لجميع استفساراتكم عن دعم العماله الوطنيه

[general]

السلام عليكم اخوي

انا ابي استفسر خواتي ثنتين راحو حق دعم العماله وقالو لهم مافي تسجيل برمضان

ورحت حق الموقع الاكتروني وسجلت وحده وتسجل معها مع انهم قالو لي ماافي اي موعد قبل العيد


والثانيه رافض الموقع انه يسجلها الا بعد رمضان

بالعاده مواعيد تطول او لا ياليت ترد على الله يعطيك العافيه

المواعيد من 20 الى 30 يوم

 

[general]

اعمل في القطاع الخاص والان ابي اقدم استقالتي واسجل بالديوان ممكن الخطوات الي اتبعها في دعم العمالة والتامينات الاجتماعية ؟؟

اخذ نموذج 103 من التأمينات والذهاب الى الشركه وتقديم استقالتك وتخلي مدير الشركه (المفوض بالتوقيع) يوقع لك على كتاب استقالتك ويوقع على نموذج اشعار 103 (انهاء خدمات) . وتاخذهم للتأمينات الدور الثالث قسم البريد وتنطر 7 الى 10 ايام ليتم ازاله اسمك

 

[general]

اخوي اذاسمحت اقدر ابطل مؤسسسة او شركة او محل باسم الوالدة والزوجة ويمشيلهم دعم العمالة ارجو التوضيح بدقة بالخطوات ياخوي واسفين على الاطالة ونشكر جهدك الجبار بالاجابة على اخوانك ونشالله تنحسب بميزان اعمالك الصالحه يارب

راح يمشي لهم دعم عماله اي نعم , وبالنسبه للخطوات http://www.indexsignal.com/vb/showthread.php?t=180356 تعليق ررقم 11

 

[السهم المجروح]

عفوا اني تأخرت بالرد لكن ما انتبهت انك رديت بعد كلامي , اخوي العزيز وزاره الشئون الاجتماعيه مالها اي دخل بخصوص دعم العماله وانت رايح تاخذ منهم ورقه لدعم العماله شكو ؟
انت شغلك فقط في دعم العماله و التأمينات .
وثانيا سالفه تدخل الشئون في دعم العماله هي لحاله اخرى بعيده عنك كل البعد وماتحتاجها نهائيا
انت اي ورقه تبيها تروح دعم العماله و التأمينات اترك عن الشئون نهائيا .

ولأطمنك اكثر بعرف رايح الشئون ليش ؟ ومن قالك تروح لهم

انا اقولك طال عمرك انا فاتح رخصه باسم الوالده رخصة محل بنشر وكهربا سيارات وسجلت الوالده بالتأمينات على الباب الخامس وقاعد ادفع اشتراكات علشان هي تستفيد بالمستقبل قبل فتره راجعت الهيكله حق دعم العماله وطبعا اخذت معاي اوراق التأمينات قالو روح راجع مبارك الكبير اتوقع الشئون اللي يم وزارة الداخليه و التجاره اللي عند جمعيه رقم 3 اللي يطلع منهم تفتيش قالي الموظف اوكي نسجل اسمها بس لازم قبل لانعطيك الشهاده حق الهيكله راح نطلع تفتيش حق المحل لازم تكون موجوده ومداومه قلت هي صاحبت المحل وهي اللي قاعده تقوم بكل الامور من مراجعات وكل شي بس مافي مره تقعد بمحل كهربائي سيارات انت عارف الوضع قالي ادري بس لازم قبل لا نعطيك الشهاده لما نطلع تفتيش نشوفها موجوده بالمحل .\
هذا اللي صار بالضبط من طاءطاء لي سلام عليكم واسف متعبينك ويانا يابوعقيل وانشالله بميزان حسناتك طال عمرك

 

[general]

انا اقولك طال عمرك انا فاتح رخصه باسم الوالده رخصة محل بنشر وكهربا سيارات وسجلت الوالده بالتأمينات على الباب الخامس وقاعد ادفع اشتراكات علشان هي تستفيد بالمستقبل قبل فتره راجعت الهيكله حق دعم العماله وطبعا اخذت معاي اوراق التأمينات قالو روح راجع مبارك الكبير اتوقع الشئون اللي يم وزارة الداخليه و التجاره اللي عند جمعيه رقم 3 اللي يطلع منهم تفتيش قالي الموظف اوكي نسجل اسمها بس لازم قبل لانعطيك الشهاده حق الهيكله راح نطلع تفتيش حق المحل لازم تكون موجوده ومداومه قلت هي صاحبت المحل وهي اللي قاعده تقوم بكل الامور من مراجعات وكل شي بس مافي مره تقعد بمحل كهربائي سيارات انت عارف الوضع قالي ادري بس لازم قبل لا نعطيك الشهاده لما نطلع تفتيش نشوفها موجوده بالمحل .\
هذا اللي صار بالضبط من طاءطاء لي سلام عليكم واسف متعبينك ويانا يابوعقيل وانشالله بميزان حسناتك طال عمرك

اخوي العزيز كلام الي قالوه لك مايدش مخي لان انا مسجل باب خامس واختي باب خامس واخوي باي خامس وكل هل امور انا قايم فيها .
مالي علاقه بالشئون لا من قريب ولا من بعيد نهائيااااا قول لدعم العماله شنو الي طالبينه من الشئون , والله ضيعتني معاك دعم العماله انا مدرب كل الموظفين الي هناك ماعمري سمعت كلمه الشئون .
انا عندي بروشور من دعم العماله مذكور فيه طلبات للباب الخامس والثالث ماقريت شي اسمه مطلوب ورقه او تفتيش من الشئون
راجع دعم العماله مره ثانيه لاتطلع من عندهم الا بالكلام الكااااامل

وان كلامك صحيح خلاص قوله متى تطلع التفتيش (من حقك تسأل هل سؤال وغصبا على شاربه يجاوبك)
وخل هل يوم الوالده تقعد بالمحل بشكل روتيني وعقبها خذ الشهاده
يعني معقوله دعم العماله قام يطلب عند تسجيل الموظف شهاده من الشئون تثبت انه كان مداوم ؟؟؟ لازم اسأل واتثقف بهل شي اليديد

 

[السهم المجروح]

انشالله اروح اراجعهم بعد العيد واخذ الورقه اللي فيها الطلبات واقولك وين رحت انا بالضبط

 

[q8.1911]

السلام عليكم ورحمة الله

الله يعطيك العافية وبميزان حسناتك أخوي جنرال

بارك الله فيك أنا عندي مؤسستين بإسم زوجتي ومسجلها بالتأمينات راتبها 250 دينار ويخصمون علي مبلغ 22 دينار تقريبا كل شهر للتأمينات من سنة 2007 ، يعني اهي صاحبة العمل

السؤال طال عمرك على الطاعة

أقدر أسجلها بدعم العمالة وشنو يكون وضيفتها لأن اهي صاحبة العمل الرخصة بإسمها ومسجلة بالتأمينات ويخصمون عليها تأمينات

وهل يمشون لها راتب دعم العمالة من تاريخ تسجيلها بدعم العمالة ولا من تاريخ تسجيلها بالتأمينات يعني يجيها أثر رجعي من 2007 ولا لأ

شنو طلبات دعم العمالة وإذا عندي توكيل عام عنها وأنا المفوض بالتوقيع للمؤسستين أقدر أنا أمشي الأمور ولا لا زم حضورها

جزاك الله ألف خير ورحم الله والديك ​

 

[general]

السلام عليكم ورحمة الله

الله يعطيك العافية وبميزان حسناتك أخوي جنرال

بارك الله فيك أنا عندي مؤسستين بإسم زوجتي ومسجلها بالتأمينات راتبها 250 دينار ويخصمون علي مبلغ 22 دينار تقريبا كل شهر للتأمينات من سنة 2007 ، يعني اهي صاحبة العمل

السؤال طال عمرك على الطاعة

أقدر أسجلها بدعم العمالة وشنو يكون وضيفتها لأن اهي صاحبة العمل الرخصة بإسمها ومسجلة بالتأمينات ويخصمون عليها تأمينات

وهل يمشون لها راتب دعم العمالة من تاريخ تسجيلها بدعم العمالة ولا من تاريخ تسجيلها بالتأمينات يعني يجيها أثر رجعي من 2007 ولا لأ

شنو طلبات دعم العمالة وإذا عندي توكيل عام عنها وأنا المفوض بالتوقيع للمؤسستين أقدر أنا أمشي الأمور ولا لا زم حضورها

جزاك الله ألف خير ورحم الله والديك ​

شكرا على دعواتك لي
طال عمرك
1- دام انك مسجلها بالتأمينات تروح دعم العماله وتطلب من عندهم بالحرف الواحد ( ابي ورقه طلبات تسجيل دعم العماله وباب خامس ) لان العاده يعطونك باب ثالث لان باب خامس حق اصحاب الاعمال وباب ثالث موظفه بشركه
2- تجمع كل الاوراق المطلوبه الي مذكوره في ورقه الطلبات وعقب ما تجهز تتصل على دعم العماله هاتفيا أو تدخل الموقع مالهم وتحط رقم مدني زوجتك وتختار علاوه اجتماعيه . يقولك راجع دعم العماله بتاريخ الفلاني (موعدك) وتقدم اوراقك
3- يسجلونها جدامك ويعطونك وصل ان راتبها راح ينزل بعد شهرين أو ثلاث طبعا بأثر رجعي .
4- سؤالك بالنسبه للأثر الرجعي من 2007 الى اليوم اقولك لاء لكن راح ينزل لها ان شاء الله اثر رجعي من شهر 4 الي طاف ولاتسألني ليش فقط اكتفي بالاجابه .
5- وبالنسبه لجم معاشها انا حاط موضوع فئات رواتب دعم العماله في موضوع مثبت وراح تستفيد منها
6- التأمينات راح يقص منها بحدود 40 الى 50 دينار (لان راتبها من مؤسستها و من دعم العماله)

والحمد لله عندك وايد صلاحيات (وكاله و تفويض) مايحتاج طلعتها من البيت

 

[q8.1911]

بارك الله فيك أخوي أبو عقيل وكثر الله من أمثالك والله كل ما أقرا مواضيعك وردودك على الأخوان إني أدعيلك بالخير

روح والقلب داعيلك بيض الله وجهك ورحم الله والديك وجزاك الله ألف ألف خير

تقبل تحيات أخوك أبو عبد الرحمن

 

[general]

عزيزنا وغالينا يا بوعبدالرحمن

 

[taleb777]

عساك علي القوة ابوعقيل
اليوم رحت حق التامينات قالولي ان صاحب العمل امتنع عن الدفع عني كمؤمن علي من شهر 7 وبالتالي شلنا اسمك من التامينات بس دعم العمالة للحين ماشي فشلون اوقف الدعم حتي ماتصير علي مديونية مع العلم ان صاحب الشركة اختفي يعني لاتقولي اخذ منة اوراق اوشي لاني موقادر احصلة .ياليت تنورني واللة يعطيك العافية

 

[general]

عساك علي القوة ابوعقيل
اليوم رحت حق التامينات قالولي ان صاحب العمل امتنع عن الدفع عني كمؤمن علي من شهر 7 وبالتالي شلنا اسمك من التامينات بس دعم العمالة للحين ماشي فشلون اوقف الدعم حتي ماتصير علي مديونية مع العلم ان صاحب الشركة اختفي يعني لاتقولي اخذ منة اوراق اوشي لاني موقادر احصلة .ياليت تنورني واللة يعطيك العافية

اهلا بأخونا العزيز
انا مستغرب ان التأمينات زال اسمك لان صاحب العمل امتنع عن السداد لان الي اعرفه أولا التأمينات مايزيل الاسم حتى لو امتنع المشترك من تسديد اشتراكاته لمده 10 و 20 سنه وانا عن نفسي ادفع اشتراكات التأمينات كل سنتين مره فمادري شلون انت خلال شهر زالوا اسمك (شي مستحيل) ولابد ان صاحب عملك ارسل لهم كتاب تفنيشك والا مستحيل يكون في طريقه غير هذي وفوق كل هذا انت تعتبر الان كأنك دافع اشتراكاتك ومحسوب لك خدمات وعلى كل حال انت ابخص براعي الشركه لكن روح التأمينات وخذ من عندهم شهاده لمن يهمه الامر(تفيد انك غير مقيد أو غير موظف) وتروح لدعم العماله وتقول لهم صاحب العمل انهى خدماتي وهذي شهاده من التأمينات تفيد بذلك و وقفوا معاشي وان قالوا لك لا مايصير لازم كتاب من الشركه قول لهم الشركه اختفت وانا يت ابري ذمتي باجر لاتطالبوني بالفلوس وعطوني ورقه تثبت اني يبت لكم ورقه التأمينات واقريت ان خدماتي انتهت وماستحق دعم العماله لكن انتم رديتوني

وعلى كل حال ترا راتبك راح يوقف خلال 3 أو 4 اشهر من انهاء خدمتك بالتأمينات لكن روح لهم خل يقطعونه باجر لايتراكم المبلغ ويتصل عليك الشئون القانونيه يأمرك بالسداد أو قضيه

وبلغنا شيصير معاك

 

[taleb777]

جزاك اللة خير يابوعقيل وروح عساللة يوفقك دنيا واخرة.

 

[وقاص]

بو عقيل شلونك

تستمر الأسإلة بعد اذنك

اذا شخص قدم استقالة غير مسببة للشركة الي يداوم فيها بيوم 9 من الشهر والتاريخ مكتوب فيها

وبسبب اجازة العيد وغيره تمت الموافقه قبل يومين

واليوم الي هو 30 من الشهر قدمنا الاوراق للتأمينات ( اوراق الاستقالة )

وقالوا راجعونا من 7 الى 10 ايام

لما تخلص المده المذكورة وناخذ شهاده بان الشخص تم شطبه من التأمينات

ونروح فيها للهيكلة ونبي نوقف الراتب منهم

هل يدفعوننا ال21 الباقية من الشهر مع العلم استلمنا الفلوس

من قبل العيد مالت الشهر هذا

ولا يحسبون من يوم ما قدمنا الاستقالة للتأمينات ؟؟؟

واذا حسبوها من يوم الاستقالة بالشركة
؟؟

بو عقيل معلش تحملنا بس والله الشغلة مهمه لي

وربي يجعل الي تبذله لاخوانك وخواتك من علم بميزان والدينك الطيب

 

[general]

اهلا بوقاص
يتم احتساب لك دوام واجر من دعم العماله الى تاريخ انهاء خدماتك المكتوب ونعم يستردون منك الاموال الاضافيه حتى لو نص يوم فما بالك 21 يوم

 

[وقاص]

كفو بو عقيل ما رديتني خايب وجاوبت وهذا العشم

انزين هل بعد الاستقالة

نقدر نقدم على صندوق المسرحين ؟

ولا ماكو انسى ؟

 

[general]

انسى يا وقاص يا عزيزنا

 

[abud]

سؤال اخوي :

انا موظف في وزارة وملزوم بقرض من بيت التمويل

وحصلت على وظيفة في القطاع الخاص

وابي استقيل :

السؤال :

1/ هل لازم اسدد القرض او يروح معاي للوظيفة الجديده .؟


2/ اذا يروح معاي شلون الطريقة لو سمحت ؟



وشكرا على توجيهاتك الكريمة .

​

 

[general]

اهلا يا عبود
مافهمت سؤالك بشكل عدل لكن بجاوبك على الي فهمته
ان عليك مديونيه على بيت التمويل وحاليا يتم استقطاع مبلغ القسط من راتب الي اهو من الوزاره وان قدمت استقالتك وتوظفت بشركه قطاع خاص راح يتم ايضا استقطاع مبلغ القسط اوتوماتيكيا يعني المسأله كما هي .

وبالنسبه اذا كنت تدفع الاقساط بإيدك فأعتقد ايضا بيت التمويل ماهل شغل من وين قاعد تيب فلوس دام انك قاعد تدفع الاقساط

ملاحظه : اكيد عما تحول من وزاره الى شركه راح تطول الاجراؤات شهرين الى 3 وتضطر تدفع الاقساط لبيت التمويل من جيبك

 

[abud]

اهلا يا عبود
مافهمت سؤالك بشكل عدل لكن بجاوبك على الي فهمته
ان عليك مديونيه على بيت التمويل وحاليا يتم استقطاع مبلغ القسط من راتب الي اهو من الوزاره وان قدمت استقالتك وتوظفت بشركه قطاع خاص راح يتم ايضا استقطاع مبلغ القسط اوتوماتيكيا يعني المسأله كما هي .

وبالنسبه اذا كنت تدفع الاقساط بإيدك فأعتقد ايضا بيت التمويل ماهل شغل من وين قاعد تيب فلوس دام انك قاعد تدفع الاقساط

ملاحظه : اكيد عما تحول من وزاره الى شركه راح تطول الاجراؤات شهرين الى 3 وتضطر تدفع الاقساط لبيت التمويل من جيبك

وصلت المعلومة
وشكراااااا جزيلا لك .​