متابعة تداول يوم الاحد 2/8/2009

[Jalazmi]

هانت يا شباب
باقي 10 دقايق عل الاغلاق
انتم ابطال قدرتوا تواجهون الاعداء وتتغلبون عليهم صحيح لا بد من الخساير
بارك الله فيك
انها لملحمة يجب ان تسطر في التاريخ

من الاخر اغلاق
20+

لقد قتل عكرمه

 

[adventurer]

+ 19

 

[Q8 Stock]

يغمس بسكوت ويا الجاي ... وينتظر الاغلاق

اياااااابااااااااه

 

[معذب الونات]

ماحزرتو

قود ايفينينق

 

[معذب الونات]

يغمس بسكوت ويا الجاي ... وينتظر الاغلاق

اياااااابااااااااه

احنا ننطر الغداء
تأخروا وانت لي الحين تغمس البسكوت

 

[معذب الونات]

على فكره
الغداء مع جرس الاقفال

 

[أبوفلان]

والله بعت دانة على 144 وانا ماخذها على 152 استعيلت الله يقطع ابليس

 

[Q8 Stock]

شكرا يا مشرفنا ..

انا اغلب الشركات اللي داش عليها اهلها حرامية ونصابيين ..
الاهلية وجيزان اخ بس لو تعرفون جم مشتري جيزان ...وغلف انفست .. والله انهم يعلمون الحرامي شلون يبوق عيني عينك ومحد يكلمه

الله يعوض عليك

 

[nabhaan79]

والله بعت دانة على 144 وانا ماخذها على 152 استعيلت الله يقطع ابليس

الله يهديك آمين

آنا شقلتلك من الصبح ، لا تشتري عالي وتبيع نازل ترا السالفه بالعكس إشتر نازل وبيع عالي

الله يعوض عليك آمين

من صباح الله خير شجعتك وقلتلك ترا فيها خير ليش سويت جذي

المشكله إنت الوحيد اللي باع على سعر 144

 

[أبوفلان]

الله يهديك آمين

آنا شقلتلك من الصبح ، لا تشتري عالي وتبيع نازل ترا السالفه بالعكس إشتر نازل وبيع عالي

الله يعوض عليك آمين

من صباح الله خير شجعتك وقلتلك ترا فيها خير ليش سويت جذي

المشكله إنت الوحيد اللي باع على سعر 144

والله إني ما أدري شلي خلاني ابيع

واحد من الشباب قالي اذا إغلاق 146 بيع لانه رايح لل 130 وظلت هالسالفة براسي ويوم شفته صار 146 قلت ابيع آخر شي

ابليس الله يكفينا شره

ووالله كلامك لي خلاني اتفائل حيل حيل بس ما ادري ليش جذي انا بروحي منصدم يله إن شاء الله نعوضها الحمد لله على كل حال

بغيت أضيعكم معاااي خخخخخخخ تدري توني جديد عالسوق

بعد توبه آخذ نصيحة احد قراري بحطه بجيبي وكل طراق بتعلومه

 

[ميكانيكي]

الله يعينك ::verymad::



البارحة وآنا بحضنك يا الايام
مانام غير اسمع حكايا من امي



عيوني تنادي للقمر ياقمر نام
وعلى فراش الحلم ارقب واسمي



غفيت طفلن يلعب بدمية احلام
وصحيت وان فجر الثلاثين يمي



البارحة بارض التعب حافي الاقدام
امشي وشوك الدرب يمشي بدمي



لافز من حولي قطا وابعد وحام
تحوم عيني للعشوش وتهمي



وارمي انعاسي ببيدر الجش وانام
واصحى وامش اغبار وجهي بكمي



وارجع على دور الوحل ثوبي حزام
وترابها المرشوش يرقا لشمي



البارحة اول يوم مابين الاقلام
تلميذ دمع الخوف يسقط بفمي



بين المقاعد احفظ حروف وارقام
واقول باكر ماحلمته يتمي



شفت المدينة زحمة اوجوه واقدام
واسرار فك ارموزها صار همي



عمري وضاع بغفلة اسنين واعوام
واليوم مالي غير حزني وغمي



غفيت طفلن يلعب بدمية احلام
وصحيت وان فجرالثلاثين يمي





وهذا شعر

صح لسانك ولو اني مو فاهم شي ::verymad::
________________

يا جماعه

في مشاركه لي انمسحت

 

[Bo_jassim]

اظاهر هذا ابو النصح قاعد يتغشمر وياك ميكانيكي هههههههه

 

[نواف الشبعان]

ما عليه يا اخوي ابو فلان خيرها في غيرها ونصيحه لي ولك وللاخوان كافه الصبر الصبر والمثل يقول ( من صبر نال ) وبالتوفيق لكم جميعا