لجميع مشاريعكم التجاريه

[دواس علف]

السلام عليكم

مرحبا اخوي جنرال كيف حالك

وش رايك اخوي جنرال بمشروع البقاله مفتوحه 24 ساعه

بغيت منك يا طويل العمر التفاصيل ونسبة الارباح والتكلفه

والف شكر لك على الموضوع المفيد

 

[القمر1]

يعطيك العافية وماقصرت بخصوص العطور والبخور ابي حل ثاني غير المدير مانستغنى عن مقترحاتك

 

[general]

السلام عليكم

مرحبا اخوي جنرال كيف حالك

وش رايك اخوي جنرال بمشروع البقاله مفتوحه 24 ساعه

بغيت منك يا طويل العمر التفاصيل ونسبة الارباح والتكلفه

والف شكر لك على الموضوع المفيد

اخوي البقاله حلوه لكن لازم تاخذها بمكان في تجمع سكاني قوي (حولي - سالميه - خيطان - فروانيه ) غير هل مناطق مانصحك تاخذ
البقاله تكلف تقريبا تجهيزها مع البضاعه ماتكلف اكثر من 3000 دينار
بس المشكله شراءك للبقاله على كل حال اعيد واكرر حرام تقط على شراء البقاله اكثر من 4000 دينار
وايد اشياء لازم تاخذها بعين الاعتبار
1- لاتشتري بقاله في عماره هدام (مو يقولك هذا راعيه فقر مليون سنه ماراح يهدمه )
2- تقييمك للبقاله لازم يكون على الضغط (زباين) وان راعي البقاله قالك يوميتي بـ 120 الى 160 دينار (هذا معدل البيع اليومي المفروض ) قوله مو مشكله بحط واحد بالبقاله (حط واحد من عندك) بقعده بالبقاله اسبوع كامل اشوف فعلا يدخل هل كثر ولالا (ترا الحركه عاديه وان ماوافق قوله في امان الله) انت لو تيي لي تقول هل كلام ماراح امانع لاني صادق لمن اقولك 120 الى 160 دينار وبعدين بحصل من وراك الالاف ليش مارضى على طلبك ؟؟
3- الايجار لايزيد عن 300 دينار وان وصل 400 هم ماكو مشكله بس يكون الدخل اليومي 140 الى 160 .
4- مو انت تروح تشتري بضاعه وتحط بالبقاله لا حبيبي تتصل على الشركات واهم يبون لك البضاعه مع المندوب وينزلون بالقباله مو عبالك تروح تشتري من سوق الجمله بالشويخ لان الافضل تروح للشركه مباشراً وعلى فكره الشركات مهما كانت كبيره ومليانه ان شافوا واحد مثلك يبوسون ايدك .
5 واخيرا اختار المكان الصح ولا تنغر بكلام راعي البقاله دايما طيح البقاله من عينك ونزلها لي القاع عشان ماتقط عليها وايد
وحياك الله

 

[general]

يعطيك العافية وماقصرت بخصوص العطور والبخور ابي حل ثاني غير المدير مانستغنى عن مقترحاتك

المشكله بوراشد سوق العطور والبخور الهنادوه مايرحمون بالسعر فمابي اقولك روح افتح محل بأي مكان . الود ودي تزاول نشاطك بشكل مستقل مو كيان تجاري (محل) لكن لو كنت مليء بالفلوس انصحك تفتح كاونتر بالمجمعات (مثل الي يبيعون الساعات) , وتختار اسم مشهور عشان ان الشغل مشى صح تفتح كاونتر ثاني بمجمع ثاني واسمك المعروف يبين للزبون ان عندك كاونتر هم بمجمع اخر .
الي عليك تسويه مبدئيا تروح لاداره الشركات حق المجمعات وتقول باخذ كاونتر صغير مترين في متر مثلا جم الايجار الشهري , بس فكر بالموضوع عدل

 

[دواس علف]

والله مبدع يااخوي جنرال الف شكر لك حبيبي على خدمتك الرائعه

طيب يا الغالي الحين البقاله اذا قلنا يوميتها 150 دينار

يعني بالشهر 4500 دينار

طيب يالغالي ممكن بس تقول لي ارباحي من هالمبلغ كم وكم لازم اقط شهريا على البقاله للبضاعه بحدود كم

وما نستغني عن خبرتك يا طويل العمر واسمح لنا على الازعاج

 

[كحيلان العازمي]

السلام عليكم ورحمة الله وبركاته ... اشكرك جزيل الشكر اخي العزيز general على ما تقدمه من خدمه مفيده لاعضاء المنتدى الكرام .. جعلها الله في ميزان اعمالك باذن الله .. واتمنى منك اخي العزيز general ان تعطيني نبذه كامله عن مشروع مكتب خدم جلب عماله وافده من الهند وسيلان واندونيسيا اذا تقدر يالطيب تقول لي بالتفاصيل وهل هو مشروع ناجح ام لا وجزاك الله خير

 

[general]

والله مبدع يااخوي جنرال الف شكر لك حبيبي على خدمتك الرائعه

طيب يا الغالي الحين البقاله اذا قلنا يوميتها 150 دينار

يعني بالشهر 4500 دينار

طيب يالغالي ممكن بس تقول لي ارباحي من هالمبلغ كم وكم لازم اقط شهريا على البقاله للبضاعه بحدود كم

وما نستغني عن خبرتك يا طويل العمر واسمح لنا على الازعاج

طال عمرك 4500 مبيعاتك (مو ارباح) قول ارباحك 25%
يعني تقريبا 1125 دينار

سؤالك بخصوص كم تقط على البقاله ماكو شي اسمه شهريا كم في شي اسمه
تحط رأس مال مدور 1200 دينار ل 3 ايام (تكفي)
تشتري اليوم من شركه منصور اليوم بـ 600 دينار حق 3 ايام وتشتري من شركه ديناصور 600 دينار لـ 3 ايام اليايه (صارت 6 ايام) الحين اعتقد تكون طلعت عقب 6 ايام فلوس بضاعه شركه منصور والحين اطلب بألي عندك (600) من شركه خنفور ل 3 ايام اخرى وعقبها تحصل فلوسك من ببيعه بضاعه شركه ديناصور (600) تدفعه لشركه اخرى وعلى هل منوال
بس رأس المال المدور ماتحتاج اكثر من 1200 دك
ملاحظه انا عطيتك مثال لا اكثر ولا اقل
وان صرت تسحب كميات ممكن الشركات تعطيك على الحساب يعني تنزل بضاعه منهم وتدفع عقب اسبوع (جذي انت اشتغلت من فلوسهم )
حياك الله بالتوفيق بالمباراه ولاتفشلنه يبونك بينيه

 

[general]

السلام عليكم ورحمة الله وبركاته ... اشكرك جزيل الشكر اخي العزيز general على ما تقدمه من خدمه مفيده لاعضاء المنتدى الكرام .. جعلها الله في ميزان اعمالك باذن الله .. واتمنى منك اخي العزيز general ان تعطيني نبذه كامله عن مشروع مكتب خدم جلب عماله وافده من الهند وسيلان واندونيسيا اذا تقدر يالطيب تقول لي بالتفاصيل وهل هو مشروع ناجح ام لا وجزاك الله خير

اهلا بالعوازم كلهم
حبيبي نخدم امثالك الطيبه لا اكثر
طال عمرك مكتب خدم حلو لكن انصحك تبتعد عن المشروع ليش ؟؟
المشكله تحتاج مندوب في سيلان ومندوب في اندونيسيا ومندوب في الهند وشغل رشاوى بسفاراتهم هناك واسمح لي مابطول عليك بالنصيحه كالعاده مو اظلم حقك بس اقولك كلمتين في قوسين راح توضح لك السالفه
(تحتاج مافيا) بهل دول .
واتحدى اكبر شنب يقولي دخلت مني والطريج بهل مشروع ونجحت والي يب لي مثال راح اجاوبه مقدما ان كنت من هل شياب تروح تتزوج هنديه واندونيسيه وسيلانيه (مثال واقعي) حزتها اهم يضبطونك بالسالفه

 

[ساحل الليل]

اذا تبي مصبغه ابتعد عن هل مناطق (سالميه و حولي) لان الغسيل والكوي عندهم بـ 100 فلس (لاتستغرب بامكانك تروح وتسأل) حاول تروح للمناطق الي توه مبلشين فيها (قيروان فهد الاحمد غرب الجليب ومن هل اماكن لو تطيح لك على هل مناطق رووعه , والشعب البحري (كله اجانب يحبون المصابغ ) وخطواتها سهله
الخطوات تشتري المحل واكبر غلط يرتكبها اشخاص مثلك الي اهي تدخلون بالقوووه ياجماعه الركاده حلوه لاتشتري اجهزه جديده اشتر اجهزه غسالات اوتي بخار والخ,,, مستعمل من مكان متخصص لبيع هل اشياء (تقدر تسأل وين صاير) والاجهزه نظيفه ورخيصه عشان لا سمح الله صار خساره ماتكون خسرت وايد واعيد واقولك خلك بسيييط انت ماتبي تفتح محل حلويات عشان الناس تهتم بالديكور وووو بيقطون عليك ملابس وسخه ويبون ياخذونها نظيفه وبس. والسالفه ترا مايبي لها دراسه جدوى .
بس كثر ماتقدر حاول بالهدوء تخطط لهل شي اذا بتمشي على كلامي راح يكلفك الاجهزه والتجهيز 3000 دينار بس المشكله المحل جم ينباع على حسب الضغط والمنطقه بس بس عموما حرام تقط على المحل اكثر من 4000 دينار
ملاحظه : مو تشوف محل يقولك 4000 وتروح له سيده تلقى مرات المحل عبالك يسوى 20 ألف واهو مايسوى ألف دينار
ومرات تكون غشيم اكثر المحل يسوى 20 ألف وانت تقول هل محل بألف دينار ما اشتري
خلك قوووي بالتقييم واستشير كثر ماتقدر

تسلم والله حبيب قلبي جنرال على ردك
يعطيك العافيه حبوب ما قصرت والله
بقول لك يالغالي انا بفتح المصبغه بمنطقة النهضه منطقه جديده
بس ممكن تقول لي يالغالي اذا تعرف كم المعدل اليومي لمبالغ المصبغه
وشرايك بالارباح فيها زينه يعني تستحق اني افتح مصبغه ؟
ومشكوور حبيبي

 

[أبوفلان]

اهلا بوحمود نعم في شركات حق هل سوالف لكن اللحم والدجاج من الهند والبرازيل وتايلند والصين تكرم (مذبوح بالنعل) و احط بذمتي
وشكرا

خخخخخخخخخخخخخ

الله يقطع ابليسك

 

[القمر1]

موفق ويعطيك العافيه واذا في مقترح يديد لاتبخل علينا

 

[general]

تسلم والله حبيب قلبي جنرال على ردك
يعطيك العافيه حبوب ما قصرت والله
بقول لك يالغالي انا بفتح المصبغه بمنطقة النهضه منطقه جديده
بس ممكن تقول لي يالغالي اذا تعرف كم المعدل اليومي لمبالغ المصبغه
وشرايك بالارباح فيها زينه يعني تستحق اني افتح مصبغه ؟
ومشكوور حبيبي

منطقه النهضه هم حلوه
وسؤالك بخصوص الفايده (اكيد حلوه)
بس عاد جم تطلع هذي صعبه وان جاوبتك بيكون جوابي لك مبلغ عشوائي لان المصابغ تختلف ايراداتها على كل منطقه ومكان لان المفروض المفروض يطلع لك مبيعات (مو فوايد) حوالي 1100 - 1200 دينار والفايده فيها 900 دينار

 

[ساحل الليل]

مشكوور يالجنرال مشكور يالذيب والله على الرد تستاهل الخير يالغالي

 

[general]

مشكوور يالجنرال مشكور يالذيب والله على الرد تستاهل الخير يالغالي

تستاهل كل خير طال عمرك

 

[بو جابر]

بصراحه الموضوع وايد مهم ومفيد لكثير من الناس لذا يرجي من المراقبين الكرام التكرم بالتثبيت للموضوع لجديته ومصداقيته وشكرا مقدما

والشكر موصول لصاحب الموضوع الاخ جنرال المحترم لمساعدته الناس بدون مقابل ولمصداقيته وجزاه الله خير وجعله في ميزان أعماله

 

[general]

بصراحه الموضوع وايد مهم ومفيد لكثير من الناس لذا يرجي من المراقبين الكرام التكرم بالتثبيت للموضوع لجديته ومصداقيته وشكرا مقدما

والشكر موصول لصاحب الموضوع الاخ جنرال المحترم لمساعدته الناس بدون مقابل ولمصداقيته وجزاه الله خير وجعله في ميزان أعماله

امثالك الطيبه تستاهل خدمه اكثر

 

[general]

نبذه مختصره عن مشروع مشروبات الطاقه
يرجى تحميل الملف المرفق وابداء استفساراتكم

 

[general]

نبذه مختصره عن مشروع مشروبات الطاقه
يرجى تحميل الملف المرفق وابداء استفساراتكم

مشاهدة المرفق مشروب طاقه.doc

 

[راشد الماجد]

السلام عليكم يااخوي عندك خبره عن مؤسسة انتاج فني لانتاج المسلسلات وشاكر لك مقدما

 

[general]

السلام عليكم يااخوي عندك خبره عن مؤسسة انتاج فني لانتاج المسلسلات وشاكر لك مقدما

يا اخوي العزيز ارجو انك ماتفكر في مشاريع انت غير قادر على العمل بها , انا اقدر اشرح لك لي باجر لكن لا انت ولا غيرك راح يستفيد منها , لانها مو شغله اي واحد . بس ان كنت مصر انا راح اكتب لك ياها