شركة طيران الجزيرة ش.م.ك ( الجزيرة )

[راعى الجحلا]

بكرة لنا اجراءات مع الجزيرة الظاهر طول علينا

 

[3lgm]

الرسم البياني يقول ممكن يلامس ال110 هل من المعقول السهم ينزل اكثر من جذي نرجو التوضيح

إن شاء الله يرتد قبلها , القناة مو قرآن منزل , لكن مؤشرات السهم ما ركدت بعد فوالله العالم بعد أكو نزول شوي , هذا والله العالم .

 

[fah00d]

السهم يعيبه قلة التداول ! السهم كانت تداولاته قوية بشهر أبريل الى منتصف مايو بسبب خبر زيادة رأس المال بسعر 150 فلس .. بس مادري شفيهم الجماعة اخفسو فيه وطخو! وقبل جلستين تداول تقريبا كان من أكثر 5 شركات تداول من حيث الكمية لكن أغلب الصفقات بالحد الأدنى .. يمكـن ماخذين بريك وينطرون أي خبر بخصوص زيادة رأس المال للبدء بالدخول علما بأن السعر الحالي متدني جدااا ومغري جداا

 

[صبا]

رد

والله حرام السهم خلال فتره بسيطه فقد حوالي 50%من قيمته نزول من238ل126يعني معقوله مااكتفى بهذا النزول كان صانع السوق يشيل ملايين بلحد الاعلى والحين كل المعروض كل يوم لايتجاوز 300الف مو قادر يشيلهم وينقذ السهم من الانهيار والله فعلا مسخره وناس ماتخاف ربها صرفو على الناس بلعالي والحين هدو السهم

 

[راعى الجحلا]

يا صبا انا كل ما اندبس بسهم الا انتى معاى
تذكرين ايام الرابطة 380 وخفس
والحين الجزيرة بس اشوة ماخذة بالنازل

 

[ADEL ALAZMI]

يا صبا انا كل ما اندبس بسهم الا انتى معاى
تذكرين ايام الرابطة 380 وخفس
والحين الجزيرة بس اشوة ماخذة بالنازل

ههههههههههههههههه عليك راااعي الجحلا جعله يعلق ليما الدينار

وتصير هامور ونت توك شباب وتاخذ اربع حريم

 

[راعى الجحلا]

ههههههههههههههههه عليك راااعي الجحلا جعله يعلق ليما الدينار

وتصير هامور ونت توك شباب وتاخذ اربع حريم

بعد عمرى واللة بوعدلة
اصلا لو يوصل دينار اطلق واقعد اعزوبى عشان محد يشاركنى
لاكن لك 2% على سالفتك هذى

 

[3lgm]

الارتداد جريب بإذن الله

 

[صبا]

رد

يا صبا انا كل ما اندبس بسهم الا انتى معاى
تذكرين ايام الرابطة 380 وخفس
والحين الجزيرة بس اشوة ماخذة بالنازل

لا انا للحين مادخلت على السهم انطر ال110او114مومشكله مااخليهم يصيدوني

 

[3lgm]

السهم متماسك على الـ116 بأقسى أوقات النزول , والماكد ركد , لكن الوضع لي الحين مو أمان , ممكن ينزل عن الـ116 , فنتابع ونشوف , وفلس يطوف ولا فلس يروح .

 

[3lgm]

انكسرت الـ116 , السهم مو راكد والأفضل الابتعاد عنه ليمن يركد .

 

[صبا]

رد

اليوم التداول زين ممكن التحليل

 

[ADEL ALAZMI]

علقم انكسرت بس اغلقت ع 116 . بارك الله فيك ومشكور ع الشارت

 

[صبا]

رد

ممكن لوسمحتو احد يفيدنا متى استدعاء زياده راس المال للسهم

 

[الميغ1]

شكل السهم عطي دخول صريح كما شاهدة عل الماكد........ والله اعلم

 

[3lgm]

كلامك صحيح بالنسبة حق الماكد , لكن على الجارت الأمور مو طيبة , وإذا بلش السهم يسوي دايفرجنز إيجابي , يعني السهم ينزل والماكد يصعد , تخسر ما تربح , فخل الماكد عنك وإصبر ليمن نشوف شيصير على السهم , السهم كانت المقاومة على الـ118 والحين والله العالم بتصير 116 وبيصير العرض 116 والطلب 114 , فالوضع مو تمام لي الحين .

 

[صبا]

رد

اخوي السهم نازل من236من فتره بسيطه وصارله فتره ماعليه تداول واليوم تداوله يقارب المليون ولاننسى انه عنده زياده راس مال فمن وجهه نظري السهم يستحق المتابعه وطبعا نترك لكم التحليل لتوضيح الصوره مع الشكر

 

[3lgm]

والله يا اختي فيه بياع قوي , وهذه بحد ذاتها مشكلة , ولو تلاحظين تداول السهم إنه يعرض وحدة أو وحدتين علشان يبينلج إنه السهم خفيف وراح يصعد بسرعة من تنشال هالوحدتين يحط غيرها , وجذي , وليمن يصعد يصير دخول سريع وقوي وما يلحق معاهم , لكن مو مخليه يصعد , وهذا التداول يذكرني بإنجازات , ليمن كان سعرها نفسه بالـ116 وشوفيه وين وصل لي السبعينات , فالوضع مو مطمئن من وجهة نظري , والسهم كسر الـ116 اليوم ومو بوحدة وحدة مثل منتي شايفة تحت , فأنا أشوف الوضع لي الحين مو مطمئن والله العالم .

 

[كدلك]

الاخ علقم تشارتك فيه مشكله متفق معك انه السهم مو مطمئن لكن السهم يقول اشترني ولاتقول حق احد ,,,,,,,,,,,,,,,,
واليك هذا

 

[3lgm]

يا الغالي كدلك مو باينة الصورة , خنشوف شارتك بارك الله فيك , وراسين أحسن من راس .