شركة عقارات الكويت

[nasr 2]

كلام جرايد اليوم بتقول ان أرباح العقارات ك جيدة
ويمكن تكون صح

 

[saja]

اي خبر

مافي اي خبر عن الشركة و توزيعاتها

 

[sam]

حاقدين على هل الشركة الظاهر

يا اخوان الظاهر لي بأن هذة الشركة مغضوب عليها - وانا ازهقت من هل السهم وقاعد افكر اخلص منة بأقرب وقت ممكن - لاني ماخذة صارلي تقريبا 4 شهور ومليت منة ؟

 

[nasr 2]

السلام عليكم يا سام sam
الله يرضى عليك من شهر تسعه كل ما فكرة ابيع قالو لاتبيع
اخبار طيبه الحين السهم قوع شتبيع شتخلى خوفى ينصاد على 248 فلس
شتقول يا سام

 

[mr_king]

انا سمعت ان السهم راح يوصل 240 فلس اذا مو أقل بعد ... مجرد وكالة يقولون .....

 

[زيبق]

والله يا جماعة أنا دخلت على السهم على 270 بناء على توصية، لكن وجدت بعدها إنه صار ثقيل حركة، وبدأ ينزل، ولأني كنت حاط نقطة خروج في حال النزول، طلعت منه على 255، ولا أدري لماذا في نفس اليوم شفت سلطان نزل إلى 1160 قمت خمطت منه كم سهم بنفس المبلغ.

وربكم بارك مثل ما انتوا شايفين..

لذلك نصيحتي يا جماعة إن الواحد يضع لنفسه نقطة خروج من أعلى وأسفل، ولا يظل "عاظ" السهم سواء صعد أو نزل!

 

[nasr 2]

عين العقل يا زيبق

 

[sam]

لوووووووووووووووووووووووول

يا خوي يا Nasr 2 - تري انا للحين ما طلعت بربع دينار من السوق

كلة خسران؟

ان كان جيزان او عقارات ك

وتبي تضحك كان عندي اسماك ماخذها ب 250 وخسرت فيها بعد؟ وطالع اليوم اسماك ؟

مثل ما يقول المثل ( الى مالى حظ لا يتعب ولا يشقي )

تراني مليت مليت مليت واللة من الخسارة

 

[nasr 2]

اخى سام sam
اول ماقريت موضوعك ضحكنى واليوم انا زعلان بس المثل يقول
شرالبرية مايضحك الله يرزقك من اوسع ابوابة اللهم أمين

 

[sam]

طنش تعش تنتعش

يا خوك يا Nasr 2 - اسمع من اخوك

( طنش تعش تنتعش ) طبق هل المثل وراح اتصير مثلي

دائما خسران .

هاه ه ه ه ه ه ه ه ه ه ه ه ه ه ه

 

[دراهم]

السلام عليكم

متى الشركة تعلن عن توزيع الارباح

افيدونا

افادكم الله

 

[nasr 2]

الله يديم عليك السعادة والابتسامة الحلوة
والرزق الحلال وطنش تعش

 

[بوعنتر]

فى اسهم تحقق قفزات سعريه بالميه فلس وبعدين بالدينار وانشالله توصل عشر دنانير وفى اسهم للاسف من نزول الى اخر خاصه اللى تنزل مع تداول كبير جدا ومنها عقارات الكويت للحين اذكر التصويه اللى سببت لى كوابيس يتني توصيه ادش على السهم ب 450 لانه رايح فوق النص دينار ومن يومها السهم مقوع ....عاد والله الكابوس هذا طلع بعدين ارحم من كوابيس ثانيه ....عموما موجودات الشركه كبيره واهل الشركه اذا يبون يرفعونها يرفعونها والشركه عندها عقارات بكل مكان بس ليش مايبون يشتغلون ... والشركه ماقول الا الله يهدي ملاكها الى الخير ويرفعونها ويهتمون فيها اكثر

 

[mr_king]

آخر سعر لعقارات الكويت هو 255 فلس هل حان وقت التخلص من هذا السهم وبيعه بهذا السعر خوفا من نزول السهم الي مستويات أقل من هذا السعر .... نظرا لعدم معرفة التوزيعات المقترحة وخوفا من المجهول ....

 

[nasr 2]

صباح الخير

خوفي من مجموعة البحر مافى اخبار ولا جبر خاطر تقول أستخبارات الروسيه​

 

[mr_king]

عموما سهم عقارات الكويت من أول ما ادرج باالسوق وهو باالحظيظ يعني ماكو فايده ماراح انطلع من وراهم خبزه !!! باختصار الادارة فاشلة من جميع النواحي .... يعني أكال من هاالشق لي هاالشق

 

[nasr 2]

احنه ناقصين اكال وشقوق الى فينا كافينا ياmr_king

 

[chocoholik]

انشاء الله فيها صعود

بإذن الله الشركة راح تصعد وتتحرك الى مستوى قريب من 350 وعسى يكون مصدري اكيد في هذي مثل ماكان في غيرها و حبيت ابارك للأخ زيبق على شرائه مركز سلطان بسعر 1.160 و وصوله الى 1.460 عسى باقي القروب يتوفق في اسهمه انشاء الله.

 

[علمونى]

مبروكين اليوم تم شراء 700000 سهم اجل من السوق الفوري افهم يا فهيم

 

[زيبق]

بإذن الله الشركة راح تصعد وتتحرك الى مستوى قريب من 350 وعسى يكون مصدري اكيد في هذي مثل ماكان في غيرها و حبيت ابارك للأخ زيبق على شرائه مركز سلطان بسعر 1.160 و وصوله الى 1.460 عسى باقي القروب يتوفق في اسهمه انشاء الله.

الله يبارك فيك وفي مالك يا الغالي...

أمس جائتني توصية جديدة للدخول على السهم على سعر 255 لأنه سوف يصعد..
وإذا الله كتب سوف أدخل عليه اليوم على هذا السعر..
لكن بالنهاية تبقى هذه توصية غير ملزمة لأحد، وأتمنى التوفيق والبركة للجميع...