استفسار بخصوص زياده 50 مجلس الوزرا الاخيره لمن هم دون 1000

[rahaly]

فيونة حاطالج القانون كامل ...
بس الصفحة ما تكفي .. وكلها ترا اربع مواد

والاهم المادة الاولى هي موضوع بحثنا

تفضلي القانون بالكااااامل

ما عالج حالة اذا تغير الراتب لا بالزيادة عن الالف ولا بالنقصان عن الالف دينار

اما قصة الزيادة عن الالف دك ... اتوقع شخصيا ان المحكمة راح تقبل اقرارها للكويتي .. المستفيد

اما اذا زاد راتبه عن الف ... هم اتوقع انه لو وصلت محكمة راح تقر المحكمة الغاؤها

والرأي شخصي ... لكن اعتقد انه مطابق لنص القانون

والله اعلم

 

[rahaly]

يا اخوان انا قلت لكم الحل الامثل مخاطبة الديوان لاى استفسار يواجه اى موظف

اخي الكريم ..
لو مخاطبة الجهات الرسمية هي الحل ...
ما كنا نشوف اي قضية ضد الحكومة !!!

المشكلة ان الجهة الرسمية يكون لها رأي مخالف للقانون وتتمسك فيه ..
مثل حالتنا

اذا تروحلهم يقولك ما تستحق
وين تروح .؟؟
اكيد تلجأ الى المحكمة ..
ولو كنا دائما بناخذ برأي الجهة الرسمية ..... كنا سكرنا مكاتبنا من زمان

 

[ابو عبدالله333]

المقصود انه اذا كان راتب 990 الزياده تكون 10 دينار

= = = = 980الزياده تكون 20دينا ر
المقصود انه يوصل الى 1000 دينار

لكن الى اقصده انه اذا كان راتب الشخص فوق 1000 دينا ر وبعدها اصبح عليه حكم نفقات ونزل الراتب الى مثلا 600 هنا الحسبه تكون على اجمالى الراتب وليس على صافى الراتب هذى النقطه التى اريد ان اوضحها اما اذا كان الشخص اجمالى راتبه كان فوق 1000 ونقل الى وظيفه ثانيه اقل من الالف هذا موضوع ثاني لحد الان ما توجد ماده تنص على هذا .........هذا للتنبيه فقط وقواكم الله على المجهود الطيب

 

[fayoona74]

رحالي المذكرة الايضاحية عالجت موضوع اللي يستحق الزيادة باعتبار ان راتبه اقل من الف وبعدها يزيد راتبه واعتبرتها حق مكتسب اقرا المذكرة الايضاحية هالقانون مو مدروس وفي ثغرات اي شي صراحة ومحل طعن
قانون اكيد لازم يلجأ للجهة اول شي ممكن يسمعون منه ليش لا بس احنا نقول اذا مافاد الحل الودي ماله الا المحكمة ورايي مايحتاج فيها محامي مايبيلها شي الثغرة واضحة وضوح الشمس مافيها لبس
(الحين يعصبون علي اصحاب المكاتب )

ومشكور رحالي عالقانون حطيته كامل

 

[rahaly]

رحالي المذكرة الايضاحية عالجت موضوع اللي يستحق الزيادة باعتبار ان راتبه اقل من الف وبعدها يزيد راتبه واعتبرتها حق مكتسب اقرا المذكرة الايضاحية هالقانون مو مدروس وفي ثغرات اي شي صراحة ومحل طعن
قانون اكيد لازم يلجأ للجهة اول شي ممكن يسمعون منه ليش لا بس احنا نقول اذا مافاد الحل الودي ماله الا المحكمة ورايي مايحتاج فيها محامي مايبيلها شي الثغرة واضحة وضوح الشمس مافيها لبس
(الحين يعصبون علي اصحاب المكاتب )

ومشكور رحالي عالقانون حطيته كامل

......................... اسف

ما شفت الحق المكتسب اذا زاد الراتب عن الالف ... يعني هذه محسومة

لانب من فتره انا ابحث عن اذا قل الراتب عن الالف ..
ومثل ما قلت دعم العمالة قالوا احنا سائلين الفتوى ومنتظرين جواب

وريي بما ان القانون ما عالجها .... فان كسب القضية في حال اللجوء لها وارد جداااااااا
لعدة اسباب


ولا تقولين ما يبيلها محامي ... يبيلها محامي طبعا


عن نفسي ... اذا باخذ هاقضية .. لازم يوكلوني مجموعه لا تقل عن 300 مواطن

مالي خلق اشتغل حق واحد ... وكل الكويت تستفيد من الحكم
( محامي مادي)

 

[kwaity1978]

......................... اسف

ما شفت الحق المكتسب اذا زاد الراتب عن الالف ... يعني هذه محسومة

لانب من فتره انا ابحث عن اذا قل الراتب عن الالف ..
ومثل ما قلت دعم العمالة قالوا احنا سائلين الفتوى ومنتظرين جواب

وريي بما ان القانون ما عالجها .... فان كسب القضية في حال اللجوء لها وارد جداااااااا
لعدة اسباب


ولا تقولين ما يبيلها محامي ... يبيلها محامي طبعا





عن نفسي ... اذا باخذ هاقضية .. لازم يوكلوني مجموعه لا تقل عن 300 مواطن

مالي خلق اشتغل حق واحد ... وكل الكويت تستفيد من الحكم
( محامي مادي)

rahaly واخت فيونه والمحامي والاخوان المهتمين اشكركم


الي صار مع صديقي ان نقص منه بدل الزوجيه نزل راتبهالاجمالي تحت الف وصار 940 قبل الاستقطاعات المفروضه عليه سواء تئمينات او تأمين تكميلي او اي شي ثاني تحت الالف والصافي اقل من جذي بعد

يعني لو يعطونه الخمسين على المعاش الكامل هم ما راح يوصل 1000

توجه الى الوزاره وكلمهم قالوا الديوان مخاطبهم بهل الموضوع والاجابه ان لما قل الراتب ما ياخذون بالامر ولو زاد هم ما ياخذون اهم شي وقت تنفيذ القرار !!

يعني لا خذاها وقت ما كان اكثر من الف ولا راح ياخذها الحين زبده رد الوزاره بناء على ديوان الخدمه الحين شنو الحل ؟

وين يروح شنو يسوي بالضبط يعني من وين بييب 30 متظرر ويرفع قضيه !

وخمسين بالشهر مو شويه خاصتا لو تحسبها بالسنوات القادمه يعني اكثر من 20 سنه خدمه جدامه 50 ظرب عشرين سنه =

 

[kwaity1978]

فيونة حاطالج القانون كامل ...
بس الصفحة ما تكفي .. وكلها ترا اربع مواد

والاهم المادة الاولى هي موضوع بحثنا

تفضلي القانون بالكااااامل

ما عالج حالة اذا تغير الراتب لا بالزيادة عن الالف ولا بالنقصان عن الالف دينار

اما قصة الزيادة عن الالف دك ... اتوقع شخصيا ان المحكمة راح تقبل اقرارها للكويتي .. المستفيد

اما اذا زاد راتبه عن الف ... هم اتوقع انه لو وصلت محكمة راح تقر المحكمة الغاؤها

والرأي شخصي ... لكن اعتقد انه مطابق لنص القانون

والله اعلم

شكرا على نص القانون ولفت نظري فيه هل النقطه

متى ما تحقق شرط استحقاق الدعم المادي الذي نصت عليه وهو بلوغ اجمالي المرتب الشهري او الاجر او المعاش التقاعدي او المساعده الف دينار ) تحقق سبب استحقاقه الدعم المادي حسبما نصت عليه تلك الماده

هذا الي موجود بالنص ممكن احد يقولي شنو يعني متى ما تحقق الي مذكوره اول النص !!

لان اجمالي راتب صاحبي حاليا 940 تقريبا زياده بجم دينار هذا الاجمالي من غير خصم اي شي ولو زادو عليها الخمسين ما راح يوصل الالف حتى طيب اهوا كان اكثر من الالف والحين انخفض بسبب الطلاق

والوزاره تقول الديوان فسر الماده حين صدور القرار طيب والنص الحين في هل الكلمه متى ما تحقق شنو تعني ؟؟ وشنو يسوي ؟؟

 

[fayoona74]

دام تقول ان الديوان فسر المادة فللعلم قرارات الديوان بمرتبه قانون
اللي تسوونه يااما تيمعون 300 متضرر احتراما لٍرأي رحالي
او ان واحد يروح يرفعها بصحيفة مايبيلها شي لازلت اقول الموضوع سهل ويرفق معاها حافظة مستندات فيها الاوراق التالية
1. قانون الزيادة
2. تفسير الديوان
3. شهادة راتب رسمية
4. كتاب من التأمينات لمن يهمه الأمر
وتطعنون بعدم دستورية تفسير الديوان وعدم الاختصاص لان الديوان مو الجهة المختصة بتفسير القوانين وينعقد الاختصاص للفتوى والتشريع الطعن طبعا يكون امام المحكمة الادارية اظن مكانهم بالرقعي ويمكن قصر العدل اذا ماني غلطانه بدورها المحكمة راح تحيلها للمحكمة الدستورية وانتو وحظكم
اذا الموضوع في توجه سياسي يعني توجه حكومي وصالح عام بعدم ارهاق الميزانية وو راح يتفسر الموضوع ضدكم وطبعا باستنادات قانونية بس ماظن هذا احتمال ضعيف بس وارد اما اذا العكس 99% كسبان القضية
وياجماعة نصيحة لله اذا بتختار تلجأ لمحامي اختار صح لان القانون الاداري مو سهل مو اي واحد يعرفله مثل الجنائي والاحوال الشخصية مثله مثل المدني وهذا رأي شخصي
وبالتوفيق

 

[rahaly]

دام تقول ان الديوان فسر المادة فللعلم قرارات الديوان بمرتبه قانون
اللي تسوونه يااما تيمعون 300 متضرر احتراما لٍرأي رحالي
او ان واحد يروح يرفعها بصحيفة مايبيلها شي لازلت اقول الموضوع سهل ويرفق معاها حافظة مستندات فيها الاوراق التالية
1. قانون الزيادة
2. تفسير الديوان
3. شهادة راتب رسمية
4. كتاب من التأمينات لمن يهمه الأمر
وتطعنون بعدم دستورية تفسير الديوان وعدم الاختصاص لان الديوان مو الجهة المختصة بتفسير القوانين وينعقد الاختصاص للفتوى والتشريع الطعن طبعا يكون امام المحكمة الادارية اظن مكانهم بالرقعي ويمكن قصر العدل اذا ماني غلطانه بدورها المحكمة راح تحيلها للمحكمة الدستورية وانتو وحظكم
اذا الموضوع في توجه سياسي يعني توجه حكومي وصالح عام بعدم ارهاق الميزانية وو راح يتفسر الموضوع ضدكم وطبعا باستنادات قانونية بس ماظن هذا احتمال ضعيف بس وارد اما اذا العكس 99% كسبان القضية
وياجماعة نصيحة لله اذا بتختار تلجأ لمحامي اختار صح لان القانون الاداري مو سهل مو اي واحد يعرفله مثل الجنائي والاحوال الشخصية مثله مثل المدني وهذا رأي شخصي
وبالتوفيق

بعد؟

القضية سهل وتبين بعد يطعن بعدم الدستورية!!!!

بس على فكرة .... ما يحتاج طهن بعدم الدستورية

لان القانون ما قرر ان ما يعطون اللي راتبه اقل من الف ... هم اللي تفسيرهم غلط

بالتالي ... يكون الطعن على قرار الادارة بعدم صرف الخمسين المستحقة .. بتفسير خاطئ للنص ... وعلى المحكمة ان تفسر النص


والفكرة ....
انه في حال عدم صرف الخمسين يكون هناك تفرقة بين المواطنين

فكيف يقرر المشرع ان يستحق المواطن الخمسين حتى بعد ان يزيد راتبه عن الالف .. اذ اصبح حقا مكتسبا بنص المذكرة الايضاحية

في حين يحرم من يقل راتبه عن الالف ... بحجة ان العبرة وقت تطبيق القانون عليه ؟؟؟

هذا التناقض والتفرقة ... بالتأكيد لم يقصدهما المشرع ... وتفسير الادارة خاطئ

(( يا الله هذي صحيفة دعوى جاهزة ))

 

[fayoona74]

انت من يقدر عليك وجهة نظر تحترم انا قلت يطعنون بتفسير الديوان لعدم الاختصاص والخطأ في التفسير لان قرار جهة الادارة وامتناعهم عن الصرف جاء بناء على رأي الديوان
ها شرايك
وترا كتبت طعن بعدم دستورية قرار الديوان مو القانون

 

[rahaly]

انت من يقدر عليك وجهة نظر تحترم انا قلت يطعنون بتفسير الديوان لعدم الاختصاص والخطأ في التفسير لان قرار جهة الادارة وامتناعهم عن الصرف جاء بناء على رأي الديوان
ها شرايك
وترا كتبت طعن بعدم دستورية قرار الديوان مو القانون

حبيبتنا الاستاذة العزيزة فيونة

اذكرج الطعن بعدم الدستورية لا يكون الا على القانون ... وليس القرار
اما القرار فيكون الطعن عليه امام المحكمة الادارية للالغاء ان استوجب ذلك

والديوان قام بالتفسير لجهة الادارة ..
وهذا شأن داخلي بينهم

وبالتالي ... لا يحق للمواطن ان يطعن على تفسير الديوان فهو غير متصل فيه
انما يطعن على قرار ادارة دعم العمالة(مدري شنو اسمها بالضبط)

شرايج ؟

 

[fayoona74]

عزيزي رحالي
قرارات الديوان بمثابة قانون وتختص بنظر دستوريتها المحكمة الدستورية واذكرك بان من جم شهر قضت المحكمة الدستورية بصحة قرار الديوان بشأن بدلات وزارة الداخلية ها شرايك انت دورك الحين

 

[rahaly]

عزيزي رحالي
قرارات الديوان بمثابة قانون وتختص بنظر دستوريتها المحكمة الدستورية واذكرك بان من جم شهر قضت المحكمة الدستورية بصحة قرار الديوان بشأن بدلات وزارة الداخلية ها شرايك انت دورك الحين

هههههههههه

والله انتي وحده بلوة ... عنيدة

اشوة انتي مو اسيل العوضي ... وانا مو محمد هايف ... ولا احنا في المجلس


الحين الموضوع اختلف ...

كنا نتكلم عن تفسير الديوان .. وليس قرار بمثابة قانون
الحين تتكلمين عن قرار الديوان اللي اعتبرته الدستورية قانون !!!

ومع هذا ...
انا بصراحة ما مر علي ان قرارت ديوان المحاسبة تعتبر قانون يمكن الطعن عليها بعدم الدستورية

ولما كنا نتفق ان العلم بحر

فراح اطلع على الحكم ... واعرف ليش اعتبروه قانون ويمكن الطعن عليه بعدم الدستورية ... زيادة في التعلم والاطلاع .. يا فيونه هانم

 

[fayoona74]

مو ديوان المحاسبة ديوان الخدمة يارحالي السنة الياية بنتخب نفسي شرايك تعطيني صوت

 

[kwaity1978]

بعد؟

القضية سهل وتبين بعد يطعن بعدم الدستورية!!!!

بس على فكرة .... ما يحتاج طهن بعدم الدستورية

لان القانون ما قرر ان ما يعطون اللي راتبه اقل من الف ... هم اللي تفسيرهم غلط

بالتالي ... يكون الطعن على قرار الادارة بعدم صرف الخمسين المستحقة .. بتفسير خاطئ للنص ... وعلى المحكمة ان تفسر النص


والفكرة ....
انه في حال عدم صرف الخمسين يكون هناك تفرقة بين المواطنين

فكيف يقرر المشرع ان يستحق المواطن الخمسين حتى بعد ان يزيد راتبه عن الالف .. اذ اصبح حقا مكتسبا بنص المذكرة الايضاحية

في حين يحرم من يقل راتبه عن الالف ... بحجة ان العبرة وقت تطبيق القانون عليه ؟؟؟

هذا التناقض والتفرقة ... بالتأكيد لم يقصدهما المشرع ... وتفسير الادارة خاطئ

(( يا الله هذي صحيفة دعوى جاهزة ))

هذا الي قصدي بالظبط زين شنو الاجراء ؟؟ شنسوي الحين ؟

 

[qanon]

اخي الكريم ..
لو مخاطبة الجهات الرسمية هي الحل ...
ما كنا نشوف اي قضية ضد الحكومة !!!

المشكلة ان الجهة الرسمية يكون لها رأي مخالف للقانون وتتمسك فيه ..
مثل حالتنا

اذا تروحلهم يقولك ما تستحق
وين تروح .؟؟
اكيد تلجأ الى المحكمة ..
ولو كنا دائما بناخذ برأي الجهة الرسمية ..... كنا سكرنا مكاتبنا من زمان

اخوى العزيز رحالى

يعطيك العافية

وانشا ءالله مكاتبكم تنترس بالزباين الليل مع النهار

واتمنى انك ترفع قضايا لجميع القرارات اللى فيها مآخذ وقابلة للطعن

ولا تنسون يا اخوان

الحكم الصادر لحملة شهادة الشريعة وتم مساواتهم مع حملة شهادة الحقوق

وبالتوفيق للجميع

 

[اليوفي الثاني]

حبيبي القانون 27 لسنة 2008 الذي حدد هذه الزيادة

لم يقرر شيئا عن هذه الحالة (انخفاض الراتب بعد تطبيق القانون)

والان دعم العمالة لديهم حالات مماثلة كثيرة .. وينتظرون رد الفتوى والتشريع بهذا الخصوص ..


وفي حال الرفض

ارى .. انه يمكن اقامة دعوى ادارية بهذا الخصوص .. واعتقد ان كسبها وارد جدا ... لعدم ورود نص يمنع الزيادة في هذه الحالة .. ولكنه اجتهاد من قبل ادارة دعم العمالة .. (وهم بانتظار رأي الفتوى والتشريع)

هذا رأيي الشخصي واجتهادي كمحامي ان المحكمة ستلقي قرارل عدم استحقاق الزيادة .. والله اعلم


........ لكن

قول حق صاحبك ينتظر قرار الفتوى ...
كما ينتظر صدور حكم في مثل هذه القضية لانها قضية عامة .. واذا صدر حكم لاحدهم سيشمل الباقين في مثل حالته

( شرايك .. هم عطيناك استشارة .. وهم وفرنا على صاحبك يروح حق محامي؟ )


موفق

تسلم يا رحالي
الله يجعله في ميزان حسناتك

 

[kwaity1978]

شنو الحل الحين ؟

 

[fayoona74]

الحل برأيي رفع قضية امام الدائرة الادارية بالطعن على قرار الديوان بتفسير القانون لعدم الاختصاص ولمخالفة الدستور وعلى الجهة الادارية بالزامها بسداد مبلغ 50 دينار اعتبارا من تاريخ الاستحقاق
يعني دعوى وحدة تختصم فيها الاثنين والاعلان يكون لادارة الفتوى والتشريع بصفتها الممثل القانوني للدولة
او انك تنتظر تفسير الفتوى والتشريع للقانون لانهم الجهة المختصة اذا كان نفس الموضوع محال لهم بالفعل

 

[kwaity1978]

وهل هذا شي ممكن انا ارفعه او لازم محامي