ابو فطيرة

[عذبي 71]

هلا ودي اربح الله يعطيك العافية ويبارك فيك ويحفظك لنا بس وانا اتابع البث المباشر دورت عليك مالقيتك كالمعتاد اتحوس واتصور؟؟

 

[ودي اربح]

موجود طال عمرك بس كنت قاط الكاميرا ولاهي بسياقت هالسيارة ما عرفت لها الا بطلعت الروح

 

[ودي اربح]

عذبي جريدتك يوم ويوم او شنو

 

[عذبي 71]

طال عمرك عطيت رئيس التحرير اجازة مفتوحة عشان نريحكم

 

[ودي اربح]

مو خوووش كلام والاشتراكات اكال من هالشق ليييه هالشق يعنى ؟؟؟

 

[عذبي 71]

كويت اسبيد مدير التوزيع راح يرجع لكم اشتراكاتكم..

 

[q8-speed]

كويت اسبيد مدير التوزيع راح يرجع لكم اشتراكاتكم..

هاهاهاهاهاهاهاها حلوووووه يا عذبي71

 

[عذبي 71]

ودي اربح لقيتلك هالعدد بدرج مكتب رئيس التحرير الظاهر سواه قبل لايسافر:

 

[q8-speed]

افا عذبي71 لايوجد اخبار عن الفنيطيس

 

[المنظور الشامل]

السلام عليكم

شلونكم شباب شرق القرين ..........أن شاء الله تكونون بصحه وعافيه .

تبون الصراحه مليت من كثر ما يسألوني اليهال ....يبا وين بيتنا ......كاهو .......يبه هذه بر وين البيت ....أن شاء الله صبروا جم سنه ويصير خير

والله يالربع أنا منقهر من أيام عمرنا إلي قاعد تروح وبدأت أحس باليأس ومشاكل وايد بدأت تتطلع وأحنا للحين بأول الطريج وأحس أنه اليوم بسنه عشان جذي بدأت تقل مشاركاتي بالموضوع أبي الأيام تعدي ........بس بصراحه ماقدرت ولهت عليكم .......وقلت حق نفسي أصبر وراح اصبر وانتو معاي أن شاء الله وهل الايام راح نذكرها حق عيال عيالنا .


وابي أهديكم أبيات شعر عن الصبر يمكن تشد من عزيمتكم


أجمل ما قيل في الصبــــر

قال عبدالله الحارثي :

اصبر على الدهر إن أصبحت منغمسا

بالضيق في لـجج تهوى الى لــجج

لا تيأسن إذا ما ضقت من فــــرج

يأتي به الله في الروحــــات والدلج

فما تجرع كــــأس الصبر معتصم

بالله إلا أتـــاه الله بالفـــــرج



قال مدرك الشيباني

مستعمل الصبر مقرون به الفرج

يشقى ويصبر والأبواب ترتتـج

حتى إذا بلغت مكنون غايتهــا

جاءتك تزهو في ظلمـائها السرج

فاصبر وادم واقرع الباب الذي طلعت

منه المطالـــع فالمغرى به يلج

بقــدرة الله فارج الله وارض به

فعن إرادته الغمــــاء تنفرج



قال أبو علي الأنباري

إذا اشتد عسر فارج يســـرا فإنه

قضى الله أن العسر يتبعه يســـر

إذا ما ألمت شدة فاصطبر لهـــا

فخير سلاح المرء في الشدة الصبر

وإني لأستحــيي من الله أن أرى

إلى غيره أشكو إذا مسني الضر

عسى فرج يـــأتي به الله إنه

له كل يوم في خليقته أمــــر

فكن عندما يأتي به الدهر حازما

صبورا فإن الخير مفتاحه صبر

فكم من هموم بعد طول تكشفت

وآخر معسور الأمور له يسر

قال علي بن أبي طالب كرم الله وجهه :
اصبر على مضض الادلاج في السحر

وفي الرواح الى الطاعات في البكر

إني رأيت وفي الأيـــــام تجربة

للصبر عاقبة محمودة الأثــــر

وقل من جد في أمــر يؤلمـــه

واتصحب الصبرإلا فاز بالظفــر



قال محمد بن بشر :
إن الأمور إذا استدت مسالكها

فالصبر يفتح منهـا كل مرتجـا

لا تيأسـن وإن طالت مطالبة

اذا استعنت بصبر أن ترى فرجا



وقال زهير بن أبي سلمة :
ثلاث يعز الصبر عند حلولهـا

ويذهل عنها عقل كل لبيب

خروج اضطرار من بلاد يحبها

وفرقة إخـوان وفقد حبيب


وقال آخر :


عليك بإظهـار التجلد للعــدا

ولا تظهرن منك الذبول فتحقرا

أما تنظر الريحان يشمم ناظرا

ويطرح في البيدا إذا ما تغيرا



قال آخر


الدهر أدبني والصبـر رباني

والقوت أقنعني واليأس أغناني

وحنكتني من الأيــام تجربة

حتى نهيت الذي قد كان ينهاني



قال آخر :


إذا ما أتاك الدهر يوما بنكبة

فافرغ لها صبرا ووسع لها صدرا

فإن تصاريف الزمان عجيبة

فيوما ترى يسرا ويوما ترى عسرا



قال آخر :


ما أحسن الصبر في الدنيا وأجمله

عند الإله وانجاه من الجزع

من شد بالصبر كفا عند مؤلمــة

ألوت يداه بحبل غير منقطع

 

[q8-speed]

يا مصبر الموعود الله كريم

 

[MUSAED77]

خوش شعر

 

[النجدي2007]

مشكور

 

[المنظور الشامل]

شباب بالمبارك تم فظ عطاء المرحله الثانية حق الجاره الفنيطيس وعقبال الترسية وتوقيع العقود .

موضوع المناقصة:
انشاء و انجاز و صيانة طرق و مجاري امطار و صحية و خدمات اخرى بمنطقة الفنيطيس ( المرحلة الثانية)
رقم المقاول اسم المقاول الحالة السبب اجمالي العرض
10112

الشركة الكويتية لبناء المعامل والمقاولات ش م ك م
مقبول مقبول 12240000.000
7583

شركة المد الأخضر للتجارة العامة والمقاولات ذ م م
مقبول مقبول 12980680.052
8044

شركة المقاولون العرب الكويتية ش م ك مقفلة
مقبول مقبول 12347401.300
6128

شركة الخليج المتحدة للإنشاء ذ م م
مقبول مقبول 11800000.000
9744

شركة برهان الدولية للإنشاءات ذ م م
مقبول مقبول 10838000.000

 

[ودي اربح]

مساكم الله بالخير يا الربع

 

[ودي اربح]

بيعنا بالسوق يا المنظور

طول بالك يا المنظور الشامل وتساهيل ان شاء الله المسئلة مسئلة وقت وقول الحمدالله انه الشغل الفعلى بدا بالمشروع وتقدر تكحل عيونك بكل يوم تمر شي جديد وخطوة جديدة ولا يضيق خلقك ابد يا المنظر من يسئلونك العيال بالعكس ودهم البر اللى تقول عنه وقولهم بيتنه هنية وقاعدين يشتغلون ووشوفوهم وبعد ان شاء الله فترة من الوقت بيكون بيتنه هينه واذا صعتوا فوق السطح بوريكم البحر واذا صار ارمضان نروح نحدق على اليال القريب من منطقتنا وقول حق ام العيال انه أأمن طريج وشارع بالكويت خط الفحاحيل دربج منه وقولهم اكو ناس للحين ما يدرون وين بيسكنون مو مثلنه وقولهم اكو منطقة يم الشاليهات بالخيران واكو ناس راح يسكنون هناك واكو على طريج الوفره ومينا عبدالله منطقة داخل البر وتبعد عن الخط السريع وام اليهيمان 22 كيلو متر واكو منطقة يم السكراب بالجهراء وقولهم اكو منطقة اسمها المطلاع قبل كنه نخيم فيها وهم فيه ناس راح تسكن عرفت اشلون يا ولد العم وقولهم انه الصبر زين وان شاء الله تقر عيونكم في بيتكم واخر الكلام الشكر لله والله يرزق الجميع ان شاء الله من نعيمه ومن صبر نال طال عمرك

 

[عذبي 71]

صدقت ياودي اربح
وماعليك من المنظور الشامل تراهو مستانس عالنطرة
ووده تاخذ حاصلها عشان يجمع بيزات البنيان الريال قايلي بعظمة كيبورده
انه بيبني 5 ادوار وسردابين وجمام سباحة وبحيرة خارجية وسلم كهربا
وقالي ما يبي يركب شتر موضه قديمة يقول طايحله على مقاول ياباني
يركب نظام تعاشق الجدران؟!
قلتله وش تعاشق الجدران يا المنظور قال هذا ستايل ياباني قديم ...
تقول حق الطوفه افتح ياسمسم... تفتح
وسكر يا سمسم... تسكر
لا شتر ولا خباريه..اثاريه هالولد فلته..
ماتقولي يا ودي اربح الريال ما يبيله كم سنه يجمع فليسات ويخطط ويعدل ويغير؟
بس الظاهر العيال يحنون عليه يبون يسافرون
وهو يتصيدد ويقول لهم توني شاري لكم بيت من وين اسفركم
يقولونله يبا وين البيت... يتوهق ..
مثلنه... كلنه نفس الحاله

 

[ودي اربح]

هلا بالغالي عذبي

اها هذي الغمنده قوووووووووووول جذيه

 

[المنظور الشامل]

بيعنا بالسوق يا المنظور

طول بالك يا المنظور الشامل وتساهيل ان شاء الله المسئلة مسئلة وقت وقول الحمدالله انه الشغل الفعلى بدا بالمشروع وتقدر تكحل عيونك بكل يوم تمر شي جديد وخطوة جديدة ولا يضيق خلقك ابد يا المنظر من يسئلونك العيال بالعكس ودهم البر اللى تقول عنه وقولهم بيتنه هنية وقاعدين يشتغلون ووشوفوهم وبعد ان شاء الله فترة من الوقت بيكون بيتنه هينه واذا صعتوا فوق السطح بوريكم البحر واذا صار ارمضان نروح نحدق على اليال القريب من منطقتنا وقول حق ام العيال انه أأمن طريج وشارع بالكويت خط الفحاحيل دربج منه وقولهم اكو ناس للحين ما يدرون وين بيسكنون مو مثلنه وقولهم اكو منطقة يم الشاليهات بالخيران واكو ناس راح يسكنون هناك واكو على طريج الوفره ومينا عبدالله منطقة داخل البر وتبعد عن الخط السريع وام اليهيمان 22 كيلو متر واكو منطقة يم السكراب بالجهراء وقولهم اكو منطقة اسمها المطلاع قبل كنه نخيم فيها وهم فيه ناس راح تسكن عرفت اشلون يا ولد العم وقولهم انه الصبر زين وان شاء الله تقر عيونكم في بيتكم واخر الكلام الشكر لله والله يرزق الجميع ان شاء الله من نعيمه ومن صبر نال طال عمرك

هلا بالغالي ودي أربح مشكور واشتريك بالغالي بعد عمري

صدقت ياودي اربح
وماعليك من المنظور الشامل تراهو مستانس عالنطرة
ووده تاخذ حاصلها عشان يجمع بيزات البنيان الريال قايلي بعظمة كيبورده
انه بيبني 5 ادوار وسردابين وجمام سباحة وبحيرة خارجية وسلم كهربا
وقالي ما يبي يركب شتر موضه قديمة يقول طايحله على مقاول ياباني
يركب نظام تعاشق الجدران؟!
قلتله وش تعاشق الجدران يا المنظور قال هذا ستايل ياباني قديم ...
تقول حق الطوفه افتح ياسمسم... تفتح
وسكر يا سمسم... تسكر
لا شتر ولا خباريه..اثاريه هالولد فلته..
ماتقولي يا ودي اربح الريال ما يبيله كم سنه يجمع فليسات ويخطط ويعدل ويغير؟
بس الظاهر العيال يحنون عليه يبون يسافرون
وهو يتصيدد ويقول لهم توني شاري لكم بيت من وين اسفركم
يقولونله يبا وين البيت... يتوهق ..
مثلنه... كلنه نفس الحاله

عذبي يوووز

 

[q8-speed]

مساكم الله بالخير يا رواد صفحة بوفطيرة الغالية