السلام عليكم للعلم ترى جديد بالكرتون 36 دينار الى 40 والاخ يقول فوق فوق حرام عليكم ياجماعه
خافو الله فينا وبسوق المقاصيص اذا طار طار ونظيف وذبح نفسه 30 دينار هذا للعلم
السلام عليكم أخوي almsamh هذه الكلام إلي تقوله على اللون الذهبي ومن بره من أمريكا بسعر 40 دك بس اللونين أغلي ولا غشيم عن السوق يخليك ربي أقول بس ......يستمر المزاد
شوف يالقيروان مدام ضنيت فيني الظن السيء اقسم بالله العلي العظيم اني رحت المثنى ومحل اسمه الماسه معروف جدا يبيع هالاقلام مع كفاله سنه ومعاه دفتر وعلبه ونفس الشكل القديم والوان كثيره على 52 دينار ولما كاسرته قالي على 47 دينار
وانا عطيتك 30 يعني الفرق 17 دينار عن الجديد وين كسر الحلال بالموضوع بس بعد ما شفت سعر الجديد انا اسحب سومتي والله يرزقك فوق فوق
والله عندي نفسه بس اللون عنابي بدال الكحلي وشاريه 38 بالكرتون وقبل مده طويله وصدقني اني افهم في السوق بس انتوا للاسف ناس ذبحها الجشع والطمع وبلاش الضحك على ذقون الاخرين والله يعطيك على قد نيتك انشالله
السلام عليكم أسمع يا xokx القلم حلالي وأنا حر أبيعه بالسعر إلي يعجبني والناس ما هي
غشيمه وهذه مزاد مو حرب دفعت 30 وأنا مابعت ولاني زعلان وأنا ما أسيئ الظن لا فيك ولا بغيرك وبعدين القلم واصل 36 والرجال ماسحب سومته ورد عليك أموين طلعتلي ب 30 الله يهديك هذى إلي يسمونه كسر بالحلال وتحياتي للجميع .........
السلام عليكم يا almsamh الجشع مو عندنه ولا الطمع والحمد لله الخير كل عندنا والصحه والعافيه لاكن العين الضيجه وإلي يحسد الناس على حلاله أهي المشكله وبعدين مو بس أنت إلي تفهم في السوق حتي الناس تفهم هالأيام ماكو واحد غشيم حبيب قلبي وبعدين أنا ما طقيت أحد على أيده وقلتله زيد الناس حره وحلالهم عندهم وحلالي عندي............يستمر المزاد