zaid__77
عضو نشط
- التسجيل
- 18 يونيو 2009
- المشاركات
- 316
اولا جزاكم الله كل خير يا اخ خسران جدا وان شاء الله تعوضها
والاخ ساكت ومشكورين على الكلام الطيب
الجود الاول المشكله الاخوه اللي مسوين بعضهم دلالين واللي اهم
المصريين والقله منهم من يفهم بهذه الشغله اما الكثره منهم سلامتكم
وتعيشون يبيون يتشيطرون على الزباين والمشكله الانكح والامر اخوانا
الكويتين ما ايتقبلون ايتكلمون مع الدلال الكويتي وهذا الكلام من واقع
ممارسه بالسوق وبالشغله نفسها .
اللي قاعد ايحصل بالظبط بالسوق خداع وظحك على الذقون بالفم المليان
تذكرون اراضي المهبوله وصلت على 200 الف و 180 الف وبعد صدور
القوانين 8 و 9 ومنع الرهن والضريبه على اللي يملك اكثر من خمسة
الاف متر وصلت الاراضي الى 40 الف و60 الف و 70 الف واصاب
السوق العقاري جمود مع الازمه العالميه + القوانين ونزل التجاري
والاستثماري والسكني ونحن هنا بصدد الكلام عن السكني ومع الايام
تقريبا سنتين او اقل تضايق بيت التمويل وغيره من البنوك والشركات
ومن لهم صله بالرهن ولكن بادر بيت التمويل برفع قضيه وعندما اقترب
موعد صدور الحكم النهائي وبعد صدوره على طول الله خير الدلالوه المصريين
صعدت اراضي المهبوله من 70 الف الى 120 الف الى 165 الف والسبب
اشتري يا راجل قبل ما يصعد العقار والاراضي مش هتلائيها بالسعر ده
والله ايهداهم اخوانه الكويتين كلمتين من الدلال المصري يعمله غسيل
ادماغ وايخوفه وغير الالاعيب الاخرى كثيره ولف ودواران على ربعنا هذه
الطامه الكبرى والمشكله العويصه والاستعجال على الشراء كان البيت
او الارض بتروح ما يدرون ان الارض قاعده بمكانها والبيت ايضا ولكن كلام
الجرايد ومثل الجراح وربعه وصيحتهم بالجرايد ومطالبتهم للحكومه بتعديل
القوانين ليش شنو السبب ورى هالصيحه ؟؟؟
لان الخساير اكلتهم من الاراضي اللي طاحت بجبودهم
اليوم تقرير على السي ان بي سي العربيه يقولون فيه بان البحرين
ادخلت بالجمود العقاري واول وحده الامارات ودبي بالتحديد بعدها عمان
بعدها السعوديه وبعدها الكويت والان البحرين توهم وهذا ان دل يدل
على ان الازمه العالميه مع تحسن بعض مؤشراتها الا ان لها ولايزال
توابع مستمره الى نهاية 2010 وليس قبل ذلك ابد فيا اخوان تركدوا
واللي يبي يشتري يفتر عدل على المكاتب ويقارن الاسعار والمناطق
وفي العجله الندامه .
(على فكره الاخ جود الاول يقول فقط السذج من تنطلي عليهم الالاعيب )
وانا اقول له ما اكثرهم للاسف
الله يعطيك العافية كفيت ووفيت ، صراحه كلامك يثلج الصدر .
والمفروض يكتب على نشرات ويوزع على الناس ، بارك الله فيك .
تحياتي