السلام عليكم
اخوي رسام , الله يعطيك العافيه والصحه والبركه بحالك وحلالك
بس أبو يوسف وصى على السهم عند دعومات قويه
وقال من البداية عنده مقاومه على الــ 200 فلس
وقال هم عنده مقاومه ثانيه على 222 فلس
الرجال حط دعومات وأهداف
أهو ينطر هدف معين حاطه جدام عينه
اللي يبي يتبعه براحته واللي يبي يبيع هم عند المقاومه هم براحته
البيع والشراء مسئوليه شخصيه البائع والشاري هم الوحيدين الذين يجنون الربح ويتحملون الخساره
الرجال ماقال باطل
قال عنده هدف بالـــ 255 بعد كسر المقاومه
المقاومه لم تكسر والسهم بترند هابط
ابو يوسف وضح كل هالشغلات
غصب تحملون ذنبنا ؟
ذكر كذا مره ان فيه مطبات , ذكر ان فيه مقاومات قويه عند 200 و 222 وذكر ان السهم بترند هابط , وذكر اهداف وذكر هدفه الشخصي اللي يبي يبيع عنده اهو
اعتقد كان واضح للآخر
والرجل اجتهد فإن اصاب من الله وحده وان اخطاء فمنه ومن الشيطان
لا أحد يتحامل على ابو يوسف
90% من توصياته حققت اهدافها
ليش ما شكرتوه وثنيتوا عليه بطيران الجزيره من 218 فلس لي 275 وخلال اسبوع
ذكر شركت زين وكانت 1.200 تقريبا وحقق الهدف 1480 وتجاوزه
وذكر كذا شركه
وكلهم حققوا اهدافهم بالضبط