رجاءاً الموضوع للرجال فقط

[شيل و مشي]

والله انا تزوجت وطلقت اول ما تزوجت معاشي طاير على بطن مرتي كله مطاعم وستيكات غدا وعشا وتقول ما هنيتني بشهر العسل ولازم تهديلي هدية بعيد الحب قلت انا مادري متى عيد ميلادي تبيني اعرف متى عيد الحب ماكملت وياها شهر ولا طلعت من البيت وقضايا ومحاكم واخير شي بعد شد وجذب تنازلت عن كل شي وسوينا مخالعة وقتلها دفعة مردي والهوا شرجي

 

[ابن عجلان]

ياجماعه قانون الاحوال الشخصيه الكويتي شرعي 100 % مأخوذ من مذهب الامام احمد بن حنبل والامام مالك وكل الي فيه شرعي...احنا قاعدين نسولف عن حالات شاذه ونعتبرها الاصل...الدنيا بخير وهذا لحفظ حقوق الابناء ومستقبلهم ... يعني تبون الواحد يطلق مرته ويقطها بالشارع اهي وعيالها ... وما يصرف عليها وعليهم يعني من وين بيعيشون.... والمحكمه قاعده تعطي الابناء حقهم مو مع المرأه مثل ما تقولون.

 

[Abdalrhman]

ابي اسوي جمعيه تطالب بحقوق الرجل من يسجل

وياكم يالربع
يخوي القوانين اغلبها غلط بغلط ومن جذي الديرة معكوسة بكل شي

 

[مودQ8]

القانون اللي تنتقدونه يا اخوان هو قانون شرعي اسلامي على مذهب الامام مالك
اتقوا الله في اتقادكم للقانون اسيئ تطبيق القانون لان الدعاوي كيديهوالشهود يحلفون ويكذبون والقاضي يحكم بالطلاق بناء على قول الشهود يعني وين الخلل ؟؟؟ في الناس الزوج والزوجه والشهود مو القاضي ومو القانون

 

[شيل و مشي]

الامام مالك مو معصوم عن الخطأ وهو نفسه قال " ما منكم من أحد الا و يأخذ من قوله و يرد الا صاحب هذا القبر " وهو يشير الى قبر رسول الله صلى الله عليه وسلم واتمنى ان يطبق مذهب الامام احمد بن حنبل في الاحوال الشخصية مثل بالسعودية

 

[dr.net]

ياجماعه قانون الاحوال الشخصيه الكويتي شرعي 100 % مأخوذ من مذهب الامام احمد بن حنبل والامام مالك وكل الي فيه شرعي...احنا قاعدين نسولف عن حالات شاذه ونعتبرها الاصل...الدنيا بخير وهذا لحفظ حقوق الابناء ومستقبلهم ... يعني تبون الواحد يطلق مرته ويقطها بالشارع اهي وعيالها ... وما يصرف عليها وعليهم يعني من وين بيعيشون.... والمحكمه قاعده تعطي الابناء حقهم مو مع المرأه مثل ما تقولون.

ولا فيه قيد انمله من مذهب احمد بن حنبل

والله لو على مذهب الامام احمد

لفكرت المراءه الف مره قبل الطلاق

لان الامام احمد يعطي الاب حضانه البنت عندما تبلغ 9 سنوات

اما مالك فيعطي الحضانه للام حتى تتزوج ولو بقيت العمر كله دون زواج

 

[nasseroo]

والله ياجمعه قبل فتره كنت بالمحكمه سبحان الله كلهم حريم والادهى كلهم مطلقات اللي تقول نفقه واللي تقول عيال والله امور تشيب راس الرجال.

انا انصح الشباب المقبلين على الزواج ياخذون بنت عربيه مسلمه اصل وفصل وطبعا المواصفات حدث ولا حرج مزيونه والجسم قمة التناسق اخخخخ واذا قالتلك ناصر تأبرني بدك تبوله
مو هيه تبي تبي تاكل ولا لا تكلمك من طرف خشمها

لا من شين الطبايع جيكره مكرشه واللي اهم ركبتها سودا ياجماعه ركبتها سودا وتقولك باجر عندي عرس ابيلي نفنوف من المصمم الفلاني قيمته 700 دينار بكشخ واذا قلتلها ما عندي تكلمك بطرف خشمها اذا ما عندك فلوس طلقني واذا طلقتها عاشت في نعيم .

 

[مودQ8]

الموضوع كبير قانون الاحوال اشخصيه يحتاجاعاده نظر بالكامل يعني مو معقوله اشياء كثيره فيه للاسف قانون ظالم وبدأ يكره الرجل بالزواج ويهدم الاسره بسبب ظلمالقوامه للرجل اصبحت القوامه للمرأه ويبين انتكاسه بالقانون[/
استاذه لايمكن ان نقول عن اي تشريع رباني ظالم لازم نفرق بين التشريع والتطبيق التشريع سماوي وعلى مذهب الامام مالك والعلماء كل له رايه
المهم التطبيق الشهود يقولون كلام مو صحيح في دعاوي الطلاق للضرر والقاضي ياخذ باقوال الشهود وتقارير الحكمين والحكم المرجح ويحكم بناء على ذلك وهذا اختي اللي يصير بالمحاكم

 

[q8ty_azgarty]

يا جماعه الى اعرفه علي حسب المحكمه اذا كانت محكمه سنيه او جعفريه
والى اعرفه الجعفريه مع الرجل اكثر من السنيه بالحقوق

 

[السهم المجروح]

السلاااام عليهوووم
شباب انا اخالفكم الراي بخصوص الكويتيه ترى البنت الكويتيه والنعم فيها بس عيبنا بالاختيار اهم شي اسأل عن العايله والاهل المشكله بالشباب اول شي يدورونه الجمال والمعاش او اللي يكلم وحده اسبوعين ويقول احبها وينسا يسأل عن اصلها وفصلها واهلها انا قاعد اشوف امثله جدامي من كويتيات اشوفهم شايلين البيت من الى وما تطلب من ريلها اكثر من طاقته وناهيك عن انها مرات اذا الريال مر بظروف هي تشيله الاجنبيه تفكيرها شنو تودي حق اهلها وتترس هالاجناط كل سنه حق اهلها وتون عليه خل نشتري بيت بديرتي ومتى تسجلني حق الجنسيه وهذا اذا اول ماتتجنس تتغير عليك وتصير وحده ثانيه وتفكيرها بأهلها الكويتيه البنت عايله ماتفكر الا ابيتها وعيالها وراتبها على بيتها واهلها والاجنبيه تفكيرها بالجنسيه وشنو تشتري بديرتها هذا بخصوص الفرق بين الكويتيه والاجنبيه .
الحين نرجع حق قانون الاحوال هالقانون صج مع المرأه وظلم الرجل لان وقت هالقانون المرأه كانت مكسوره الجناح ومسكينه ومالها احد والرياييل كانو يظلمون الحريم والحرمه مالها الا هالنفقه علشان تعيش هي وعيالها وتفكيرهم ماكان مثل الحين وماكانو يطلبون سياره وسايق و dsl وايفون وبلاك بيري كانت بس تطلب نفقه وتلقاها ساكنه ابيت اهلها او ان يقسمون البيت والنفقه كان شي بسيط يعني الريال كان يطلق ويتزوج ومومقصر مع احد فيهم بس الحين الحريم اختلطو الزينه والشينه ويترسون راسها والعيب مو من القانون العيب من تفكير الحريم واستغلو القانون استغلال سيء
واسف على الاطاله واسف على البدليات لاني قاعد اكتب بسرعه

 

[ابو عبدالله333]

اقول والله من كل قلبى حسب الله على الى حط القانون هذا شتت اسر واااااجد والله اشوفهم راى العين والاسباب تافهه بس المقصد النفقه والحضانه والخ......والعده والمتعه ......الخ من مشى على مذهب الامام مالك لا وبعد مهوا كل قانون الاحوال ماشى على مذهب الامام مالك والله العام انه ماشي على هو المشرع تدرون ان اغب البيوت ما يستقرون الا اذا تزوج من السعوديه مرة بيت صح واقسم بالله تجربه عاش فيه احد اقاربى يقول والله ما ارتحت الا لما تزوجة سعوديه مو مذل هذيبه تدرى بكل صغيره وكبيره فى القانون لا ودارسينه بنات الكويت قبل الزواج واااااه عليه هذى كفى احد يدفع فيها مهر تزوججج سنه وسنتين وبعدها تحجج بحجج تافه والمقصد الى انتم عارفينه ما اقول الا كيدهن عضيم والاطفال هم الضحيه اقسم بالله الله يكون بعونهم الى امهم كويتيه مو كل الكويتيات علشان ما نطلم لكن الاغلبيه حيييل فاشلات فى حياتهن

 

[fayoona74]

الموضوع للرجال فقط لكني اضريت اتدخل لان موضوعكم خارج عن الادب والاحترام ويعبر عن ناس ماعندهم غارية ولا شيمة اللي يغلطون ببنات بلدهم بالاسلوب التافه هذا وقبل واللي بيته من زجاج لايرمي الناس بحجر والطيور على اشكالها تقع اكيد الشين بيطيح ببنت على شاكلته والخيل من خياله والمثل واضح
راح اقدم شكوى ضد هالموضوع وكل من غلط بحق بنات الكويت للقائمين على المنتدى وصج جليلين حيا ماتستحون ( مو الكل طبعا اتكلم على اللي غلطو واهم عارفين نفسهم زين)
اقترح تغيرون الموضوع من للرجال فقط الى للسخفاء فقط

 

[q8ty_azgarty]

الموضوع للرجال فقط لكني اضريت اتدخل لان موضوعكم خارج عن الادب والاحترام ويعبر عن ناس ماعندهم غارية ولا شيمة اللي يغلطون ببنات بلدهم بالاسلوب التافه هذا وقبل واللي بيته من زجاج لايرمي الناس بحجر والطيور على اشكالها تقع اكيد الشين بيطيح ببنت على شاكلته والخيل من خياله والمثل واضح
راح اقدم شكوى ضد هالموضوع وكل من غلط بحق بنات الكويت للقائمين على المنتدى وصج جليلين حيا ماتستحون ( مو الكل طبعا اتكلم على اللي غلطو واهم عارفين نفسهم زين)
اقترح تغيرون الموضوع من للرجال فقط الى للسخفاء فقط

اكويتيه غيوره
والنعم فيج اشوه اني مو مع احد
اقري مشاركتي وراح اتعرفين لول
فديت بنت الديره والله مافي مثلها وعلي طاري المحاكم الله يبعدنا عنها
كافي يعطونك هديه تشجيعيه من وراها ال4 الاف لووووووول

 

[شيل و مشي]

المشكلة ان قانون الاحوال الشرعية تحول من حق شرعي مكتسب للمرأة الى استغلال وتسلط المرأة على الرجل في كل شي اثناء زواجه وبعد طلاقه حيث ان الرجل لا يستطيع الزواج مرة اخرى لانه مثقل بديونه تجاه طليقته ولو انهم ما اشترطوا مؤخر صداق لكن اذا اشترطوا ذلك فعليه السلام!
المرأة الان عندها راتب يكفيها + نفقه من زوجها + راتب من الشؤون 500 دينار اذا تطلقت (للغير الموظفة)
مذهب الامام مالك مو قرآن منزل بس اجتهاد يؤخذ ويرد وياليت لو يخلونه على مذهب الحنابلة

 

[الـمـحـامـي]

اخي العزيز
الرجل حقوقه مضمونه ولايحتاج مطالبه واحنا في الكويت والحمدالله للحين ماوصل الحال مثل تونس

المشكلة ليس بالزوجة الكويتية او الخليجية
المشكلة ايضأ ليس بالقانون لان قانوننا مطبق من الشريعة الاسلاميه المذهب المالكي
فجميع كل ماذكرت هو واجب على الرجل

ولكن الحكومة هي السبب
هي من وضعت الحوافز المشجعة للطلاق
لاتنسى ان المطلقة يصل راتبها الى 420 دينار بعد ماكان الزوج يصرف ويعطيها نفقة 120 دينار
اي هنا علامة الاستفهام
انا اجد كل معارضاتكم تتكمل في الماده فقط
لااحد يعارض بالحضانه ولا الطلاق والا الرؤية وغيرها

اذن الحل هو بسيط جدأ
لو الحكومة صرفت راتب 420 للزوجة سواء كانت مطلقه ام متزوجة وجالسة في بيت زوجها
اعتقد راح تقل نسبة الطلاق الى النص
والسبب ان الزوجة راح تمسك بيتها وابنائها ولاهي محتاجة لنفقة الزوج إلا الهدايا لتقرب المحبة بينهم ( تهادو تحابو )
هذا باعتقادي لاني وضعت بحث ودراسة في سنة 2006 بالقبس

 

[Administrator]

السلام عليكم
عندما تذهب الى قسم التنفيذ بالمحكمه تقول بنات الديره كلهم مطلقات وعندما تذهب الى قسم الزواج تقول ما في بنات بالديره انتزوجهم كلهم تزوجوااا اصابعكم مو متسااااويه ومافيه احلا من بنات ديرتنا فديتكم ...

 

[دار الفلك دار]

ابي اسوي جمعيه تطالب بحقوق الرجل من يسجل::verymad::

سجلني معاك

يمكن نرد شي من حقوق الرجل المهضومه

 

[Abdulla990]

اعتقد ان الموضوع انحرف عن مساره
حنا نتكلم عن قوانين الزواج و الطلاق و ترجيح الكفة لصالح الزوجة و ليس عن المقارنة بين المرأة الكويتية و المرأة اللي من الخارج.

 

[qanon]

اول شى عيدكم مبارك وكل عام والجميع ابخير

وبعدين الموضوع مثل ماقال اخوى اللى قبلى انحرف عن مساره الصحيح


وبالنسبة لى ابى ابين ان اى قانون من القوانين يعبر عن ارادة مجتمع معين

وبالنسبة لقانون الاحوال الشخصية قانون قديم اكل عليه الدهر والمطلوب تعديله بما يتوافق مع الوقت الحالى والمستقبل


ومع هذا عندى بعض الملاحظات ابى ابينها لاخوانى بالمنتدى

اخوانى انا سافرت لاحدى الدول العربية اللى تمتاز بزيادة عدد نسبة النساء عن الرجال بنسبة كبيرة

ومع هذا نشوف عندهم مشكلة ثانية واهى مشكلة الهجرة للدول الاوروبية بشكل كبير من الرجال

لدرجة انك تروح تمشى باى سوق تجارى او مجمع تجارى ما تشوف الا البنات والحريم بس

واما الرياييل ما تشوفهم بالمرة والسبب يرجع لهجرتهم للدول الاوروبية

اهنى الدولة مالتهم شافت انها ضروروى اتعدل قانون الاحوال الشخصية علشان تحد من حاللات الطلاق تدرون شنو سوت

اقرت بالقانون ان الزواج ملزم بنفقة زوجته من تاريخ زواجهم بمعنى على فرضية انهم متزوجين من خمس وعشرين سنة وايت الزوجة اليوم وطلبت بنفقة زوجية فان القاضي يحكم على الزوج نفقة زوجية من تاريخ زواجهم

تدرون شنو السبب بس علشان يحد من حالات طلاق الازواج

صج اللى يقول هذا ظلم واللى يقول هذا حرام بس المشرع عندهم فكر بموضوع اهم وهو الحد من حالات الطلاق

علشان جذي يا اخوان احنا لازم نفكر بحلول للحد من حالات الطلاق

واسف على الاطالة

واتمنى التوفيق للجميع

 

[Abdulla990]

اقرت بالقانون ان الزواج ملزم بنفقة زوجته من تاريخ زواجهم بمعنى على فرضية انهم متزوجين من خمس وعشرين سنة وايت الزوجة اليوم وطلبت بنفقة زوجية فان القاضي يحكم على الزوج نفقة زوجية من تاريخ زواجهم

تدرون شنو السبب بس علشان يحد من حالات طلاق الازواج

صج اللى يقول هذا ظلم واللى يقول هذا حرام بس المشرع عندهم فكر بموضوع اهم وهو الحد من حالات الطلاق

علشان جذي يا اخوان احنا لازم نفكر بحلول للحد من حالات الطلاق

واسف على الاطالة

واتمنى التوفيق للجميع

معذرة بس هالقانون اللي تتكلم عنه ينطبق عليه المثل اللي يقول: جاء يكحلها و عماها هههههههههههههه
اتوقع ان النتيجة ستكون عكسية و راح تكثر العنوسة عندهم
اقول لك و باختصار: اذا صار الزواج صفقة خاسرة للرجل فلن يقبل به ابدا و سوف يبحث عن بدائل شرعية او غير شرعية
و شوف المجتمعات الغربية شنو صار فيهم