ابو فطيرة

[ودي اربح]

السلام عليكم

 

[عذبي 71]

وعليكم السلام ورحمة الله وبركات
وحياكم الله جميعا
سلام لتي سي ار وابشر بالخير عقد الفنيطيس قريب قريب قريب جدا
***
وحياك الله يا الغالي بوصالح اشتقنالك وافتقدناك يالحبيب
وبقدومك انشالله بيهل الخير على شرق القرين
***
شكرا جزيلا حبيبي وقرة عيني وشقيق فؤادي ودي اربح
وهذا اللقب الغالي اعتز فيه واعتبره تاج منك على راسي
ولكن لن اقبل فيه لوحدي فانت شريكي واستاذي
ولك فضل على هذا المنتى وهذه الصفحة
فقد غمرتها بالصور والاخبار والمعلومات

 

[q8-speed]

الله يبشرك بالخير عذبي 71 ونبيك تفرحنه يتوقيع العمل البنية التحتية لمنطقة الفنيطيس وانا راح ارشحك مختار الفنيطيس وشرق القرين باكملهاااااااا

 

[عذبي 71]

ابشر بكل خير يا كويت اسبيد
الامور جاهزة
والعقد قريب ابتسمع عنه
وبعدها بتشوف الغبار في الفنيطيس والنسافات اتحوس مثل النمل وبذكرك

 

[MUSAED77]

عندي سوالين :

1- اذا عندي ارض باسمي فقط. اقدر اخذ السبعين من التسليف او لازم احط اسم زوجتي معاي .

2- صج يقولون انه جميع المناطق الجديد الارتداد اللي جدام كل ارض الي الشارع 7 متر .

الرجاء الرد يكون للناس اللي متاكد من الجواب فقط .

ومشكورين ......

 

[المنظور الشامل]

مساعد 77 شلونك يالغالي

أرد عليك وقول اذا دخلت الأرض بأسمك بنك التسليف والزوجه مومسجله بالأرض عادي ما في مشاكل ومراح يطلبون تسجيلها وراح تاخذ السبعين ولكن اذا كانت مسجله بالأرض لزم حضورها لأخذ تواقيع عليها أو وجود وكاله .


وبالنسبة حق أرتدادات شرق القرين عامه حسب المخطط فيه شارع واحد 4 متر وفيه 100 متر حسب المخطط واذا عندك أرض أو أذا ناوي تشتري ارض خذ وثيقة الأرض روح أدارة المساحة بالبلدية الدور الأرضي راح ياخذون رسوم دينار ويطلعون لك الارتدادت والموقع بالضبط .

 

[MUSAED77]

مساعد 77 شلونك يالغالي

أرد عليك وقول اذا دخلت الأرض بأسمك بنك التسليف والزوجه مومسجله بالأرض عادي ما في مشاكل ومراح يطلبون تسجيلها وراح تاخذ السبعين ولكن اذا كانت مسجله بالأرض لزم حضورها لأخذ تواقيع عليها أو وجود وكاله .


وبالنسبة حق أرتدادات شرق القرين عامه حسب المخطط فيه شارع واحد 4 متر وفيه 100 متر حسب المخطط واذا عندك أرض أو أذا ناوي تشتري ارض خذ وثيقة الأرض روح أدارة المساحة بالبلدية الدور الأرضي راح ياخذون رسوم دينار ويطلعون لك الارتدادت والموقع بالضبط .

مشكور وماقصرت هلا بالغالي

بالنسبه الي الجواب الثاني انا ادري انه كل ارض حسب الموقع يكون لها ارتداد انا اقصد انه توهم حاطين قانون جديد انه بالنسبه للمناطق الجديد اللي يسولها بنيه تحتيه ان لا يقل الارتداد لكل ارض عن 7 متر .

احد عنده خبر عن هذا الموضوع

 

[foreman96]

يا شباب ليش مافي موضوع خاص عن منطقة المسيلة مثل الفنيطيس و ابوفطيره؟؟

 

[عذبي 71]

يا شباب ليش مافي موضوع خاص عن منطقة المسيلة مثل الفنيطيس و ابوفطيره؟؟

حياك الله يا الغالي وهالصفحة تناقش كل مناطق شرق القرين
وقد عرضنا فيها صور وفيديو عن المسيله مرارا وتحدثنا عن اسعارها
وتراخيصها والجار للجار والكل بالله

 

[q8-speed]

اخوي عذبي 71 ما تتوقع انه منطقة الفنيطيس انظلمت بخصوص تاخر البنية التحتية ولا شرايك ترا رايك يهمني ولا قصور بخوانه بالقيين

 

[عذبي 71]

اخوي عذبي 71 ما تتوقع انه منطقة الفنيطيس انظلمت بخصوص تاخر البنية التحتية ولا شرايك ترا رايك يهمني ولا قصور بخوانه بالقيين

أكبر ظلم
نعم فقد جهزت المناقصة للطرح بعد توقيع عقد المسيلة
ثم اجلت بسبب تقليص الميزانية
وحتى اليوم وهي في دهاليز الاشغال

 

[q8-speed]

يا اخ عذبي المشكلة اهالي المنطقة ساكتين كاتمين صوتهم ولا احد يقدر يوصل صوتهم لوزير الاشغال المحترم الدكتور فاضل صفر

ولا اعضاء مجلس الامة لا يسئلون عن المنطقة الفنيطيس ولا شئ

 

[عذبي 71]

يا كوايت سبيد
الناس تكلموا وايد
وكتبوا كتب
وقابلوا الوزير
وصار تدخل برلماني
لكن للاسف تعدد الجهات وتداخل المسؤليات والظروف الاقتصادية هي السبب بالتاخير
يوم تكلموا الناس وتدخلوا الكبار
البلدية ابدأوا بالازالة ثم وقفوا
وتحركو الناس مرة ثانية قاموا ونظفو المنطقة من الانقاض ووقفوا
وقاموا الناس وتكلموا مرة ثالثة قاموا جهزوا المناقصة لكن ما انطرحت
ومشت الايام الى شهر 6 وانطرحت المناقصة
هالرحلة الممله ووالحركة البطيئه والابر المسكنه هي اللي خلت الغقد يتأخر
لكن والعلم عند الله ان الاسابيع الجايه واذا ما استجد شي راح تسمع الاعلان عن العقد

 

[المنظور الشامل]

كويت أسبيد والله قلوبنا مع شرق القرين كافه لو في أخبر مراح نقصر راح نعلنه على طول تره بوفطيره مرة بصعاب حتى رأت البنية التحتية النور .

أنا أذكر أن أجراءات البنية التحتية حق الفنيطيس راح تكون قبل بوفطيره لكن ظروف طويله وعويصه وقفت عائق خذ مثلا :

- المسجد إلى نهدم وقامت الدنيا وما قعدت مع انه مهجور وما في كهرباء ومستغرب ليش بعض الاعضاء زودها يمكن لدغدغة مشاعر الناس ونسه ان المسجد هذا واقف عائق جدام مستقبل الناس لا وزيدك من الشعر بيت المسجد إلى يمه هم خايفين يهدونه وتقوم الدنيا وما تقعد مره ثانية .

- أذكر قبل فترة بعض الناس المتمرسين رفض التصاميم للمنطقه مما وقف عائق للمشروع .

- وفي ناس تقول أنه في واحد عنده أوراق تثبت أنه يملك 10 الف متر بالمنطقه مع أنه يوجد أشخاص شارين الاراضي من التجار .

كثير من الكلام تردد ونقال ...... لو تلاحظ أن منطقة الفنيطيس كان المضاربات قليل فيها ....... وانه احد التجار واعضاء الرابطه العقاريه عمل تمثيليه تدري شنو :

طلع اشاعه سنه 2006 أن البنية التحتية حق الفنيطيس وأبوفطيره راح تنجز وقد تبرع بأزالة الأنقاض لأيهام الناس بأن البنية التحتية على وشك الانجاز وقتها صارت المنطقه كلها مضاربات من الهامور الاكبر بيت التمويل إلي خبرك البشاوات الكبار لما طارت المنطقه وكانت وقتها ارض شارع واحد توصل 150 الف إلى 170 الف .

اخي العزيز كويت أسبيد خلنا نعيش الوقع الملموس وراح ابين بعض النقاط إلي لازم تحطها بالك :

1. هل تم رصد ميزانية من الباب المالي الثاني 2009 لمشروع البنية التحتية حق الفنيطيس .

2. لو نلاحظ أن المناقصه تأجلت ونطرحت من جديد وكانت شبه مبهمه والله يعلم الاسباب .

3. إلى يومك هذا ما وصل كتاب ترسيه حق الشركات الكسبانه .

4. شوف أخبار البلاد والناس حايسه ( أنفلونزا الخنازير - مصيبة مشرف والوزارة حايسه - مجلس الأمه متخبط وعلى وشك حل - قضية الديون إلي مراح تخلاص تره هذي الاسباب تلهي عن مشكلتنا .

ولد عمي خلنا أشوف أخبار تصاريح البناء وتنفيذها وأن شاء الله تكون صحيحه يمكن تصريحات رئيس مجلس الوزراء تكون مدوية وينفذون المشروع أو يمكن ينفذ مع أول حفره تحفر لبناء منزل ربك كريم .

تصدق يالغالي أنا كنت افضل تنجز البنية التحتية وبعدين يصير خير ما ودي تصير لنا مثل مشاكل جنوب السره وأشبيلية .

لكن أن شاء تسمع اخبار حلوه تسر خاطرك والحمدلله على كل شئ

 

[عذبي 71]

كم اشتقنا لكتابات هذا الرجل المشاكس المدعو بالمنظور الشامل
واليوم غرف لنا غرفة من كتاباتة ليبل بها شفاهنا الضامية
لكنها بالقطارة دائما فهل هو بخل ام حكمة استاذ ليلهف الاذان
ويشوق المنتظرين ...

عزيزي المنظور الشامل من جهتي فانا دائما اعيش الواقع
وبخصوص الفنيطيس اظن ان النار قد اوقدت والقدر قد عبئت بالرز والماء والادام
وبقي ان يركب القدر على النار
وإلا فالجياع سوف يمدون ايديهم الى القدر ويتناولون اللحم والرز ويأكلونه نيئا
وبعدها سيواجه الأخوة في وزارة الاشغال طوفان الغاضبين ونداءات الاهالي الذين
صرحت لهم البلدية بالبناء بقرار من رئيس الحكومة امر به وزرائه بالاسراع بتجهيز الخدمات
وتوصيل الكهرباء للمواطنين
واتمنى ان تكون الجهات الحكومية على مستوى من الكفاءة والقدرة لتنفيذ هذه القرارت
ولتعود حكومتنا لعصورها الذهبية وتكسب ثقة وحب الشارع الكويتي
فما رايك

 

[ودي اربح]

هلا والله بالربع

ما شاء الله كلكم مجمعين اشلونكم واشلون اموركم واشلون عروستنا الغالية

 

[MUSAED77]

مشكور وماقصرت هلا بالغالي

بالنسبه الي الجواب الثاني انا ادري انه كل ارض حسب الموقع يكون لها ارتداد انا اقصد انه توهم حاطين قانون جديد انه بالنسبه للمناطق الجديد اللي يسولها بنيه تحتيه ان لا يقل الارتداد لكل ارض عن 7 متر .

احد عنده خبر عن هذا الموضوع

للرفع

 

[المنظور الشامل]

والله يا عذبي بقولك شئ حطه بارسك بس مابي تروح ميولنا حق السياسة لكن بقولك شئ

( اذا الحكومة أيام العز وبرميل النفط عامل عمايله وصل حق أسعار خيالية ما حركوا ساكن وتقنعني الحين بعد أنخسافه إلى النص بيسون شئ ما أعتقد )

وايد مشاريع تأجلت وسبب المشكله الاقتصادية وكلنا نذكر هذا الشئ و أعلانه صفر على الملاء ، الحمدلله مشروعنا كان مرصوده بيزات جان احنا بعد رحنا جفي ....... قول الحمدلله .

بس الحمدلله في خبر قرأته حلو يقولون أن في محطه كهرباء جديده أعتقد بصبيه راح تخلص 2011 يعني مع قص شريط البيت يكون في كهرباء تغطي الحمدلله .

شباب محد لا حظ مدخل أبوفطيره من الفحيحيل أنا شفت أن الشارع العام بين قطعه 5 و 3 بدت ملامحة تبين .

 

[ابوفلجة]

يا شباب الصبر زين انا قلت واكرر ان المناقصة لمنطقة الفنيطيس ماشية والميزانية موجودة والأسعار معروفة بس المشكلة الروتين الحكومي القاتل والدوره المستندية للمناقصة بس الأكيد راح يتم توقيع العقد قريبا وتسليمها للمقاول. وبعدين للي عندة قسيمة وناوي يبني المفروض من الحين يبتدي يخطط للبيت عند مكتب هندسي ويطلع جميع التراخيص و يبني بعد 6 شهور من اليوم والأكيد انه ما يخلص البيت اللى والبنية التحتية خالصة يعني يبني بالتوازي مع بناء البنية التحتية للمنطقة.

 

[MUSAED77]

مشكور وماقصرت هلا بالغالي

بالنسبه الي الجواب الثاني انا ادري انه كل ارض حسب الموقع يكون لها ارتداد انا اقصد انه توهم حاطين قانون جديد انه بالنسبه للمناطق الجديد اللي يسولها بنيه تحتيه ان لا يقل الارتداد لكل ارض عن 7 متر .

احد عنده خبر عن هذا الموضوع

للرفع......................................................................................................................................................................