لجميع استفساراتكم عن الرخص التجاريه

[general]

السلام عليكم
اخوي جنرال ابي اطلع رخصة العاب و تسلية للاطفال
ممكن اعرف كم لازم يكون العمر لاستخراج الرخصه
والاوراق المطلوبه والاجرائات والوقت لاستخراج الرخصه
والله يعطيك الصحه والعافيه

العمر القانوني اهو 21 سنه وصاعد
وتطول اسبوعين الى 3 بحد اقصى
والاوراق فقط بطاقتك المدنيه ووصل ايجار وعقد ايجار

 

[بوعلي الشمري]

السلام عليكم

يعطيك الف عافية وجعلها الله في ميزان اعمالك ...لو تكرمت اخوى فية رخصتين مطلعينهم شهر 7سنة 2008تجارة عامة ومقاولات ذات مسؤلية محدودة وراس المال 250 الف وحدة عطونى عليها 3عمال ووحدة ماكملت مراجعتها والاشتراك ما اندفع صار لة سنة شنو الحل والراى الله لايهينك بغيناها طرب صارت نشب شلون طريقة البيع او التحويل وكم الرسوم واقدر احول الرخصة بفرع التجارة الللى بالمحافظة واكون لك من الشاكرين

 

[الشاخص]

الاخ جنرال عندي شركه وفيها فرع مصبغه مسوي ترخيصها 2003 وانتهت اعتقد 2005 وماجددتها

1-شنو المطلوب للتجديد وهل في غرامات؟
2-لما طلعت ترخيص الشركه اكتتبت في سهم بنك بوبيان باسم الشركه وخصصولي اسهم والحين الشركه منتهيه شلون اقدر ابيع الاسهم وهل اقدر احولهم من اسم الشركه الى اسمي ؟

 

[BMW750]

بعد اذن جنرال

اخوي اي شئون اللي طلبو فتح حساب

انا اللي اعرفه بما اني موظف باالشئون ان فتح الحساب بس حق التحويل مو للتجديد

واذا الفروانيه انا امشيك

جزاك الله خير
فعلا انا اعتذر انا باحول اقامة مو تجديد
والموظف يقول فيه رمز علي ملفكم لازم فتح حساب للعمال
ممكن المساعده في البنوك وشكرا

 

[general]

يعطيك الف عافية وجعلها الله في ميزان اعمالك ...لو تكرمت اخوى فية رخصتين مطلعينهم شهر 7سنة 2008تجارة عامة ومقاولات ذات مسؤلية محدودة وراس المال 250 الف وحدة عطونى عليها 3عمال ووحدة ماكملت مراجعتها والاشتراك ما اندفع صار لة سنة شنو الحل والراى الله لايهينك بغيناها طرب صارت نشب شلون طريقة البيع او التحويل وكم الرسوم واقدر احول الرخصة بفرع التجارة الللى بالمحافظة واكون لك من الشاكرين

اخوي وضح سؤالك اشتراك شنو تقصد ؟

التحويل فقط خروج و دخول شركاء جدد وماتكلف اكثر من 70 دينار والسالفه سهاله وتحويل الرخصه لمحافظه ثانيه على حسب مكان المكتب او المحل
اسمح لي اجاباتي لك عشوائيه لاني مو فاهم عليك

 

[general]

الاخ جنرال عندي شركه وفيها فرع مصبغه مسوي ترخيصها 2003 وانتهت اعتقد 2005 وماجددتها

1-شنو المطلوب للتجديد وهل في غرامات؟
مو مطلوب غير وصل ايجار وعقد ايجار للشركه شوف لك مكتب بو شهر وهده ومن ناحيه غرامات ماعليك ولا فلس
2-لما طلعت ترخيص الشركه اكتتبت في سهم بنك بوبيان باسم الشركه وخصصولي اسهم والحين الشركه منتهيه شلون اقدر ابيع الاسهم وهل اقدر احولهم من اسم الشركه الى اسمي ؟

على الاغلب مافي تحويل ملكيات بل البيع عن طرق السوق الرسمي فقط بسوق الكسور
ودام انك مطلع رقم تداول للشركه ماتحتاج اي شي غير رقم التداول وان ماكنت مطلع فانطر تجدد الشركه وعقبها تفتح رقم تداول بالمقاصه

 

[general]

جزاك الله خير
فعلا انا اعتذر انا باحول اقامة مو تجديد
والموظف يقول فيه رمز علي ملفكم لازم فتح حساب للعمال
ممكن المساعده في البنوك وشكرا

الرموز اكبر مشكله تواجه الشركه اكتب لنا رقم الرمز وابو رجا بيرد عليك شنو معناه الرمز

 

[tears]

اخوي جنرال يعطيك الف عافية على جهودك

ابي اسأل عن الرخصة اذا بفتح بقاله شنو تكون و شنو طريقتها وهل يشترط و جود راس مال ؟؟

جم تكلف اذا يسويلي ياها مندوب ؟؟

اقدر اخليها بأسمي اذا انا موظف في احد الوزارات و شريكي موظف بالطيران المدني ؟؟

شكرا

 

[ابو رجا]

جزاك الله خير
فعلا انا اعتذر انا باحول اقامة مو تجديد
والموظف يقول فيه رمز علي ملفكم لازم فتح حساب للعمال
ممكن المساعده في البنوك وشكرا

الرمز اهو 34 والرمز هذا يسمونه تحديث البيانات مشروع الميكنه بالجابريه

مبنى وزارة الشئون عند جمعية الجابريه

تروح قسم الملفات اللي ملفك تابعله وتأخذ النواقص والجابريه يشيلونه لك

واي استفسار حق وزارة الشئون انا حاضر وبشوفه

 

[BMW750]

الرموز اكبر مشكله تواجه الشركه اكتب لنا رقم الرمز وابو رجا بيرد عليك شنو معناه الرمز

الرموز ما اذكر بالضبط يا 32 او 34
بس اللي مطلوب فتح حساب في البنك باسم الموسسه والبنوك اللحين مصعبين الامر لازم ايداع مبلغ
اذا فيه بنك بدون ايداع مبلغ كبير اكون شاكر لكم

 

[BMW750]

الرمز اهو 34 والرمز هذا يسمونه تحديث البيانات مشروع الميكنه بالجابريه

مبنى وزارة الشئون عند جمعية الجابريه

تروح قسم الملفات اللي ملفك تابعله وتأخذ النواقص والجابريه يشيلونه لك

من طلباتهم فتح الحساب

 

[الشاخص]

على الاغلب مافي تحويل ملكيات بل البيع عن طرق السوق الرسمي فقط بسوق الكسور
ودام انك مطلع رقم تداول للشركه ماتحتاج اي شي غير رقم التداول وان ماكنت مطلع فانطر تجدد الشركه وعقبها تفتح رقم تداول بالمقاصه

قواك الله جنرال

 

[ابو رجا]

الرموز ما اذكر بالضبط يا 32 او 34
بس اللي مطلوب فتح حساب في البنك باسم الموسسه والبنوك اللحين مصعبين الامر لازم ايداع مبلغ
اذا فيه بنك بدون ايداع مبلغ كبير اكون شاكر لكم

شوف اذا على فتح الحساب هينه 100 دينار

احسن بنك على ماعتقد التجاري لاتحسبني اسوق حق البنك لاني اشوف الصحاب العمل اغلبهم فاتحين هناك مادري شنو الحكمه بس انت مر البنك وبطل احساب حق الشركه
لانهم كل مالهم قاعد يعقدون الامور وبنسبه لرواتب العمال بعد ماتبطل للشركه بطل للعمال . وانا اشوف اصحاب العمل لما تقول نزل رواتب حق العمال يتضايق يقول ياخذون مني دينارين على كل راتب وخصوصن اللي مضمنين محلاتهم

وانا اقول انت لما تنزل الرواتب امن لك سبحان الله عامل يشتكي عليك ويقول مايعطيني راتب تحجه بكشف احساب من البنك

وسلامـــتك

 

[بوعلي الشمري]

اخوي وضح سؤالك اشتراك شنو تقصد ؟

التحويل فقط خروج و دخول شركاء جدد وماتكلف اكثر من 70 دينار والسالفه سهاله وتحويل الرخصه لمحافظه ثانيه على حسب مكان المكتب او المحل
اسمح لي اجاباتي لك عشوائيه لاني مو فاهم عليك

(1)قصدى التحويل بمبني الوزارة الرئيسى اوفرع الوزارة اللى بالجهراء
(2) ليش اللي بيشتري يسال عن سنة تاسيس الشركة شفرق القديمة عن الجديدة (3) اقدر ابيع الرخصتين ......ادرى مصختها بس تحملنا الله يرضي عليك

 

[general]

اخوي جنرال يعطيك الف عافية على جهودك

ابي اسأل عن الرخصة اذا بفتح بقاله شنو تكون و شنو طريقتها وهل يشترط و جود راس مال ؟؟
رخصه عاديه
جم تكلف اذا يسويلي ياها مندوب ؟؟
المندوب يسوي لك الشركه حق البقاله راس مالها مايتعدى ال 10 الاف واهو المفروض يضبط لك السالفه بس اهم شي تقوله مابيها تجاره عامه لان راح يوصل لك السعر 2000 دينار لان بييب لك شهاده رصيد ب 150 الف
والتكلفه حق رخصه بقاله المفروض ماتعدي 450 الى 500 (لو كانت مؤسسه جان 180 الى 220 )
اقدر اخليها بأسمي اذا انا موظف في احد الوزارات و شريكي موظف بالطيران المدني ؟؟
تقدر لكن تحتاج الى مدير غير موظف شوف لك اي واحد

شكرا

وحياك الله

 

[general]

(1)قصدى التحويل بمبني الوزارة الرئيسى اوفرع الوزارة اللى بالجهراء
(2) ليش اللي بيشتري يسال عن سنة تاسيس الشركة شفرق القديمة عن الجديدة (3) اقدر ابيع الرخصتين ......ادرى مصختها بس تحملنا الله يرضي عليك

بوعلي انت عزيز وغالي اسأل قد ماتبي
جواب السؤال الاول التحويل يكون في مجمع الوزارات في وزاره العدل
جواب السؤال الثاني مافي اي فرق لكن انا من ناحيتي افضل استبعاد شركات المؤسسه سنه 2008 لان طلع عليها وايد مشاكل تزوير شهادات الرصيد وياما قرينه بالجرايد وقفوها وحطوا عليها رموز والخ,,,
جواب سؤال الثالث انشالله تبيع 20 رخصه مو بس رخصتين

 

[tears]

اخوي جنرال يعطيك الف عافية على جهودك

ابي اسأل عن الرخصة اذا بفتح بقاله شنو تكون و شنو طريقتها وهل يشترط و جود راس مال ؟؟

جم تكلف اذا يسويلي ياها مندوب ؟؟

اقدر اخليها بأسمي اذا انا موظف في احد الوزارات و شريكي موظف بالطيران المدني ؟؟

شكرا

اخوي جنرال ما رديت علي ؟؟

 

[general]

اخوي جنرال ما رديت علي ؟؟

هلا اخوي انا رديت عليك بتعليق رقم 135
كتبت بين الاسطر الي انت كاتبها ركز عدل
ولايمكن ما ارد على احد

 

[tears]

اايي مشكور اخوي جنرال والله ما نتبهة كلك ذوق

انا اقرا ان عندك مندوب زين لو تعطيني رقمه اكون شاكرلك

 

[BMW750]

شوف اذا على فتح الحساب هينه 100 دينار

احسن بنك على ماعتقد التجاري لاتحسبني اسوق حق البنك لاني اشوف الصحاب العمل اغلبهم فاتحين هناك مادري شنو الحكمه بس انت مر البنك وبطل احساب حق الشركه
لانهم كل مالهم قاعد يعقدون الامور وبنسبه لرواتب العمال بعد ماتبطل للشركه بطل للعمال . وانا اشوف اصحاب العمل لما تقول نزل رواتب حق العمال يتضايق يقول ياخذون مني دينارين على كل راتب وخصوصن اللي مضمنين محلاتهم

وانا اقول انت لما تنزل الرواتب امن لك سبحان الله عامل يشتكي عليك ويقول مايعطيني راتب تحجه بكشف احساب من البنك

وسلامـــتك

للاسف مريت اكثر من بنك التجاري يبي 500 وتظل بالحساب وما تسحبها
والخليج يبي 500 وتقدر تسحبها بعد 6 شهور ولكن لكل حساب عامل 100 دينار
والوطني طلب 5000 في الحساب ما تسحبهم والتمويل 2000

وهذا يعتمد علي علاقاتك اذا تعرف احد بالبنك يمشيها لك بسرعه
تعرف احد يمشينا بسرعه ؟؟؟ اكون شاكر لك