سؤال مهم جدا بخصوص ارض قديمة ..

[rahaly]

اخوي رحالي انا عمري مازعلت منك بالعكس مع انك وايد تشكك فينا وتتهمنا بالقص واللزق والاقتباس وهالشي جدا يجرح
وانشالله من احصل حكم راح احطه ومومعناه لما اطلب منك اشكك بكلامك لا لاتفهم غلط بس الهدف عشان الواحد يقتنع ويكون دليل ملموس بس انت وايد حساس وبسرعة تنرفز وتزعل
وتظل اخ كبير بعد ماعرفنا خبرتك واذا يضايقك النقاش معاي او مع اي احد ثاني لانها بوجهة نظرك الشخصية عقيمة مع انها بحدود القانون يسلم راسك بالنسبة لي راح اتجنب اي نقاش معاك واحترم رايك

لا فيونه لا تفهمين غلط ...
بالعكس احب اناقش وافيد واستفيد ..
بس عندنا مشكله في القسم

واحد يسأل سؤال ...

ما راح ينتظر لما نخلص نقاش ونجرة ويضيع بكثرة الكتابات ..

مفروض كل واحد يحط رأية .. وبيننا نتناقش على كيفنا ونطلب اللي نبي

مو نضيع معانا السائل ... هذا اللي ضايقني

لان ماكنا نتناقش بمواضيع بينا كنا نتناقش ونتناجر بمواضيع تخص غيرنا

وعندي عقيدة .. ان ممكن واحد اصغر منك واقل سنوات خبرة .. يعرف في مسألة معينة اكثر منك ... لان مارة عليه ودارسها وانت ما مرت عليك .. عادي

انا اول ما تدربت سألني مستشار كبير عن القانون البحري (يقول انه مو قاريه اربعين سنة وانا معلوماتي فريش من الجامعة)

عبالي يختبرني .... بس الحين افهم ان كلامه صح

وانا ما انتقص من احد ... ومن قال انني عالم فهو جاهل

بس راعوا الناس اللي معانا ...

واذا قسيت عليكم ... سامحوني ... كان لعذر كما ذكرت

والله يوفقكم جميعا

 

[fayoona74]

مانزعل منك يارحالي بالعكس النقاش معاك ممتع جدا اصلا وجودك بالمنتدى له نكهة وطعم وكلنا محتاجين نتعلم منك ونكون تلامذة عندك بس انت طول بالك شوي لاتصير وايد حساس وبسرعة تنرفز وبعدين صاحب المشكلة لما يحط مشكلته كل واحد فينا يكون حط رايه واهو يكون كون فكرة واكيد يسال اصحابه ومعارفه يبقا احنا مافيها شي نظل نتناقش بالعكس جدا صحي ومفيد النقاش ينشط المخ والذاكرة يعني باختصار خلنا نأذيك شوي ونطلع منك خبرات 26 سنة

 

[rahaly]

مانزعل منك يارحالي بالعكس النقاش معاك ممتع جدا اصلا وجودك بالمنتدى له نكهة وطعم وكلنا محتاجين نتعلم منك ونكون تلامذة عندك بس انت طول بالك شوي لاتصير وايد حساس وبسرعة تنرفز وبعدين صاحب المشكلة لما يحط مشكلته كل واحد فينا يكون حط رايه واهو يكون كون فكرة واكيد يسال اصحابه ومعارفه يبقا احنا مافيها شي نظل نتناقش بالعكس جدا صحي ومفيد النقاش ينشط المخ والذاكرة يعني باختصار خلنا نأذيك شوي ونطلع منك خبرات 26 سنة

بالعكس يا فيونة ... ما في زعل ان شاء الله
كان عتب واحنا اخوان

بس كانت طريقة النقاش تخلي الواحد ماله خلق يناقش ..
مو عشان النقاش نفسه .... بالعكس النقاش يثري
ولكن كل كلمة " ورنا حكم محكمة" !!!

مو حلوة

وانا ترا عندي مكتب والتزامات ... يعني اخلي شغلي وادورلكم الاحكام .. والا افيد السائل بالمعلومة عالسريع ؟

اوكي .... يعني عادة احنا المحامين لما نناقش وواحد يقول مر علي حكم ... نطلب ان يعطينا رقم الحكم لاننا فعلا نبي نستفيد واحنا اللي نروح نبحث عن الحكم

مو .. هم اخالفك بالراي .. وانت اللي اتعب وييبلي الاثبات ... في الوقت اللي انا نفسي ما عندي اثبات !!!

شلون ؟؟؟


عموما حصل خير ... ويالله عقبال النجرة القادمة

 

[الـكويـتي]

السلالام عليكم

اخوي محامي فالبلديه

واليوم انشالله يوصل من لندن وراح اخليه باجر او عقبه يتطلع على الموضوع وانشالله يقدر يفيدكم

 

[rahaly]

السلالام عليكم

اخوي محامي فالبلديه

واليوم انشالله يوصل من لندن وراح اخليه باجر او عقبه يتطلع على الموضوع وانشالله يقدر يفيدكم

ممتااااااز ... اعطيه السؤال والاجابات عشان نستفيد (((( كلناااا ))))

 

[rahaly]

خاااااص ... الى اختنا العزيزة ( المقاتلة) فيونة ..

عشان بس يهدأ بالج وترتاحين .. هذا مرفق لج حكم (ترا اسهل شي الواحد يطلع حكم ) ... بس والله عشانج باحطه والا ما كان لي نية ابد اني احط اي حكم

( عسى ما تقولين لازم حكم من مكتبك )

الحكم شنو يقول(الزبدة) ...
ان الاراضي داخل خط التنظيم تعتبر من الملكيات الخاصة التي يجوز تملكها(هذه القاعدة العامة) ... وعلى البلدية ان هي ادعت انها من املاك الدولة ان تثبت ذلك(يعني ليس بالضرورة ان تكون املاك دولة ويمكن للافراد الادعاء بالاراضي داخل خط التنظيم مثل ما سبق ان قلنا )

وعشان ما يلتبس عليج الامر

المحكمة حددت الاراضي بجنوب الدائري الخامس المقصون هي تلك الاراضي داخل خط التنظيم العام

راجعي كلامي + طابقيه مع الحكم = النتيجة

 

[fayoona74]

يعطيك العافية رحالي انت محامي 100%
وماختلف معاك ابدا اذا الاراضي عليها منازعة داخل خط التنظيم بين اشخاص لكن ارض دولة صعب اليوم كنت بنقاش مع واحد كان من ظمن اللي درسو واعدو مذكرات الدفاع للدولة بخصوص ادعاءات الملكية على الاراضي داخل خط التنظيم العام اتكلم عن اراضي الدولة طبعا قال رفعو دعاوى 5000 تقريبا خلال المواعيد ماكسب منهم الا 4 بس الاعداد تقريبية
والحالة المعروضة ممبين انها ارض دولة من رد الجهات لما قالوله بلها واشرب مايها ناهيك على ان مواعيد المطالبة فاتت القانون حدد سنة وحدة يعني بترفض القضية من الناحية الشكلية لفوات المواعيد وانا طالبة حكم من اللي خسرو وانشالله اذا حصلته احطه
ومشكور رحالي جد ماقصرت

 

[rahaly]

يعطيك العافية رحالي انت محامي 100%
وماختلف معاك ابدا اذا الاراضي عليها منازعة داخل خط التنظيم بين اشخاص لكن ارض دولة صعب اليوم كنت بنقاش مع واحد كان من ظمن اللي درسو واعدو مذكرات الدفاع للدولة بخصوص ادعاءات الملكية على الاراضي داخل خط التنظيم العام اتكلم عن اراضي الدولة طبعا قال رفعو دعاوى 5000 تقريبا خلال المواعيد ماكسب منهم الا 4 بس الاعداد تقريبية
والحالة المعروضة ممبين انها ارض دولة من رد الجهات لما قالوله بلها واشرب مايها ناهيك على ان مواعيد المطالبة فاتت القانون حدد سنة وحدة يعني بترفض القضية من الناحية الشكلية لفوات المواعيد وانا طالبة حكم من اللي خسرو وانشالله اذا حصلته احطه
ومشكور رحالي جد ماقصرت

لا لا لا لا ... لا تختلط عليج المسائل ...

انا اقولج شنو اللي صار ...

اللي صار وااااايد ناس عندها وثائق قديمة مالت ابوه او جده ...

مشكلة المشاكل في الاراضي القديمة ... الارشاد

اذا ما قدر يرشد عن محل الارضة ويرفع كروكي(مخطط) فيها .... سلامات .. انتهت القضية بالرفض

ومن زمان لما ايي واحد عندي في المكتب يقول عندي سند .. اقوله تقدر ترشد عن الارض .. يقول لأ .. اقوله بروز السند وعلقة في الديوانية تذكار


فالما صدر القانون 33/2000 الناس خافت من التقادم ... رفعت دعاوي على السندات وهم ما يعرفون اي شئ عن اراضيهم .. لان رسم العوى ندب خبير 5 دك

الحكومة انصدمت بكرة القضايا ...
محمد ضيف الله سرار (وزير البلدية وقتها) .. اصدر قانون يلزم المدعى بسداد الرسم عن قيمة الارض بعد تقديرها من قبل لجنة خبراء خاصة


الناس شافت ان الرسوم بالالاف .... تركوا قضاياهم

واللي كمل ... طبعا لان من اهم اركان القضية وضع اليد اكثر من 15 سنة .. او ان تكون الارض موجودة وليست مستغله من طرف اخر

فكلهم خسروا قضاياهم لانهم اصلا ما يعرفون عن اراضيهم شئ الا الورقة الا في ايدهم


وانا شخصيا حذرث ورثة عندي انهم ما يرفعون قضية لانهم ما يعرفون عن ارضهم ... قص عليهم واحد مصري في البلدية قالهم اساعدكم عشان ادليكم على ارض ابوكم(لها اجراءات .. مساح فني ... الخ)

النتيجة خسروا القضية .. والدولة الحين ماخذين عليهم حكم بمليونين دينااااار تقدير رسوم ...


يا فيونة ... يا عزيزتي ..

قاعد اعطيج معلومات ... هم بلاش .. وهم بدون اي جهد ولا تعب ..
ليش تدورين التعب عشان تكتشفين ان اللي قلتلج هو نفس اللي بتتعبين عليه ؟



وبالنسبة لقلك .. اراضي الدولة .. الحكم وااااااضح ... ماكو شئ اسمة اراضي الدولة داخل خط التنظيم العام ... اذا اثبت المدعي توافر الشروط الاخرى المطلوبة في اثبات الملكية

والا هم الحكم غلط ؟؟

 

[fayoona74]

لا العفو رحالي مافي شك بكلامك خاصة انك مار بالتجربة بس انا طبعي جذي احب اسال واعرف واطلع بنفسي
اليوم قاللي الشخص شي غريب ان اللي عندهم وثيقة عدساني يكون موقفهم اقوى وقال ان في ناس ادعت ان الشامية بكبرها ملكها ههههههه

 

[rahaly]

لا العفو رحالي مافي شك بكلامك خاصة انك مار بالتجربة بس انا طبعي جذي احب اسال واعرف واطلع بنفسي
اليوم قاللي الشخص شي غريب ان اللي عندهم وثيقة عدساني يكون موقفهم اقوى وقال ان في ناس ادعت ان الشامية بكبرها ملكها ههههههه

اغلب الوثايق القديمة عدسانية ... وما تفرق القصة

اذا مالت التسجيل العقاري ما تنقبل ... شلون العدسانية !!!!!

وقصة المناطق ... عادي

فعلا ترا في ناس شارية مناطق كاملة (ببلاش) ... بس اهملوها او ما قدروا يوصلون لحقهم

انا لو موجود ذاك الوقت .. جان اخذت ضاحية عبدالله السالم ...
وللحين ما بعتها ( نحاسة طبعا )

 

[ناصر فيصل]

اسال مجرب و لا تسال خبير

لنا ارض في جليب الشيوخ هبه من الشيخ صباح الناصر و قدمنا الطلب قبل اغلاق باب ادعاءات المطالبه باملاك الدولة و تم الاستدلال على الارض و كان هذا شي مهم و صعب و مساح و ارقام رموز المساحة و غيرها .

البلديه اقرت بالموقع و ان ليس هناك تداخل بيننا و بين ارض الاخرين لان هذا التداخل يلغي المطالبه .
الخبير تقريره معنا و رد ادعاء البلديه بانها ثمنت الارض لانه البلديه لم تقدم ما يثبت التثمين .

القاضي حكم بعدم ابداء الراي او شي مثل هذا و تم تحويلها للتميز و محكمة التميز لم تحكم بالموضوع لان البلديه تعتبر خصم شريف لانه حكومة
بس قضيه اخرى بنفس المحكمة اصدرت حكم جديد و هو التعويض .
محامينا طلب ان ترفع قضيه جديده طلب تعويض استناد على تقرير الخبير و حكم محكمة التمييز للقضيه المشابه .
صج بهدله و تعب و غيرنا ياخذ حق مو له سبحان الله .

 

[fayoona74]

بس سؤال يطرح نفسه شنو يعني وثيقة عدساني شتطلع

 

[rahaly]

بس سؤال يطرح نفسه شنو يعني وثيقة عدساني شتطلع

قديما .. كان التوثيق في الدولة قبل التسجيل العقاري
عند عيال العدساني (مدري شاسمه اول واحد واشهرهم)

هم يوثقون العقارات والاقرارت (يعني كاتب عدل )

 

[fayoona74]

اهاااا شكرا عالمعلومة

 

[rahaly]

لنا ارض في جليب الشيوخ هبه من الشيخ صباح الناصر و قدمنا الطلب قبل اغلاق باب ادعاءات المطالبه باملاك الدولة و تم الاستدلال على الارض و كان هذا شي مهم و صعب و مساح و ارقام رموز المساحة و غيرها .

البلديه اقرت بالموقع و ان ليس هناك تداخل بيننا و بين ارض الاخرين لان هذا التداخل يلغي المطالبه .
الخبير تقريره معنا و رد ادعاء البلديه بانها ثمنت الارض لانه البلديه لم تقدم ما يثبت التثمين .

القاضي حكم بعدم ابداء الراي او شي مثل هذا و تم تحويلها للتميز و محكمة التميز لم تحكم بالموضوع لان البلديه تعتبر خصم شريف لانه حكومة
بس قضيه اخرى بنفس المحكمة اصدرت حكم جديد و هو التعويض .
محامينا طلب ان ترفع قضيه جديده طلب تعويض استناد على تقرير الخبير و حكم محكمة التمييز للقضيه المشابه .
صج بهدله و تعب و غيرنا ياخذ حق مو له سبحان الله .

ياخوي اسمحلي في شئ الظاهر انت مو فاهمة في القضية

شلون البلدية تدعي ان الارض مستملكة وما تثبت ذلك ؟؟

مو معقولة !!

واجب عليها تقدم صيغة الاستملاك والقيمة .... الخ
واذا اثبت ان الارض مملوكة لكم ولم تبلغكم البلدية بصيغة الاستملاك فانها تعتبر قد غصيت الارض والمحكمة تعوضكم قيمة الارض عند تقديرها من قبل الخبير(اذا كانت الارض مملوكة لكم بالفعل وكان اسم المالك معلوم لدى البلدية) ..

ملاحظة .. التداخل لا يلغي المطالبة ... بل يثبت لكم مقدار الارض الغير متداخل مع الغير ... وبشرط ان يكون الغير ثابته ملكيته للارض

مدري شنو تقصد من عدم ابداء الرأي ؟؟
يمكن عدم قبول الدعوى ... وفعلا لكم حق بمطالبة البلدية مرة اخرى

واعتقد اللي صار ان البلدية استملك ارضكم دون اتباع الاجراءا تالسليمة ..
لذلك يريد محاميكم ان يطالب لكم بالتعويض

موفقين

 

[mojarib]

مشكورين والله يعطيكم العافيه ويجعلها في ميزان حسناتكم

بس السؤال الحين هل القضيه مضمونه؟

واذا خسرناها هل البلديه راح تطلعنا من الارض بعد كل هالسنين؟

شكر

 

[fayoona74]

اساسا اخوي مواعيد التقاضي طافت عليك كان في مهلة سنة ليش ماقدمت خلالها وحسب اقوال ناس معرفة كانو من ضمن اللي اعدو الدفع والدفوع عن الدولة قالو 4000 او 5000 4 منهم كسبو القضايا ضد الدولة العدد تقريبي طبعا
يعني اول شي راح ينكتب بالحكم رفض الدعوى لرفعها بعد الميعاد وهذا رايي الشخصي والله اعلم

 

[rahaly]

لا العفو رحالي مافي شك بكلامك خاصة انك مار بالتجربة بس انا طبعي جذي احب اسال واعرف واطلع بنفسي
اليوم قاللي الشخص شي غريب ان اللي عندهم وثيقة عدساني يكون موقفهم اقوى وقال ان في ناس ادعت ان الشامية بكبرها ملكها ههههههه

فيونة ...
كنتي سألتي عن الوثيقة العدسانية ..
اليوم بالصدفه قاعد ارتب بعض الملفات لقيت عدسانية ... بس قديمة جدا لان بعدها كانت تطلع كأنها وثيقة مرتبه اكثر .. اذا لقيت وحده احطها لج

 

[fayoona74]

مشكوووووووووووور رحالي والله مكتبك يصلح متحف

 

[rahaly]

لاحظي ان البيع بالريال .... طبعا مو سعودي لان ما ظهر ذاك الوقت

الريال .... يسمونه ريال فرانسة ... وهو اعتقد اصله نمساوي او هولندي ... نسيت بس الارجح انه نمساوي