لأن كثر المشاركات اللي مالها داعي ولا تخدم القارئ والمتابع للسهم
تزيد عدد الصفحات وتضيع الفائده
لو كل عضو يهتم بالمشاركه البناءه والمفيده لتعدلت اوضاع الكثير من الروابط
والرابط يتم تحديثه اذا تعدت الصفحات العدد 60
جنك تدري إني بقول نفس الحجي يا بوسلمان
المشكله إن هذي المشاركات عديمة الفائده وبالتالي تضيع وقت الناس
يعني مثلا انا لما اكون مستثمر بشركات مجموعة الصفاة وادش المنتدى بشوف في شي مفيد بروابط هذي الشركات واشوف كل الروابط مرفوعه من قبل شخص واحد وكل ما ادش على رابط منهم اشوف الشخص معطينا سعر الإقفال....!!!!
ليش إحنا ترى قاعد إنتابع وعارفين سعر الإقفالات
ولا شخص كل يوم يبي تحليل وما له خلق يرد على الصفحات السابقه عشان يشوف التحليل
ولا سالفة للرفع للرفع للرفع......!!!!!
يبا إذا فيه شي يديد من اخبار او تحليل الأعضاء والمحللين ما راح يتوانون في خدمة اخوانهم
المشكله إن القارئ راح يقرا كل المشاركات على امل يلقى شي مفيد بس بالنهايه يكتشف إن السالفه وبالتالي ضيع وقته عالفاضي
مثال على ذلك هذي الصفحه من الرابط بينك وبين الأقصى وباجي الصفحات
طبعا ما يمنع إن يكون في شوية دردشه وضحك بس مو شغلات عديمة الفايده
تحياتي