السلام عليكم
الحقيقه انا من فترة طويله ولظروف معينه ما شاركت في الاستراحه بس كنت امر كل فتره اقرا المواضيع واطلع بس هالموضوع شدني حيل لانه بالفعل شي مهم انه الواحد لما ياكل ينتبه لنفسه ويراعي اداب الاكل وهذا مع الاسف قليل من يطبقه ,,, اما بالنسبه للي يقول انه البنات طريقتهم احسن من الشباب فهو مخطيء تختلف من شخص لشخص وماهي واقفه على فئه معينه او جنس معين ,,,
انا اذكر الوالد الله يرحمه كان يعلمنا اداب الاكل واحنا صغار ويعلمنا شنو افضل الطرق اللي تاكل فيها وهذا شي مهم وانا الحمدلله الحين اعلم عيالي على هالشي ,,, وهذا المفروض لانه بصراحه انا الحين اشوف ناس تلوع الجبد على السفره وبعضهم اصحاب مناصب ومثقفين وكبار بالسن وتلقاه ما يعرف ياكل والاكل يقوطر من ايده ,,,, والاخ اللي يقول انه البنات في الديره مربعين فهو صاج انا لاحظت انه الحريم ياكلون كل شي بكل وقت ههههه عندي في الدوام الموظفات تقول عسكر مداومين وعندهم مناوره من الصبح يستلمون مطبخ الدوام ومقالي ودهون ,, وياكلون في غرفة الاجتماعات ولما يخلصون من الاكل واثناء الدوام يسولفون بالرجيم وكل وحده منهم تقول انا ما اكل بس ما ادري شفيني متينه هههههه حتى اني بيني وبين صاحبي عطينا وحده منهم منصب رئيسة قسم الطباخ والنجاااااب