ايمان الكويتيه
عضو نشط
سؤال صعب ................بس يعتمد على عمر اخته اذا ياهل يعني بالمدرسه بعدها فأظن عااااااااادي لكن أكبر من جذيه نووووووووووو وييييييييييي عنده ملاحظه يقول لأمه وهي تتصرف .
دورة المؤشرنت للتحليل الفني
50 دينار كويتي
ماذا ستفعلين لو اكتشفتي ان اخاك يفعل هذا بصراحه؟
بصراحه هذا الشي يزعجني وحصل معاي قبل لا أتزوج من أخوي العود و واجهته وقلت له بكل صراحه شوف يا خوي إذا كان هذا من باب الشك فأريحك لو آنا عندي شي مستحيل أخليه في تلفوني هذا إللي العايله تعرفه أكيد بيكون عندي تلفون ثاني بإسم هندي أو هنديه يعني إستح على ويهك وآنا إختك والمفروض تكون واثق من تربية أهلك أما إذا كان من باب الفضول فبعد إستح على ويهك لأن هذا تلفون بنت وأكيد فيه سوالف حريم سواء مع رفيجاتها أو مع خواتها هذا من ناحية المسجات أما من ناحية الصور فأكيد عندها صور رفيجاتها أو بنات خالاتها وهم يستهبلون وهم متيمعين وبدون حجاب أو بحجاب لكن منسدحه ماخذه راحتها يعني المفروض إنك ما تشوفه!! وردي هذا خلاص يتبلعم ما يعرف شنو يرد أو يقول .. يعني بالعاميه إستحى على ويهه وقعد بنص إهدومه
ومره أخوي إللي يكبرني مباشره طلب مني جهازي بأدب قالي ممكن أشوف المسجات أبي مسج حلو وإلا في مسجات ماتبين أشوفها؟
فلت له لحظه أشيك على السريع وشفت تلفوني على السريع وقلت له لا عادي شوفه على راحتك بس لا تروح للصور والفيديو فيه شغلات خاصه قال أوكي وشاف جم مسج وعطاني إياه وكنت حاسه إنه بيطالع مسجاتي ونمطها لا أكثر ولا أقل ولكن بأدب وبدون تلميح لأي شي مراعي إن التلفون شي شخصي
التلفون شي شخصي المفروض ما يتعداه أي شخص كان
هل نقول على من يفعل هذا الشي مريض او عديم الثقه؟ ام ماذا؟؟
طبعاً وبدون شك
للبناات: في المستقبل هل تقبلين هذا من زوجك ام لا ؟؟؟
لا طبعاً ما أقبله من زوجي لأن التلفون شي من خصوصياتي مع رفيجاتي وأهلي وفي مواضيع ممكن تكون موجوده في التلفون خاصه بأهلي أو رفيجاتي وما يحق لزوجي أن يستطلع عليها لأنها ما تخصني شخصياً .. والثقه لازم تكون موجوده بين الزوجين بشكل مطلق لانهايه له وإلا فدخل الشيطان بين الزوجين ..
آنا ما أسمح لزوجي أن يمسك تلفوني ولا أسمح لنفسي أن أمسك تلفون زوجي إلا إذا شفت المرسل مثلاً خدمة بوراشد إللي أهو مشترك فيها خدمة أخبار من باب معرفة الخبر لا أكثر وبحضور زوجي
وكل الشكر لأم روتا على الموضوع إللي أتمنى الشباب يفهمونه
أسمحي لي اختي الكريمه كلامج يحتاج الى مراجعه
دورة المؤشرنت للتحليل الفني
50 دينار كويتي