مدينة صباح الأحمد

[q8q822]

سؤال ماعليكم امر الحين جم واصل الدور حق اي سنة والي يطوف مايبي يقطعون بدل ايجار )

 

[بوعبدالوهاب1975]

أنا سمعت يقولون بشهر 2 /2011

 

[بوعبدالوهاب1975]

للرفع نبي أخباااااار

 

[القصاص 2]

السلام عليكم ورحمة الله وبركاتة

اين الاخ محمد صاحب الموضوع
شعلة الموضوع ولا يهونون الشباب وشكرا

 

[Duke wahid]

يعني يبون يقلدون العديلية و الخالدية بس بلبر

لما بنوا العديلية والخالدية كانوا بالبر

 

[كويتي2]

؟؟ متى التاريح يا شباب؟؟؟

 

[بومحمد63]

السلام عليكم ورحمة الله وبركاتة

اين الاخ محمد صاحب الموضوع
شعلة الموضوع ولا يهونون الشباب وشكرا

انا صاحب الموضوع بو محمد

اشكرك اولا اخوي

و ان شاء الله لاي استفسار انا حاضر

 

[كويتي2]

حيالله بو محمد .. الله يقويك ..

استفسار بخصوص استلام ترخيص البناء متى ؟

وهل دفعه c يتم ترخيصهم قبل دفة b ؟

 

[بوعلي2]

بو محمد كلامك عسل بس ياخوك دددددددددددددرب إلا إذا تم عمل افرع للوزارات والجامعة والمعاهد باسرع وقت لترغيب المواطنين ومشكوووووور

 

[بومحمد63]

حيالله بو محمد .. الله يقويك ..

استفسار بخصوص استلام ترخيص البناء متى ؟

وهل دفعه c يتم ترخيصهم قبل دفة b ؟

الله يحييك و يقويك

يقال منتصف عام 2011

طبعا الضاحية سي قبل بي

 

[بومحمد63]

بو محمد كلامك عسل بس ياخوك دددددددددددددرب إلا إذا تم عمل افرع للوزارات والجامعة والمعاهد باسرع وقت لترغيب المواطنين ومشكوووووور

اتفق تماما معاك و لو تقرا بو علي مشاركاتي قبل رح تشوف اني ذكرت بعض السلبيات لذلك انصح بتشكيل لجنة من سكان المدينة بعد ان يتم توزيع آخر دفعة ان شاء الله من القسايم ( بعد سنة )على ان توزع هذه اللجنة الادوار فيما بينها على اساس الضغط على الحكومة بتسريع العمل خاصة الجامعات و المستشفى و الطرق ( عشان تكون الخطوات استباقية للحدث ) لان باقي الخدمات اسهل تنفيذها و ان شاء الله رح اثير هذا الموضوع وقتها

و بالتوفيق ان شاء الله للجميع

 

[بوعبدالوهاب1975]

للرفع

 

[مساعد الفضلي]

بصراحه هذا المشروع ضربة حظ يا تصيب ياتخيب

اول شي راح تنقطع انت وعيالك عن اهلك يعني تسير وتنام

ربعك اذا يبون يمرونك تقنعهم قبلها بشهر

والله اللي عنده فلوس وما يشتري ولا يبدل ما عنده سالفه

هذي المنطقه تنفع موضفين البترول واحد عنده تجاره ولا مناسب من السعوديه

انا طلبي 98 مريت الاسكان سالتهم قالولي نخصصلك صباح الأحمد 3 ايام ما نمت افكر اذا بروح كل يوم المنطقه الرابعه اشوف اهلي واقابل شغلي شلون اروح بعد 3 ايام اكتشفت ان الخل لازم اشتري طياره او اشتري المارد

يا حجي اي مدينه جامعيه ووزارات ومستشفيات اهم خلهم يسوون جامعه الجداديه ولا مستشفى جابر

والله كل ما اتذكر المسافه احس يبي يغمى علي

موضوع فاشل بكل مقاييسه يعني اذا بتسافر الساعه 12 لازم تطلع من البيت الساعه 10 شلي حادني ولا جابرني دوله كل يوم قرار ماشيه من غير خطط ما تدري باجر يشيلون ابراج الكويت ويقولون تعالوا استلموا بيوت

صباح الأحمد مثل سالفة شقق الصوابر قالوا ما فيه غيرها بعدين وزعوا بيوت ووهقوا الناس

صباح الأحمد بعيييييييييييييييييييييييييييييييييييييييييييييييييييييييييييييييييييييييييييييده وغثيثه

 

[كويتي2]

حدك مهبط يا اخي ليش !!
شدعوة طيارة ولا مارد ! يبا الكويت صغيرة مو كبيرة حيل يعني نص ساعة من المدينة لغاية اهلك ولا ربعك وراهي بعد .. بعدين 600 متر احسن من 300 ولا 400 .. وبعدين نسبة السكان فيها كبيرة راح تكون وهذا غير مدينة خيران اللي عدد سكانها اكثر من مدينة صباح بأكثر من 3 مرات ..
وبعدين اهل الصوابر محد اجبرهم اصلا اهم اللي اطلبوا وبالعكس كان في قسايم وبيوت ايامهم بس كانوا يفضلون شقق الصوابر .
المدينة راح تطلع حلوه .. تفائلوا بالخير ..

 

[بومحمد63]

وجهة نظرك مبالغ فيها لكن بالتاكيد نحترمها خاصة انك من سكان المنطقة الرابعة ........ يعني لو ساكن الديرة يمكن اسهل عليك

 

[المسيله]

انا طلعتلي قسيمه بطن وظهر يم الزاويه ق4 قسيمه 426 الدفعه الخامسه

اللي يعرف احد يبدل راس براس بيت حكومه يبلغني

 

[متوازن]

بـــــعـــــــيـــــــدة بــــــــــعــــــيــــــدة ..... منطقة صباح الاحمد

لـكـن هـنــاك حاجتـيـن وهـي إ ثــنــتــــيـــن لاتـفـوتـهـا في الكـويـت ... وهي (( الحــرمـة والـبـيـت ))

مــــن اقــــــــوال الشيــــبـــان

 

[q8_king1]

اعلن مدير منطقة الاحمدي الصحية د.فهد الفودري عن توجه وزارة التخطيط لبناء مستشفى في مدينة صباح الاحمد السكنية، مشيرا الى انه تم تحديد الموقع لها.

وهذة الرابط http://www.alanba.com.kw/AbsoluteNMNEW/templates/oula2010.aspx?articleid=125493&zoneid=12

 

[الاسمنت الابيض]

جم اسعار الزاويه وبطن الظهر

 

[saket]

اعلن مدير منطقة الاحمدي الصحية د.فهد الفودري عن توجه وزارة التخطيط لبناء مستشفى في مدينة صباح الاحمد السكنية، مشيرا الى انه تم تحديد الموقع لها.

وهذة الرابط http://www.alanba.com.kw/absolutenmnew/templates/oula2010.aspx?articleid=125493&zoneid=12

يعني بعد 2020 يمكن