كويتي متورط في بلده الله المعين

[ابو مالك]

عالمداخيه :d

 

[العاشق]

اطعن الضابط بخنجر واشرب من دمه

وانا اظمن انك ترجع طبيعي

اهم شي اندفه بالخنجر بس مو تذبحه
واشرب دمه

اللي فيك يسمونه غبن الرجال والمفروض انت مخلصها من زمان

جنك::verymad:: بتقطه على صخر وين رايح بهالراي

 

[العاشق]

حبيبي داوم وطول بالك ولاعليك منه انت موموظف عنده انت في وزاره يبه عط حق وخذ حق وخلك سيده يحتار فيك عدوك
ولا حط عينك بعينه بعد والله اهو اللي بيطفش اذا مالقا علك شي واي كلمه تطلع منه ماتعجبك على طول قدم شكوى
يبه هذا ضابط يخاف على مركزه ماله مقاقه على الشكاوي والحجي

 

[kuwaitey]

اول شى استعن بالله وصبر

واضبط نفسك بدوام لاتخلى يصيدون عليك شى وحاول انك تطلب نقل من ادارة الدوريات الى

اى ادارة ثانيه .. وروح ادارة الرقابة والتفتيش ودخل على الهويدى وشرح له وضعك

وربك يسخره لك

اما انك تخسر وضيفتك وتضيع عيالك على شان واحد ماتدرى اهو يسوى ولا مايسوى

اسمح لى اخوى انت غلطان ثم غلطان ثم غلطان وفكر بعيالك و لاتفكر بنفسك

ان فكرت بعيالك بتتحمل اى شى وكل شى على شانهم

الله يسهل امورك يالغالي ..

 

[الوايلي 2]

تكفى طالبك تكفى واللي يرحم والديك
اليوم الخميس
يوم الاحد روح لدوامك وطول بالك وخل القانون ياخذ مجراه
واقصاها اسبوع بالنزهة واذا فيه واسطة بيطلعونك ثاني يوم
بس لاتسوي سواتي وتضيع في خرايطها
الحين الجربة تنقط تنقيط انت لاتبعجها على راسك
وتفلس من الوظيفة ومن كل شيء
تكفى وانا اخوك يوم الاحد من الجهمة قل يالله
قل يارب توكلت عليك ورح وداحم الرجال
قبل لاتصير قضية والقاء قبض ومشاكل لااول لها ولاآآخر
تكفى تكفى
وقبلها بليلة ناظر عوينات عيالك ترى مستقبلهم انت وقرارك
اللي تتخذه حاسم ومصيري فلا تتهاون وانا اخوك

 

[القديم 22]

انا اقول لو انت عزابي دق خشمه 0000 بس انت الحين مسؤل عن اسره من زوجه واطفال لذلك اطلب الله عز وجل ان يجعل شرورهم في نحورهم وقل اللهم اكفنيهم بما شئت 00 واتكل على الله وحده وخلك رجال وتحمل المسؤليه تجاه الاطفال والزوجه 00 ان مع العسري يسرى 00ورح لدوامك والخيره في مااختاره الله وابذل الاسباب من طلب للنقل او واسطه 00 وكثر من الاستغفار 00 قال الرسول صلى الله عليه وسلم ( من لزم الاستغفار , جعل الله له من كل هما فرجا ومن كل ضيقن مخرجا , ورزقه من حيث لايحتسب ) لازم تصدق كلام الرسول المصطفى صل الله عليه وسلم 0واقول لااخواني المشاهدين من يشتري كربة هذا المسلم ويقوم بنقله 00 من فرج عن مسلم كربه فرج الله عنه كربا من كرب يوم القيامه 00 والسلام عليكم 0

 

[kfsdhm]

السلام اخوي انا بس حبيت اقولك شي واحد انه انت اخترت العسكرية وهذي مشكلة العسكرية انا كنت عسكري سابق والحمدالله الحين بمكان الكل يحسدني عليه الحمدالله هذا توفيق من الله العسكري مو ملك نفسة ملك الوزارة ف انت لازم تسمع كلام الضابط لانه اذا رفضت العمل تروح ورا الشمس انا هالشي اللي خلاني اطلع من العسكرية لنه مذلة لا وعلى فكرة انا الحين الحين لاني عسكري ولا مدني والحمدالله عايش من الصوبين معاملة المدني مع معاش العسكري وسامحوني على الى الاطالة والله يهون عليك مصيبتك

 

[مودQ8]

حبيبي واجه المشكله وحلها قبل ياخذ عليك البنك احكام ويدمرك داوم وتحمل نتائج اخطاءك وتسلف مبلغ الاقساط الطايفه وسددها علشان توقف الاحاله للمحكمه وتحمل وسدد والا ترا راح تروح فيها
حاااااااااااااافظ على اسرتك وبلغنا بكل تطور علشان ننصحك ولا تسقط في هاوية الدمار

 

[فاعل خير للجميع]

استخير
ورد الى دوامك
وطبق السجن العسكري وباشر دوامك وانت مستانس ومر على مديرك وسلم عليه وقول النزهه ابرك من مقابل وجهك وانا بصراح مشتاق للنزهه مره ثانيه بس بشرط اغسل شراعك واذا طول لسانه مده واقسم بالله العظيم ان محد يتعرضلك مره ثانيه واي اداره ينقلونك لها محد يتعرضلك
والكل يخاف منك....
انا كنت بالداخليه عسكري وقسمي كله مؤظفين مدنيين سوو اضراب عن بيع الطوابع بالقسم وكانت كل يوم على واحد وكنت اخر واحد فيهم ماسك الطوابع صار ازدحام عن القسم من المراجعين وطلبو مني استلم الطوابع وكانت عندي عجز 90 دينار بستلامي اللي طاف طبعن رفضت وخلت مساعد المدير بالوكاله وشرحت المموضوع وقالي اوكي مالك شغل موعليك الدور
وصار ازعاج مراجعين وطلبو من المدنيين يمشون الموضوع رفضو بحجة مسماهم الوظيفي مدخل بيانات وطاحت براسي ورفضة وطلبني مساعد المدير وطلب من استلام الطوابع وافقة بشرط يتجمل اي عجز يصير بالفلوس رفض وضحكت وقلتله يعني لازم اجيب واسطه علشان تعذروني قال جيب قلتله انا ماجيب واسطه حق شغله تافها اذا بجيب واسطه حق نقل ضحك وقال يالله سوها قلت اوكي طلعت من المكتبه رحت للقسمي بعد ساعتين جاني واحد من الربع من اداره ثانيه قالي ترا جانه فاكس من الوزاره بنقلك عندنا طرت من الفرحه ورحت جبت الفاكس ودخلت على مساعد المدير واللا يقول سجل اقوال على نضباطيه ضحكت وقلتلا ليش قال خروج من دون اذن
ضحكت وعطيته الفاكس وانصدم واللا يقول الله وكيل الوزاره موقع نقلك ضحكت وقلت شنو المشكله قال ماله داعي المديرالعام يكفي
وداومت بعملي الجديد وبعد اسبوع انقلت الى دوامي القديم ويسئلني مساعد المدير ليش رديت قلت شغلهم ماعجبني ضحك وقال ايه واسطتك بجيبك ضحكت ومشيت لقسمي واللا المؤظفين في كويتيين واجانب يتمصلحون عندي اللي يبي نقل واللي يبي يؤظف ولده
وبعده محد يتعرضلي من الاداره او الضباط...


تدرون شنو اللي يضحك بالموضوع انا ماجبت واسطه ولا شي
الموضوع كله نقلو ادارتي واداره ثانيه الى مبنه واحد وكان فيه قسمين اسمهم الاحراسه وتم دمجهم الى قسم واحد والاداره دزو اسمي معاهم
وبعد اسبوع دزو كتاب ثاني ببديل باسمي مع عسكري ثاني
وهم ناسين موضوع الكتاب وصادف بيوم المشكله وجت من حضي هههههههه
اذكرو الله شباب
وبعد اربع سنوات طلع من الداخليه

خلاص الموضوع
كم خدمتك بالداخليه
الداخليه حلوه بس بالتقاعد
وعندي لك طريقه ان شاء الله تحل امورك كلها وتتخلص من قرض الربوي
اذا اوكي دزلي رقمك على الخاص

 

[ابوفيصل2008]

قدم كتام مقابلة الوزير واشرحله ظروفك وان شاء الله الوزير مايقصر معاك

 

[fawazzz]

مثل ماقالوا الاخوان
اصبر وداوم وماعليك منه انت ماتشتغل عند ابوه
وبس تطلع من الدوام شيل كل هموم الدوام من مخك ولاتدخل مشاكل الدوام بحياتك الاسرية
انا مريت بنفس التجربة بس موبالداخلية بمكان ثاني وصبرت وماكو كلها 4 شهور ذلف مسئولي اللي اذاني
المهم ربك ماراح يهده خلك بالدوام وراح تشوف قدرة ربك فيه بس اصبر

 

[q8.1911]

أولا أنا لي عوده بإذن الله لقراءة الموضوع والردود بتمعن

ثانيا أخي العزيز إنت غلطان حدك ، شنو هالضابط إلي معقد عليك حياتك والله لا أهو ولا أكبر راس ، بس مشكلتكم يالأفراد ما تواجهون ومالومكم الله يعينك

أخوي روح للمدير العام اطلب مقابلته وصدقني ما راح يردك غالب الضباط الكبار من عميد وفوق متفهمين وعقال ويقدرون ، اشرحله إلي بينك وبين الضابط واقل شي قوله إذا فيها احراج عليك إنقلني من مكاني

وبعدين فيه مكان إسمه الإدارة العامة للرقابة والتفتيش أضنك تعرفها أكثر الشرطة علباله هالإدارة بس مختصة بالضبط والربط العسكري والتشييك عليهم بالدوام لا يبه بالإضافه إلى هالشغلات إهي مختصه للشكاوى والتظلم بين العسكر يعني فيه ضابط حاط عليك روح اشتك عليه بالرقابة والتفتيش وهم يستدعونه ويحققون معاه والله العظيم إنه من يسمع بطاري الرقابة بينخض وعلى الأقل يبي السلامه بيفتك منك ترى الضابط مو مثل الفرد اسأل مجرب ... الفرد في الغالب مايخاف لو يسرحونه يروح مكان ثاني ويشتغل ما همه بس الضابط يخاف داق 4 اسنين بالكلية ورتبة ومنصب مستحيل يهدها بهالسهولة

بعدين اخوي اشدعوه إنت مو كويتي يا أخي ما تعرف ضباط مح يصيرلك ضابط مو معقوله شوفلك واحد من الضباط إلي تعرفهم يكلمه لك يا اتصالحون مع بعض ولا يكفيك شره

والله قهر حرام عليك عليك دين كبير وضارب على دوامك لا لا ما يصير وبعدين والله لو مدير الأمن بكبره متهاوش معاه ماسمعت بالمثل إلي يقول أمش سيده يحتار عدوك فيك

أخوي والله حطمتني والله ما أرضى على أي كويتي يصير فيه جذيه بديرته ، لا تصير ضعيف واجه المصاعب ترى هي على قولتهم شده وتزول وما بعد الضيق إلا الفرج .... شوفلك عضو مجلس أمه يردك إلى دوامك وينقلك ومية إدارة غير إدارتك تستقبلك

الله يعينك ويفرج عنك*

 

[الاولى]

الواحد يعمل شئ

ضد شخص

ولا يعتقد أنه دمر أسره

الله يسهل أمرك ويفرج همك

ويرزقك من رزقه مايجعلك فى نعمته

ومن فى نعمت الله لا يضام

 

[Rap Soul]

اسئل الله العظيم ان يفك عوقك اخوي ويعوضك خير يارب

 

[sound blaster]

صراحه موضوعك ضيق خلقي .. الله يفك عوقك

أخوي روح بليل وتوضا وصلي وارفع ايدك وادعو على هذا الضابط واقنت فيه .. بإذن الله يومين بتلقى الضابط هذا فيه جلطه او شلل او ميت محترق

أهم شي تصدق وادعوا الله عليه

بالتوفيق