شركة أبيـار للتطوير العقاري (أبيـــار) ... 3

[البورصه مرض]

اجمعين يارب اميييين الحمد الله كافي ان ابيار متي ماتبي تبيع تقدر تبيع بس تدري الواحد لازم يتحلطم شوي

 

[As You Like]

رجعت حليمة لعادتها القديمة

​

 

[البورصه مرض]

ول ول ول ول شنو هذا

 

[البورصه مرض]

شكله راح يرجعه 102 متي الفرج متي

 

[البورصه مرض]

الحمد الله 108 الله كريم ان شاء الله

 

[nabhaan79]

قط آخر دقايق على 106

وتسكيره وهميه إنزين على الأقل إخذ 80 ألف سهم وهمي ليش الجعاصه

واحد من الفاهمين يشوفلنا شالسالفه مع هالسهم

بس بصراحه الطمع مع هالسهم أكبر غلط

 

[Winchester SX3]

باجر ناطره عالــ 102 إن شاء الله

والبيعه 108 بإذن الله تعالى

 

[Borsagi]

باجر ناطره عالــ 102 إن شاء الله

والبيعه 108 بإذن الله تعالى

وأنا بعد وياك يا طويل العمر

هذا السهم ما ينفع فيه إلا " اضرب واهرب" :d:d

وتحياتي للجميع

 

[Winchester SX3]

وأنا بعد وياك يا طويل العمر

هذا السهم ما ينفع فيه إلا " اضرب واهرب" :d:d

وتحياتي للجميع

وزيد عليهم

عدم الطمع

 

[بوعابد]

اذا تبون النصيحه انا اشوف طريقة تداولة تصريف واخذوا الحذر واعتبروها نصيحه وليست دعوة للبيع وبالتوفيق

 

[Winchester SX3]

اذا تبون النصيحه انا اشوف طريقة تداولة تصريف واخذوا الحذر واعتبروها نصيحه وليست دعوة للبيع وبالتوفيق

طرقية تداوله مضاربه قويه حيل

يخمط 25,000,000 وبيعهم بتكتين او ثلاث ويكيش وما يطول
تداول امس 102 + 104 + 106
كيش امس 110 واليوم 110 + 108 + 106
باجر اعتقد بنزله لي 104 او 102 بالكثير ومو بعيده نشوف 110 او 112

لا تنسى انه اهو عنده حموله 98 + 99 + 100
انت حاول تصيده

اخذ معاه وبيع بتكه او تكتين ان الله سهل
لا تطمع لا تطمع لا تطمع

 

[hamanooosa]

دربك خضر يا ابيار

 

[(طموح وقنوع)]

صانع السوق قاعد يتوهنا
هل نعتبر 108 دعم ام مقاومه
الحكم على حسب المتداول
اللي يملك وربحان يجني ربحه افضل ومايتحسف اذا صعد
اللي يملك وخسران مضطر ينطر
اللي بره الدخول مخطور باسعار عاليه حتى تتضح الصوره

دخول بال100 او 102 لاباس فيه
​

 

[محب التوحيد]

بسم الله الرحمن الرحيم

الأخوة الكرام/

السلام عليكم ورحمة الله وبركاته

كـمـيـات عـقـود الآجـل.

انخفضت كميات عقود الآجل في التداولات الماضية ليصل الى 19.840 مليون سهم.

الـرسـم الـبـيـانـي.

الـتـحـلـيـل الـتـقـنـي.



1-sar : القطع المكافئ "إيقاف و تراجع".

نشاهد في الرسم oooo خضراء اللون مما يعني أن السهم ما يزال يشهد عمليات شراء .

2- خـطـوط الـفـيـبـونـاتـشـي:

السهم عند مستوى الـ 61.80% وهو خط الفيبوناتشي الأقوى سعر 108 فلس، وللآن لم يستطع صانع السوق أن يحول هذا الخط القوي الى خط دعم قوي، لأن هذا الخط الآن يسير بين الدعم والمقاومة فتارة نراه خط دعم وتارة أخرى خط مقاومة، وهذا دليل على أن هناك من يحاول المحافظة على سعر السهم فوق مستوى الـ 108 فلس.

توقعات لمسار السهم في التداولات القادمة - والله أعلم- .

1- خط المقاومة للسهم 112 فلس وخط الدعم 104 فلس.

2-اذا حافظ السهم على دعم 108 فلس فان السهم قد يتجه لمستويات سعرية جديدة.

هذه المشاركة ليست دعوة للبيع ولا للشراء ولا للتمسك بالسهم وانما هي تحليل قابل للصواب وقابل للخطأ.

والله تعالى أعلم

ونسأل الله البركة في مالنا آمين

وجزاكم الله خيرا

والسلام عليكم ورحمة الله وبركاته

 

[ميكانيكي]

اهم مقاومه 112

ان كسرها بيغرد

 

[ابو فهد 777]

مشكورين يامحلليينا على هذا الجهد الرائع جعلها الله فى موازين اعمالكم

 

[بوغازي 2]

بااذن الله راح نشوف اسعار جديده

 

[خليفه111]

مشكورين علي التحليل

 

[com]

السلام عليكم في اعتقادي ان السهم قد انتهاء من تكوين الكوب وبقي العروه كما هو مبين في الشارت وانا اعتقد ان صانع السوق يتعمد هذا النموذج واذا تكونت العروه كما هو متوقع في الايام القليله القادمه سوف نرى السهم فوق 120 فلس والعلم عند الله سوف ننتظر نهاية هذا الاسبوع لنرى ماذا في جعبة صانع السوق هذا والعلم عند الله

 

[ابوعبدالله لابتوب]

اهم مقاومه 112

ان كسرها بيغرد

صحيح 112 بيغرد ولكن مع غير هذا السهم لسرعة جني الارباح عليه مو مخلي فرصه للناس تترزق الله فيه دوروا لكم سهم انشط منه أو دوسوا ببطونهم مضاربه معاهم خل يملون إذا قطوا قطوا معاهم دشوا دشوا وهكذا العب بال 10 فلوس من 100 إلى 110 خلك جمبازي معاه وإذا دش على 112 أمسك اعصابك شوي