الله يستر عليك ويحفظك أخوي الفودري
للسيكل ناس رغابه تحب تتمشى فيه وفيه ناس مطافيق تحب تستعرض وتفرد عضلاتها فيه والله يستر عليك من النوع الثاني
ما ودي أضيق خلقك وأدري إنك تعرف أكثر من الحوادث إلي بقولها لك بس محبة وشفقه عليك يالغالي
لي صديق قديم توفي بسبب السيكل وصديق آخر بترت رجله بسبب حادث بالسيكل والله ستر عليه وكان قبل زواجه بشهر تقريبا
تصدق أعرف عقيد بالداخلية ومدير أحد المراكز الهامة قبل فترة وصلني خبر إن صايرله حادث بسيكل ومتكسر كل شي فيه حتى وجهه وادخل العناية بين الحياة والموت وما أدري اشصار عليه ألحين حي ولا ميت الله يشفيه ويغفر له مشكلته إنه يحب السياكل
والله ماودي يضيق خلقك ومثل ما قال صاحبنا الي فوق اشفيه سيكل بو بطاريات ....
عموما الي كاتبه الله يبي يصير بسيكل ولا غيره بس بذل الأسباب والإحتياط واجب وهذي حياتك وأنت مسؤول عنها
الله يحفضك ويرعاك