شارك واكتب بيت شعر او قصيدة اوحكمة تقرقع في قبلك!!

[الذيبة]

تعبت اعيش الدور وافتح (للمعاذير) الخيال
واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )

 

[pJLc]

أنا اليامني نويــت افتل البيت0000افتل البيت والشــعار ماينقضوونـه

الشاعر الكبير بنـدر بن سرور العتيـــبي

 

[الذيبة]

سبحان ربي كرم النفس بأخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي​

 

[النجدي2007]

من المفتون بشار بن برد إِلى شَيْبَان كَهْلِهِمُ ومُردِ
فإن فتاتكم سلبت فؤادي فنصفٌ عندها والنصف عندي

 

[قلم حر]

ردي ظلام الليل عن صبح وجهك
أنا ترى طيفك حرمني منامي
لولا بأني خايف سيف لحظك
إن كان ما جردت لأجلك حسامي
طرفك جرحني وهذي آثار جرحك
ما شفتي إن الدم خرس لثامي
شفنة صبا ما بين سحرك ونحرك
وأنا من الفتنه بداني هيامي
همي أنا اني أبا اصير همك
وانه يصيبك بعض رامي سهامي
حلمي من أيام الصبا ان اضمك
لكن حظي قاصر عن مرامي
يا ليت لو اني انا ولد عمك
وانا ترى يا بنت الأجواد سامي
وأهلي انا اهل الكرامة لعلمك
بس انتي الشوق الذي في عظامي​

 

[Low Fat]

القلب يجبرني عليك انت بالذات \\\ والا العرب واجد وغيرك مزايين​

 

[قلم حر]

انا وأنتِ ما معنا أحد
ولا غابت البسمة من ليالينا ابد
أيدك في أديني والنظره في عيني ندى
ماله مدى​

لك انتِ وبس وما معكِ احد
ودي يكون الكون مابه احد .. إلا انا وأنتِ
ودي نجوم الليل ما تسهر ابد .. إلا معكِ أنتِ
ولا يظهر في الليالي قمر
ولا يحلى للحبايب سهر​

إلا انا وأنتِ وبس .. وما معنا احد ..
أخاف لو مرت النسمة تشاركني شذاء عطرك
أخاف لو كثر البسمة يجاوبها سناء ثغرك
أظن بسمتك على الناس
ابيها لصادق الاحساس
لي انا وأنتِ وبس .. وما معنا احد​

 

[النجدي2007]

صح لسانكم جميعا وتسلمون

 

[الذيبة]

كني سجين ..

وقاضب ٍ رجلي القيد
والا كسير ٍ ... طيحنه مصايب

/

بأسباب جرح

ٍ ما نفع فيه .. تضميد

وما ظنتي في تالي الوقت .. طايب

/

لا شك / هذا الجرح فيني ترى يزيد
يا حسرتي .. قلبي غدى منه ذايب

/

 

[eng.explorer]

حكمة اليوم وكل يوم

لا تبدأ المشروع الا اذا توفرت جميع الموارد ::verymad::​

سامحوني حبيت اضيف نوع من الفكاهة وسامحوني اذا ضايقت احد واذا حاسين الصورة جارحة ارجو من صاحب الموضوع الطلب من المشرفين حذفها

 

[الذيبة]

وانا بيــني وبين اللي يعـاتبني وقف هالباب؟؟

-- حيا ؟.. مدري وفا؟ .. مدري بعض عشق مضى حله


حبيبي.. كانهــا الفــرقا تفضل.. واعتق الاسباب

--- لك الله مــا تنشــد تــك.... وش اللــي غيــرك للــــه؟؟


عليــك ان مــا بكــت عين تضمك طاحت الاهداب

---- دخيــلك لا تســـولف عن وفــايه والوفــا خلــــــــه ..


تــذ كــــر !! قبل لا تبدي معـاذيــرك على المرقاب

---- ترى بعض المــعاذيـــر ــ ان صدقت ــ اصعب من الزله

 

[ابوشروق]

شروق تراك انتى الزين كله

ماظنتي يختلف عليك اثنين

انتى نور القمر في حله

محدن يماريك يا كامل الزين

لو عطيتك قلبى وعمرى كله

اقول مقصرفي حب الغالين

 

[ابوشروق]

من مبلغ الصبيان عني نصيحه

من حاضر منهم ومن كان غايب

من لايحوش المرجله في شبابه

ماعاد يدركها الى صار شايب

ومن خاب في اول صباه من الثنه

فهو لازم في تالي العمر خايب

كما مورد ظاميه والقيظ قدصفه

على بارق الثريا هبيل النشايب


الشاعر ( راشد الخلاوي )

 

[ابوشروق]

لا ضـاقت الـدنيا عـليك وتـشاويت .. خـلق الله اللي في الـرخا كان واجـد
ومن العرب والصوت والثوب مليت .. وقـامـت علـيك هـمـوم بـقـعا تـراجـد
فارفـع إيـديك لخـالقك لـتـوضـيـت .. وأدعـه تـراك أقــرب لـصـرت سـاجـد
ووقًت من أوقـاتك لـلأوقات توقيت .. وسجًل لنفسك في المساجد تواجد
وأبشر بفزعت حامي الدًين والبيت .. لـيا هـجـدك مـن الـهواجـيس هاجد
اللي يميت الحي ثم يحي الميت .. ولرضاه شف كثر البشر فـ المساجد​

صح السانك يالفشقه

 

[الذيبة]

أبرحل وأترك الماضي وأجدد حاضر العنـوان

ابجمع من شتاتي قلب واسافر في بحر غمـي

تصور لو نساني الكون وصرت بعالم الحرمان

أناديلك .. واصوّت لك .. ولاحتى تلـدْ يمـي

 

[Dr.Mo'7tabarat]

لا تاسفن على غدر الزمان فطالما رقصت على جثث الاسود كلاب لاتحسبن برقصها تعلو على اسيادها تبقى الاسود اسود والكلاب كلاب

 

[الذيبة]

بعض البشـر لاتكلّـم يشـرح الخاطـر

تنطحك ضحكة احجاجه قبـل ترحيبـه
اليا أسفهـل أحتـواك بجـوّه العاطـر
بين التواضع... وصدق الحب .. والطيبه

أعذب من أنفاس روضٍ علّـه المأطـر

كنّه يـردد.. هـلا... يامطـوّل الغَيَبـه

 

[النجدي2007]

ومن اجمل ماقال بشار

إذا المرءُ لم يفضل وقام بكلهِ فليسَ به بأسٌ وليس بكامل
وإن كان ذا فضل وقامَ بكلهِ فسام به أهل العلا والفضائل
وإن كان لا فضلٌ ولم يغنِ كلهُ فناد به في الناس هل من منازل

 

[النجدي2007]

ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي


لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها



يامسهل الدنيا مهما تعاندنا


عادي التعـب عادي .. والهم هو ملحه
ولو ما الحزن بادي .. مانفهم الفـرحه

 

[بوعلي الشمري]

كلن نهار العيد عايد حبيبه ..وألتم شمل اهل القلوب المواليف
الاحبيبي غايب الله يجيبة .. ياحسرتى ان كمل العيد ماشيف

اول علي العشاق اضحك واعيب
واليم قلبي من هوا صاحبي ذاب