زيادة فى الايجار

[rahaly]

لا بالعكس مايزعل مافيها شي نستفيد من ناس سبقونا بالتجربة ليش لا النبي سليمان تعلم من النملة هذا مافي انتقاص من قدر الانسان ان يسأل عادي خلك متواضع يارحالي بالنسبة لي حتى اقل انسان لو القا عنده معلومة وسابقني بتجربة صدقني اسالة وماتحرج من هالشي

معاج كل الحق نتعلم من اللي سبقونا ... وما فيها تكبر ابداااا

بس اذا كان بامكاني اصل الى المعلومة بمجهودي وبسرعة من خلال خبرتي

ليش الغي عقلي واستعمل عقل غيري ؟؟؟

وبما انج تقولين اني الجأ الى من سبقوني في التجربة

الحمدالله ما عندي احد في المكتب سابقني بالتجربة انا اقدمهم

 

[fayoona74]

ومن قال تستعمل عقل غيرك يعني لما تستشير تصير لغيت عقلك
ماخاب من استشار ولا ندم من استخار

 

[rahaly]

ومن قال تستعمل عقل غيرك يعني لما تستشير تصير لغيت عقلك
ماخاب من استشار ولا ندم من استخار

ما خاب من استشار ... بامور ثانية

شلون استشير وانا شغلي هو البحث عن الاجابة والتساؤل ؟!!!!

الفقه امامي في الكتب ونصوص القانون واحكام التمييز

................ يبقى البحث ... لازم انا اقوم فيه

واذا المسألة ماره علي ما احتاج حتى ابحث عنها

.................. تبقى مسألة مهمة ........

بعد العمل في مجال القانون وخصوصا المحاماة لفترة طويلة

تتكون لدى المحامي (( الملكة القانونية )) ...

مستحيل يلم ويحفظ ويعرف جميع النصوص

لكنه اذا تم سؤاله .. ما رأيك في كذا ؟؟
يعرف ان هذا يجوز وذاك لا يجوز قانونا ( بنسبة صحة عالية جدا) حتى لو ما مرت عليه النصوص القانونية في نفس الموضوع

الله يرزقنا وياج ... هالمَلَكة

( ما رديتي على الخطأ الطبي ؟؟ لا يكون زعلتي ؟؟ )

 

[أمير بطيبتي]

<<<< يتاابع من بعيد
وتررى الاستشاااره ماافيهاا شي يمكن انت بحثت عن معلللومه معيينه وغيررك بحث عن معللومه اخررره شالمشكله اذا اخذة معللووومة غيررك
واللي فهمته من احد ردودك انك تووك متخرج صاارلك سنه واانت اقدم وااحد شللووون
ااسمحلى ااذاا اللي تقوووله صج ماااحتررامى لك المكتب اللي تشتغل فيه لايث

وااذاا تبي تصير محاامي ولك زبااينك ااشتغل عند محااامي صح ومع الوقت رااح تمسك قضااايااا ويجووونك نااس بالاسم وافتح بعدهااا مكتب امااا شيل وحط على طوول مااينفع

وصج سؤااال يطررح نفسه انت خررريج اي جااامعه لان كل جاامعه تخررج طاالب ومعروف مستوااهم الفكررري يعنى طلاب مصر صج ماايدمون بس يدرسووون كذا جاامعه وليس الكل بس معلوماات اللي درس بمصر افضل من اللي درس بالاردن يدومون بس اقسااام قاانون مرتشين ؟؟؟

 

[fayoona74]

اقول رحالي اذا صج عمرك 22 اخذها نصيحة من اخت كبيرة لك
غير سياستك بالحياة وخلك متواضع مو زين اللي يسمع نفسه بس
استشير من هم اكثر منك خبرة ومارين بتجارب ترا مافيها شي بالعكس هذي اللي تخليك تتطور
اذا الرسول (ص) كان يستشير بعد اكو احسن من الرسول
شوف امير بطيبتي متواضع ويستشير بس لو مايكرر الاحرف اااااااااااا ووووووووو

 

[rahaly]

اقول رحالي اذا صج عمرك 22 اخذها نصيحة من اخت كبيرة لك
غير سياستك بالحياة وخلك متواضع مو زين اللي يسمع نفسه بس
استشير من هم اكثر منك خبرة ومارين بتجارب ترا مافيها شي بالعكس هذي اللي تخليك تتطور
اذا الرسول (ص) كان يستشير بعد اكو احسن من الرسول
شوف امير بطيبتي متواضع ويستشير بس لو مايكرر الاحرف اااااااااااا ووووووووو

ذبحنا بحرف الالف .. غوشت عيونا

فيونة .. احمد الله اللي من علي بالتواضع

بس انا اشوي متعصب لفكرة الكويتي اللي لازم يشتغل ويدرس ويبحث

خلونا من الغشمرة
انا لله الحمد محامي قديم (مثل ما انا اشوف )

وعلمني استاذي ومعلمي ومحاميي من اول ما اشتغلت اني اكتب بنفسي وابحث .... وكنت ازعل على المحامين اللي ادربهم لما اشوفه بيختصر الطريق وياخذ المعلومة من المستشار

وما افبل بالاستعانة بكتب الصيغ القانونية للصحف !!

شلون محامي يغش !!!

لازم يقرأ ويبحث ويجتهد ..

انا القضية اصلا قمت اخذها مزاج ... لاني حاب ابحث فيها واكتبها بنفسي

مو مثل بعض المحامين ... قص ولصق

وانا ماني احسن من الكل .. لكن احسن من الكثير اللي عمره ما كتب صحيفة ولا مذكرة ولا طعن !!!

شلون محامي ما يكتب ؟؟

هذا يعتبر شريطي محامين


الله يوفق الجميع ... بس في اصول للمهنة مستحيل الواحد يتنازل عنها

 

[fayoona74]

انت عنيد هذا اللي اكتشفته وراسك يابس بعد
الحين شكو الغش وشكو انك تكتب بنفسك وشكو كويتي وشكو قص ولزق بانك تستشير
لاحظ ا س ت ش ا ر ة
لاتمنع انك تبدع ولا تمنعك انك تجتهد ولا تمنعك انك تكتب باسلوبك وبطريقتك
خو بعد الواحد لازم يستشير حتى على الصعيد الشخصي مايسوي الشي وبس حتى بالبيت قبل ماتركب ارضية تسأل شلون هالرخام وشلون تجربتك يافلان بالباركيه

 

[rahaly]

انت عنيد هذا اللي اكتشفته وراسك يابس بعد
الحين شكو الغش وشكو انك تكتب بنفسك وشكو كويتي وشكو قص ولزق بانك تستشير
لاحظ ا س ت ش ا ر ة
لاتمنع انك تبدع ولا تمنعك انك تجتهد ولا تمنعك انك تكتب باسلوبك وبطريقتك
خو بعد الواحد لازم يستشير حتى على الصعيد الشخصي مايسوي الشي وبس حتى بالبيت قبل ماتركب ارضية تسأل شلون هالرخام وشلون تجربتك يافلان بالباركيه

ماشي خلينا حصريا بالاستشارة ...

مدري انتي اذا مو مشتغله محامية صراحة ما اقدر اوصلج المعلومة ..
لان تحتاج واحد مجرب ... (غير الوزارات اللي يحتاجون يستشيرون اللي قبلهم الى اخر يوم في عملهم )

اذا عرضت علي قضية ...
فرضا ما اعرف سندها القانوني

افتح القانون .. بعدها احكام التمييز(تسهل علينا الوصول للمواد ورأي الفقه) بعدين الفقه القانوني(اذا احتجناه) .... خلاص

بالله عليج ... شنو احتاج المستشار فيه ؟؟؟؟

ماشي ... قد احتاجه في اجابه سريعه انا مو ماره علي... اقوله مر عليك كذا ...

اما بالطالعة والنازلة اسأل المسشار ... شنو انا بقال وهو قانوني !!!!

 

[fayoona74]

وليش يعني بالطالعة والنازلة
مثلا رايك مع احترامي له بان اذا في تعديل بند العقد يسوون عقد يديد من واقع خبرتي الطويلة بالعقود وبكل انواعها مالها وجود بالقانون ولا احد قانوني سواها من قبل
يعني عشان جذي قلت لك استشير صاحب خبرة ماقلت لك نام واصحى على راي مستشار وترا اشوف المهن الثانية القانونية طايحة من عينك مادري ليش مع ان في وايد قانونيين مبدعين وفاهمين مثل مافي وايد محامين مايدرون وين الله قاطهم يعني الزين والشين بكل مهنة تلقاه

 

[rahaly]

وليش يعني بالطالعة والنازلة
مثلا رايك مع احترامي له بان اذا في تعديل بند العقد يسوون عقد يديد من واقع خبرتي الطويلة بالعقود وبكل انواعها مالها وجود بالقانون ولا احد قانوني سواها من قبل
يعني عشان جذي قلت لك استشير صاحب خبرة ماقلت لك نام واصحى على راي مستشار وترا اشوف المهن الثانية القانونية طايحة من عينك مادري ليش مع ان في وايد قانونيين مبدعين وفاهمين مثل مافي وايد محامين مايدرون وين الله قاطهم يعني الزين والشين بكل مهنة تلقاه

فيونة ... ترا انا ما قللت من اي مهنه قانونية ثانية ... !!

بس قاعد اكرر ان شغل المحاماة يختلف عن المهن الثانية ... طبيعتها غير

يعني انا ترا ساعات امشي عقد فيه بنود مو من صالح موكلي مثلا ... بس من الناحية العملية لازم امشيه والا يفقد الصفقة بينما احتمال الرجوع عليه في الشئ اللي مو من صالحة تكون قليلة جداااا


محامين الحكومة ... يمشون بالمللي ... ما يطوفون هالاشياء لان هذا يعرضهم للمساءلة كموظفين في الدولة .... صح ..؟؟

في فرق كبير


اما بخصوص العقد ... انا قاعد اقولج عن الواقع العملي ...

صاحب البناية يشق العقد القديم ويكتب عقد جديد ...
قانونا راح يعتبر عقد جديد ...

اما الدولة ... راح تحط ملحق وملحق وملحق !!!

في فرق بين الحكومة والافراد يا ستي

 

[fayoona74]

خل عنك حكومة وخاص
اصول تعديل العقد يكون بملحق مو اشق عقد واسوي يديد شنو لعب كل يوم عقد
بعد هم باجر بعدل بند اسوي عقد يديد وهذي حالتنا كل يوم عقد
ترا اتعامل بعقود خاصة ايجارات وغيرها عمري ماسوي عقد يديد احب الاصول بالتعامل بالقانون
عادي وايد اشياء تصير بالواقع وتمشي بس مو معناه ان صح
وترا صغرت الصورة عشان نفتك من لسان بعض الناس

 

[rahaly]

خل عنك حكومة وخاص
اصول تعديل العقد يكون بملحق مو اشق عقد واسوي يديد شنو لعب كل يوم عقد
بعد هم باجر بعدل بند اسوي عقد يديد وهذي حالتنا كل يوم عقد
ترا اتعامل بعقود خاصة ايجارات وغيرها عمري ماسوي عقد يديد احب الاصول بالتعامل بالقانون
عادي وايد اشياء تصير بالواقع وتمشي بس مو معناه ان صح
وترا صغرت الصورة عشان نفتك من لسان بعض الناس

اولا مشكورة على تصغير الصورة وفرتي علينا وقت تحميل الصفحة

ثانيا ... شكلج بخيله خايفة تخسرين ورقة عقد

ثالثا ... مدام اذا من الممكن نسوي الطريقتين .. وتؤدي لنفس النتيجة(مثلا) .. ليش ما نختصر الاوراق وزيادة الكتابات والاحتياطات والاشارات للعقود السابقة ................................. ونغير ورقة العقد الى جديدة ؟؟

 

[fayoona74]

الجواب باختصار لان مو اجراء صحيح ويتعارض مع اصول ابرام العقود والتعديل عليها بعدين التبذير مو زين اقتصد بالورق