ابو فطيرة

[الوحش^^]

الأخ / عذبي

كل الشكر على التوضيح.

 

[بو فراس]

تحياتي لجيران المستقبل
:d

 

[عذبي 71]

فنان 999
كيو ايت سبيد
المنظور الشامل
الوحش
ابو فراس
ودي اربح
مساعد77
بوصالح
على راسي من فوق وانا بخدمتكم واتمنى ان الله يسهل اموركم وامورنا

اخوي بوراشد اؤيد كلامك تماما وما على كلامك زود فانت تكلمت بالصميم
والتوقيت الذي وضعته واقعي ومنطقي...

اما بالنسبة لشد الحزام فقد لصقت بطونا في ظهورنا من كثر ما شدينا بهالحزام
لكن الحياة تبي والعيال يبون وتكاليف الحياة كل يوم تزيد...
اتمنى ان يتم زيادة القرض الى ال100 الف عشان نقدر نفكر بشي اكثر من دورين
لانه بالحقيقة وما انت غريب ولا على الشباب شراء الارض يكسر الظهر والدينار ما يبي يبات بالبوك ... والله كريم

 

[بو فراس]

اخوي عذبي 71

بدل زيادة ال 100 ألف اللي ماراح يكون وراها غير حرقة القلب والمشاكل وارتفاع الاسعار .. مو الافضل ان الحكومه تزيد الدعم لمواد البناء .. او يزيدون كمية الاسمنت والحديد والطابوق .. اي بمعني اصح مواد البناء اللي توفرها لك الحكومه

على الاقل تبني فيها بعيد عن زيادة الاسعار



هذا رايي الشخصي ويمكن الإخوان لهم نظره ثانيه للموضوع

وتحياتي لك

 

[عذبي 71]

ما اختلف معاك نهائيا بو فراس
انا معاك واوافقك الراي
لكن الانسان بطبعه يبحث عن اسرع الحلول
وكما ترى فهناك بحث لموضوع القرض
وكما سمعنا بان القرار على طاولة المفاوضات
فالنفس مالت الى ال100 الف رغم الخوف من التهاب الاسعار

لكن يابوفراس اذا الحكومة اقرتها فمحنا رادينها والله ينعم عليهم
كما انعموا على شعبهم والحق يقال ولو بيزعل البعض الحكومة والمجلس ما قصروا
بالزيادات المادية في السنوات الاخيرة واخرها ال 120 دك

وثق بالله يا بوفراس اللي ماتكفيه السبعين وال 100 ما تكفيه 200 الف
لانه الفناتق ماتخلص
والسوق اذا بيغلا بتلقى البديل والصيني غزى العالم بنص سعر الاصلي
وشرط جودته لا تقل عن الاصلي
فباذن الله لو اقروا الزيادة الى ال100 نبي نسوي احتفال اهنيه
ومهما زادت الاسعار فما اعتقد مثل ما احنا ظانين لانه السوق مفتوح السلع متنوعه وفيه البديل
واهم شي القناعه

اما بما يخص زيادة الدعم فهو طيب لكن يجب اعادت النظر بقائمة المواد المدعومة
يعني اليوم البناء مو بس حديد وسميت وطابوق..
وين الرخام والسيراميك والبورسلان والتكييف ومواد الكهرباء والصحية والاصباغ والعوازل
نتمنى ان تدعم
يعني اليوم طن التكييف سعره الاصلي مثلا 150 دك
بعد الدعم ب 50 دك ولكل مواطن 30 طن دعم...... ممتاز
الرخام المتر 20 دك
بعد الدعم 10 دك ولكل مواطن 400م2 ..... اروع من كده ايه؟؟
السيقما الدرام 20 دك
بعد الدعم 9دك ولكل مواطن 20 درام ..... خوش كلام
ربطة الوايرات 6مللم 50 م بسعر 25 دك
بعد الدعم 12 دك ولكل مواطن 15 ربطه... والله حلوه ياجماعه..
ونبي نسمع رايكم

 

[المنظور الشامل]

السلام عليكم

شباب ما أعتقد زيادة القرض الأسكاني راح تمر لأنه لها تبعات لا لها أول ولا تالي ........ والوزيرة الحمود والحكومه رفضته أيام الحكومه السابقه بسبب

1. أن مواد البناء والتجار سوف يرفعون الأسعار .

2. سوف يفتح باب المقترضين السابقين لطلب المساواة يعني أبواب مراح تسكر .

3. الوضوع الأقتصادي وميزانية الدولة لا تتحمل

شباب القناعة كنز لا يفنى أبن على قد ميزانيتك وانا واحد من الناس ما عندي مانع لو أصير مثل عادل أمام وأسكن بكركون بالمنطقه بس أهم شئ أستر نفسي وعيالي .


شباب خليكم من كلام الأعضاء والقرض منها ( المهايط ) مع أحترامي للجميع

 

[عذبي 71]

فعلا يا بوراشد القناعه كنز لا يفنى

يعني من كلامك استنتج انك ماراح اتسوي سرداب ولا حمام سباحة ولا مصعد ولا سلالم حلزونيه ولا ارضيات رخام روز
ولا تلبيس خارجي مخمل مطرز
شبقى؟؟
يعني غرف ومطبخ بس!!
عاد انا كنت ابيك ترسم لي المخطط جني بهون

 

[bu sale7]

نيهاو

هلا بالاحباب

غذبي ولا يهونون الربع

بالنسبه للبناء انا واحد من الناس اللي بنيت قبل وما اقتنع لما يقولي واحد من اللي بانين من زمان

ان هذا ماله داعي او هذا ما يصلح رايح على رايي وراي الاهل لكن الحين اقول للي يبي يبنون يا

جماعه الواحد يشوف احتياجاته ويبني على قده وما في مانع انك تزين البيت

والبنياي اللي من الطوفه للطوفه ترا يشوه المنظر وياكل فلوسك وما راح يفرق من داخل الا شي

بسيط ما يستاهل

احلى شي انك تحطلك حوش لا تنسى

وبالنسبه للتشطيب ذكرت الصين وانا تكلمت مره عن موضوع الصين ارجو ان نستفيد من بعض

هذا رابط الموضوع


http://www.indexsignal.com/vb/showthread.php?p=2461240

 

[عذبي 71]

الله يا بوصالح انت من هواة الحيشان او الاحوشه...
بصراحة اليوم الساعة 5 م وانا راد البيت
والجو قمه روعه ما في احلى من هالجو
مريت على بيت بالقصور عند الدوار
البيت يطل على ارتداد على شارع رئيسي
وبعد حملات البلدية اصبح الارتداد مكشوف
صاحب البيت مسوي ارتداده حوش ... بلاط ومحوط البلاط بكاربستون
وفارش ارض الحوش بساطات مساحة كبيرة طبعا
وحاط مساند وقاعدين جماعة من الرجال مبسطين قبل المغرب
واعتقد انه جلستهم رسميه .. استقبال او موجب الله العالم
وسوالف وجاي وهالجو الزين
ابصراحة المنظر غير معتاد لكن مبهج ومؤنس
تمنيت اوقف وانزل ابسط وياهم
المنظر رجعني بذاكرتي لايام قبل
في الماضي القريب كان للحوش دور كبير ومكانه مرموقه في المنزل
فيعتبر هو صالة البيت... القعدة والغدة والعشا و الريوق ولعب اليهال تحت سما الله ويم هالزريعات الخضره والنسمه الطيبة واذا عندك عزيمه او عرس او ضيوف اتسنع المكان وتفرشه وتعلق لمباتك وانتهى الموضوع
بس اللي يأذي النمل
لكن شرحت صدر وهواء متجدد وصحي وابدان قوية
ومساحة البيت الداخليه غرف للنوم او التدفي بالشتا
لكن العشرين سنه الاخيره صارت البيوت كلها سنترال وصالات كبيرة
وانتهى دور الحوش واغلب الناس اليوم يقولون يا معود اشلك بالحوش حق الغبار والكسافة ومنو بيقعد فيه والبيوت متداخله والحوش مكشوف والجو اصبح حار جدا واذا ولهت على السما اصعد السطح...

 

[عذبي 71]

ودي اربح....
ودي اربح....وينك؟؟؟

 

[ostath]

ممكن اعرف من الشباب اي من القطع في ابو فطيره هي الاقرب للديره و الاقرب لمداخل و مخارج المنطقه ؟

 

[عذبي 71]

حياك الله اخوي الاستاذ
ضاحية ابوفطيرة لها مدخل من رئيسي من شارع الفحيحيل وهذا المدخل يفصل بين ق 5 من جهة ومن جهة اخرى ق 3 و 4

مدخل اخر على شارع الغوص وانت قادم من العقيلة مقابل مبارك الكبير جهة محطة الماء
ويفصل بين القطعه 8 من جهه والقطع 6و7 من جهة اخرى

مدخل اخر على شارع الغوص بعد المدخل السابق
ويفصل بين ق2 من جهه وق 6و7 من جهه اخرى

مدخل اخر على شارغ 280 وهو الشارع الفاصل بين ابو فطيرة والفنيطيس وهذا الشارع الحيوي الكبير في محافظة مبارك الكبير حيث مدخله وبدايته من شارع الفحيحيل جسر القرين القصور يفصل هذا الشارع بين ابوفطيرة الفنيطيس ثم اشارة مرور المعروفة باشارة مقسم القرين ومطعم ماكدونالدز وبعدها يمر منطقة القرين الكبيرة ثم اشارة مرور ثم القصور القرين وينتهي الشارع مع جسر صبحان وشارع الملك فهد

فالمدخل الذي يقع على شارع 280 يفصل بين ق 1 وق3

هذي المداخل الرئيسية للمنطقة حسب المخطط التنظيمي المعدمن قبل ادارة المساحة ببلدية الكويت بناءا على قرار المجلس البلدي بسنة 2000

اذا فجميع القطع مطلة على المنافذ والمداخل للمنطقة
واقرب القطع لجهه الديره ق 3
واذا احببت الاطلاع اكثر وتفحص المنطقه ومعرفة مواقع القسائم
فهناك مخطط تنظيمي لابوفطيرة على منتدى المهندس الكويتي
فهو شافي ووافي
وحياك الله

 

[ودي اربح]

ودي اربح....
ودي اربح....وينك؟؟؟

هلا بالغالي عذبي

موجود طال عمرك

اللى منعنى عن صفحتنا وعكة صحية بسبب تغير الجو

 

[ودي اربح]

http://www.indexsignal.com/vb/showpost.php?p=2470928&postcount=7

 

[عذبي 71]

لابأس عليك يا ودي اربح وشايف العافية يارب
وانصحك تدفى هالايام ترى الجو برد والجسم بعده متعود على حرارة الصيف
والتكيف انصحك تطفيه او تقصره
وسلامت وسلامة الحاظرين

 

[ودي اربح]

لابأس عليك يا ودي اربح وشايف العافية يارب
وانصحك تدفى هالايام ترى الجو برد والجسم بعده متعود على حرارة الصيف
والتكيف انصحك تطفيه او تقصره
وسلامت وسلامة الحاظرين

الله يسلمك من كل شر يا عذبي

ابشر طال عمرك

 

[MUSAED77]

للرفع

 

[ودي اربح]

هلا بالغالي مساااعد

 

[بو فراس]

السلام عليكم .. اخواني من بني فطيرة

شرايكم نستفيد من بعض خطوه بخطوه اثناء عملية البنيان

وكخطوه اولى .. منو يعرف مكتب هندسي شغله ممتاز وبنفس الوقت سعره يكون معقول؟ .. يعني مانبي اسعار أفلام رعب
​

 

[q8-speed]

مكتب هدية للاستشارات الهندسية مجمع الاوقاف