السلام عليكم ورحمة الله,,,,يااخوان يااعزاء المكتب العقاري غير مسؤول عن ارتفاع الاسعار او انخفاضها,, دائما صاحب العقار هو اللى يحدد سعر البيت والمكتب يباشر عمله يعني تسويق العقار،، اما اذا بعض الاشخاص يعاني من عجز مادي او امكانياته ماتساعد الله يكون بعونه ويفرج كربه ومالا داعي يتهجم على الاوادم ويتهم الناس فقط لان سعر البيت ما يناسب امكانيته!!!! مافي عندنا لاتطبيل ولا غيره في شىء اسمه سعر السوق اهو اللي ماشي وفي شي اسمه التمنيات والاوهام والاحلام,,, قبل مده اراضي بوفطيره نزلو لي 70 و80الف ونقول حك الزباين يبه اشترو لايطوفكم الاسعار يمكن ترد ترتفع ويردون عليك لا يبه اصبر شوي بعد بتنزل وتوصل40 او50 وماسمعو النصيحه وعقبها تدرون اللي صار,,, اللى صار الاراضي شبت من جديد ونفسهم الزباين يدقون علينا شو فلنا 80 الف شرايين ,, وطوفو على نفسهم الفرصه ومااستبعد ان بعض المشاركين معانا عاشو هذا الموقف واهم زعلانين على انفسهم لانهم سمعو شور فلان وعلان,,,,,,,عموما نرد نقول ان المكتب مايتحمل اي مسؤوليه خاصة تحديد سعر العقار المعروض للبيع واذا هذا الشيء حصل ما يعتبر قاعده تعمم وقد يكون من بعض الجنسيات العربيه وفي النهايه من عاش في الحيله مات بالفقر مثل مايقولون وثقوا في الله عز وجل ان مايوم رفعنا سعر عقار او تلاعبنا بسعر عقار بل على العكس تماما اذا نعرض عندنا عقار نشوف انه غالي وسعره مايتماشى مع السوق نرفضه ونبه صاحبه اما عرضنا لعقار معين فمعناه اقتناعنا بان العقار بيجيب السعر المعلن وحنه مع احترامنا لجميع الاراء نشتغل في السوق العقاري ونعرف اسعار العقارات بحكم التجربه والممارسه,,, ماتغير قناعاتنا العواطف ولا الاحلام ولا كلام الدوواين اللى ضيع فرص كثيره على بعض الشباب الطيبين اللى على قد الحال ,, ونصيحه لكل شخص بيشتري بيت العمر, اذا لقيت البيت المناسب واقتنعت فيه انت والاهل توكل على الله وخلص ولاتكثر الاستشارات بالذات من الناس الغير متخصصين بهالمجال,, لانهم راح يضيعونك ويمكن يضيعون عليك فرصة العمر وراها تقول ليتني شريت وليتني ماسمعت كلام فلان وعلان.وعندي امثله كثيره واجهتهم بحكم عملنا ينطبق عليهم هالكلام....(اغتنموا الفرص فانها تمر مرور السحاب)