابعة لان اللي ابيدخل بالبيعة اللي شاري يوم الاحد
طبعا هذا كلام الجرايد يقال انة منقول من بدر الخرافي

يوم الاحد ؟

ههههههههه

صج إني قبس انا شريت الاثنين

 

[Abdullah Alhajeri]

انتهى الفلم

ومات البطل

 

[ahmad-14]

للاسف 2دينار طبعا بالهندي
شوية على جين قصدي زين
وللاسف انة تحدد

ازا هازي نفر هندي يشتري تلفون مال جين فية كلام هندي والله خليه كويتي اسف يعني مانتكلم هندي في المستقبل

 

[kuw-stock]

مجموعة الاوراق مع عملائها تقريبا 600 مليون سهم 10%

تنصحون ابسهم ( مجموعة الاوراق )

وجزاكم الله خير

 

[الوفره1]

شكل زين فيلم وصادو الناس خلاص وانسى يروح 1500 مره ثانيه

 

[cutenooooona]

صباح الخير...

ياريت الي عنده تحليل أو خبر وين السهم بيروح يقولنا

 

[bu3teeg72]

ازا هازي نفر هندي يشتري تلفون مال جين فية كلام هندي والله خليه كويتي اسف يعني مانتكلم هندي في المستقبل

أخوي لا تقولها بغشمرة ترى ممكن تصير السالفة صج وتلاقي باجر كل عملاء الشركة ويمكن موظفينها بعد هنود و ماليزيين.. المكالمات حق الهند ببلاش وأي عميل هندي أو ماليزي له خط مجاني مع رقم ألماسي... المدراء هنود وماليزيين والموظفين كويتيين..

وهذي الكويت صل على النبي

 

[MAB]

كبار المساهمين يبيعون ب اثنين دينار
ونفر صغير يبيع ب واحد دينار ...؟؟

مو حرام

الوطنية للاتصالات صار فيها نفس الظلم والفلم الهندي

واللي عنده واسطة باع ب4600

بس الله كريم

انا مستغرب منك الصراحة اصلا بيعة الوطنية صغار المستثمرين ماشموه منها ولا شي و فوق هذا المشاريع شروا اسهم الوطنية على 3800 من الشركات و القطاع الخاص و باعوها حق كيوتل على 4600 يعني 800 فلس بالمخبة من كل سهم !! و الخرافي ماقصر فتح المجال لصغار المستثمرين بالدخول للبيعة صارلهم اسبوعين الزحمة بشركة الأستثمارات الوطنية كلها صغار مستثمرين و فتح بهالمحافظ و فوق هذا سعر العمولة مايسوى ينقال كلها 50 فلس مايسوى تعبها الله يهداك بس

 

[sulaimanajmani]

الخرافى يصرح للاعلام باشراك 70% من صغار المساهمين

صرح بدر الخرافى بانه ستتم هناك الية لاشراك 70% من صغار المساهمين
اى اللى عنده 10000 سهم يشترون منه 7000 سهم بسعر 1800 نرجوا من اهل الخبرة واصحاب المعلومات افادتنا بالتوضيحات...

اللى اشوفة يصير الحين هو افلاس 70% من صغار المساهمين

 

[Winchester SX3]

حبيبي بالعقل والمنطق بعيد عن العاطفه وكسر الخاطر

الرجال قال انه ملزم بتوفير 46% حلو؟

فرضا اهو عنده 15% والثاني 15% وربعه القراب 10% وعنده موعد 4 شهور عشان يكمل الكميه

انا اشوفه انه قاعد يضغط عالسهم ويجمع من تحت ويبيعه بره السوق بدينارين وهو يضحك

70% من الملاك مادري شلون بدشون بالسالفه!!!

بعدين شكو اشتري منكم 1.800
كاهو باط على ويهه السهم !! ومن منووو ؟

 

[بو عمر77]

وحتى لو صرح الخرافي بذلك فإن النسبة المتفق عليها هي 46 % وهي موجودة بالفعل وتقسيمات هذه النسبة منشورة بجريدة القبس اليوم ، أي أن لن يشرك صغار المستثمرين في هذه الصفقة وكلامه ماخوذ خيره

 

[BO-MUBARAK]

صغار المستثمرين اللي يقصدهم اللي عنده 5% مو اللي عنده 10000 سهم

 

[adventurer]

حبيبي بالعقل والمنطق بعيد عن العاطفه وكسر الخاطر

الرجال قال انه ملزم بتوفير 46% حلو؟

فرضا اهو عنده 15% والثاني 15% وربعه القراب 10% وعنده موعد 4 شهور عشان يكمل الكميه

انا اشوفه انه قاعد يضغط عالسهم ويجمع من تحت ويبيعه بره السوق بدينارين وهو يضحك

70% من الملاك مادري شلون بدشون بالسالفه!!!

بعدين شكو اشتري منكم 1.800
كاهو باط على ويهه السهم !! ومن منووو ؟

اسمع آخر اشاعة

يقولك الخرافي قايل حق اللي يمونون عليه انه راح يشتري منهم اسهمهم الحين و يقطهم في الصفقة بدينارين او سعر الصفقة 1900- 1800 , اني ووي اهو راح يوقع معاهم عقد بالباطن مادري شنو طريقته بالضبط بس الزبدة انه ياخذ اسهمهم و يحطهم مع محفظته و عقب يقطهم في الصفقة
يقولك صاير حب خشوم و واسطات هناك

ناس و ناس

ههههههههههههههههههههه

 

[sulaimanajmani]

شوفو المقابلة مع بدر الخرافى على cnbc العربية

 

[sulaimanajmani]

شوفو المقابلة مع بدر الخرافى على cnbc العربية

يقول بكل صراحة عندة توجيهات من السيد ناصر الخرافى الى كان صرح قبل سنه انه راح يفيد صغار المستثمرين فى اى صفقة بيع لزين مستقبلا

الكلام واضح وضوح الشمس

يقول بكل وضوح انه راح تكون هناك الية للشراء من صغار المستثمرين بنسبة 70% مما يملكون

وملكيات صغار المستثمرن ما هى وايدة

وبعدين منو قال انهم ضمنوا نسبة ال46% هو صرح انهم راح يحصلونها بالفترة القادمة

 

[اجورود]

هالفلم اللى سويه على انه يشترى بدينارين وعليه حب خشوم هذى دعاية والخرافي عودنا على هالاعلانات وخل نكون صريحين مع بعظنا اشوى الرجل ما نفع الكويت بشي مجانى ينفع شعبها بفلوس يحليلكم

 

[اجورود]

اللة يعينكم مدام الموضوع وراه ناصر الخرافي

 

[jamal999]

المصدر: داو جونز – مصارف وتأمين

الساعة 08:03 بتوقيت غرينيتش (زاويا داو جونز) – من المتوقع أن تبقى أسهم "زين" تحت الأضواء في البورصة الكويتية نهار الأربعاء، بعد أن أعلنت "مجموعة الخرافي" أنها وقعت اتفاقية لبيع حصة بنسبة 46% في الشركة إلى تكتل ماليزي هندي.

وفي هذا السياق، قال أحد المتداولين: "أثارت هذه الأخبار غضب صغار المستثمرين الذين لا يشكلون في الوقت الحالي جزءاً من هذه الصفقة، وانعكس هذا الواقع على سعر السهم". وأضاف المتداول أن المخاوف قد تتراجع بفعل العهد الذي قطعه بدر الخرافي، كبير المدراء التنفيذيين في "مجموعة الخرافي"، واعداً بإدراج صغار المستثمرين في الصفقة التي سيُباع السهم بموجبها لقاء دينارين كويتيين. وتابع المتداول بالقول إن الآلية التي سيُشركون من خلالها صغار المستثمرين ليست واضحة حتى الآن. لذا، يتعين على المستثمرين الانتظار لمعرفة كيف ستتبلور الأمور. ويُذكر أخيراً أن أسهم "زين" أغلقت على تراجع بنسبة 5.4% عند 1.380 دينا كويتي نهار الثلاثاء. (myh)

(النهاية) وكالة داو جونز الإخبارية

 

[jamal999]

المصدر: داو جونز – مصارف وتأمين

الساعة 08:03 بتوقيت غرينيتش (زاويا داو جونز) – من المتوقع أن تبقى أسهم "زين" تحت الأضواء في البورصة الكويتية نهار الأربعاء، بعد أن أعلنت "مجموعة الخرافي" أنها وقعت اتفاقية لبيع حصة بنسبة 46% في الشركة إلى تكتل ماليزي هندي.

وفي هذا السياق، قال أحد المتداولين: "أثارت هذه الأخبار غضب صغار المستثمرين الذين لا يشكلون في الوقت الحالي جزءاً من هذه الصفقة، وانعكس هذا الواقع على سعر السهم". وأضاف المتداول أن المخاوف قد تتراجع بفعل العهد الذي قطعه بدر الخرافي، كبير المدراء التنفيذيين في "مجموعة الخرافي"، واعداً بإدراج صغار المستثمرين في الصفقة التي سيُباع السهم بموجبها لقاء دينارين كويتيين. وتابع المتداول بالقول إن الآلية التي سيُشركون من خلالها صغار المستثمرين ليست واضحة حتى الآن. لذا، يتعين على المستثمرين الانتظار لمعرفة كيف ستتبلور الأمور. ويُذكر أخيراً أن أسهم "زين" أغلقت على تراجع بنسبة 5.4% عند 1.380 دينا كويتي نهار الثلاثاء. (myh)

(النهاية) وكالة داو جونز الإخبارية